Þriðjungur af Taílandi er undir vatni

Um þriðjungur af Taílandi er nú undir vatni eftir mestu flóð í landinu á síðustu 50 árum.

Dvínandi vonir um að fólk finnist á lífi

Sex manns var bjargað úr rústum húsa á jarðskjálftasvæðinu í austanverðu Tyrklandi í gær. Fjórum var bjargað úr rústum sama húss eftir að einn þeirra náði að hringja eftir hjálp úr farsíma sínum og greina frá því hvar hann var. Tveir til viðbótar fundust eftir að hafa verið grafnir undir braki í 27 klukkustundir.

Forsætisráðherra Zimbabwe styður samkynhneigða

Forsætisráðherra Zimbabwe, Morgan Tsvangirai, hefur lýst yfir stuðningi sínum við málstað samkynhneigðra. Þetta sagði hann í viðtali á BBC í dag.

130 mótmælendur handteknir í Chicago

Lögreglan í Chicago handtók 130 mótmælendur í dag sem neituðu að yfirgefa útivistarsvæði í borginni.

Tilræðismaður leiddur fyrir dómara

Maður sem sakaður er um að hafa skipulagt morðtilræði á hendur erindreka Sádí-Arabíu í Bandaríkjunum var leiddur fyrir dómara í New York í dag. Hann neitaði öllum sökum.

Brenndi lúxusbíla í Berlín

Lögreglan í Berlín hefur handtekið 27 ára mann fyrir að hafa kveikt í yfir 100 bílum. Óttast var að árásirnar væru pólitískar en svo reyndist ekki.

Nýjar ásakanir á hendur Týmósjenkó

Yfirvöld í Úkraínu tilkynntu í dag að fyrrverandi forsætisráðherra landsins, Júlía Týmósjenkó, væri á ný undir rannsókn yfirvalda.

Óhugnanlegt morð í Skotlandi

Rannsókn er hafinn á dauða skotans Stuart Walker. Lík hans fannst á iðnaðarsvæði í Cumnock, Skotlandi í gær.

Google hannar leitarforrit fyrir hamfarasvæði

Í kjölfarið á jarðskjálftanum á Tyrklandi í gær hefur Google gefið út sérstakt leitarforrit.

WikiLeaks gerir hlé á starfi sínu

Uppljóstrunarsíðan WikiLeaks ætlar að hætta tímabundið að birta gögn á vef sínum vegna peningaskorts. Aðstandendur vefsíðunnar segja að sökum þess að kreditkortafyrirtæki hafi ekki viljað miðla peningafærslum til WikiLeaks hafi þeir tapað tugum milljóna dala. Samkvæmt frásögn Daily Telegraph tilkynnti Julian Assange þetta á blaðamannafundi klukkan eitt í dag.

Lík stuðningsmanna Gaddafi finnast á hóteli

Mannréttindavaktin tilkynnti í dag að lík 53 manna hefðu fundist á hótelherbergi í Sirte í Líbíu. Hótelið var undir stjórn byltingarhermanna sem börðust í borginni.

Will Ferrell heiðraður

Grínleikarinn Will Ferrell hlaut í gær hin virtu Mark Twain verðlaun í gær.

Tölvuþrjótar fella barnaklámshring

Tölvuþrjótasamtökin Anonymous segjast hafa afhjúpað risavaxinn barnaklámshring.

Sendiherra Bandaríkjanna yfirgefur Sýrland

Sendiherra Bandaríkjanna í Sýrlandi, Robert Ford, hefur yfirgefið landið.

Góður árangur í baráttunni við lömunarveiki

Heilbrigðisráðherra Indlands, Ghulam Nabi Azad, sagði í dag að Indland hafi aldrei verið jafn nálægt því að útrýma lömunarveiki og nú.

