Joe Wilson áminntur

Fulltrúadeildin á bandarískaþinginu undir forystu demókrata áminnti í kvöld þingmann repúblikana sem æpti „Þú lýgur!" að Barack Obama þegar sá síðarnefndi varði umbætur sínar í heilbrigðiskerfinu í ræðu í síðustu viku.

Lundúnabúar skattpíndir í kjölfar íslenska bankahrunsins

Íbúar Westminster í miðborg Lundúna þurfa á næstunni að borga sérstaklega fyrir að láta fjarlægja stóra hluti á borð við sófa eða ísskápa af heimilum heimilum sínum. Þjónustan hefur hingað til verið endurgjaldslaus og hafa íbúar hverfisins átt kost á að láta fjarlægja stóra hluti þrisvar sinnum á ári. Þetta var tekið upp vegna þess að íbúar hverfisins höfðu í auknum mæli tekið upp á að henda rusli út á götur til þess að losna við það.

Tólf ára gömul stúlka lést af barnsförum

Tólf ára gömul stúlka frá Jemen lést eftir að hún hafði reynt í þrjá daga að fæða barn.

Meint stolið bréf frá Jacqueline Kennedy komið í leitirnar

Bandaríska alríkislögreglan hefur lagt hald á handskrifað bréf frá Jacqueline Kennedy, ekkju Johns F. Kennedy, fyrrum Bandaríkjaforseta, sem hún sendi Ethel Kennedy, ekkju Roberts, mágs síns, eftir að hann var skotinn til bana árið 1968.

Viðskiptaráðherra Japans fyrrum lögga með 6. dan í aikido

Næsti viðskiptaráðherra Japans er fyrrverandi lögreglumaður á áttræðisaldri.

Verkmannaflokkurinn og Hægriflokkurinn bættu mest við sig

Þriggja flokka samsteypustjórn Noregs hélt velli eftir að kosningum til Stórþingsins lauk í gær en ekki mátti þó miklu muna.

Dauði Jacksons lífseigt umræðuefni

Ekkert lát er á umræðum um dauða Michaels Jackson og nú stígur Deepak Chopra, andlegur ráðgjafi og sjálfshjálparmeistari ýmissa frægra einstaklinga, þar á meðal Jacksons, fram og ræðir málið við blaðamann Telegraph.

Al Qaeda-liði drepinn í þyrluárás

Sérsveitir Bandaríkjahers drápu al Qaeda-liðann Saleh Ali Saleh Nabhan í þyrluárás í Suður-Sómalíu í gær.

John Gotti yngri ákærður í fjórða sinn

John Gotti yngri, sonur og alnafni eins alræmdasta mafíuforingja Bandaríkjanna, er nú fyrir rétti í New York, ákærður fyrir fjárkúgun og svik af ýmsu tagi.

Patrick Swayze er allur

Bandaríski leikarinn Patrick Swayze er látinn, 57 ára að aldri, og var banamein hans krabbamein í brisi sem hann hafði glímt við síðan snemma árs í fyrra.

Stoltenberg sigraði

Þegar búið er að telja tæp 99% atkvæða í þingkosningunum í Noregi er ljóst að Verkamannaflokkurinn hefur bætt við sig þremur þingmönnum. Flokkurinn undir forystu Jens Stoltenberg heldur því velli en það hefur ekki gerst í landinu í 16 ár.

Spyr stanslaust um föður sinn

Prince Michael Jackson II, sjö ára gamall sonur Michael Jacksons á erfitt með að sætta sig við fráfall föður síns. Hann spyr stanslaust hvar faðir sinn sé á milli þess sem hann grætur inni í herbergi.

Rannsaka hugsanlega hryðjuverkastarfsemi í New York

Lögreglan í New York rannsakar nú hugsanlega hryðjuverkastarfsemi í Queenshverfinu þar í borg. Það var talsmaður lögreglunnar sem greindi frá þessu nú í kvöld.

Rukkað inn í grasagarð í Edinborg vegna Kaupthings

Gestir The Royal Botanic Garden í Edinborg gætu þurft að greiða 4 punda aðgöngugjald í garðinn vegna falls íslensku bankanna. Garðurinn á í fjárhagslegum erfiðleikum en hann átti 1,09 milljón pund í Kaupthing Singer & Friedlander sem fór í greiðslustöðvun í október síðast liðnum. Þetta kemur fram í skoskum fjölmiðlum í dag.

Stjórnin heldur líklega velli

Mikil spenna ríkir í Noregi vegna þingkosninganna þar í landi. Samkvæmt kosningaspá sem norska ríkissjónvarpið birti nú í kvöld þegar kjörstöðum var lokað virðist stjórnin halda velli. Samkvæmt spánni fengu stjórnarflokkarnir 86 þingsæti og stjórnarandstaðan 83.

Allt bendir til þess að stjórnin haldi velli í Noregi

Nýjustu skoðanakannanir í Noregi benda til þess að þriggja flokka samsteypustjórn Jens Stoltenbergs fái þægilegan meirihluta á Stórþinginu en þingkosningar fara fram í landinu í dag.

