Blackpool vann óvæntan 3-1 sigur á Tottenham

Tottenham óð í færum á Bloomfield Road í kvöld en það voru heimamenn í Blackpool sem skoruðu mörkin og unnu óvæntan 3-1 stórsigur. Tottenham var búið að vinna þrjá deildarleiki í röð og hafði ekki tapað nema einum af síðustu fimmtán leikjum sínum í ensku úrvalsdeildinni.

Lyon og Real Madrid gerðu 1-1 jafntefli í Frakklandi

Súperskipting Jose Mourinho virtist vera að létta Lyon-álögunum af Real Madrid en Frakkarnir náðu að tryggja sér 1-1 jafntefli átta mínútum fyrir leikslok í fyrri leik liðanna í sextán liða úrslitum Meistaradeildarinnar í kvöld. Varamaðurinn Karim Benzema kom Real yfir á móti sínum gömlu félögum en Bafetimbi Gomis skoraði jöfnunarmark Lyon.

Anelka með tvö mörk og Chelsea í flottum málum

Chelsea er komið með annan fótinn í átta liða úrslit Meistaradeildarinnar eftir 2-0 sigur á danska liðinu FC Kaupmannahöfn á Parken í kvöld. Þetta var fyrri leikur liðanna í 16 liða úrslitunum en sá seinni fer síðan fram á Stamford Bridge 16. mars.

Fjölnir vann lífsnauðsynlegan sigur á Snæfelli

Fjölnir vann gríðarlega mikilvægan sigur í baráttunni fyrir lífi sínu í Iceland Express deild kvenna í körfubolta í kvöld þegar Fjölnisstelpur unnu ellefu stiga sigur á toppliði B-deildar, Snæfelli, í Grafarvogi, 67-56. Snæfell tapaði þarna sínum öðrum leik í röð en liðið er samt enn á toppi B-deildarinnar með sextán stig eða átta stigum meira en Fjölnir sem komst upp að hlið Grindavíkur með þessum sigri.

Arshavin afar sáttur með sigurmarkið sitt á móti Barcelona

Rússinn Andrey Arshavin býst alveg eins við því að hans verði minnst fyrir sigurmarkið sem hann skoraði á móti Barcelona í Meistaradeildinni í síðustu viku. Þetta var fyrri leikur liðanna í sextán liða úrslitum en sá seinni fer fram eftir tvær vikur.

Nick Bradford aftur til Grindavíkur

Víkurfréttir segja frá því á vefsíðu sinni í kvöld að Nick Bradford sé á leiðinni til Grindavíkur og muni klára tímabilið með liðinu. Bradford fór á kostum með Grindavíkurliðinu veturinn 2008 til 2009 en hann þekkir allt körfuboltaáhugafólk á Íslandi endaer Bradford búinn að spila hér mörgum sinnum á síðasta áratug.

Ally McCoist tekur við Rangers-liðinu af Walter Smith

Ally McCoist mun taka við stjórastöðunni hjá skoska liðinu Rangers þegar Walter Smith hættir í vor. Þetta tilkynnti félagið í dag. McCoist sem er 48 ára gamall hefur verið aðstoðarmaður Smith frá því í janúar 2007 og það hefur lengi stefnt í það að McCoist fengi starfið.

Xavi frá í sjö til tíu daga - ætti að ná Arsenal-leiknum

Barcelona verður án miðjumannsins Xavi Hernandez á næstunni vegna meiðsla sem leikmaðurinn varð fyrir um helgina. Xavi fór í myndatöku í gær og þar kom í ljós að hann hafði rifið vöðva í vinstri fæti. Meiðslin teljast þó ekki vera mjög alvarleg.

Real Madrid vill líka fá Rodwell

Það verður væntanlega hart barist um þjónustu Jack Rodwell, leikmanns Everton, næstu misserin en þrjú risalið vilja öll fá hann í sínar raðir.

Pétur Georg Markan vantar leikskilning

Í excel-skjali sem Vísir hefur undir höndum má finna stöðumat leikmanna Víkings í Pepsi-deildinni. Matið er gert af þjálfaranum, Leifi Garðarssyni, og var fyrir slysni sent á alla leikmenn liðsins.

