Fleiri fréttir

Segir kvótafrumvörpin til þess fallin að veikja krónuna

Friðrik J. Arngrímsson, framkvæmdastjóri LÍÚ segir að ef frumvörp ríkisstjórnarinnar um sjávarútveginn verða samþykkt, þá mun það leiða af sér veikingu krónunnar sem myndi svo grafa undan kaupmætti heimilanna í landinu.

Búið að opna veginn inn í Þórsmörk

Búið er að opna veginn inn í Þórsmörk samkvæmt tilkynningu frá Vegagerðinni. Verið er að kanna ástand hálendisvega og nú þegar er allur akstur bannaður á hálendisvegum norðan Vatnajökuls og á nyrðri hluta Dettifossvegar vegna aurbleytu.

Misstir þú skíðin í Borgarnesi?

Óheppinn vegfarandi missti skíðin sín af toppi hvítrar jeppabifreiðar á Borgarnesbrúnni upp úr klukkan eitt í dag. Um er að ræða Fischer skíði. Vegfarandi sem ók á eftir bifreiðinni hafði samband við fréttastofu og vildi koma því til skila að skíðin væru í þeirra höndum og biðu þess eins að komast til eiganda síns.

Keppt um Gulleggið

Úrslit eru nú hafin í Frumkvöðlakeppni Innovit 2012 og fara þau fram í Háskólanum í Reykjavík. Topp tíu teymin halda nú kynningu fyrir lokadómnefnd keppninnar sem ákveður hver verður handhafi Gullleggsins, ásamt því að útdeila verðlaunum sem eru að andvirði hátt í 5.000.000 íslenskra króna.

Ljósin slökkt í Reykjavík vegna jarðarstundarinnar

Met verður slegið í kvöld milli 20.30 til 21.30 því þá munu fleiri en 5000 borgir og bæjarfélög í 147 löndum taka þátt í jarðarstundinni eða Earth hour. Viðburðurinn felst í því að njóta myrkurs í 60 mínútur og skapa hugarorku í þágu umhverfisins.

Flugvél frá Nasa á Íslandi

Rannsóknarflugvél frá Nasa lendir hér á landi í dag og dvelur í mánuð. Verkefnið mun styðja við rannsóknir á loftslagsbreytingum með þróun betri aðferða við að mæla bráðnun heimskautaíss.

Opið í Bláfjöllum og Hlíðarfjalli

Bláfjöll verða opin fyrir skíðaiðkun á milli klukkan tíu og fimm í dag. Eins gráðu hiti er á svæðinu, vest suð vestan 3 metrar á sekúndu og ganga rútur samkvæmt áætlun í fjallið. Skíðasvæðið í Skálafelli er lokað eins og er vegna slæms skyggnis í fjallinu. Aðstæður þar verða í skoðun í dag.

Hestastemmning í miðbænum

Í dag munu hestar og hestamenn vera áberandi í miðbæ Reykjavíkur en Hestadaga í Reykjavík standa nú yfir. Klukkan 13:00 munu 150 hestar leggja upp í skrautreið í gegnum miðborgina.

Stal frá starfsfólki 10-11

Óprúttinn þjófur stal verðmætum úr fatnaði starfsfólks 10-11 við Lágmúla skömmu fyrir klukkan eitt í nótt. Maðurinn var handtekinn skömmu síðar og vistaður í fangageymslu lögreglunnar.

Tveimur samningsköflum var lokað strax í Brussel

Fjórir samningskaflar voru opnaðir á ríkjaráðstefnu Íslands og ESB í Brussel í gær. Tveimur var lokað samdægurs, um utanríkis-, öryggis- og varnarmál, og um neytendamál og heilsuvernd, en samningaviðræður halda áfram um hina tvo, sem fjalla um samkeppnismál og orkumál. Með því hafa fimmtán kaflar af 33 verið opnaðir og tíu þegar lokað.

