Dauðadómur

Marcus Wesson, 58 ára karlmaður sem fundinn hefur verið sekur um að hafa myrt níu börn sín, var í gær dæmdur til dauða. Wesson, var handtekinn í fyrra eftir að níu lík, öll með samskonar skotsár, fundust á heimili hans í Fresno.

Hvíta húsið rýmt

Þinghúsið í Washington í Bandaríkjunum var rýmt sem og Hvíta húsið og George Bush, Bandaríkjaforseti fluttur á öruggan stað, er einkaflugvél flaug inn á bannsvæði í borginni í morgun.

Dregið úr ofbeldi í Guantanamo

Yfirmaður í Guantanamo fangelsinu á Kúbu, sagði í gær að aðeins lítill hluti starfsmanna fangelsisins hefði komið illa fram við fangana. Hann sagði að af þeim þúsundum yfirheyrslna sem þar hafi farið fram, sé í raun aðeins hægt að tala um tíu skipti sem fangar hefðu verið beittir ofbeldi.

Engar upplýsingar um fangaskip

Bandarísk stjórnvöld segja að engar upplýsingar séu fyrir hendi sem styðji ásakanir um að Bandaríkin haldi grunuðum hryðjuverkamönnum sem föngum um borð í skipum sínum víðs vegar um höf.

Hótel sprengt í Bagdad

Mildi þykir að enginn lést er sprengjuárás var gerð á Babylon hótelið í miðborg Baghdad, höfuðborgar Íraks í gærkvöldi. Einn særðist í árásinni en þó ekki lífshættulega að því er framkvæmdastjóri hótelsins sagði í samtali við AP-fréttastofuna.

Schwarzenegger með lítið fylgi

Meirihluti Kaliforníubúa vill ekki sjá Arnold Schwarzenegger endurkjörinn sem fylkisstjóra en kosningar fara fram á næsta ári. Fylgi Repúblikana í fylkinu hefur farið minnkandi að undanförnu samkvæmt síðustu skoðanakönnunum.

Ungverjar án þjóðarréttar í bili

Skelfingarástand ríkir í Ungverjalandi eftir að yfirvöld fundu og sendu til baka heilt tonn af paprikudufti frá Slóvakíu. Hátt magn eiturefna fannst í kryddinu sem er bráðnauðsynlegt til að elda almennilegt gúllas, þjóðarrétt Ungverjalands.

Enginn bjór, enginn matur

Hádegisverðarfundi belgískra þingmanna með kollegum frá Íran var í morgun frestað. Þetta væri ekki í frásögur færandi væri ástæðan ekki með óvenjulegri hætti.

Ráðist gegn mýrarköldu

George W. Bush Bandaríkjaforseti tilkynnti í gær að ríkisstjórn sín myndi á næstu árum verja jafngildi 78 milljarða íslenskra króna til að berjast gegn malaríu.

Ahmadinejad með myrka fortíð

Bandaríkjamenn sem haldið var í sendiráði sínu í Teheran í 444 daga fyrir um aldarfjórðungi síðan staðhæfa að nýkjörinn forseti Írans, Mahmoud Ahmadinejad, sé einn gíslatökumannanna.

Danir njósnuðu lítið

Ríkisstjórnum austantjaldsríkjanna tókst ekki að fá háttsetta danska embættismenn til að njósna fyrir sig á tímum kalda stríðsins. Þetta kemur fram í nýrri skýrslu sem kynnt var á fimmtudag.

Salmonella í Danmörku

Ein kona er látin eftir að hafa veikst af salmonellubakteríunni í Danmörku. Tuttugu aðrir liggja sjúkir eftir að hafa veikst af sömu bakteríu, eftir því sem fram kemur í Jyllands-Posten.

