Geta ekki gengið lengra en nemur agavaldi biskupsins

Biskup Íslands gerir athugasemdir við nýjar vinnureglur Selfosskirkju. Reglurnar eiga að sporna gegn kynferðisbrotum. „Menn hljóta að breyta þessum reglum,“ segir sóknarprestur Selfosskirkju.

Stjórn OR haldið utan við stöðuna í sölu á Perlunni

Aðili sem bauð 1.689 milljónir króna í Perluna fær frest út mars til að gera arðsemismat. Stjórn OR var ekki upplýst áður en málið var gert opinbert. Óheppilegt játar stjórnarformaðurinn. Engin leynd sé yfir málinu.

Taldir hafa reynt að breiða yfir brotið með skjalafalsi

Saksóknari telur að tilgangur Glitnismanna með tíu milljarða láni til Milestone hafi verið að koma í veg fyrir að bréf í bankanum hryndu. Lárus Welding og Guðmundur Hjaltason eru ákærðir fyrir umboðssvik.

Falsaður þúsundkall í banka

Lögreglunni á Selfossi barst nýverið tilkynning um falsaðan þúsund króna seðil sem fannst innan um aðra þúsund króna seðla í bankaútibúi á Selfossi. Ekki er vitað hvenær né með hvaða hætti seðillinn barst til bankans. Engin önnur tilvik hafa komið til lögreglu og virðist því sem um eitt einstakt tilvik sé að ræða.

Kröfuhafar nálgast Hannes

FI fjárfestingar, félag Hannesar Smárasonar, var úrskurðað gjaldþrota á föstudag. Skilanefnd Glitnis mun í kjölfarið stefna Hannesi vegna 400 milljóna króna sjálfsábyrgðar sem hann var í fyrir lánum til félagsins.

Síld á fjörum segull á tugþúsundir fugla

Dauð og deyjandi síld á fjörum í Breiðafirði dregur að sér þúsundir fugla. Fjörutíu hafernir sáust við Jónsnes. Rotnandi síld gefur frá sér grút og óþef í þíðunni. Veiði og síldarsýkingu kennt um. Hafró fer til rannsókna í janúar.

NATO styrki breytt rafkerfi á varnarsvæði

Íslenzk stjórnvöld hafa samkvæmt upplýsingum frá utanríkisráðuneytinu sótt um styrk til Mannvirkjasjóðs Atlantshafsbandalagsins (NATO) til að skipta um rafkerfi í stjórnstöð loftvarnakerfisins á Keflavíkurflugvelli og í mannvirkjum á varnarsvæðinu á vellinum, sem notuð eru vegna loftrýmisgæzlu NATO. Í þessum mannvirkjum er notuð 110 volta spenna, sem er arfleifð frá tíma varnarstöðvar Bandaríkjanna, en staðallinn á Íslandi er 230 volt.

Eldri karlmenn hrifnir af skötu

Eldri karlmenn virðast hrifnastir af skötu ef marka má niðurstöður könnunar MMR um skötuát á Þorláksmessu.

Fuglar taldir í sextugasta sinn

Árleg vetrarfuglatalning Náttúrufræðistofnunar Íslands fer fram helgina 7. til 8. janúar næstkomandi.

Icesave vistað hjá Össuri

Ráðuneytisstjórar forsætisráðuneytisins og utanríkisráðuneytisins ásamt sérfræðingi í málefnum EFTA-dómstólsins mættu í gær á fund utanríkismálanefndar Alþingis til að skýra hvaða ráðuneyti hafi forræði í samskiptum Íslands við ESA vegna Icesave-dómsmálsins. Sögðu þeir málið heyra undir utanríkisráðherra.

Um heim allan lýsa jólaljósin á aðventu

Kristnar þjóðir hafa hver sinn sið við undirbúning jólahátíðarinnar á jólaföstunni, sem við köllum í daglegu tali aðventu. Aðventan á það þó sameiginlegt alls staðar að lýsa upp hjörtu mannanna, færa okkur birtu og yl og gleðja hjörtu barnanna.

Grunur um salmonellu í kjúklingi

Komið hefur upp grunur um salmonellusmit í ferskum kjúklingi framleiddum af Matfugli ehf. Frekari rannsókna er þörf til þess að staðfesta gruninn en þangað til þykir fyrirtækinu rétt að innkalla vöruna að því er fram kemur í tilkynningu.

