Stálust til veiða í Þorleifslæk

Fjórir menn, sem sást til við veiðar í Þorleifslæk, flúðu af hólmi úr Stöðvarhyl, einum besta veiðistað árinnar, þegar aðvífandi veiðimaður innti þá eftir veiðileyfi. Mun þetta ekki vera eina dæmið um að sést hafi til veiðiþjófa í Þorleifslæk í vor að því er segir á vef Stangaveiðifélags Reykjavíkur.

Viðhald fyrir 13 milljónir króna

Viðhaldskostnaður Grímseyjarferjunnar Sæfara nemur minnst þrettán milljónum króna á þessu ári, samkvæmt nýrri samgönguáætlun.

Ungir bændur fái nýliðastyrk

Aðalfundur Samtaka ungra bænda beindi því til stjórnar samtaka sinna að beita sér fyrir því að komið verði á „raunverulegum nýliðunarstyrkjum til að tryggja endurnýjun í landbúnaði“ eins og segir í ályktun fundarins sem haldinn var við Mývatn 17. apríl.

Tveir karlar út tvær konur inn

Breytingar hafa verið gerðar á starfshópi um skattkerfið í kjölfar ábendinga um að skipan hans uppfyllti ekki ákvæði jafnréttislaga um jöfn hlutföll kynja.

Helga leiðir Frjálslynda í Reykjavík

Helga Þórðardóttir, kennari, skipar 1. sætið á framboðslista Frjálslynda flokksins í borgarstjórnarkosningunum í maí. Haraldur Baldursson, tæknifræðingur, skipar 2. sætið. Framboðslistinn var kynntur í gær.

Óróinn bendir ekki til gosloka

Virkni eldgossins á Eyjafjallajökli síðastliðinn sólarhring hefur verið mjög svipuð samkvæmt mælingum og hún var í gær. Vatnsrennsli í Markarfljóti hefur haldist nokkuð stöðugt um 6,1 metri við gömlu Markarfljótsbrúna. Óróinn hefur einnig verið nokkuð svipaður síðastliðinn sólarhring og bendir hann ekki til þess að gosinu sé að ljúka.

Skálmöld á Laugavegi

Eiturlyfjasala, vændi og ofbeldi er daglegt brauð á aðalverslunargötu höfuðborgarinnar, Laugaveginum. Þetta segir verslunareigandi sem vill sýnilegri löggæslu svo að gestir miðborgarinnar fái frið fyrir óreglufólki.

Fólk virði lokanir

Lögreglan á Hvolsvelli minnir á að öll almenn umferð er bönnuð nærri eldstöðinni á Eyjafjallajökli. Bannsvæðið nær yfir jökulinn og hlíðar hans, Fimmvörðuháls og Mýrdalsjökul. Einnig er vegurinn í Þórsmörk lokaður allri umferð. Fólk er beðið um að virða þessar lokanir. Gert hefur verið kort af bannsvæði Eyjafjallajökuls sem fylgir með þessari frétt.

Miðstjórn Framsóknarflokksins kemur saman

Vorfundur miðstjórnar Framsóknarflokksins verður í Valsheimilinu að Hlíðarenda á morgun. Fundurinn verður settur um tíuleytið og síðan tekur við ræða formanns, Sigmundar Davíðs Gunnlaugssonar.

Keppast við að hreinsa ösku af þökum

Undir Eyjafjöllum keppast slökkviliðsmenn við að hreinsa ösku af þökum. Þótt flestir vonist eftir því að nú fari að rigna duglega umbreytir bleytan öskunni í þykkan leir sem enginn hægðarleikur er að þrífa burt.

Allt flug um Akureyrarflugvöll

Allt flug, til og frá landinu, fer nú um Akureyrarflugvöll á meðan Keflavíkurflugvöllur er lokaður af völdum eldgossins. Mikið álag hefur verið á starfsfólkinu fyrir norðan en allt hefur gengið áfallalaust fyrir sig.

Grunnskólabörn með rykgrímur

Grunnskólabörn á Hvolsvelli þurfa að bera rykgrímur til að verja sig fyrir öskunni úr Eyjafjallajökli sem nú er tekin að fara yfir þéttari byggðir. Almannavarnir vara foreldra og skólayfirvöld við því að leyfa börnum að vera úti að leik á meðan öskufall er.