Sjóræningjar tóku hjálpargögn

Skipi sem flytja átti hjálpargögn til Sómalíu hefur verið rænt í Indlandshafi. Um borð í skipinu var matur frá Sameinuðu þjóðunum sem flytja átti til svæðanna sem verst urðu úti í flóðbylgjunni sem skall á ströndum landsins um síðustu jól. Að sögn bandarísku fréttastofunnar CNN var skipið á leiðinni frá kenýsku höfninni Mombasa til Bossaso í Norðaustur-Sómalíu þegar vopnaðir sjóræningjar réðust á það.

Farfuglar sýktir af fuglaflensu

Fuglaflensufaraldurinn í Norðvestur-Kína reynist alvarlegri en fyrr var ætlað. Sérfræðingar Sameinuðu þjóðanna ætla að fimm þúsund farfuglar hafi dáið í Qinghai-héraði. Einnig hafa sérfræðingar miklar áhyggjur af því hvað gerist þegar fuglarnir fara að flytja sig frá svæðinu og hvetja Kínverja til að gera fleiri tilraunir áður en til þess kemur.

Hjónabönd samkynhneigðra lögleidd

Spænska þingið hefur samþykkt frumvarp um að leyfa hjónabönd samkynhneigðra. Frumvarpið, sem er hluti af félagslegum umbótum spænska sósíalistaflokksins, heimilar samkynhneigðum pörum einnig að ættleiða börn og erfa eigur hvors annars.

Sterling í eigu Íslendinga

Og meira af útrás íslenskra athafnamanna í ferðageiranum: Danska flugfélagið Maersk verður sameinað Sterling eftir að eignarhaldsfélagið Fons keypti Maersk í dag. Félagið verður fjórða stærsta lággjaldaflugfélag Evrópu.

Átök á Gasa svæðinu

Átök brutust út á Gasa-ströndinni í dag þegar ísraelskar lögreglusveitir tókust á við róttæka gyðinga. Harðlínumenn búa sig undir átök vegna yfirvofandi brotthvarfs frá landnámssvæðunum.

Bandarísk herþyrla skotin niður

Bandarísk herþyrla var skotin niður í austurhluta Afganistans í gær. Engar upplýsingar liggja enn fyrir um slys á mönnum en talið er að um tuttugu hermenn hafi verið um borð. Talibanar hafa lýst verknaðinum á hendur sér

Litháenskir sjómenn láta lífið

Tveir Litháenskir sjómenn létu lífið og sá þriðji var hætt kominn, um borð í fiskibáti undan ströndum Karlskrona í Svíþjóð í gærkvöldi. Talið er að banameinið hafi verið að þeir önduðu að sér eitruðum gastegundum

Páfi í tölu dýrlinga sem fyrst

Kaþólska kirkjan stefnir að því að taka Jóhannes Pál II páfa, sem lést í apríl síðastliðnum, í tölu dýrlinga sem fyrst.

Minni stuðningur við Íraksstríð

Yfir 1700 bandarískir hermenn hafa fallið í Írak frá því innrás Bandaríkjanna hófst í mars árið 2003 samkvæmt Varnarmálaráðuneyti Bandaríkjanna. Þá hafa um og yfir 13.000 hermenn særst í átökum í Írak frá upphafi innrásarinnar.

Bandaríkjaher ekki heim í bráð

George Bush, Bandaríkjaforseti, sagði í ræðu sem hann flutti í gærkvöld, að ekki væri hægt að setja dagsetningu á hvenær herlið landsins yrði kallað heim. Þá sagði hann að erfiðir tímar væru framundan í Írak en að þó yrðu ekki fleiri hermenn sendir til landsins.

New York fullkomin Ólympíuborg !

New York er fullkominn staður til að halda Ólympíuleikana árið 2012. Þetta sagði utanríkisráðherra Bandaríkjanna, Condoleezza Rice í gær. Hún sagði ástæðuna vera að New York væri alþjóðleg borg og þar byggi fólk frá nánast öllum löndum og þjóðum heimsins.

