Fleiri fréttir

Herjólfur siglir á morgun

Gert er ráð fyrir að Herjólfur sigli frá Vestmannaeyjum til Landeyjarhafnar klukkan sex í fyrramálið og aftur til baka um einni og hálfri klukkustund seinna.

Launakostnaður lækkaður um milljarð

Launakostnaður á Landspítala hefur dregist saman um 973 milljónir króna á fyrstu átta mánuðum ársins miðað við sama tíma í fyrra. Þetta segir Björn Zoëga, forstjóri Landspítalans, í mánudagspistli sínum.

Stálu loftgæðamælistöð og skildu hana eftir á golfvelli

Loftgæðamælistöð í Vík í Mýrdal, sem Umhverfisstofnun hefur rekið til að fylgjast með öskufalli og síðan öskufoki vegna eldgossins í Eyjafjallajökli, var stolið um helgina. Stöðin, sem vegur um 70 kíló, fannst út á golfvelli bæjarins í um það bil kílómeters fjarlægð þar sem hún stóð.

Ekið á tíu ára dreng

Ekið var á tíu ára gamlan dreng á Hvaleyraholtinu í Hafnarfirði í dag. Drengurinn hlaut skurð á höfði og eymsl í vinstri fæti en slapp við beinbrot samkvæmt upplýsingum frá lögreglunni á höfuðborgarsvæðinu.

Sjálfstæðismenn: Stjórnarráðsfrumvarpið vanbúið

Sjálfstæðismenn í allsherjarnefnd, þau Birgir Ármannsson og Ólöf Nordal, hafa lagt fram minnihlutaálit varðandi frumvarp forsætisráðherra til breytinga á lögum um stjórnarráðið. Í álitinu er sett fram hörð gagnrýni á undirbúning og framsetningu frumvarpsins og það sagt fullkomlega vanbúið til afgreiðslu á Alþingi.

Krossgötu-detox sýknað

Eignarhaldsfélagið K 107 ehf. var sýknað af endurgjaldskröfu konu í Héraðsdómi Reykjavíkur í á föstudaginn. Félagi á og rekur Krossgötu-detox sem gerir út sína starfsemi á Hótel Glym.

Ný siglingaáætlun unnin fyrir Herjólf

Siglingastofnun Íslands vinnur nú að nýju útreikningum um við hvaða flóðhæð skal miða fyrir siglingar Herjólfs í Landeyjahöfn. Guðmundur Petersen, rekstarstjóri Herjólfs, segist bíða eftir niðurstöðunni og er hennar líklega að vænta síðar í dag.

Rannsaka hníf sem unglingar fundu í smábátahöfninni

Lögregla rannsakar nú hníf sem fannst við smábátahöfnina í Hafnarfirði. Tveir 15 ára piltar gáfu sig fram við lögreglu um helgina og framvísuðu hnífi sem þeir höfðu fundið í smábátahöfninni í Hafnarfirði.

Starfsmenn biskupsstofu gáfu mótmælanda kaffi

„Við fórum þarna út og gáfum honum kaffi,“ segir Elín Jóhannesdóttir hjá fræðslusviði biskupsstofu á Laugaveginum en hún bauð mótmælanda sem þar stendur, upp á kaffibolla. Það gerði hún ásamt konu sem rekur verslun í sama húsi.

Vill nýjan byskup

Einn mótmælandi stendur fyrir utan Biskupsstofu á Laugaveginum og krefst þess, samvkæmt skilti sem hann heldur á, að nýr biskup taki við starfinu.

Eftirlitsnefnd: Staða Vestmannaeyjabæjar er traust

Eftirlitsnefnd með fjármálum sveitarfélaga vill árétta að fjárhagsstaða Vestmannaeyjabæjar er traust og að ekki eru fyrirsjáanleg vandkvæði í fjármálum bæjarins. Áréttingin kemur eftir að forsvarsmenn bæjarins lýstu yfir óánægju með umfjöllun um stöðu 12 sveitarfélaga sem eftirlitsnefndin hafði sent fyrirspurnarbréf.

Fundur um Herjólf stendur yfir

Boðað var til fundar klukkan eitt um hvort Herjólfur siglir aftur í dag. Fundurinn stendur enn yfir en að honum loknum verður ljóst hvenær þeir sem hugðust fara með Herjólfi komast á áfangastað.

Gengislánamálið: Ráðherra útilokar ekki lagasetningu

Árni Páll Árnason, efnahags- og viðskiptaráðherra, segir ekki útilokað að gripið verði til lagasetningar eftir að niðurstaða hæstaréttar í gengislánamálinu liggur fyrir. Hart var deilt á ríkisstjórnina á Alþingi í morgun fyrir aðgerðarleysi vegna skuldavanda heimilanna.