Szmal lagðist undir hnífinn

Þýska úrvalsdeildarfélagið Rhein-Neckar Löwen, sem Guðmundur Guðmundsson þjálfar, verður án pólska markvarðarins Slawomir Szmal næstu vikurnar.

Ingólfur Sigurðsson fer aftur í KR

Ingólfur Sigurðsson hefur ákveðið að ganga til liðs við KR að nýju en hann var leystur undan samningi við hollenska félagið Heerenveen á dögunum og var í kjölfarið orðaður við æskufélag sitt Val. Ingólfur mun hinsvegar spila með KR-ingum í Pepsi-deild karla í sumar. Þetta kemur fram á heimasíðu KR-inga.

Reynt að kúga fé út úr eiginkonu Rooney

Coleen Rooney, eiginkona Wayne Rooney, lenti í óskemmtilegri reynslu á dögunum þegar þrír óvandaðir einstaklingar reyndu að kúga úr henni fé.

Massa telur ekki hægt bera keppinautanna saman

Felipe Massa hjá Ferrari náði besta aksturstímanum á Barcelona brautinni í gær og besta tímanum sem náðist á fjögurra daga æfingum Formúlu 1 liða á brautinni, sem lauk í gær. En fyrsti æfingadagurinn var á föstudag og einnig var ekið um helgina.

Var þetta mark eða ekki hjá Barcelona? - myndband

Leikmenn og þjálfari Barcelona brugðust illa við þegar mark, sem liðið virtist skora undir lok leiksins gegn Rhein-Neckar Löwen, var ekki dæmt löglegt.

Anderson líklega frá í tvo mánuði

Man. Utd verður án fjölda leikmanna í Meistaradeildinni á morgun en þá sækir United lið Marseille heim í sextán liða úrslitum keppninnar. United verður meðal annars án þeirra Ryan Giggs, Rio Ferdinand og Anderson.

Woods mætir Björn í fyrstu umferð í Arizona

Flestir af bestu kylfingum heims eru mættir til æfinga í Arizona í Bandaríkjunum þar sem að heimsmótið í holukeppni hefst á fimmtudaginn. Tiger Woods er á meðal keppenda og mætir hann Dananum Thomas Björn í fyrstu umferð. Alls eru 64 kylfingar á mótinu og er þeim skipt upp í fjóra riðla og eru 16 kylfingar í hverjum riðli.

Nasri fer ekki frá Arsenal fyrr en hann hefur unnið titil

Frakkinn Samir Nasri hjá Arsenal hefur lagt allar samningaviðræður á hilluna fram á næsta sumar og segir að nú sé kominn tími til að vinna titil.

Redknapp: Beckham hlýtur að lifa ótrúlegu lífi

Harry Redknapp, stjóri Tottenham, var afar svekktur með að geta ekkert nýtt David Beckham síðustu vikurnar. Þá æfði Beckham með liðinu en Spurs fékk samt ekki að nota hann eins og félagið hafi vonast til þar sem LA Galaxy vildi ekki lána leikmanninn.

Sverre framlengdi við Grosswallstadt

Landsliðsmaðurinn Sverre Andreas Jakobsson hefur framlengt samningi sínum við þýska félagið Grosswallstadt til ársins 2013.

Mourinho: Ég elska Chelsea

Portúgalinn José Mourinho, þjálfari Real Madrid, hefur ekki gleymt tíma sínum hjá Chelsea og hann sagði við Sky Sports að hann elskaði félagið.

Toure: City getur orðið betra lið en Barcelona

Yaya Toure, fyrrum leikmaður Barcelona og núverandi leikmaður Man. City, er ekki að spara yfirlýsingarnar en hann hefur nú lýst því yfir að Man. City geti orðið betra lið en Barcelona.

Terry: Verðum að sýna að við séum menn en ekki mýs

John Terry, fyrirliði Chelsea, hefur fengið nóg af slæmu gengi liðsins undanfarnar vikur og segir að leikmenn liðsins verði að herða róðurinn ef þeir ætla sér að bjarga tímabilinu.

Anthony farinn til NY Knicks

Eftir margra vikna pælingar um hvar Carmelo Anthony myndi enda hefur loksins verið staðfest að hann sé á leiðinni til NY Knicks.

