Flugfreyjur á leið í verkfall

Flugfreyjufélag Ísland felldi í gær nýjan kjarasamning við Icelandair og er þetta í annað sinn sem flugfreyjur hjá fyrirtækinu hafna samningi sem samninganefnd þeirra hefur gert.

Tveir snarpir jarðskjálftar nærri Hveragerði

Jarðskjálfti upp á 3,8 á richter skók jörðu rétt eftir klukkan níu í morgun. Upptök skjálftans voru við Hellisheiðarvirkjun samkvæmt upplýsingum frá Veðurstofu Íslands.

Kona og barn flutt á spítala eftir umferðaróhapp

Kona misst stjórn á bifreið sinni á Suðurlandsveginum, skammt frá Litlu Kaffistofunni, snemma í morgun. Með konunni í bílnum var lítið barn.

Eldur í barnaherbergi

Eldur kviknaði í barnaherbergi í húsinu Birkifelli, sem er Við Laugar í Reykjadal, skammt frá Húsavík.

Ætlar sér að stefna Regnbogabörnum

Höfundur barnabókar um forvarnir gegn einelti ætlar sér að stefna samtökunum Regnbogabörnum fyrir að hafa ekki greitt sér fyrir bókina fyrir átta árum. Málið á rætur sínar að rekja til ársins 2003 þegar höfundurinn, Harpa Lúthersdóttir, gerði samkomulag við þáverandi framkvæmdastjóra samtakanna, Freyju Friðbjarnardóttur, um að gefa öllum börnum sem áttu að byrja í skóla haustið 2004 bókina að gjöf. Fjöldi barna það ár var 4.173 og lét Harpa því prenta 5.000 eintök. Framtakið var auglýst í bæklingi frá samtökunum árið 2003, en ekkert varð síðan af gjöfinni, því bókin var ekki talin nægilega góð til að gefa til grunnskólanna, að mati sérfræðinga. Harpa lagði út um tvær milljónir króna í útgáfu bókarinnar á sínum tíma. Hún hefur verið í reglulegum samskiptum við forsvarsmenn Regnbogabarna síðan bókin var gefin út, en upplagið hefur verið geymt í húsnæði samtakanna í fjölda ára. „Þetta er mjög sárt. Mér líður eins og ég hafi verið svikin,“ segir Harpa, sem var sjálf lögð í mikið einelti alla sína barnæsku og var það kveikjan að bókinni, sem ber heitið „Má ég vera memm?“. Samtökin hafa boðið Hörpu hálfa milljón króna og allar bækurnar til baka, en hún vill ekki taka því. „Ég viðurkenni að ég var svo vitlaus að trúa því að eineltissamtök stæðu við orð sín,“ segir Harpa. „En ég er með sannanir sem sýna fram á að samkomulagið var gert áður en ég lét prenta bækurnar.“ Stefán Karl Stefánsson, stofnandi Regnbogabarna, viðurkennir vissulega að mistök hafi verið gerð á sínum tíma. „Þetta voru mistök og bráðlæti í fólki í upphafi. Við tökum hluta af því á okkur,“ segir Stefán Karl. „Við buðum henni 500 þúsund og bækurnar til baka, en hún vildi ekki taka því. En við viljum leysa úr þessu máli í góðu, það er engin spurning.“ Stefán Karl segir samtökin hafa reynt allt sem í þeirra valdi stendur til þess að koma til móts við Hörpu, en allt komið fyrir ekki. Lögfræðingur Hörpu er nú að undirbúa stefnu á hendur Regnbogabörnum, og hefur fundað með forsvarsmönnum þeirra. sunna@frettabladid.is

Kólnandi veður á landinu næstu daga

Veður fer kólnandi á landinu á morgun með norðanátt á Vesturlandi og snjókomu. Úrkoman færir sig svo yfir Norður- og Austurlandið í næstu viku. Suðurland sleppur mestmegnis við snjó, en norðanáttin verður köld og nokkuð hvöss.