Lífeyrissjóðirnir tapa 6-8 milljörðum á þroti Byrs

Lífeyrissjóðirnir tapa sex til átta milljörðum króna á þroti Byrs sparisjóðs. Erlendir kröfuhafar höfnuðu tilboði ríkisins um fjárhagslega endurskipulagningu Sparisjóðsins í Keflavík og Byrs í tvígang. Stofnfjáreigendur tapa öllu sínu og ríkið verður eigandi sjóðanna.

Flogið til Varsjár og Alicante á morgun

Iceland Express flýgur frá Akureyri til Varsjár í Póllandi klukkan 6 í fyrramálið. Sætaferðir verða frá BSÍ á miðnætti. Þá fer önnur vél félagsins frá Akureyri til Alicante klukkan 15:30 á morgun og verða sætaferðir frá BSÍ klukkan 9:30 í fyrramálið.

Ekki búist við öskufalli á höfuðborgarsvæðinu

Samkvæmt upplýsingum Veðurstofu hefur heldur dregið úr öskufalli frá eldgosinu í Eyjafjallajökli en spáð er suðaustlægri átt í dag og vaxandi vindi. Eitthvað öskufall er nú í átt að Fljótshlíð og verður líklega áfram norðvestur af eldstöðinni næstu daga. Í dag var tilkynnt um „öskufjúk“ á Rangárvöllum og í Hveragerði, að fram kemur í tilkynningu frá samhæfingarstöð almannavarna.

Samkomulag um byggingu hjúkrunarheimilis í Mosfellsbæ

Félags- og tryggingamálaráðherra og bæjarstjóri Mosfellsbæjar undirrituðu í dag samning um byggingu hjúkrunarheimilis í Mosfellsbæ. Ráðgert er að hefja framkvæmdir í sumar og að heimilið verði tekið í notkun vorið 2012.

Meintir kókaínsmyglarar áfram í gæsluvarðhaldi

Sex manns, fimm karlar og ein kona sem öll voru handtekin um þar síðustu helgi, hafa verið úrskurðuð í áframhaldandi gæsluvarðhald en þau eru grunuð um aðild á innflutningi kókaíns hingað til lands frá Spáni. Um er að ræða rúmlega 3 kg af mjög hreinu kókaíni.

Miðbaugsmaddaman verður ekki ákærð fyrir hagnýtingu vændis

Catalina Ncogo verður ekki ákærð fyrir hagnýtingu vændis þar sem hún hefur áður verið dæmd fyrir sama brot og því er ekki hægt að sakfella hana og refsa fyrir háttsemi sem hún hefði þegar hlotið refsidóm fyrir.

Nágrannavarslan kom upp um innbrot og fíkniefnamisferli

Síðasta mánudag var brotist inn í íbúðarhús í Hveragerði og þaðan stolið fartölvum, sjónvarpsflakkara, myndavél og fleiri hlutum.

Grunnskólar sameinaðir í Hafnarfirði

Bæjarstjórn Hafnarfjarðar samþykkti með 11 samhljóða atkvæðum í vikunni að sameina Engidalsskóla og Víðistaðaskóla frá haustinu undir einni yfirstjórn.

Félag háskólakennara vill framtíðarstefnu fyrir háskólastig

Á fundi stjórnar Félags háskólakennara dags. 23. apríl 2010 var eftirfarandi ályktun samþykkt:

Fóru í annað sjúkraflug til Grænlands

Flugvél frá Mýflugi fór ásamt lækni frá sjúkrahúsinu á Akureyri og sjúkraflutningamanni frá slökkviliðinu til Upernavik á vesturströnd Grænlands, sem er fjórði nyrsti bær í heimi.

Árni ætlar að áfrýja

Árni Mathiesen hyggst áfrýja dómi Héraðsdóms Reykjavíkur en hann ásamt íslenska ríkinu var gert að greiða Guðmundi Kristjánssyni, lögfræðingi, þrjár og hálfa milljón króna óskipt vegna skipunar Þorsteins Davíðssonar sem héraðsdómara á Norðurlandi eystra 2007.