FH-ingar fóru illa með toppliðið - myndir

FH-ingar sýndu styrk sinn í gær þegar liðið vann sannfærandi sjö marka sigur á toppliði Akureyrar í 15. umferð N1 deild karla. Forskot Norðanmanna á toppnum minnkaði þó ekkert þar sem hvorki Fram eða HK tókst að vinna sína leiki.

Valsmenn mæta á góðu skriði í Höllina - myndir

Valsmenn unnu sinn þriðja leik á rúmri viku þegar liðið sótti tvö stig í Digarnesið í gærkvöldi. Valur vann þá 32-28 sigur á HK og endaði þriggja leikja sigurgöngu heimamanna sem höfðu ekki tapað leik á árinu 2011.

Gunnar Andrésson: "Liðsheildin skóp sigurinn“

Ég er mjög ánægður með þetta enda flottur leikur hjá okkur. Búið að vera andlega erfitt hjá okkur, búnir að tapa 5 leikjum með einu marki í vetur og svo höfum við verið lélegir eftir áramót,“ sagði Gunnar Andrésson þjálfari Aftureldingar eftir 32-26 sigur liðsins gegn Fram í kvöld í N1 –deild karla í handbolta.

Meiri spenna komin í N1 deild karla - allir markaskorarar kvöldsins

Það færðist meiri spenna í N1 deild karla eftir fimmtándu umferðina í kvöld þar sem að topplið Akureyrar steinlá í Hafnarfirði , Valsmenn nálguðust liðin í fjórða og fimmta sæti og Mosfellingar unnu óvæntan sigur í Safamýri.

FH-ingar unnu sjö marka sigur á toppliði Akureyrar

FH vann sjö marka stórsigur á Akureyri, 30-23, í N1 deild karla í Kaplakrika í kvöld en þetta var þriðji leikur liðanna á einni viku og höfðu Norðanmenn unnið hina tvo. Eftir jafnan fyrri hálfleik tóku FH-ingar öll völd í seinni hálfleiknum sem þeir unnu 17-11 og fögnuðu því sínum fyrsta sigri á móti Akureyri í vetur.

Grönkjær: Abramovich kom stundum inn í klefa en sagði ekki orð

Jesper Grönkjær verður í sviðsljósinu með FC Kaupamannahöfn í Meistaradeildinni á morgun en liðið mætir þá hans gömlu félögum í Chelsea í fyrri leik liðanna í sextán liða úrslitunum.

Leyton Orient leikmennirnir unnu sér inn ferð til Las Vegas

Leikmenn Leyton Orient fögnuðu jafnteflinu á móti Arsenal í ensku bikarkeppninni í gær eins og þeir hefðu verið að tryggja sér sæti í næstu umferð. Stjórnarformaðurinn var líka nánast ánægðari með jafntefli en hann hefði verið með sigur því Leyton Orient bíður annar leikur á móti Arsenal á Emirates sem mun redda öllum fjárhagsvandræðum félagsins í ár.

Reynir Þór: "Þurfum að fara í ítarlega naflaskoðun“

Reynir Þór Reynisson þjálfari Fram var allt annað en sáttur eftir tapleikinn í kvöld gegn Aftureldingu, 32-26. Þriðja tapið í röð staðreynd og Framarar voru í einu orði sagt mjög slakir í kvöld.

Umfjöllun: Óvæntur sigur Mosfellinga í Safamýrinni

Afturelding sigraði óvænt í Safamýrinni í kvöld 26-32, í 15.umferð N1-deildar karla. Sigur Mosfellinga var aldrei í hættu og var síst of stór. Atkvæðamestir í liði Aftureldingar voru þeir Jóhann Jóhannsson með 10 mörk og Hilmar Stefánsson með sjö, Hafþór Einarsson var öflugur í markinu og varði 18 skot. Hjá heimamönnum var Andri Berg Haraldsson með 10 mörk og Magnús Gunnar Erlendsson varði 21 skot.

Kia Joorabchain ætlar að reyna að koma Tevez í brasilíska boltann

Kia Joorabchain hefur verið maðurinn á bak við öll stóru félagsskiptin hjá Argentínumanninum Carlos Tevez á undanförnum árum og nú er hann farinn að vinna í því að koma Tevez í brasilíska boltann.