Kenningar Darwins of umdeildar fyrir Bandaríkjamenn

Framleiðendur bresku bíómyndarinnar Creation sem fjallar um ævi og störf Charles Darwin eru í vandræðum þar sem þeim hefur ekki tekist að finna dreifingaraðila að myndinni í Bandaríkjunum. Þar á bæ þykir efnið of eldfimt, en Darwin setti fyrstur manna fram þróunarkenninguna svokölluðu í bókinni Uppruni tegundanna.

Mömmu Ágústar úthýst af YouTube

YouTube myndskeið, þar sem ung dönsk kona auglýsir eftir barnsföður sínum, hefur vakið mikla eftirtekt í Danmörku að undanförnu. Nú hefur danska ferðamálastofan, VisitDenmark, fjarlægt myndskeiðið af YouTube.

Rússar lána Venesúelamönnum fyrir vopnum

Rússar hafa fallist á að lána Venesúelamönnum rúmlega tvo milljarða dollara til vopnakaupa.

Helstu menn Hollywood saman í mynd

Þrjár hasarmyndahetjur sameina krafta sína í kvikmynd, sem frumsýnd verður næsta sumar og hefur vakið mikla eftirvæntingu.

Deilur um hund enduðu með hnífstungu

Tæplega fimmtugur Dani stakk mann um þrítugt í magann í gærkvöldi eftir deilur um hund þess fyrrnefnda sem hann var að viðra.

Handtekinn eftir tíu bankarán

Maður, sem grunaður er um að hafa rænt tíu banka í fjórum ríkjum Bandaríkjanna, var handtekinn í Missouri á laugardaginn. Fyrrverandi lögreglumaður, sem látið hefur af störfum fyrir aldurs sakir, sá ræningjann á vegahóteli í borginni Kingdom.

Á sjöunda hundrað handteknir í Úganda

Að minnsta kosti 640 manns voru handteknir og fjórtán týndu lífinu í óeirðum í Kampala, höfuðborg Austur-Afríkuríkisins Úganda, um helgina.

Bin Laden ávarpar Bandaríkjamenn

Barack Obama er ófær um að stöðva stríðsátök í Afganistan. Þetta segir Osama bin Laden í hljóðupptöku sem hann kallar ávarp til bandarísku þjóðarinnar og var gert opinbert af fjölmiðlaarmi al Qaeda-hryðjuverkasamtakanna um helgina.

Elsta kona Bandaríkjanna er stuðningsmaður Boston Red Sox

Mary Josephine Ray sem talin er vera elsta núlifandi kona Bandaríkjanna er mikill stuðningsmaður hafnaboltaliðsins Boston Red Sox. Mary fæddist 17. maí 1895 og er því 114 ára gömul. Japanska konan Kama Chinen sem er sögð elsta konan heims fæddist í byrjun maí sama ár. Mary sem er búsett í New Hampshire veit um fátt betra en ís og súkkulaðikossana frá Hershey's.

Faðir Grænu byltingarinnar látinn

Margir sérfræðingar eru þeirrar skoðunar að með grænu byltingunni hafi verið komið í veg fyrir alheims hungursneyð á síðari hluta tuttugustu aldarinnar.

Leiðtogarnir takast á í kappræðum

Angela Merkel, kanslari Þýskalands og leiðtogi kristilegra demókrata, mætir Frank Walter Steinmeier, utanríkisráðherra og leiðtogi jafnaðarmanna, í kappræðum í kvöld. Þjóðverjar ganga til þingkosninga eftir hálfan mánuð.

Schwarzenegger minntist fallinna slökkviliðsmanna

Í dag fór fram minningarathöfn í Los Angeles um tvo slökkviliðsmenn sem týndu lífi þegar þeir börðust við skógarelda í nágrenni borgarinnar í lok ágúst. Þá breiddust skógareldar stjórnlaust um stórt svæði norður af Los Angeles. Þúsundir þurftu að flýja heimili sín og stórt svæði íbúðabyggðar varð eldunum að bráð.

Óvíst hvort norska stjórnin haldi velli

Alls er óvíst að ríkisstjórn Jens Stoltenbergs haldi velli í þingkosningunum sem fram fara í Noregi í dag. Fyrir aðeins nokkrum dögum var allt útlit fyrir að ríkisstjórn Stoltenbergs félli í kosningum til stórþingsins. Hún hefur þó aðeins braggast í nýjustu skoðanakönnunum sem benda til þess að hún fái áttatíu og fimm til áttatíu og níu af 169 þingsætum.

Kæra illa meðferð í kjölfar mótmælanna í Íran

Tugir manna hafa lagt fram kærur í Íran vegna slæmrar meðferðar sem þeir fengu þegar þeir voru handteknir fyrir að mótmæla úrslitum forsetakosninga í landinu.