Vændi verði síður aðgengilegt

Fréttablaðið og Lögreglan á höfuðborgarsvæðinu hafa efnt til samstarfs um að koma í veg fyrir birtingar hugsanlegra dulinna vændisauglýsinga.

Íslendingar næsthamingjusamastir á eftir Dönum

Íslendingar eru næsthamingjusamasta þjóð veraldar á eftir Dönum. Þetta er niðurstaða Efnahags- og framfarastofnunar Evrópu (OECD) sem hefur gefið út skýrslu um vellíðan og hamingju í 40 löndum víða um heim.

Mesta virknin líklega að baki

Orkustofnun, með liðsinni Veðurstofu Íslands, ÍSOR og Orkuveitu Reykjavíkur, er að leggja lokahönd á minnisblað vegna smáskjálftavirkni á Hengilsvæðinu. Skjálftarnir tengjast niðurdælingu á jarðhitavökva frá Hellisheiðarvirkjun. Úttektin er gerð að frumkvæði iðnaðarráðuneytisins en skjálftavirknin hefur valdið íbúum nærliggjandi byggða nokkrum áhyggjum.

Hönnun bruna-reits verðlaunuð

Dómnefnd Phillipe Rotthier-stofnunarinnar hefur veitt arkitektastofunum ARGOS, Gullinsniði og Studio Granda sérstaka viðurkenningu fyrir hönnun endurbyggingar eftir miðbæjarbrunann.

Stefna að því að gera veskið óþarft

Valitor mun bráðlega fara af stað með verkefni þar sem hópi viðskiptavina fyrirtækisins verður boðið að nota farsíma sinn sem kreditkort. Um er að ræða samstarfsverkefni Valitor, Visa í Evrópu og norska tækniöryggisfyrirtækisins Oberthur en Ísland verður tilraunamarkaður fyrir þessa nýju tækni.

Forseti í viðtal vegna Airwaves

Forseti Íslands, Ólafur Ragnar Grímsson, fór í gærkvöldi í viðtal við bandarísku útvarpsstöðina KEXP, sem sendir nú út beint frá Kex hostel í miðborg Reykjavíkur.

Bjarg á við rútubíl valt niður að byggð

„Þetta hefði farið í gegnum hvaða íbúðarhús sem er eins og ekkert væri,“ segir Þorleifur Ágústsson, sem horfði á gríðarstór björg hrynja úr Gleiðarhjalla ofan Ísafjarðarbæjar á fimmtudag og staðnæmast rétt ofan við íbúabyggð.

Reglurnar ekki í gildi þegar keypt var inn

„Ábending Ríkisendurskoðunar um meint lögbrot ríkislögreglustjóra við innkaup á búnaði var byggð á reglugerð sem var ekki í gildi þegar innkaupin áttu sér stað.“ Þetta segir Haraldur Johannessen ríkislögreglustjóri, spurður um innihald greinargerðar sem embætti ríkislögreglustjóra sendi innanríkisráðherra, Ögmundi Jónassyni, fyrr í mánuðinum í kjölfar ábendinga Ríkisendurskoðunar um innkaup löggæslustofnana á tímabilinu 2008 til 2011. Ríkisendurskoðandi taldi að ríkislögreglustjóri hefði átt að bjóða út kaup fyrir 12,6 milljónir króna og leita verðtilboða fyrir um sjö milljónir króna.

Félag gegn lokun athvarfs fyrir fólk með geðraskanir

Vin við Hverfisgötu, athvarf Rauða Krossins fyrir fólk með geðraskanir, mun loka dyrum sínum eftir tveggja áratuga starf, í lok mars á næsta ári að öllu óbreyttu. Meðlimir nýstofnaðs hollvinafélags athvarfsins, Vinafélagið, hyggjast standa vörð um starfsemina.

