Wenger hrifinn af Rússlandi

Arsene Wenger, stjóri Arsenal, er staddur á Evrópumótinu og fylgist grannt með gangi mála. Hann segir að rússneska landsliðið hafi komið sér skemmtilega á óvart og er heillaður af spilamennsku liðsins.

„Það er gaman að fylgjast með rússneska liðinu því maður hefur lítið séð til leikmanna þeirra. Maður þekkir flesta leikmenn í öðrum liðum en Rússland hefur komið manni skemmtilega á óvart," segir Wenger.

Andrei Arshavin er meðal leikmanna Rússlands sem hefur vakið mikla athygli en hann hefur verið orðaður við Arsenal. „Maður hugsar auðvitað alltaf út í það hvaða leikmenn geta styrkt Arsenal meðan maður horfir á þessa leiki," segir Wenger.