Vilja að Árni Páll sjái um málefni Íslands fyrir EFTA-dómstólnum

Meirihluti Utanríkismálanefndar lagði fram bókun í kvöld að fyrirsvar í dómsmálum og öðru því sem tengist Icesave gagnvart ESA og EFTA-dómstólnum skuli áfram vera í höndum Árna Páls Árnasonar, efnahags- og viðskitpamálaráðherra.

Ökumenn bakka á í jólastressinu

Um tuttugu árekstrar urðu á höfuðborgarsvæðinu í dag, samkvæmt upplýsingum frá árekstri.is. Það eru töluvert margir árekstrar miðað við það sem gengur og gerist.

Hanna Birna: Er Orkuveitan að taka sér meira vald en eðlilegt er?

Hanna Birna Kristjánsdóttir, borgarfulltrúi í Reykjavík, spyr sig hvort að það sé nema von að kjörnir fulltrúar og íbúar í Reykjavík finnist Orkuveita Reykjavík taka sér oft meira vald en eðlilegt er.

Perlan gæti orðið ferðaþjónustumiðstöð með hóteli og heilsulaugum

Perlan verður að ferðaþjónustumiðstöð með heilsulaugum, hóteli, útsýnispalli og fleiru ef skipulagsyfirvöld Reykjavíkur fallast á hugmyndir hæstbjóðandi fjárfesta. Orkuveitan hefur skrifað upp á viljayfirlýsingu um söluna en tilboðið hljóðar upp á tæpan einn komma sjö milljarða króna.

5 af 1800 ölvaðir í eftirliti lögreglu

Átján hundruð ökumenn voru stöðvaðir á höfuðborgarsvæðinu um helgina í sérstöku umferðareftirliti sem lögreglu. Fimm ökumenn reyndust ölvaðir við stýrið og einn var undir áhrifum fíkniefna og eiga þeir allir ökuleyfissviptingu yfir höfði sér.

Hvutti þefaði uppi kannabisræktanir í íbúðarhúsi

Lögreglan á höfuðborgarsvæðinu stöðvaði tvær kannabisræktanir í Kópavogi fyrir helgina. Um var að ræða kannabisræktun í tveimur íbúðum í sama fjölbýlishúsinu. Í annarri þeirra var lagt hald á tæplega 30 kannabisplöntur og næstum 200 græðlinga.

Gras í Garðabæ

Lögreglan stöðvaði kannabisræktun í fjölbýlishúsi í Garðabæ á föstudag. Við húsleit á áðurnefndum stað var lagt hald á 20 kannabisplöntur, fjármuni og ýmsan búnað sem tengdist starfseminni. Tveir karlar á þrítugsaldri voru yfirheyrðir í þágu rannsóknarinnar og játuðu þeir aðild sína að málinu.

Aratúnsfjölskyldan áfrýjar ekki málinu

Aratúnsfjölskyldan ætlar ekki að áfrýja sýknudómi í meiðyrðamáli sem fjölskyldan höfðaði gegn Trausta Laufdal Aðalsteinssyni, sem bloggaði á vefsvæði DV. Trausti kallaði fjölskylduna meðal annars bilað lið og "mansonfjölskyldu sem ætti að vista í vel afgirtu búri í húsdýragarðinum".

Aratúnsfjölskyldan tapaði meiðyrðamáli í héraðsdómi

Trausti Laufdal Aðalsteinsson bloggari var í dag sýknaður af meiðyrðastefnu vegna ummæla sem hann viðhafði á bloggsíðu á DV. Það var fjölskylda í Aratúni sem stefndi Trausta en hann mun meðal annars hafa kallað fólkið "bilað lið“ og "mansonfjölskyldu sem ætti að vista í vel afgirtu búri í húsdýragarðinum“.

Helmingi meiri jólabjór seldur en í fyrra

Segja má að jólabjórinn hafi rokið út úr Vínbúðunum fyrir þessi jólin. Um 48%, eða nærri helmingi meira, hefur selst af bjórnum í ár en í fyrra, samkvæmt upplýsingum frá Sigrúnu Ósk Sigurðardóttur, aðstoðarframkvæmdastjóra Vínbúðanna.

Grunur um salmonnellu smit

Komið hefur upp grunur um salmonellusmit í ferskum kjúklingi framleiddum af Matfugli ehf. Frekari rannsókna er þörf til þess að staðfesta gruninn en þangað til þykir fyrirtækinu rétt að innkalla vöruna að því er fram kemur í tilkynningu.