West Ham komið í átta liða úrslit enska bikarsins

West Ham tryggði sér leik á móti Stoke í átta liða úrslitum enska bikarsins með öruggum 5-1 sigri á b-deildarliði Burnley á Upton Park í kvöld. Burnley-liðið beit frá sér í fyrri hálfleik en í þeim seinni tók West Ham öll völd á vellinum og tryggði sér sannfærandi sigur.

Mosfellingar unnu Framara í Safamýri

Afturelding vann óvæntan sigur á Fram í Safamýri í N1 deild karla í kvöld. Mosfellingar höfðu tapað fyrstu þremur leikjum sínum eftir HM-frí en unnu sex marka sigur á Fram í kvöld, 32-26.

Valsmenn stoppuðu sigurgöngu HK-inga

Valur vann fjögurra marka sigur á HK, 32-28, í N1 deild karla í kvöld en leikurinn fór fram á heimavelli HK í Digranesi. HK átti möguleika á því að komast upp í annað sætið með sigri en dettur þess í stað niður í fjórða sætið.

Sebastian í marki Selfyssinga í jafntefli á móti Haukum

Sebastian Alexandersson, 41 árs þjálfari Selfyssinga, tók fram skóna og fór í markið þegar Selfoss gerði 31-31 jafntefli á móti Haukum á Selfossi í N1 deild karla í kvöld.

Kristján Arason: Þetta er á réttri leið

„Það var kominn tími á að vinna þá,“ sagði Kristján Arason, þjálfari FH, eftir að liðið vann sigur á toppliði Akureyrar í N1-deildinni í kvöld. Liðin mættust tvívegis á Akureyri í síðustu viku og unnu heimamenn þá báða leikina.

Guðlaugur: Menn farnir að hugsa um helgina

„Þetta gekk ekki. Við áttum einfaldlega mjög dapran seinni hálfleik,“ sagði Guðlaugur Arnarsson, leikmaður Akureyrar, eftir að liðið tapaði fyrir FH í Kaplakrikanum í kvöld. Þetta var í þriðja sinn á rúmri viku sem liðin mætast en Akureyri vann hina tvo leikina.

Ótrúleg afmælishátíð hjá Hajduk Split

Króatíski klúbburinn Hajduk Split átti þann 13. febrúar síðastliðinn 100 ára afmæli og var mikið um fagnaðarlæti í bænum Split.

37 íslensk stig í Stjörnuleiknum í Svíþjóð - Logi í sigurliði

Logi Gunnarsson og félagar í Suðurliðinu höfðu betur á móti Hlyni Bæringssyni og Jakobi Sigurðarsyni í Norðurliðinu í Stjörnuleik sænska körfuboltans í kvöld. Logi skoraði fimmtán stig í 128-117 sigri en Jakob var með fjórtán stig og Hlynur skoraði átta stig.

Kálfinn enn til vandræða hjá Van der Vaart

Hollendingurinn Rafael van der Vaart er enn á ný meiddur og mun ekki vera með Tottenham á móti Blackpool í ensku úrvalsdeildinni á morgun. Van der Vaart er aftur meiddur á kálfa en þessi þráðlátu kálfameiðsli hafa háð honum allt þetta tímabil.

FIA styður ákvörðun um að keppa ekki í Barein

FIA, alþjóða bílasambandið styður ákvörðun þeirra sem hafa með Formúlu 1 mótshaldið í í Barein að gera, þess efnis að hætta við Formúlu 1 mótið sem átti að vera í Barein þann 13. mars. FIA sendi frá sér yfirlýsingu þess efnis síðdegis í dag. Ekki er ljóst hvort mótið verður á dagskrá síðar á árinu.

Jakob tapaði naumlega í þriggja stiga skotkeppninni

Stjörnuleikurinn í sænsku úrvalsdeildinni í körfubolta fer fram í kvöld og þar verða þrír íslenskir leikmenn í aðalhlutverki: Hlynur Bæringsson, Jakob Sigurðarson og Logi Gunnarsson. Stjörnuleikurinn fer fram í Sundsvall eða á heimavelli Hlyns og Jakobs.