Sjálfstæðismenn: Stjórnarráðsfrumvarpið vanbúið

Sjálfstæðismenn í allsherjarnefnd, þau Birgir Ármannsson og Ólöf Nordal, hafa lagt fram minnihlutaálit varðandi frumvarp forsætisráðherra til breytinga á lögum um stjórnarráðið. Í álitinu er sett fram hörð gagnrýni á undirbúning og framsetningu frumvarpsins og það sagt fullkomlega vanbúið til afgreiðslu á Alþingi.

Að þeirra mati væri eðlilegast að ríkisstjórnin frumvarpið aftur inn á sitt borð og legði fram fullbúið frumvarp til breytinga á stjórnarráðslögunum. Að sögn þingmannanna er markmið um sameiningu ráðuneyta í því skyni að efla stjórnsýsluna og draga úr kostnaði virðingarverð og í samræmi við afstöðu sjálfstæðismanna.

„Hins vegar er nauðsynlegt að ríkisstjórnin vinni heimavinnuna áður en frumvarp af þessum toga er lagt fram á þingi og afgreitt þar," segir í tilkynningu frá þeim Birgi og Ólöfu.

Nefndarálitið má lesa í heild sinni hér.