Allt með kyrrum kjörum á Heklusvæðinu

Allt var með kyrrum kjörum á Heklusvæðinu í nótt nema hvað þar mældist einn smáskjálfti upp á 0,4 stig.

Tvær bílveltur á veginum undir Hafnarfjalli

Tveir bílar ultu með skömmu millibili út af þjóðveginum undir Hafnarfjalli á ellefta tímanum í gærkvöldi, eftir að þar myndaðist skyndilega ísing á veginum.

Slökkviliðsstjóri frestar heimildum til að kveikja sinuelda

Bjarni Þorsteinsson slökkviliðsstjóri í Borgarfirði frestaði í gær heimildum sýslumanns til að kveikja sinuelda á tveimur stöðum í Andakíl í Borgarfirði, vegna mikilla þurrka í gróðurlandi á svæðinu og hættu á að eldarnir fari úr böndunum.

Íslenskir fangar eru lengur í einangrun

Leyfilegur hámarkstími fyrir fanga í einangrun er mun lengri hér á landi en tíðkast víða erlendis. Samkvæmt lögum má vista fólk í einangrunarklefum í hámark fjórar vikur, en lengur ef brot varðar að minnsta kosti tíu ára fangelsisvist.

Ekki nýjar virkjanir hjá OR fyrr en mengunarmál leysast

Orkuveita Reykjavíkur (OR) mun ekki reisa fleiri virkjanir á Hengilssvæðinu fyrr en fundist hefur lausn á brennisteinsvetnismengun. Fyrirtækið hefur óskað eftir frestun á gildistöku reglugerðar um hert skilyrði vegna útblásturs brennisteinsvetnis. Þau eiga að taka gildi 1. júlí á næsta ári.

Semja um þröskuld við þjóðaratkvæði

Alls þurfa 40 prósent kjósenda að samþykkja umdeildar breytingar á stjórnarskrá, samkvæmt hugmyndum formanna stjórnmálaflokkanna að samkomulagi í stjórnarskrármálinu. Nokkuð þokaðist í samkomulag á milli flokkanna í gær, en enn ber á milli í nokkrum málum.

„Ég er enginn boxari“

Leikarinn Ásgeir Þórðarson, betur þekktur sem Damon Younger, segist óvanur því að standa í handalögmálum og hann efist þess vegna um að hann hafi getað greitt manni sem kærði hann fyrir líkamsárás svo þungt högg að það hafi valdið heilaskaða.

Skal hringja í Heklugeggjara ef gos hefst

"Ég hef skýr fyrirmæli frá allstórum hópi útlendinga um að hringja ef Hekla byrjar að gjósa. Þegar eldgos hefst taka þegar gildi pantanir á hótelherbergjum fyrir þetta fólk,“ segir Anders Hansen, ferðaþjónustubóndi í Heklusetrinu á Leirubakka.

Hundruð festast á hverju ári

Hundruð Íslendinga missa af flugferðum á hverju ári þar sem vegabréf þeirra uppfylla ekki reglur annarra ríkja um gildistíma þegar ferðalagið hefst.

Ný tækifæri krefjast betra skips

Grænlenska útgerðarfélagið East Greenland Codfish A/S hefur fest kaup á norska uppsjávarveiðiskipinu Eros og er því ætlað að leysa skip félagsins, Eriku, af hólmi. Grænlenska félagið er í þriðjungseigu Síldarvinnslunnar í Neskaupstað og hefur samstarfið staðið í fjölda ára.

Sat of lengi í haldi og fékk ekki lyfin sín

Hæstiréttur hefur dæmt íslenska ríkið til að greiða verktaka 400 þúsund krónur fyrir gæsluvarðhald sem hann sætti í tengslum við rannsókn á mansalsmáli árið 2009.