164 milljarða afskriftir

Fjármálafyrirtæki höfðu í lok ágúst afskrifað lán til einstaklinga um 163,6 milljarða króna. Niðurfærsla vegna hinnar svokölluðu 110 prósenta leiðar nemur um 27,2 milljörðum en enn eru fimm þúsund mál í vinnslu. Þá nemur niðurfærsla vegna sértækrar skuldaaðlögunar tæpum 5,6 milljörðum króna en 600 mál eru enn í vinnslu.

Nammidagar varhugaverðir

„Slíkt er ekki samkvæmt opinberum ráðleggingum,“ segir Elva Gísladóttir, verkefnisstjóri næringar hjá landslæknisembætti, sem mælir á móti vikulegum nammidögum.

Ísafold prentar fyrir útlendinga

Prentun fyrir erlenda viðskiptavini verður í framtíðinni verulegur hluti af veltu Ísafoldarprentsmiðju. Þetta segir prentsmiðjustjórinn Kjartan Kjartansson, sem nú er staddur á bókamessunni í Frankfurt.

Enn ósamið við flugfreyjurnar

Liðsmenn Flugfreyjufélags Íslands felldu nýjan kjarasamning við Icelandair. Er þetta öðru sinni í þessari lotu sem flugfreyjur hjá fyrirtækinu hafna samningi sem samninganefnd þeirra hefur gert.

Ægir Geirdal stefnir ritstjóra

Ægir Geirdal listamaður hefur stefnt Steingrími Sævari Ólafssyni, ritstjóra vefmiðilsins Pressunnar, fyrir meiðyrði. Hann krefst ómerkingar á sex ummælum þar sem hann er sakaður um kynferðisbrot.

Alheimsmótmæli teygja anga sína til Íslands

Boðað hefur verið til mótmælafundar á Lækjartorgi á morgun, þann 15. október, sem ber yfirskriftina „Tökum Torgin“. Þessi fundur mun hinsvegar ekki einungis vera bundinn við Lækjartorg, þar sem alls er áætlað að mótmælt verði í hátt í eitt þúsund borgum víðsvegar um heim.

Eldingaveður á Suður- og Vesturlandi

Nokkuð mikið hefur verið um eldingar á landinu í kvöld og fregnir hafa borist af rafmagnsleysi á Suður- og Vesturlandi. Haraldur Eiríksson, veðurfræðingur á Veðurstofu Íslands segist ekki geta staðfest að tenging sé á milli rafmagnsleysisins og veðurfarsins, en eldingarnar kynnu að halda áfram frameftir kvöldi.

Tekur varnarmálakreppu Íslands ekki alvarlega

Fjármálaráðherra gefur minna en ekki neitt fyrir skýrslu rannsóknarstofnunar sænska hersins þar sem fram kemur að varnarmál á Íslandi séu í ólestri. Allir sofi rólegir á Íslandi.

Þingeyingar og Skagfirðingar segja grafið undan búsetu í héruðunum

Niðurskurður heilbrigðisstofnana á Húsavík og Sauðárkróki er í raun ákvörðun um að leggja af sjúkrahúsþjónustu í Þingeyjarsýslum og Skagafirði, að mati sveitarstjórnarmanna þessara héraða, sem telja að verið sé að kippa enn einni stoðinni undan búsetu á landsbyggðinni.

Hugmyndir um heilsulaugar við Perluna

Náttúrulegar heilsulaugar með heitum gufum og vaðlaugum í jaðri Perlunnar eru meðal hugmynda sem áhugasamir kaupendur á eigninni íhuga nú en tilboðsfrestur í eignina rennur út á þriðjudag.

Útisvæðið við Hörpu tilnefnt til norrænna verðlauna

Útisvæðið við tónlistar- og ráðstefnuhúsið Hörpu hefur verið tilnefnt til norrænna verðlauna sem besta nýja almenna rýmið, en verðlaunin verða veitt á ráðstefnu um arkitektúr sem haldin verður í Gautaborg þann 24. október næstkomandi.