Stjórnarskrá fari í þjóðaratkvæði

AlþingiDrög stjórnlagaráðs að nýrri stjórnarskrá verða ekki borin undir þjóðaratkvæði samhliða forsetakosningum í júní. Slíka kosningu þarf að samþykkja með þriggja mánaða fyrirvara og rann sá frestur út á miðnætti á fimmtudag. Stjórnarliðar saka sjálfstæðismenn um málþóf, en þeir brugðust ókvæða við slíkum ásökunum.

Moska reyndist helmingi of lítil

Byggingarmagn sem ætlað var fyrir mosku og safnaðarheimili Félags múslima í Sogamýri reyndist helmingi minna en áður var gert ráð fyrir að félagið fengi. Samkvæmt lýsingu sem unnin var í fyrra á byggingin að vera 400 fermetrar. Guðjón Magnússon arkitekt, sem unnið hefur þarfagreiningu fyrir Félag múslima, segir hins vegar nauðsynlegt að bygggingin verði á bilinu 800 til 1.000 fermetrar. Það sé svipað og gerist með

Þakklát þeim sem aðstoðuðu við útför

„Ég er gríðarlega þakklát rússnesku rétttrúnaðarkirkjunni á Íslandi, útfararstofunni, heiðurskonsúl Letta hér á landi og öllum öðrum sem gerðu mér kleift að koma hingað til að kveðja son minn.“ Þetta segir Tamara Aldohina frá Lettlandi, en hún er stödd hér á landi til að fylgja syni sínum, Aleksandzs Aldohins, til grafar.

Flóknara en gerist á einni nóttu

Breytingar sem gera þarf á eignarhaldi vegna breytinga á raforkulögum frá því í ársbyrjun 2011 gætu haft áhrif á lánasamninga Landsvirkjunar. Þetta er meðal þess sem fram kom í ræðu Geirs A. Gunnlaugssonar, stjórnarformanns Landsnets, á kynningarfundi í vikulokin.

Allir verði með öryggisáætlun

Allir sem bjóða ferðir innanlands þurfa að útbúa öryggisáætlun, nái nýtt frumvarp um breytingu á lögum um skipan ferðamála fram að ganga. Oddný Harðardóttir, ráðherra ferðamála, greindi frá því á aðalfundi SAF, að hún byndi miklar vonir við þá hluta frumvarpsins sem snúa að öryggi ferðamanna. „Í öryggisáætlun á að koma fram mat á áhættu viðkomandi ferðar og lýsing á því hvernig ferðaskipuleggjandi hyggist bregðast við beri vá að höndum í ferðinni,“ segir í tilkynningu SAF. -

Eldur í bústað við Rauðavatn

Eldur kviknaði í litlum bústað sem staðsettur er við Rauðavatn, rétt við Hádegismóa, um klukkan níuleytið í kvöld. Það tók slökkviliðið rúmar fimmtán mínútur að mæta á staðinn og slökkva eldinn. Enn er þó verið að vinna á staðnum og tryggja að ekki séu nein glóð. Ekki er vitað til þess að neinn hafi verið inni í húsinu.

Konurnar í Mæðrastyrksnefnd gleðjast yfir málalyktum

Ragnhildur Guðmundsdóttir, formaður Mæðrastyrksnefndar, segist mjög glöð yfir því að þjófurinn sem fór inn í húsnæði Mæðrastyrksnefndar fyrr í vikunni sé kominn í leitirnar. Hún veit þó ekkert hvert ástandið er á tölvunum sem var stolið.

Laugavegur fylltist af snjó

Íbúi í húsi við Laugaveginn rauk upp við mikinn dynk nú um áttaleitið í kvöld án þess að vita nokkuð hvað væri á seyði. Þegar íbúanum var litið út um gluggann sá hann að stærðar snjóköggli hafði verið skellt á miðjan Laugaveginn. Ástæðan er sú að Linda Björk Sumarliðadóttir og félagar hennar standa fyrir hjólabretta- og snjóbrettakeppni nú um helgina.