Orustunnar við Trafalgar minnst

Skip frá sjóherjum um 30 þjóða söfnuðust saman við suðurströnd Englands í gær, þar sem þess var minnst að 200 ár eru liðin frá orrustunni um Trafalgar. Breski flotinn, undir stjórn Horatio Nelson, flotaforingja, vann sigur á sjóherjum Frakka, undir stjórn Napóleons Bonaparte

Prestur stelur söfnunarfé

Prestur í kristnum söfnuði í Osló hefur verið kærður fyrir að stinga undan um það bil fimm milljónum íslenskra króna úr söfnunarfé, sem safnaðist handa fórnarlömbum hamfaranna við Indlandshaf á annan dag jóla.

Geimskutlan Discovery í loftið

Geimskutlan Discovery ætti að verða tilbúin í næsta mánuði þegar til stendur að hún fari í fyrstu geimferðina frá því að skutlan Columbia fórst. Í gær gagnrýndi eftirlitsnefnd bandarísku geimferðastofnunina NASA fyrir að slá slöku við í öryggismálum í þremur tilfellum.

Samkynhneigðir fá leyfi

Kanadíska þingið, samþykkti í gær að einstaklingar af sama kyni geti nú gengið í hjónaband, þrátt fyrir mikil mótmæli íhaldssamra og kirkjuleiðtoga.

Bandaríkjastjórn með fangaskip?

Mjög alvarlegar ásakanir hafa borist hryðjuverkaeftirlitsmönnum Sameinuðu þjóðanna til eyrna, þess efnis að Bandaríkjastjórn haldi stríðsföngum höldnum á skipum á alþjóðlegu hafsvæði.

Bush gagnrýndur

Öryggi Bandaríkjanna byggist á stríðinu í Írak, sagði Bush Bandaríkjaforseti í gær. Hann vísaði ítrekað til hryðjuverkaárásanna ellefta september þegar hann ræddi stríðsreksturinn. Bush hélt sjónvarpsávarp á besta tíma í gærkvöldi í von um að slá á gagnrýni og byggja upp traust almennings, en kannanir benda til þess að það fari þverrandi.

Prinsarnir rétt feðraðir

Díana Bretaprinsessa var þvinguð til að láta taka blóðprufur úr sonum sínum, Vilhjálmi og Harry, til að færa sönnur á faðerni þeirra.

Sigur fyrir samkynhneigða í Kanada

Kanadíska þingið samþykkti ný lög sem leyfa samkynhneigðum að ganga í hjónaband. Töluverðrar andstöðu hefur gætt meðal íhaldssamari þingmanna og atkvæðagreiðslan féll þannig að 158 þingmenn samþykktu lögin gegn 133

Hryðjuverkamenn gætu eitrað mjólk

Bandaríska vísindaakademían hefur ákveðið að halda áfram birtingu á rannsókn sinni um mögulegar leiðir hryðjuverkamanna til þess að eitra bandarísku mjólkina.

Tyrkjum boðið til samninga við ESB

Loksins sjá Tyrkir fyrir endann á að áratugabaráttu fyrir inngöngu í Evrópusambandið sé að ljúka því í gær gaf sambandið út yfirlýsingu um að það sé tilbúið til þess að setjast að samningaborði með Tyrkjum. Þessi yfirlýsing er í takt við samkomulag leiðtoga ESB-ríkjanna sem náðist í desember. </font />

Sautján hermanna saknað

Óvinveitt skot er talið hafa valdið því að bandarísk þyrla hrapaði til jarðar í austurhluta Afganistan, ef marka má fréttir frá bandaríska hernum. Sautján hermenn voru um borð í þyrlunni sem var að flytja þá yfir mikla fjallgarða til að berjast gegn meðlimum al-Kaída samtakanna. Ekkert er vitað um afdrif hermannanna.