Jón Bjarki áfrýjar líklega dómnum - sér fram á gjaldþrot

„Ég á vissulega erfitt með að skilja hvernig blaðamenn eiga að vinna vinnuna sína með þessu áframhaldi - eða bara sagnfræðingar ef því er að skipta," segir Jón Bjarki Magnússon, blaðamaður á DV, sem var í gær dæmdur til að greiða konu 700 þúsund krónur í msikabætur vegna ærumeiðandi ummæla sem birtust í DV í september á síðasta ári.

Benda á að 44 af 50 hafi útskrifast með góðum árangri

Á þeim nítján árum sem réttargeðdeildin á Sogni hefur verið starfsrækt hafa 50 sjúklingar verið innlagðir og hafa 44 þeirra verið útskrifaðir með góðum árangri. Enginn þeirra hefur verið endurdæmdur. Þetta kemur fram í ályktun eftir starfsmannafund á Sogni í dag. Í henni segir einnig að starfsmenn hafi mikla reynslu og starfsaldur þeirra sé hár og þekking á málefnum þeirra sem þangað leita sé afar mikil og miklvæg í meðferð sjúklinga. Starfsmennirnir skora á ráðherra og stjórnendur Landspítala Háskólasjúkrahúss til að endurskoða ákvörðun sína um að flytja starfsemina á Klepp.

Mótmæla fyrirhugaðri lokun líknardeildar

Starfsfólk Líknardeildar aldraðra á Landspítala Landakoti mótmælir harðlega fyrirhugaðri lokun á líknardeildinni. Í yfirlýsingu frá starfsfólki er lýst yfir miklum vonbrigðum með þá ákvörðun og þungum áhyggjum skjólstæðingum. Því er skorað á ráðamenn að draga úr niðurskurði gagnvart Landspítala og að þeir beiti sér fyrir því að líknarþjónusta við aldraða á Landspítala verði ekki skert.

Gunnar Rúnar kominn á Litla Hraun

Gunnar Rúnar Sigurþórsson var síðdegis í gær sóttur á réttargeðdeildina á Sogni og fluttur á Litla-Hraun eftir að Hæstiréttur dæmdi hann í sextán ára fangelsi fyrir að hafa ráðist að Hannesi Þór Helgasyni og veitt honum áverka með hnífi sem drógu hann til bana.

Búið að ná tökum á eldinum - einn fluttur á slysadeild

Slökkviliðið hefur náð tökum á eldi sem blossaði upp í Lakksmiðjunni á Smiðjuvegi í Kópavogi nú rétt eftir klukkan þrjú. Einn starfsmaður var fluttur á slysadeild vegna gruns um reykeitrun. Eldurinn var staðbundinn í húsnæðinu og gekk vel að ná tökum á honum. Nú vinna slökkviliðsmenn að því að slökkva í síðustu glæðunum í loftræstikerfi hússins.

Kannabisræktun í Vogahverfinu

Lögreglan á höfuðborgarsvæðinu stöðvaði kannabisræktun í húsi í Vogahverfinu í Reykjavík í dag og lagði við húsleit hald á rúmlega 50 kannabisplöntur og ýmsan búnað tengdan starfseminni.

Samkomulagi náð um norsk-íslenska síld

Heildarafli úr norsk-íslenska síldarstofninum mun verða 833 þúsund tonn árið 2012 samkvæmt samkomulagi sem náðist á fundi strandríkja í dag. Fundurinn var haldinn í London, en honum lauk í dag.

Eldur í Lakksmiðjunni

Eldur er kominn upp í Lakksmiðjunni á Smiðjuvegi 4 í Kópavogi. Allt tiltækt slökkvilið höfuðborgarsvæðisins hefur verið sent á staðinn og búið að kalla út frekari mannskap.