Nemi í HÍ vekur athygli vegna meðhöndlun krabbameins

Rannsókn á nýrri meðhöndlun krabbameins, sem doktorsnemi við Háskóla Íslands vinnur að frekari þróun á samstarfi við erlenda aðila, hefur vakið gríðarlega athygli í Bretlandi.

Rúmir þrír milljarðar settir í viðhaldsverkefni

Ríkisstjórnin samþykkti á fundi sínum í morgun að setja 3,2 milljarða í viðhaldsverkefni á opinberum byggingum. Því hefur 500 milljónum verið bætt til viðbótar við það sem áður hafði verið samþykkt.

Icelandair: Gert ráð fyrir lokun Keflavíkurflugvallar næstu tvo sólarhringa

Icelandair hefur sett upp flugáætlun sína fyrir næsta tvo sólarhringa og miðar hún við áframhaldandi lokun Keflavíkurflugvallar. „Laugardag 24. apríl og sunnudag 25. apríl verður flugvöllurinn í Glasgow því miðstöð millilandaflugs Icelandair,“ segir í tilkynningu frá félaginu.

Slökkviliðsmenn þrífa hús á öskufallssvæðinu

Samkvæmt upplýsingum frá lögreglunni á Hvolsvelli vinnur nú fjöldi slökkvibíla og slökkviliðsmanna að því að þvo hús á öskufallssvæðinu. Lögreglan segir rólega virkni í eldstöðinni, ekki hafi borist tilkynningar um neitt öskufall en öskumistur er nokkuð vestan við eldstöðina, svo sem í Fljótshlíð og á Hvolsvelli.

Alþjóðlegur dagur bókarinnar er í dag

Alþjóðlegur dagur bókarinnar er í dag, 23. apríl. Deginum var komið á fót af Unesco Alþjóðadegi bókarinnar var komið á fót af UNESCO og er helgaður bókum og höfundarrétti. Ástæðan fyrir valinu er að 23. apríl, messa heilags Georgs, hefur um langa hríð verið dagur bókarinnar í Katalóníu og bóksalar Barcelona jafnan gefið rós eða önnur blóm með hverri bók sem seld er þennan dag.

Þurfa að greiða milljónir í miskabætur vegna skipunar dómara

Árni Mathiesen og íslenska ríkið var dæmt til þess að greiða Guðmundi Kristjánssyni lögmanni óskipt þrjár og hálfa milljón í miskabætur fyrir að skipa Þorstein Davíðsson sem héraðsdómara árið 2007. Dómurinn var kveðinn upp í Héraðsdómi Reykjavíkur í morgun.

Líf á eldfjallaeyju: Fjölskyldudagskrá í Öskju á morgun

Háskóli Íslands verður á morgun með dagskrá fyrir alla fjölskylduna í máli og myndum um jarðfræði og líffræðilega fjölbreytni Íslands í Öskju, náttúrufræðihúsi Háskóla Íslands.

Evrópureisan hófst með rútuferð til Akureyrar

Vélar Iceland Express til Kaupmannahafnar og Berlínar, sem áttu að fara í dag, verða sameinaðar í einu flugi frá Akureyri í dag. Farþegarnir eru nú á leið til Akureyrar og fóru rútur frá BSÍ áleiðist norður klukkan tvö. Vél félagsins til London Gatwick, sem fara átti snemma í fyrramálið verður frestað um 24 tíma.

Formaður BÍ: Mótframboð kom á óvart

„Ég verð að viðurkenna að þetta framboð kom mér þó á óvart,“ segir Þóra Kristín Ásgeirsdóttir, formaður Blaðamannafélags Íslands, en henni hefur borist mótframboð í formannsembættið frá framkvæmdarstjóra félagsins, Hjálmari Jónssyni.

Ekkert öskufall í Reykjavík

Ekki verður neitt öskufall í Reykjavík þótt búið sé að loka flugvöllum á suðvesturhorninu.

Formannsslagur BÍ: Gefur kost á sér vegna óánægju

„Það hefur verið ágreiningur á milli mín og formannsins um starfsaðferðir og stefnumörkun,“ segir Hjálmar Jónsson, framkvæmdarstjóri Blaðamannafélags Íslands en hann hefur gefið kost á sér í formannsembætti félagsins.