Hitametin falla á hlýjustu dögum ársins

Hitamet hafa fallið á földa veðurstöðva, bæði norðanlands og vestan, í hitabylgunni sem leikið hefur um landið undanfarna daga, meðal annars á Akureyri, og laugardagurinn var hlýjasti dagur ársins til þessa yfir landið, sem þykir ótrúlegt, miðað við að komið er fram í septembermánuð.

Þétt setið í dómssalnum - málflutningi lokið

Málflutningur hófst í Hæstarétti í morgun í máli Lýsingar um vexti á gengistryggðu bílaláni. Þar með gæti óðum styst í að skorið verði úr óvissunni sem hvílt hefur á þúsundum landsmanna um vaxtakjör slíkra lána.

Gagnrýna flutning á málefnum fatlaðra

Ríkisendurskoðun og Öryrkjabandalag Íslands eru sammála um að framkvæmd og skipulag á þjónustu við fatlaða sé í mörgu ábótavant. Ekki liggur fyrir hvort hagkvæmara er að ríki eða sveitarfélög veiti þjónustuna. Formaður Öryrkjabandalagsins segir að félagsmálaráðuneytið hafi ekki unnið vinnuna sína.

Lúðvík aftur í bæjarstjórn Hafnarfjarðar

Fyrrverandi bæjarstjóri Hafnarfjarðar, Lúðvík Geirsson, tekur sæti á ný í bæjarstjórn Hafnarfjarðar. Lúðvík féll úr bæjarstjórn í síðustu kosningum en hann gaf kost á sér í 6. sæti á lista Samfylkingarinnar en náði ekki kosningu.

Kókaín á sextán þúsund grammið

Kókaín hefur sjaldan verið dýrara en nú og kostar grammið um 15.800 samkvæmt verðkönnun SÁÁ. Verð á kannabis hefur síðan lækkað mikið eftir sumarið og kostar nú 2.500 krónur. Ef miðað er við verðkannanir SÁÁ hefur hass ekki verið lægra síðan í árslok 2008. Kókaínverð er hins vegar í hæstu hæðum þessa mánuðina.

Einn af hverjum sjö körlum hafa farið á Vog

Fjórtán prósent karla á aldrinum 60 til 70 ára hafa farið í meðferð á Vogi og sex prósent kvenna á sama aldri. Þeir sem eru látnir, jafnvel úr áfengissýki, eru ekki taldir með. „Það er því von að spurt sé við hverju megum við búast þegar kannabis- og amfetamínkynslóðirnar eru komnar á sama aldur," ritar Þórarinn Tyrfingsson í nýjum pistli á vef SÁÁ.

Viðar Már og Þorgeir metnir hæfastir í Hæstarétt

Viðar Már Matthíasson prófessor og Þorgeir Örlygsson, dómari við EFTA-dómstólinn í Lúxemborg eru hæfastir umsækjenda til að gegna embætti hæstaréttardómara. Dómnefnd sem skipuð var til að meta hæfni umsækjenda hefur komist að þessari niðurstöðu. Fjórir skiluðu inn umsóknum, en auk þeirra Viðars Más og Þorgeirs sóttust héraðsdómararnir Sigríður Ingvarsdóttir og Sigrún Guðmundsdóttir, eftir embættinu.

Landeyjahöfn „eitt stórt klúður“

„Þetta er bara eitt stórt klúður," segir Grétar Mar Jónsson, fyrrverandi þingmaður Frjálslynda flokksins, sem varaði mjög við byggingu Landeyjahafnar fyrir Herjólf. Grétar á að baki þrjátíu ára reynslu sem sjómaður og þegar hann sat á þingi talaði hann gegn því að Landeyjahöfn yrði byggð á þann hátt sem gert var.

Mótmælanda Íslands minnst í kvöld

„Í dag er liðið ár frá andláti Helga Hóesasonar og við ætlum að minnast þess með lítilli minningarhellu,“ segir Alexander Freyr Einarsson, sem ásamt meðlimum Vantrúar og velgjörðarmanna af Facebook, mun afhjúpa minningarhellu á horni Langholtsvegar og Holtavegar í dag.

Herjólfur getur ekki lengur siglt til Landeyjahafnar

Vestmannaeyjaferjan Herjólfur getur ekki lengur siglt til Landeyjahafnar, að mati Ívars Gunnlaugssonar skipstjóra, þar sem höfnin er orðin of grunn vegna framburðar á sandi og gosefnum, sem berst inn í höfnina.

Eldur í bíl á Selfossi

Eldur gaus upp í bíl í gærkvöldi, sem verið var að rífa fyrir utan íbúðarhús við Eyrarveg á Selfossi.

Bílvelta á Grundarstíg

Bíl var ekið utan í handrið við Grundarstíg í miðborg Reykjavíkur um tvö leitið í nótt með þeim afleiðingum að bíllinn valt.