Sveik út vörur fyrir tæpar tvær milljónir króna

Lögreglustjórinn á höfuðborgarsvæðinu hefur ákært karlmann á þrítugsaldri sem grunaður er um umfangsmikil fjársvik. Maðurinn sveik út vörur fyrir fyrir tæpar tvær milljónir króna hjá ýmsum fyrirtækjum á höfuðborgarsvæðinu með því að segjast hafa heimild til að eiga viðskipti í nafni fyrirtækis sem hann tengdist þó á engan hátt.

Síðasti séns að vera með í Bylgjubingó

Í morgun hófst síðasta og stærsta Bylgjubingóið frá því að byrjað var að spila leikinn í byrjun mánaðarins en bingóið hefur notið gríðarlegra vinsælda.

Ökumaðurinn stakk af

Harður árekstur varð á gatnamótum Þverholts og Skeiðholts um hálf ellefu leytið í morgun. Ekki liggur fyrir hvort einhver slasaðist en báðar bifreiðarnar voru óökuhæfar eftir óhappið og voru fluttar á brott með kranabifreið.

SGS sættir sig ekki við óréttlætið

Þing Starfsgreinasamband Íslands getur ekki og ætlar ekki undir nokkrum kringumstæðum að sætta sig við það grímulausa óréttlæti sem íslensk heimili hafa mátt þola frá hruni. Þetta kemur fram í ályktun sem samþykkt var á þinginu sem nú stendur yfir. Í ályktuninni segir að stórum hluta forsendubrestsins hafi verið varpað miskunnarlaust yfir á heimili landsins á sama tíma og slegin hafi verið skjaldborg utan um kröfuhafa og erlenda vogunarsjóði.

Jackson með sveppasýkingu á fótunum og gífurlega grannur

Líkami Michael Jackson var þakinn örum þegar hann lést. Hann átti erfitt með að losa þvag, var með mjög alvarlega sveppasýkingu og var gífurlega grannur þar sem hann neytti hvorki matar né drykkjar. Þetta kom fram í réttarhöldum vestanhafs yfir lækni hans Conrad Murray.

Metvertíð í Makrílnum

Langbestu makrílvertíð hér við land til þessa er lokið og nemur útflutningsverðmæti afurðanna hátt á þriðja tug milljarða króna.

„Er ekki alveg ljóst að Ólafur Skúlason er að fara brenna í helvíti?“

Frosti og Máni í útvarpsþættinum Harmageddon fengu Séra Bjarna Karlsson í heimsókn til sín á dögunum. Þar voru málefni kirkjunnar rædd og veltu þeir meðal annars fyrir sér hvort að himnaríki og helvíti sé raunverulega til.

Þingeyingar ósáttir með svör Steingríms og gengu út

Fulltrúar fjögurra sveitarfélaga í Þingeyjarsýslum gengu í gær út af fundi á fjármálaráðstefnu sveitarfélaga sem nú stendur yfir. Ástæða þess að þeir fóru út úr salnum voru orð Steingríms J. Sigfússonar fjármálaráðherra sem var að svara fyrirspurn um atvinnumál í Þingeyjarsýslum.

Hressilegt haglél á Selfossi

Hressilegt haglél gerði á Selfossi á tíunda tímanum í morgun og glumdi hátt í þúsþökum og bílum.

Framsóknarmenn álykta um smokka

Stjórn Sambands ungra framsóknarmanna áréttar fyrri ályktanir um mikilvægi þess að lækka skatt á smokkum úr 25,5% í 7%. Í tilkynningu frá sambandinu segir að það sé ein þeirra leiða sem færar séu til að gerra smokka ódýrari, eins og sóttvarnaráð hafi kallað eftir.

Ofurölvi í árekstri

Ofurölvi karlmaður ók bíl sínum gegn rauðu ljósi á gatnamótum í Kópavogi á fjórða tímanum í nótt, þvert á annan bíl, sem var að aka þar yfir á grænu ljósi.