Tólf bresk börn lögð inn á sjúkrahús

12 bresk börn hafa verið lögð inn á sjúkrahús eftir að hafa sýkst af ecoli-bakteríunni í heimsókn á bóndabæ í Surrey. Fjögur barnanna eru sögð alvarlega veik. Þau eru öll undir tíu ára aldri.

23 fyrirmenn hafa framið sjálfsmorð síðustu 18 mánuði

Heilbrigðisráðherra Frakklands hefur boðað yfirmenn franska símafyrirtækisins Telecom á sinn fund eftir helgi vegna þess að 23 starfsmenn fyrirtækisins hafa framið sjálfsmorð á síðustu átján mánuðum.

Norðmenn ganga til þingkosninga

Norðmenn ganga til þingkosninga í dag og stjórn og stjórnarandstaða eru nánast hnífjöfn í skoðanakönnunum. Jens Stoltenberg, forsætisráðherra, hefur í kosningabaráttu sinni lagt mesta áherslu á að allir skuli hafa vinnu. Engin ríkisstjórn í Noregi hefur náð endurkjöri síðan árið 1996.

Peres útskrifaður af sjúkrahúsi

Símon Peres forseti Ísraels var útskrifaður af sjúkhúsi í dag. Hann missti meðvitund við móttökuathöfn í gær. Símon Peres er 86 ára gamall. Hann hlaut friðarverðlaun Nóbels árið 1994 ásamt þeim Yasser Arafat og Yitzhak Rabin fyrir þátt sinn að Oslóarsamningnum um frið í Miðausturlöndum. Þeir Arafat og Rabin eru báðir látnir og friður í Miðausturlöndum lætur enn á sér standa.

Eftirlýstur morðingi hélt fólki í gíslingu og sofnaði

Eftirlýstur morðingi sem hélt hjónum í Kansas í Bandaríkjunum í gíslingu á heimili þeirra í gærmorgun gat ekki haldið sér vakandi og sofnaði eftir nokkra klukkustunda gíslatöku. Það gerði það að verkum að fólkið losnaði úr tæplega sjö klukkustunda prísund og náði að gera lögreglu viðvart sem handtók í framhaldinu hinn eftirlýsta glæpamann.

Hótaði að nauðga kennara sínum

Fjórtán ára bandarískur nemandi var handtekinn í gær fyrir að hafa hótað að nauðga kennara sínum myndi kennarinn ekki breyta einkunnum hans innan 48 klukkutíma.

Fimmtán ár fyrir að stinga með sprautunál

Ígúrar eru minnihlutahópur múslima í Kína. Þeir búa flestir í Xinjiang héraði þar sem þeir eru um tíu milljónir talsins.

Löggur lemja í Úganda

Fjórtán manns hafa fallið og yfir eitthundrað særst í óeirðum í Kampala höfuðborg Úganda síðustu tvo daga.

Chavez gleður Rússa

Það fór vel á með þeim Hugo Chavez forseta Venesúela og Vladimir Putin forsætisráðherra Rússlands þegar sá fyrrnefndi heimsótti Moskvu í vikunni.

Karzai virðist hafa unnið í Afganistan

Kjörstjórn Afganistans hefur sent frá sér nýjar tölur sem benda til þess að Hamid Karzai forseti hafi unnið sigur í forsetakosningunum sem haldnar voru tuttugasta ágúst síðastliðinn.

Sex unglingar særðust í skotárás í London

Sex ungir menn á aldrinum 16 til 19 ára særðust í skotárás í norðurhluta London í nótt. Enginn þeirra er lífshættulega slasaður. Árásin er sögð tengjast glæpagengjum en undanfarin tvö ár hafa tugir ungra manna verði skotnir eða stungnir til bana í borginni. Gordon Brown, forsætisráðherra Breta, heitir því að harðar verði tekið á ofbeldisverkum.

Netanyahu fór með leynd til Rússlands

Ísraelskir fjölmiðlar eru í nokkru uppnámi eftir að upplýst var að Benjamín Netanyahu forsætisráðherra hefði farið með leynd til Rússlands til að funda með ráðamönnum þar.

Íran breytir ekki um stefnu í kjarnorkumálum

Manouchehr Mottaki, utanríkisráðherra Írans, sagði í dag að hann geri ráð fyrir að greinargerð sem þeir sendu vesturlöndum gæti orðið grunnurinn að samningaviðræðum. Hann tók þó fram að Íranir myndu ekki gera breytingar á stefnu sinni í kjarnorkumálum.

Ísraelar hóta stórfelldum hefndarárásum

Ísraelar segjast reiðubúnir að gera stórfelldar hefndarárásir á Líbanon ef framhald verður á eldflaugaskotum þaðan. Tveim eldflaugum var skotið yfir landamærin í gær. Ísraelar svöruðu með nokkrum fallbyssuskotum, en aðhöfðust ekki frekar.

Vill verða járnfrú Noregs

Siv Jensen, leiðtogi Framfaraflokksins í Noregi, gæti komist í lykilstöðu við stjórnarmyndun að loknum þingkosningum á mánudag.