Skyldmenni raðmorðingja játar morð

Unglingur í Ástralíu hefur játað að hafa myrt góðvin sinn með exi. Pilturinn er skyldmenni Ástralska raðmorðingjans Ivan Milats.

Jobs vildi tortíma Android

Steve Jobs, fyrrverandi forstjóri Apple, sagðist vilja tortíma Android-stýrikerfinu og að hann myndi ekki hika við að eyða öllu fjármagni Apple til að ná því fram. Þetta kemur fram í óútgefinni ævisögu Jobs.

Yfirvöld í Tælandi búa sig undir hið versta

Yfirvöld í Tælandi telja að flóðin þar í landi muni standa yfir í nokkrar vikur í viðbót. Íbúum og fyrirtækjum er sagt að búa sig undir hið versta.

Viðræður um kjarnorkuáætlun Norður-Kóreu hefjast

Diplómatar frá Bandaríkjunum og Norður-Kóreu hittast í dag í Genf til að ræða um kjarnorkuáætlun asíuríkisins.

Vill að sharialögin gildi í Líbíu

Mustafa Abdel Jalil núverandi leiðtogi bráðabirgðastjórnar Líbíu segir að íslömsku sharialögin eigi að mynda grundvöllinn að nýrri stjórnarskrá landsins.

Toppfundi ESB frestað fram á miðvikudag

Niðurstaða toppfundar Evrópuleiðtoganna um helgina var að fresta fundinum fram á miðvikudag í þessari viku.

Besta viský heimsins kemur frá Wick

Maltviský sem bruggað er í afskekktasta brugghúsi Skotlands hefur verið valið besta viský heimsins af Viskýbiblíu Jim Murray.

Sarkozy og Cameron rifust eins og hundur og köttur

Til harðra orðasskipta kom milli NIcolas Sarkozy Frakklandsforseta og David Cameron forsætisráðherra Bretlands á toppfundi Evrópuleiðtoganna um helgina.

Fernandez endurkjörin forseti Argentínu

Christina Fernandez var endurkjörin forseti Argentínu með miklum yfirburðum í forsetakosningunum í gær.

Stórfjölskylda: Á 94 börn með 39 konum

Stærsta stórfjölskylda heimsins býr í Indlandi. Fjölskyldufaðurinn á 94 börn með 39 konum.Þar sem barnabörnin eru orðin 33 talsins telur þessi stórfjölskylda í allt 181 einstakling.

Yfir 200 látnir í jarðskjálftunum í Tyrklandi

Tala látinna í jarðskjálftunum í Tyrklandi í gærdag er komin yfir 200 og um 1.100 manns hafa slasast. Björgunarsveitir og almennir borgarar í borgunum Ercis og Van hafa unnið hörðum höndum í alla nótt við að bjarga fólki úr húsarústum í borginni en yfir 1.000 byggingar í henni hrundu til grunna.

Malaría er á hægu undanhaldi í heiminum

Umtalsverður árangur hefur náðst í baráttunni gegn malaríu á síðustu árum, að því er fram kemur í nýrri skýrslu frá Alþjóðaheilbrigðisstofnuninni (WHO).

Fyrstu frjálsu kosningarnar

Fyrstu frjálsu kosningarnar í Túnis fóru fram í gær og var kjörsóknin meiri en búist hafði verið við. Kosið var úr hópi 217 þingmanna um hverjir þeirra mynduðu nýja bráðabirgðaríkisstjórn og semdu í framhaldinu nýja stjórnarskrá fyrir landið.