Klapparstígur fær andlitslyftingu

Á mánudaginn hefst vinna við endurgerð Klapparstígs ofan Laugavegar. Verkið felst í endurnýjun á lögnum og öllu yfirborði götu og gangstétta á Klapparstíg að Skólavörðurstíg. Áætluð verklok verða 2. júlí.

Herdís ætlar í forsetaframboð

Herdís Þorgeirsdóttir ætlar að bjóða sig fram til forseta Íslands í forsetakosningunum í sumar. Þetta kom fram á blaðamannafundi sem Herdís hélt í Listasafninu í dag. Fundurinn stendur enn yfir. Herdís starfar sem lögmaður í Reykjavík. Hún er forseti Evrópusamtaka kvenlögfræðinga og starfar mikið fyrir Feneyjanefnd Evrópuráðsins á sviði mannréttinda.

Mál gegn Vítisenglum þingfest

Mál gegn fimm meðlimum Vítisengla var þingfest í Héraðsdómi Reykjaness í dag en þau eru grunuð um alvarlega líkamsárás í Hafnarfirði 22. desember síðastliðinn. Þá var ráðist á konu í Vallahverfi og gengið í skrokk á henni. Hún var flutt alvarlega slösuð á slysadeild en hún mun hafa verið meðvitundarlaus þegar að henni var komið.

Forsetaframbjóðendur þurfa að skila fyrir 25. maí

Kjörtímabil forseta Íslands rennur út 31. júlí 2012 og ljóst er að kosningar fara fram laugardaginn 30. júní. Auk Ólafs Ragnar Grímssonar hafa fjórir lýst yfir framboði og rætt hefur verið um nokkra til viðbótar sem hyggi mögulega á framboð.

Takmarkanir á fjárfestingum útlendinga verða vandamál

Þótt kafli um sjávarútveg hafi ekki verið opnaður í aðildarviðræðum Íslands við ESB hafa vísbendingar borist frá nokkrum aðildarríkjum að þau séu mótfallin takmörkunum á fjárfestingu útlendinga í sjávarútvegi hér á landi, en samkvæmt undanþágu sem Ísland hefur frá EES-samningnum geta útlendingar aldrei eignast ráðandi hlut í sjávarútvegsfyrirtækjum á Íslandi því þeir mega ekki eiga meira en 49 prósent.

Próflaus þurfti að "skreppa"

Lögreglan á Suðurnesjum stöðvaði í vikunni akstur karlmanns á sjötugsaldri. Við nánari skoðun kom í ljós að hann ók réttindalaus því hann hafði verið sviptur ökuréttindum. Maðurinn viðurkenndi brot sitt og kvaðst hafa verið að skreppa. Þá stöðvaði lögregla för tveggja ökumanna sem ekki voru í bílbelti við aksturinn. Þeir þurfa að greiða fimmtán þúsund krónur hvor í sekt.

Rammaáætlun lögð fram

Oddný Harðardóttir iðnaðarráðherra hefur í samráði við Svandísi Svavarsdóttir umhverfisráðherra lagt fram á Alþingi þingsályktunartillögu um rammaáætlun um vernd og orkunýtingu landsvæða. Þetta kemur fram í tilkynningu frá iðnaðarráðuneytinu. Um er að ræða fyrstu þingsályktunartillöguna sem fram kemur um flokkun hugsanlegra kosta í orkunýtingar-, verndar- og biðflokk á grundvelli laga um rammaáætlun frá í fyrra, en gert er ráð fyrir að Alþingi afgreiði slíkar tillögur eigi sjaldnar en á fjögurra ára fresti.

Um 150 kílóum af hákarli stolið

Lögreglunni á Suðurnesjum var í vikunni tilkynnt um að um það bil 150 kílóum af verkuðum hákarli hafi verið stolið úr þurrkhjalli í Grindavík. Þjófnaðurinn er til rannsóknar hjá lögreglu.

Elín Hirst skrifaði Ögmundi bréf

Elín Hirst hefur skrifað innanríkisráðherra bréf þar sem hún hvetur hann til að taka viðtal Nýs Lífs við lögreglustjórann á Suðurnesjum til efnislegrar meðferðar. Lögreglustjórinn segist í viðtalinu ekki trúa ásökunum Guðrúnu Ebbu Ólafsdóttir á hendur föður sínum, Ólafi Skúlasyni heitnum.