Vilja að Össur sjái um málareksturinn hjá EFTA-dómstólnum

Fimm fulltrúar í utanríkismálanefnd vilja að hið formlega fyrirsvar málareksturs gagnvart EFTA-dómstólnum sé á hendi Össurar Skarphéðinssonar, utanríkisráðherra. Þetta var lagt fram á fundi nefndarinnar í kvöld.

Úlfar keppir um Gourmand

Uppskriftabók Úlfars Eysteinssonar, Úlfar eldar, var nýverið tilnefnd sem framlag Íslands á hinum virtu Gourmand verðlaunum í flokknum besta uppskriftabók matreiðslumeistara.

Undirbúa snjóframleiðslu í Ártúnsbrekku

Skíðasvæði höfuðborgarsvæðisins stefna að því að koma upp snjóbyssu við skíðasvæðið í Ártúnsbrekku. Að sögn Magnúsar Árnasonar, framkvæmdastjóra skíðasvæðanna, er um tilraunaverkefni að ræða, en tilgangurinn er meðal annars að geta boðið upp á fleiri skíðadaga á vetri og sýna fram á kosti snjóframleiðslu.

Reynt að brjótast inn í Skíðaskálann í Hveradölum

Tilraun var gerð til innbrots í Skíðaskálann í Hveradölum aðfaranótt miðvikudags í síðustu viku. Samkvæmt upplýsingum frá lögreglunni voru tvær rúður við hlið útihurðar brotnar og sá sem þarna var að verki náði að teygja sig í læsinguna og opna dyrnar. Það virtist ekki duga honum því hann hafði losað um þolinmóðana í hurðarlömunum, hefur væntanlega ætlað að losa hurðina af hjörum en horfið frá því. Ekki var að sjá að farið hafi verið inn í húsið.

Rösklega 40% borða skötu

Um 41,8% landsmanna ætlar að borða skötu á Þorláksmessu þessi jólin, samkvæmt niðurstöðum nýrrar skoðanakönnunar. Um 58,2% ætla hins vegar ekki að borða skötu þann daginn. Niðurstöður könnunarinnar, sem MMR gerði, sýna jafnframt að nokkur munur er á því hvort fólk ætlaði að borða skötu á Þorláksmessu eftir kyni og búsetu en þó sérstaklega eftir aldri. Af þeim sem tóku afstöðu ætluðu fleiri karlar en konur að borða skötu á Þorláksmessu eða 46,6% karla samanborið við 37% kvenna.

Enn fleiri gætu fengið ákæru í málinu

Embætti sérstaks saksóknara hefur gefið út ákæru á hendur tveimur fyrrverandi starfsmönnum Glitnis fyrir stórfelld umboðssvik. Samkvæmt heimildum Fréttablaðsins er um að ræða þá Lárus Welding, fyrrverandi forstjóra Glitnis, og Guðmund Hjaltason, fyrrverandi framkvæmdastjóra fyrirtækjasviðs Glitnis.

Dómstólar herða refsingar

Ákæruvaldið í landinu er farið að krefjast harðari refsinga yfir kynferðisbrotamönnum og dómstólar farnir að herða þær. Umræðan í samfélaginu frá almenningi, stjórnmálamönnum, grasrótarsamtökum og þolendum kynferðisbrota er farin að skila árangri í þyngri dómum. Þetta er mat Helga Gunnlaugssonar, afbrotafræðings við Háskóla Íslands.

Þyrla sótti konu frá Klaustri

Kallað var á þyrlu Landhelgisgæslunnar eftir að kona fékk heilablóðfall á Kirkjubæjarklaustri í gærkvöldi. Hún var flutt í sjúkrabíl til móts við þyrluna, sem lenti á þjóðveginum og tók hana upp í. Þá var konan heldur farin að hressast og var hún flutt á Landspítalann.

Slökkti eld í húsi nágrannans

Íbúa við Mývatn tókst með snarræði að slökkva eld í íbúðarhúsi nágranna síns, áður en hann næði að breiðast þar út. Kona, sem býr í húsinu, sá hvar eldur logaði innandyra þegar hún var að koma heim, og kallaði eftir hjálp.