Öruggasti skýjakjúfur í heimi

Frelsisturninn sem rísa á í stað Tvíburaturnanna sem hrundu til grunna í New York 11. september 2001 hefur tekið miklum breytingum frá því sem upphaflega var lagt upp með. Þar sem fyrstu hugmyndir þóttu ekki uppfylla kröfur sem gerðar voru til öryggis var hann hannaður upp á nýtt og á að vera sterkbyggðasti og öruggasti skýjakljúfur í heimi.

Schröder leitar trausts

Gerhard Schröder boðaði ríkisstjórn sína á fund í dag til að greina ráðherrum frá því hvers vegna hann hygðist leita traustsyfirlýsingar frá þinginu á föstudaginn. Áformin hafa raunar legið fyrir um hríð, en Schröder hefur hins vegar ekki viljað greina frá ástæðu þess að hann leitar traustsyfirlýsingarinnar.

Elsta kona heims 115 ára

Elsta kona í heimi hélt upp á afmælið sitt í dag. Hendrikje van Andel-Schipper fæddist í Hollandi þennan dag árið 1890, og er því hundrað og fimmtán ára gömul. Það ótrúlega er að hún hefur alla ævi verið frekar heilsutæp og gat ekki gengið í skóla af þessum sökum.

Tengdi Írak og ellefta september

George W. Bush var ómyrkur í máli í þjóðarávarpi sínu í fyrrinótt. Hann sagði að innrásin í Írak væri lykilatriði í stríðinu gegn hryðjuverkum og engin áform væru um að kalla herlið Bandaríkjamanna heim.

Vítahringurinn í Írak

Ári eftir að hernámsliðið færði Írökum fullveldi sitt á nýjan leik virðist lítið hafa þokast í friðarátt. Þeir sem réðust inn í landið á sínum tíma eru í erfiðri klemmu: Mun ástandið í landinu lagast ef herliðið verður kallað heim?

Efndu til illinda við hermenn

Til átaka kom á milli öfgafullra gyðinga sem leggjast gegn brottflutningi landnema af Gaza-ströndinni, ísraelskra hermanna og Palestínumanna í gær.

Stríðið gegn hryðjuverkum

Það er aðeins eitt stríð í gangi: stríðið gegn hryðjuverkum og einn vígvöllurinn er Írak. Þetta var meginkjarninn í sjónvarpsávarpi Bush Bandaríkjaforseta í gær, þar sem hann tengdi stríðið í Írak og árásirnar á Bandaríkin ellefta september ítrekað saman.

Forsætisráðherrar funda

Biðstaða Evrópusambandsins var eitt af helstu umræðuefnunum á fundi forsætisráðherra Norðurlandanna í Danmörku. Danir og Svíar vilja sjá breytingar á fjárlögum ESB, en Norðmenn og Íslendingar standa enn rólegri en áður, utan sambandsins.

Neyðarástand á Ítalíu

"Því er spáð að hitinn geti farið upp í 40 til 45 stig í heitustu borgunum. Það er neyðarástand í landinu, tíu manns hafa þegar látist, en á sunnudaginn lést sextugur Þjóðverji á ströndinni hér í bænum," segir Jóhanna Guðrún Gunnarsdóttir fararstjóri fyrir Úrval- Útsýn á Lido di Jesolo rétt hjá Feneyjum.

Prestur og raðmorðingi

Prestur í Kansas í Bandaríkjunum hefur játað að hafa drepið að minnsta kosti tíu manns á árunum 1974 til 1991. Dennis Rader, sem er fyrrum leiðtogi innan lúthersku kirkjunnar og skátaforingi, játaði í upphafi réttarhalda yfir honum en ástæður morðanna sagði hann tengjast kynferðislegum hugarórum sínum.

Hjónabönd samkynhneigðra

Kanada verður að öllum líkindum þriðja ríkið til að leyfa hjónabönd einstaklinga af sama kyni. Talið er að frumvarp um lögleiðingu hjónabanda samkynhneigðra verði samþykkt á kanadíska þinginu í þessari viku.