Tún á bænum Önundarhorni verða hreinsuð

Jón Bjarnason, sjávarútvegs- og landbúnaðarráðherra, hefur kynnt þá ákvörðun í samráði við stjórn Bjargráðsjóðs að heimila að hafist verði handa við hreinsun túna á bænum Önundarhorni undir Eyjafjöllum.

Sluppu ótrúlega vel þegar bíllinn féll 30 metra

Tvær rosknar manneskjur þykja hafa sloppið með ólíkindum vel, þegar bíll þeirra rann aftur á bak í flug hálku í brekku við Kaldbaksvík á Ströndum um níuleitið í gærkvöldi, fór út af veginum og að minnstakosti 30 metra ofan í fjöru.

Varað við ferðalögum til Tælands

Hörð mótmæli halda áfram í höfuðborg Tælands Bangkok þar sem stuðningsmenn fyrrverandi forsætisráðherra landsins hafa mótmælt ríkjandi stjórnvöldum í sex vikur samfleytt.

Ekið á hross og það aflífað í kjölfarið

Aflífa þurfti hross, eftir að stórum pallbíl var ekið á það á þjóðveginum á milli Selfoss og Hveragerðis um miðnætti.

Engar breytingar á gosinu - öskufall til vesturs

Engar breytingar urðu á eldgosinu í Eyjafjallajökli frá því sem hefur verið í rúmann sólarhring. Vindur hefur hinsvegar snúist í austurátt þannig að líitlsháttar öskufall er nú vestur af eldstöðinni.

Flugvellir lokaðir: Stóraukinn viðbúnaður á Akureyri

Fjölgað verður í slökkviliðinu á Akureyrarflugvelli í dag og liðsauki landamæravarða af Keflavíkurflugvelli verður sendur þangað til að mæta þar stór aukinni alþjóðaflugumferð, eftir að Keflavíkur- og Reykjavíkurflugvöllum var lokað undir morgun vegna hættu á eldfjallaösku í lofti.

Lundaholur sviðnuðu í Vigur

Yfir þrjátíu slökkviliðsmönnum tókst í gærkvöld að slökkva mikinn bruna sem kraumaði í jarðvegi í eynni Vigur í Ísafjarðardjúpi.

Meiri flúor frá Eyjafjallajökli

Freysteinn Sigmundsson jarðeðlisfræðingur segir ljóst að flúorinnihald gjósku hafi aukist eftir að kvika hætti að fara í gegnum vatn í gosgígnum í Eyjafjallajökli. Enn fremur kemur fram í tilkynningu frá fjölmiðlateymi samhæfingarstöðvar almannavarna að Freysteinn brýni fyrir fólki að halda áfram að hafa klút eða grímur fyrir vitum þegar það er úti við á þeim svæðum þar sem aska er að falla eða þar sem aska hefur fallið. „Gosaska í grennd við eldstöðvarnar á Eyjafjallajökli getur haft í för með sér ertingu og særindi í hálsi, sérstaklega fyrir fólk með astmaveikindi í öndunarfærum,“ segir í tilkynningunni.

Mesta dópmál í sögu Akureyrar

Akureyrarlögreglan fann 1,2 kíló af amfetamíni og 100 grömm af hassi þegar ráðist var í húsleitir á þremur stöðum samtímis á þriðjudagskvöldið var.

Mega ekki lista upp leyfislausa

Ferðamálastofu er ekki heimilt að birta á heimasíðu sinni lista yfir þá aðila sem stunda leyfis- eða skráningarskylda starfsemi án þess að hafa tilskilin leyfi. Í fyrirspurn til Persónuverndar segir að Ferðamálastofu hafi borist margar ábendingar um að ferðaþjónustuaðilar stundi starfsemi án leyfa.

Vilja ekki hús í fuglafriðland

Sjálfstæðismenn í umhverfis- og skipulagsnefnd Árborgar gagnrýna ákvörðun meirihlutans um að reisa 200 fermetra þjónustuhús í fuglafriðlandi á bökkum Ölfusár ofan við Eyrarbakka. „Við fögnum bættu aðgengi að friðlandinu en leggjumst gegn samkeppni sveitarfélagsins í kaffisölu. Nær væri að beina fjármagni sveitarfélagsins í kynningarstarf á fuglafriðlandinu,“ segir í bókun sjálfstæðismanna.