Örvar var hetja segir lögreglan

Örvar Arnarson, annar mannanna sem lést í fallhlífarstökkslysi á Flórída á laugardag, gerði allt sem hann gat til að bjarga Andra Má Þórðarsyni, sem einnig lést. Þetta sýnir upptaka úr myndavél á hjálmi Örvars. „Hann var hetja. Hann dó hetja,“ segir William Lindsey, fulltrúi lögreglustjórans í Paco-sýslu í Flórída.

Viðvörun frá Vegagerðinni: Flughált við Hafnarfjall

Vaxandi hálka er nú á Vesturlandi samkvæmt tilkynningu frá Vegagerðinni. Flughált er við Hafnarfjall en hálkublettir eru á Holtavörðuheiði, Bröttubrekku og víða á Snæfellsnesi.

Birgitta upplýsti um þreifingar formannanna á Facebook

Birgitta Jónsdóttir, þingmaður Hreyfingarinnar segir á Facebook-síðu sinni að hún hafi verið boðuð á fund formanna þingflokkanna og þar hafi komið fram að flokkarnir hafi náð samkomulagi um afgreiðslu mála.

Hugsar ekki um neitt annað en börnin

Farbanni yfir Davíð Erni Bjarnasyni hefur verið aflétt og er hann væntanlegur til Íslands á næstu dögum. Hann var handtekinn á tyrkneskum flugvelli fyrir þremur vikum, sakaður um fornmunasmygl. Lífinu var umturnað, segir Davíð og fjölskyldan hlakkar til að fá hann heim.

Sina nærri Norræna húsinu

Tveir slökkviliðsbílar og fjórir slökkviliðsmenn sinntu sinueldi í Vatnsmýrinni nærri Norræna húsinu skömmu fyrir klukkan sjö í kvöld. Eldurinn var lítill og ekki var talin mikil hætta á ferð.

Magnús Tumi: Kominn tími á Heklu

Almannavarnir lýstu yfir óvissustigi í dag vegna jarðhræringa við Heklu. Prófessor í jarðeðlisfræði segir margt benda til þess að Heklagos sé á næsta leyti.

Sýknaður af því að hóta kynferðisafbrotamanni

Hæstiréttur Íslands sýknaði karlmann sem Héraðsdómur Suðurlands hafði áður sýknað af hótunum sem hann sendi öðrum manni. Ástæðan fyrir sýknu Hæstaréttar er sú að að þegar efni þess væri virt í heild sinni, yrði ekki talið að í því hafi falist hótun.

Faðir í farbann - sterkur grunur um shaken baby syndrome

Karl á þrítugsaldri var í dag í Héraðsdómi Reykjavíkur úrskurðaður í farbann til 23. apríl að kröfu lögreglunnar á höfuðborgarsvæðinu í tengslum við rannsókn hennar á andláti stúlkubarns í austurborg Reykjavíkur um þar síðustu helgi. Maðurinn er faðir stúlkunnar, sem var fimm mánaða gömul.

Segja vinnubrögð ASÍ óvönduð og ómarktæk

Hagar senda frá sér fréttatilkynningu vegna verðlagskönnunar.

„Sjálfstæðismenn verða að bretta upp ermar“

Kristján Þór Júlíusson, annar varaformaður Sjálfstæðisflokksins, segir skýringu á fylgistapi einfalda.

Íslenskur hestur limlestur í Skotlandi

Íslenskur hestur fannst illa limlestur á hestabúgarði í Edinborg á dögunum. Hesturinn, sem er 23ja ára gamall geldingur, og gegndi kallinu Hrafn fannst blóðugur á Swanston búgarðinum á fimmtudag. Limur hans hafði verið skorinn af og hékk hann á þvagrásinni einni saman. Limurinn var svo fjarlægður með neyðarskurðaðgerð. "Dýralæknirinn ráðlagði að aðgerðin yrði gerð með beittu áhaldi,“ sagði John Toule.

Guðmundur hafði betur gegn Vinnslustöðinni

Hæstiréttur hefur ógilt samruna Ufsabergs-útgerðar ehf við Vinnslustöðina, að kröfu Stillu útgerðar ehf. og Guðmundar Kristjánssonar.