Finnar verða gestgjafar

Finnar verða gestgjafar á ráðstefnu á næsta ári sem miðar að því að Mið-Austurlönd verði án kjarnorkuvopna og annarra gjöreyðingarvopna. Tillaga þess efnis var lögð fram af arabaríkjum hjá Sameinuðu þjóðunum í fyrra til að þrýsta á Ísraela að losa sig við kjarnorkuvopnaforða sinn.Ekki er vitað hversu stór hann er en sumir telja að þeir hafi yfir að ráða áttatíu kjarnaoddum. Ísraelar hafa hingað til sagt að til að slíkt vopnabann yrði að veruleika þyrfti friður að ríkja á milli arabaríkja og Ísraela. - fb

Féll til jarðar í Suðaustur-Asíu

Gamall þýskur rannsóknargervihnöttur féll til jarðar einhvers staðar í Suðaustur-Asíu í gær, að sögn bandarískra vísindamanna. Allt samband hafði rofnað við hnöttinn ROSAT, sem var 2,4 tonn að þyngd og þaut í kringum jörðina á 90 mínútna fresti.

Jarðskjálfti í Tyrklandi - hús hrundu

Að minnsta kosti fimmtíu slösuðust þegar harðar jarðskjálfti, sem mældist 7,3 stig, skók austurhluta Tyrklands rétt fyrir hádegi í dag. Upptök skjálftans voru við borgina Van, við landamæri Íran, en fjölmiðlar í landinu segja að hús hafi hrunið í miðborginni. Mikil skelfing greip um sig meðal íbúa en engar fréttir hafa borist af manntjóni. Nokkrir eftirskjálftar fylgdu í kjölfarið og mældist sá stærsti 5,6 stig. Jarðskjálftar í landinu eru nokkuð algengir vegna brotabelta sem liggja undir landinu. Árið 1999 létust 20 þúsund manns þegar tveir stórir skjálftar skóku norðvesturhluta landsins.

Gaddafí var skotinn í höfuðið

Krufning á líki Gaddafis, fyrrum einræðisherra í Líbýu, sýnir að hann var skotinn í höfuðið. Á fimmtudaginn birtust hrikalegar myndir í fjölmiðlum um allan heim af Gaddafi í haldi uppreisnarmanna í Líbýu nær dauða en lífi. Á myndunum sást þessi fyrrum einræðisherra alblóðugur og illa farinn. Skömmu síðar var hann svo látinn. Krufning sem framkvæmd var á líki hans í morgun sýnir að banameinið var byssuskot í höfuðið. Réttarmeinafræðingarnir, sem krufðu lík Gaddafis, vildu ekki tjá sig um það hvort Gaddafi hafi látist í átökum eða verið skotinn af mjög stuttu færi. Hvorki erlendir fulltrúar né óháðir aðilar fengu að fylgjast með krufningunni. Mannréttindaskrifstofa Sameinuðu þjóðjanna og mannúðarsamtök eins og Amnesty vilja að dauði Gaddafis verði rannsakaður. Gaddafi var í heimabæ sínum Sirte þegar uppreisnarmenn fönguðu hann. Þeir höfðu þá setið um borgina í margar vikur en undanfarið hefur Gaddafi varist þeim í nokkrum víggirtum húsum ásamt stuðningsmönnum sínum. Með dauða Gaddafis lauk stríðinu í Líbýu sem staðið hafði í átta mánuði. Landsmenn hafa fangað ákaft á götum úti síðustu daga og hefur verið boðað til sérstakrar frelsishátíðar í dag.

Lést eftir hákarlaárás

Þrjátíu og tveggja ára bandarískur kafari lést af sárum sínum eftir að hvítahákarl réðst á hann undan ströndum vestur-Ástralíu í morgun.

Fjölskylda Gaddafís vill fá líkið - óvíst hvort krufning fari fram

Krufning á líki Muammars Gaddafis, fyrrum leiðtoga Líbíu, á að fara fram í dag í borginni Misrata. Fréttir eru hins vegar misvísandi af því hvort krufningin muni verði heimiluð af bráðabirgðastjórn uppreisnarmanna.

Játuðu innbrot

Þrír piltar á aldrinum 17 til 21 árs hafa viðurkennt að hafa brotist þrisvar sinnum inn í sömu verslunina á höfuðborgarsvæðinu og stolið tölvum og tölvubúnaði. Tekist hefur að endurheimta þýfið að stærstum hluta og hefur því verið komið aftur í réttar hendur.