Herdís boðar til blaðamannafundar

Dr. Herdís Þorgeirsdóttir hefur boðað til blaðamannafundar Í Listasafni Reykjavíkur við Tryggvagötu klukkan þrjú í dag. Herdís hefur verið orðuð við forsetaframboð og búist er við því að hún tilkynni um ákvörðun sína í þeim efnum á fundinum. Fylgst verður með fundinum á fréttavef okkar Vísi.

Rammaáætun verði lögð fyrir þingið í dag

Reiknað er með því að Rammaáætlun um vernd og nýtingu náttúrusvæða verði lögð fyrir Alþingi í dag. Áætlunin hefur verið í vinnslu í mörg ár en samkvæmt heimildum fréttastofu hefur málið verið afgreitt í þingflokki Samfylkingarinnar og til stendur að afgreiða það formlega í þingflokki Vinstri grænna nú í hádeginu.

Nefna dansdúett eftir stærsta vöðva líkamans

"Ég er viss um að við verðum eftirlætishljómsveit sjúkra- og einkaþjálfara," segir plötusnúðurinn Margeir Ingólfsson um dansdúettinn Gluteus Maximus sem hann hefur stofnað ásamt Stephan Stephensen.

Birgitta, Chomsky og Wolf stefna Bandaríkjastjórn

Birgitta Jónsdóttir þingkona hefur, ásamt sex öðrum, stefnt bandarískum stjórnvöldum fyrir rétt í New York vegna nýrra laga þar í landi sem hópurinn segir að gefi Bandaríkjaher heimild til að handtaka almenna borgara hvar sem er í heiminum og hneppa þá í varðhald án dóms og laga. Lögunum er ætlað að efla Bandaríkjamenn í baráttunni við hryðjuverk en hópurinn, sem auk Birgittu telur heimsfræga einstaklinga á borð við Noam Chomsky og rithöfundinn Naomi Wolf, segir að nú séu friðsamir mótmælendur, rithöfundar og háskólamenn í hættu á að verða settir í varðhald.

Ný keðja frá H&M 2013

Sænski verslanarisinn Hennes & Mauritz hefur tilkynnt að hann ætli sér að opna nýja keðju árið 2013.

Útgefnum vegabréfum fjölgaði um 35% milli ára

Í febrúar s.l. voru gefin út 3.374 íslensk vegabréf. Til samanburðar voru gefin út 2.495 vegabréf í febrúar í fyrra. Fjölgar því útgefnum vegabréfum um 35,2 % milli ára.

Íslenska pylsan til Svíþjóðar

"Eftir Svarta dauða kemur SS-pylsan“, svo hljóðar fyrirsögn er birtist í Aftonbladet í vikunni. Fréttin segir frá áætlunum Sláturfélags Suðurlands um að hefja innflutning á íslenskum pylsum til Svíþjóðar.

Allir kaflarnir verði opnaðir fyrir árslok

Stefan Füle, stækkunarstjóri Evrópusambandsins (ESB), vonast til þess að búið verði að opna alla samningskafla í aðildarviðræðum við Ísland fyrir árslok. Füle lét þessi orð falla á fundi með íslenskum blaðamönnum í Brussel í gær, í aðdraganda fjórðu ríkjaráðstefnu Íslands og ESB sem fer fram í dag.

Aldraðir 37 prósent greiðenda auðlegðarskatts

Alls 37% þeirra sem greiða auðlegðarskatt eru yfir 65 ára aldri. Þá er rúmur fimmtungur greiðenda yfir 75 ára aldri. Einungis 11% eru undir 45 ára aldri. Þetta var meðal þess sem kom fram á málþingi VÍB, eignastýringarþjónustu Íslandsbanka, um auðlegðarskattinn í Hörpu í gær.

Sjá næstu 50 fréttir

Mest lesið