Unnusta Hannesar: Játning Gunnars gríðarlegt áfall

„Ég er búin að vera að bíða eftir niðurstöðum úr þessu máli, hvort sem þetta hafi verið Gunnar eða einhver annar, en þetta eru þær verstu sem gátu verið," segir unnusta Hannesar Þórs Helgasonar sem var myrtur á heimili sínu 15. ágúst. Hún er einnig æskuvinkona Gunnars Rúnars Sigþórssonar, 23 ára gamals karlmanns, sem hefur nú játað á sig morðið. „En auðvitað er ég ánægð að það séu komin málalok."

Bið múslíma eftir mosku brátt á enda

Tíu ára bið múslima á Íslandi eftir lóð undir mosku í Reykjavík gæti senn verið á enda, en borgaryfirvöld eru vongóð um að geta fundið lóð á næstu vikum.

Sameinað átak gegn svartri vinnu hafið

Átaki gegn svartri atvinnustarfsemi og undirboðum á vinnumarkaði var hleypt af stokkunum um miðjan mánuðinn. Undir­búningur stendur yfir en á nýju ári verður nýjum reglum fylgt ákveðið eftir.

Umræða nái yfir landamærin

Fyrirkomulag og ákvarðanataka innan Evrópusambandsins er flókin málamiðlun 27 ríkja. Þau þurfa að ná samkomulagi um að hvers konar lýðræði nákvæmlega sé stefnt, áður en hægt er að minnka stofnanalegan lýðræðishalla sambandsins með kerfislægum umbótum. Þetta kom fram í máli Dr. Maximilians Conrad, lektors við Háskóla Íslands, í á vegum Alþjóðamálastofnunar skólans á föstudag. Conrad telur aðra leið að lausn vandans vera að auka umræðu sem nær milli landa.

Skáksveit Rimaskóla Norðurlandameistari

Skáksveit Rimaskóla sigraði á Norðurlandamóti barnaskólasveita sem fram fór um helgina í Osló í Noregi. Sveitin sigraði finnsku sveitina 3,5 - 0,5 í lokaumferðinni og hlaut 15 vinninga, 1,5 vinningi meira en Danir sem urðu aðrir.

„Þjóð sem á ekki bót fyrir rassinn þarf erlent fjármagn“

Jón Baldvin Hannibalsson, fyrrverandi utanríkisráðherra, var frummælandi á fundi aðildarfélaga Samfylkingarinnar í gær undir yfirskriftinni Naflaskoðunin í Samfylkingunni. Meðal þess sem Jón Baldvin ræddi voru þau verkefni sem stjórnvöld standa nú frami fyrir.

Ræða Jóns Baldvins í heild sinni

Jón Baldvin Hannibalsson, fyrrverandi utanríkisráðherra, var frummælandi á fundi aðildarfélaga Samfylkingarinnar í gær. Fundurinn var haldinn undir yfirskriftinni Naflaskoðunin í Samfylkingunni.

Árni Páll ætlar að koma böndum á smálánin

Forstjóri Fjármálaeftirlitsins segist geta tekið við eftirliti með smálánafyrirtækjum ef því fylgir aukið fjármagn til stofnunarinnar. Nýr efnahags- og viðskiptaráðherra undirbýr lagafrumvarp sem á að koma böndum á starfsemi lánafyrirtækjanna.

Atvinnuleysi mun aukast

Fátt bendir til þess að dekkstu spár um atvinnuleysi muni rætast að mati forstjóra vinnumálastofnunar. Hann á hins vegar von á því að atvinnuleysi muni aukast í vetur og ná hámarki í byrjun næsta árs.

Bera slasaðan ferðamann niður jökul

Björgunarsveitir Slysavarnafélagsins Landsbjargar frá Hvolsvelli, Vík og Hellu voru kallaðar út klukkan korter í þrjú vegna manns sem slasaðist á göngu í skriðjökli sem gengur niður af Sólheimajökli.

Brunakerfi Þjóðleikhússins bilaði

„Þetta var sem betur fer bara falskt útkall, skulum við segja,“ segir Ari Matthíasson framkvæmdastjóri Þjóðleikhússins. Sextíu ára afmælishátíð þjóðleikhússins er haldin í dag og eru margir komnir saman til að fagna þeim áfanga. Hinar ýmsu persónur leikrita þjóðleikhússins skemmta börnum og þá eru einnig grillaðar pylsur.

Ögmundur er andvígari ESB aðild en áður

Ögmundur Jónasson nýr innanríkisráðherra í ríkisstjórn Jóhönnu Sigurðardóttur var gestur í Silfri Egils í dag. Þar sagðist hann meðal annars vera andvígur því að viðræðuferlið við Evrópusambandið sé að breytast í aðlögurnarferli. Hann sagðist einnig hafa hitt Evu Joly í fyrrakvöld.

Sjá næstu 50 fréttir

Mest lesið