Allir hermenn farnir frá Írak fyrir árslok

Allir bandarískir hermenn í Írak verða kvaddir heim fyrir lok ársins. Þetta tilkynnti Barack Obama, forseti Bandaríkjanna, í dag. Næstum níu ár eru liðin frá því að George W. Bush, þáverandi forseti, skipulagði innrás inn í landið.

Auglýsingum ætlað að uppræta ofbeldi gegn konum

Hönnuðir frá Danmörku, Kosovo og Frakklandi unnu þrenn helstu verðlaunin í keppni Sameinuðu þjóðanna í Evrópu um bestu auglýsinguna í þágu baráttunnar við að uppræta ofbeldi gegn konum. Íslenski hönnuðurinn Elsa Nielsen komst í hóp þrjátíu bestu. "Ofbeldi er ekki alltaf sýnilegt“ eftir danska hönnuðinn Trine Sejthen var besta auglýsingin að mati dómnefndar en "Komdu fram við mig eins og konu“ eftir listamanninn Gjoke Gojani frá Kosovo sigraði í kosningu almennings. Þá sigraði Raphaelle Moreau í flokki keppenda undir 25 ára aldri með auglýsinguna "Orð“.

Krefjast rannsóknar á drápi Gaddafís

Kanna þarf aðdragandann að því þegar Múammar Gaddafí fyrrverandi einræðisherra Líbíu var tekinn af lífi í gær. Þetta segir talsmaður mannréttindaskrifstofu Sameinuðu þjóðanna. Óljóst er enn hvernig dauða hans bar að og segir talsmaðurinn mikilvægt að skera úr um hvort hann hafi hlotið banasár sín í bardaga eða eftir að hann var handsamaður.

Hætta á að allt fari í bál og brand í Líbíu að nýju

Gífurleg vinna bíður næstu stjórnar Líbíu, bæði pólitíkst og efnahagslega. Lítið má út af bera til að allt fari í bál og brand í landinu að nýju.

Ekkert samband milli farsíma og krabbameins í heila

Ný rannsókn leiðir í ljós að ekkert samband er á milli farsímanotkunnar og krabbameins í heila.

Ostur sú vara sem mest er stolið úr verslunum

Ostur er sú vara sem mest er stolið úr verslunum í Evrópu. Þetta er niðurstaða rannsóknar sem unnin var á vegum Center for Retail Research.

Gaddafi grafinn á leynilegum stað í dag

Ákveðið hefur verið að grafa Muammar Gaddafi fyrrum leiðtoga Líbíu á leynilegum stað í dag. Þetta kemur fram í máli talsmanns bráðabirgðastjórnar Líbíu í samtali við norska blaðið Verdens Gang.

Suzanne Bjerrehuus hneykslar Dani að nýju

Danska rithöfundinum og leikkonunni Suzanne Bjerrehuus hefur aftur tekist að valda mikilli hneykslun meðal landa sinna.

ETA segjast hætt öllu vopnaskaki

ETA, aðskilnaðarhreyfing Baska, batt í gær enda á vopnaða sjálfstæðisbaráttu sem staðið hefur í 43 ár og kostað 829 mannslíf.

Chavez segist vera orðinn frískur

Hugo Chavez, forseti Venezuela, sagðist vera laus við krabbamein eftir að hann sneri heim frá læknisskoðun á Kúbu. Hann hefur verið í erfiðum lyfjameðferðum upp á síðkastið og fór í skurðaðgerð fyrir fjórum mánuðum,eftir því sem fram kemur á fréttavef BBC. Chavez segir að meðferðin hafi gengið vel. „Ég er laus við öll veikindi," sagði Chavez við íbúa Venesúela eftir að hann kom til bæjarins La Fria í vesturhluta Venesúela.