Framsóknarflokkurinn langstærstur - Sjálfstæðisflokkurinn í frjálsu falli

Framsóknarflokkurinn heldur áfram að bæta við sig fylgi samkvæmt nýjustu könnun MMR og er orðinn langstærsti flokkur landsins. Fylgi Sjálfstæðisflokksins og Bjartrar framtíðar dalar.

Ferðamenn varaðir við að vera nærri Heklu

Lögreglan á Hvolsvelli stýrir nú umferðinni við Heklu og hefur hún varað ferðaþjónustuaðila á svæðinu við að vera þar á ferð. "Það er svo sem engin viðbragðsáætlun í gangi núna, við erum að vara fólk við ferðum á fjallið," segir Sveinn Kristján Rúnarsson. Hann segir að ef eitthvað fer í gang muni þeir stoppa ferðir almennings upp á Landveginn og Búrfellsveginn líka.

Róleg þrátt fyrir jarðhræringar

Sveitarstjóri Rangárþings ytra vonast eftir hliðhollri vindátt ef gos hefst í Heklu.

Fyrirvarinn yrði einn til tveir tímar

"Það er enginn hlaupandi um gangana eða neitt. Menn vinna bara sína venjulegu vinnu. Þetta er bara vegna örlítil aukning í bakgrunnsskjálftavirkni. Það gefur til kynna að virknin sé pínulítið meiri en venjulega,“ segir Magnús Tumi Guðmundsson, prófessor í jarðeðlisfræði hjá Jarðvísindastofnun Íslands. Almannavarnir lýstu í morgun yfir óvissustigi vegna hugsanlegs eldgoss í Heklu.

Óvissustig vegna hugsanlegs goss í Heklu

Búið er að lýsa yfir óvissustigi almannavarna vegna jarðhræringa í Heklu. Þetta kemur fram í tilkynningu frá Ríkislögreglustjóra og lögreglustjóra á Hvolsvelli.

Skór númer 42 aldrei dýrari en skór númer 38

Guðjón Arngrímsson, upplýsingafulltrúi Icelandair, segir ekki standa til að rukka farþega eftir líkamsþyngd.

Létust við höggið

Íslendingarnir tveir sem fórust í fallhlífarstökki í Flórída á laugardag létust við höggið af fallinu. Svo segir í skýrslu dánardómstjóra í Pasco-sýslu sem birt var í gær.

Þyrla hellti 22 þúsund lítrum af vatni á sinuelda í Lundareykjadal

Þyrla Landhelgisgæslunnar fór samtals 22 ferðir með 22 þúsund lítra af vatni til að slökkva mikinn sinueld í landi Grafar í Lundareykjadal, eftir að slökkviliðið í Borgarfirði óskaði eftir aðstoð hennar síðdegis í gær, en þá börðust 30 slökkviliðsmenn við eldinn.

Tuttugu björgunarmenn sóttu slasaðan mann á Esju

Tuttugu björgunarmenn frá Landsbjörgu og sjúkraflutningamenn frá slökkviliðinu á höfuðborgarsvæðinu sóttu síðdegis í gær slasaðan gögnumann á Esju.

Enn ekkert samkomulag á Alþingi

Þingfundi var frestað á Alþingi klukkan ellefu í gærkvöldi og liggur ekki fyrir hvort nokkurt samkomulag náðist um þinglok á fundi formanna stjórnmálaflokkanna í gærkvöldi.

Fyrsta ferð Herjólfs til Landeyjahafnar í dag

Fyrsta fer Herjólfs frá Eyjum verður farin til Landeyjahafnar samkvæmt áætlun klukkan átta, en síðari ferð skipsins var farin til Þorlákshafnar í gær.