Þrjú börn týndust í Jólaskóginum í Heiðmörk

Ungur drengur varð viðskila við foreldra sína í Jólaskóginum í Heiðmörk seinnipartinn í gær. Drengurinn gekk alls sex kílómetra leið að húsi á Vatnsenda þar sem hann knúði dyra og lét vita af sér.

Lítils háttar aukin áhætta en þó engin hætta

„Ég myndi ekki segja að hætta hafi skapast, en af þessu er sannarlega lítilsháttar aukin áhætta,“ segir Ingimar Sigurðarson, flugrekstrarstjóri Flugfélagsins Arna. Aðflug að austur-vesturbraut Reykjavíkurflugvallar hefur á þessu ári verið brattara en vanalegt er vegna hárra trjáa í Öskjuhlíð.

Flokkar málma sjálfkrafa frá

Flokkunarstöð Sorpu í Gufunesi hefur tekið í notkun búnað sem flokkar málmhluti sjálfvirkt, með segulafli, frá öðru sorpi. Því þurfa heimili á höfuðborgarsvæðinu og önnur svæði sem Sorpa þjónar í sorphirðu, ekki lengur að vera með sérstaka flokkunartunnu undir smáa málmhluti.

Stöðvaður með þýfi við útidyr

Tæplega þrítugur karlmaður hefur verið dæmdur í þrjátíu daga fangelsi, einkum fyrir að stela úr verslunum.

Þingi lokið þrátt fyrir óvissu um hríð

Þingmenn brugðu ekki út af vana sínum og dagskrá þingsins, síðustu daga fyrir jólafrí, var í uppnámi. Framan af virtist allt með ró og spekt en tillaga Bjarna Benediktssonar, formanns Sjálfstæðisflokksins, um að draga til baka ákæru á hendur Geir H. Haarde, virkaði sem sprengja inn í þingstörfin. Sátt náðist um málið og þingi lauk á laugardag.

Herjólfur til Þorlákshafnar

Herjólfur siglir til Þorlákshafnar mánudag til fimmtudags, 19. til 22. desember, vegna óhagstæðrar ölduspár fyrir Landeyjahöfn. Þetta kemur fram á vefsíðu Eimskips.

Rúta valt á hliðina

Rúta fór út af nærri Akranesafleggjara og valt á hliðina fyrir stundu. Ökumaðurinn var einn í rútunni og var hann færður á spítala til aðhlynningar. Vont veður er á svæðinu og talsvert slabb á götunum.

Suðurlandsvegur frá Breiðholtsbraut illfær

Lögreglan á höfuðborgarsvæðinu vill koma þeim upplýsingum til ökumanna að Suðurlandsvegur frá Breiðholtsbraut og austur er illfær fólksbifreiðum.

Styður ekki samgönguáætlun - vill stórframkvæmdir á höfuðborgarsvæðinu

Kristján L. Möller, þingmaður Samfylkingarinnar, segist ekki geta stutt samgönguáætlun sem Ögmundur Jónasson, innanríkisráðherra, lagði fyrir Alþingi fyrir skömmu.

Foreldrar vilja að börnin fái kornmeti á leikskólum

Nokkurrar andstöðu gætir meðal foreldra leikskólabarna á Akureyri vegna þess að hætt verður að gefa börnunum kornmeti í morgunmat en þess í stað fá þau ávexti. Stofnuð hefur verið undirskriftarsíða þar sem þessum breytingum er mótmælt.

Varað við mikilli hálku

Það hlánar í dag á láglendi, fyrst suðvestanlands með rigningu og hvassviðri. Við þær aðstæður verður flughálka á vegum þar sem snjór og ís er fyrir. Hríð og skafrenningur á fjallvegum, einkum um og eftir miðjan daginn.

Borgarbörn styrkja Ellu Dís - flytja leikrit í Iðnó í dag

Borgarbörn munu flytja leikritið Óværuenglarnir klukkan 14:00 í Iðnó í dag. Um er að ræða jólaleikrit barna- og unglingaleikhúss Borgarbarna. Allt andvirði aðgöngumiða verður látið renna óskipt til Ellu Dísar og systra hennar. Að auki verðu jólagjafasöfnun til Mæðrastyrksnefndar eftir sýninguna. Allir eru velkomnir.

Herjólfur siglir frá Landeyjarhöfn

Gert er ráð fyrir því að Herjólfur sigli þrjár ferðir milli Eyja og Landeyjahafnar í dag en Brottför frá Eyjum var klukkan 8:00 og svo 11:30 og 15:30.