Viðhald fyrir 13 milljónir króna

Viðhaldskostnaður Grímseyjarferjunnar Sæfara nemur minnst þrettán milljónum króna á þessu ári, samkvæmt nýrri samgönguáætlun.

Kostnaður vegna ferjunnar var 93 milljónir á síðasta ári en verður 106 milljónir í ár. Almennt lækka framlög til ferjusiglinga á milli ára, í samræmi við niðurskurð í ríkisútgjöldum.

Sæfari fór sína fyrstu ferð milli Grímseyjar og Dalvíkur í apríl 2008 eftir umfangsmiklar endurbætur. Nam kostnaður við þær og kaup á skipinu rúmlega 550 milljónum sem var rúmum 400 milljónum yfir upphaflegri kostnaðaráætlun.

- bþs