Allar nothæfar íbúðir í leigu

Íbúðalánasjóður (ÍLS) hefur gefið það út að allar íbúðarhæfar íbúðir í eigu hans í blokkum á Selfossi séu í útleigu. Fjallað hafði verið um að íbúðir í eigu sjóðsins stæðu auðar á meðan skorti félagslegt húsnæði.

Pokaskortur hjá Fjölskylduhjálp

Fjölskylduhjálp Íslands biður alla þá sem sækja til þeirra mataraðstoð að koma með burðarpoka eða töskur með sér sökum skorts á pokum. Fjölskylduhjálpin hyggst standa fyrir pokasöfnun á næstunni.

Byrjað að selja á Þjóðhátíð

Flugfélagið Ernir hefur hafið sölu á flugi til Vestmannaeyja um næstu verslunarmannahelgi. Í fyrra hófst miðasala í maí og er þetta því töluvert fyrr en áður. Í tilkynningu frá félaginu segir að ákvörðunin hafi verið tekin sökum mikillar eftirspurnar.

Hald lagt á 185 plöntur og átta kíló kannabiss

Lögreglan á höfuðborgarsvæðinu hefur í tvígang komið upp um umfangsmikla kannabisræktun á höfuðborgarsvæðinu síðustu daga.

Ráðherra bíður - eðlilegt að bíða eftir saksóknara

„Mér finnst eðlilegt að bíða eftir niðurstöðu ríkissaksóknara, það er sá farvegur sem menn hljóta að horfa til núna,“ segir Ögmundur Jónasson innanríkisráðherra, um leiðirnar þrjár sem starfshópurinn leggur til í skýrslu sinni að hægt sé að fara í kjölfarið.

Grísir skulu vera deyfðir við geldingar

Bundið verður í lög að dýr séu skyni gæddar verur og eigi að vera laus við vanlíðan, hungur, þorsta, ótta, þjáningu, sársauka, meiðsl og sjúkdóma. Frumvarp um velferð dýra var samþykkt til þriðju umræðu á Alþingi.

Ættingjar kveðja stúlkuna í dag

Fimm mánaða stúlka, sem lést á voveiflegan hátt fyrir rúmri viku, verður lögð til hinstu hvílu í dag. Faðir stúlkunnar situr enn í gæsluvarðhaldi, grunaður um að hafa orðið valdur að dauða hennar, og ekki er útlit fyrir að hann verði viðstaddur athöfnina. Útförin fer fram í kyrrþey.

Sat í fjögur og hálft ár í fangelsi - Íhugar að sækja bætur

"Ég get ekki mikið sagt þegar svona stórmenni komast að þessari niðurstöðu og er því í vandræðum með að mótmæla þeim,“ segir Guðjón Skarphéðinsson, sóknarprestur á Staðastað. Hann sat í fjögur og hálft ár í fangelsi fyrir aðild sína að Geirfinnsmálinu.

"Trúi varla að hann sé að koma“

Davíð Örn Bjarnason er laus úr farbanni í Tyrklandi og er væntanlegur heim á næstu dögum. Hann var handtekinn fyrir tæpum þremur vikum í Antalya í Tyrklandi sakaður um að hafa ætlað að smygla fornmun úr landi.

Helmingsfækkun innbrota á tveimur árum

Yfir 100 innbrot eru skráð hjá lögreglu í hverjum mánuði síðustu tólf mánuði. Innbrotunum hefur fækkað um helming á skömmum tíma, en þau voru um 200 á mánuði fyrir tveimur árum.

Á eftir að ræða við ráðherra um leyfið

Gísli Tryggvason, talsmaður neytenda, kveðst ekki hafa verið í fríi frá störfum vegna framboðs síns fyrir Dögun þótt ekki hafi birst frétt á vef embættis hans síðan 21. desember. "Það hefur bara verið lítið að frétta,“ segir Gísli, sem gerir ráð fyrir að taka sér frí frá störfum í apríl vegna framboðsins. Alþingiskosningarnar verða haldnar 27. apríl. "Ég á eftir að ræða það við ráðherra,“ greinir Gísli frá.