Ingibjörg Sólrún Gísladóttir skipar heiðurssæti

Ingibjörg Sólrún Gísladóttir, fyrrverandi borgarstjóri og utanríkisráðherra, skipar heiðurssæti á framboðslista Samfylkingarinnar í Reykjavík fyrir borgarstjórnarkosningarnar í vor. Listinn var samþykktur á fundi Fulltrúaráðs Samfylkingarinnar á Grand Hótel í gærkvöld.

Útilokað að hafa tvo karla efsta

Ekki kemur til greina að hafa karla í tveimur efstu sætunum á lista Samfylkingarinnar í Mosfellsbæ, að mati oddvita flokksins, Jónasar Sigurðssonar.

Björgunarsveitamenn við störf fram eftir degi

Björgunarsveitir Slysavarnafélagsins Landsbjargar í Vestmannaeyjum, Sandgerði og á Suðurnesjum hafa haft í nógu að snúast í morgun vegna snjókomu og ófærðar.

Grunnskólanemum fækkar næstu árin

Nemendur í grunnskólum á Íslandi voru 42.929 haustið 2009, auk þess sem 89 börn stunduðu nám í 5 ára bekk í 5 skólum. Grunnskólanemendum hefur fækkað um 582 frá síðastliðnu skólaári, samkvæmt tölum Hagstofunnar. Nemur fækkunin um 1,3%.

Leiðtogar Indverja og Pakistana hittast

Leiðtogar Indlands og Pakistans hittast í dag á fundi til þess að ræða samskipti ríkjanna sem ávallt hafa verið stirð.

Ökumenn í vandræðum á Suðurnesjum

Lögreglan á Suðurnesjum þurfti í nótt að aðstoða þónokkra ökumenn á vanbúnum bílum, sem lent höfðu í vandræðum vegna snjóþyngsla, en töluvert hefur snjóað syðra í nótt og víða hefur skafið í skafla.

Ráðherrar víki af Alþingi

Gert er ráð fyrir að Siv Friðleifsdóttir, þingmaður Framsóknarflokksins, mæli í dag fyrir frumvarpi þess efnis að ráðherrar víki sæti á Alþingi á meðan þeir gegna ráðherraembætti.

Stórtækir þjófar á ferð á Nesjavöllum

Lögreglan í Árnessýslu rannsakar nú innbrot í Hótel Ásbúð við Nesjavelli, sem uppgötvaðist í gær, en þar er ekki rekstur í vetur. Þaðan var stolið sófum, rúmum, stólum og borðum, svo það helsta sé nefnt, og er ekki vitað hverjir þar voru á ferð.

Allt á kafi í snjó í Eyjum - skólahaldi aflýst

Björgunarsveitarmenn voru kallaðir út í Vestmannaeyjum undir morgun til að aðstoða vaktavinnufólk, sem sat fast í bíllum sínum vegna ófærðar. Öllu skólahaldi hefur verið aflýst í bænum í dag og segir lögreglan að kolófært sé víðast hvar. Fólki er því ráðlagt að halda sig heima verði því við komið.

Fleygðu manni fram af svölum í Vogum

Fimm menn á aldrinum 20 til 22 ára hafa verið ákærðir fyrir hrottalega árás á rúmlega þrítugan mann í Vogum á Vatnsleysuströnd fyrir ári.

Litlir fjárfestar geta illa leitað réttar síns

„Eftir að stjórn hluta­félags hefur verið skipuð á hinn einstaki hluthafi nánast enga möguleika á að hreyfa við einu eða neinu,“ segir Guðni Á. Haraldsson lögmaður og telur dæmi um að blokkir stærri eigenda fyrirtækja hafi farið offari í nokkrum tilvikum. „Þannig komu til dæmis upp svona blokkir og eyðilögðu stór félög á borð við Eimskipafélag Íslands og Icelandair.“

Stuðnings- og traustsyfirlýsing við Ísland

„Mér finnst þetta jákvætt álit og í því felst viðurkenning á Íslandi sem samstarfsríki innan EFTA og EES og jafnframt á aðgerðum ríkisstjórnarinnar til að endurreisa íslenskt efnahagslíf. Vissulega kemur fram að margt sé eftir en líka að við séum á réttri leið. Þess vegna finnst mér felast í þessu stuðnings- og traustsyfirlýsing við Ísland.“ Þetta segir Stefán Haukur Jóhannesson, sendiherra Íslands í Brussel og aðalsamningamaður, um álit framkvæmdastjórnar Evrópusambandsins um aðildarumsókn Íslands.

Segist ekki setja skattfé í einkaspítalann

Tekist var á um yfirlýsingar Ögmundar Jónassonar, þingmanns VG, um væntanlegt einkasjúkrahús á gamla varnarsvæðinu á Alþingi í gær. Fram hefur komið að leggja þurfi eitt hundrað milljónir króna til að endurbyggja gamla hersjúkrahúsið á svæðinu. Hefur Ögmundur lýst því yfir að þeir peningar hljóti að koma úr vösum skattgreiðenda og það á sama tíma og skera þurfi niður í heilbrigðiskerfinu.

Fara kettir og hundar í bann?

Íbúar í Hrísey og Grímsey munu kjósa um bann við hunda- og kattahaldi samfara sveitarstjórnarkosningum í maí ef tillaga framkvæmdaráðs Akureyrar verður samþykkt af bæjarráði.

Angraður með hávaða í átta ár

Íbúi einn í Kópavogi segist ætla að leggja fram kæru vegna mikils ónæðis frá Sporthúsinu. „Í tæplega sjö ár hef ég kvartað undan þessu við bæjar­yfirvöld, forráðamenn Sporthússins og lögreglu án árangurs og ekkert breytist. Ég get ekki hugsað mér að eyða enn einu sumrinu í garðinum undir látlausum drunum frá Sporthúsinu,“ segir í bréfi íbúans sem sent var undir yfirskriftinni„Endalaus hávaði“ og barst bæjaryfirvöldum í maí í fyrra.

Sjálfstæðisflokkur á meiri eignir en áður

Framlög lögaðila til Sjálfstæðisflokksins árið 2008 námu 8,6 milljónum króna, samkvæmt ársreikningi flokksins. Þessi framlög námu tæpum 57 milljónum árið 2007. Á sama tíma fóru eignir flokksins úr því að vera tæpar 462 milljónir og í rúmar 705 milljónir króna. Eigið fé flokksins fer úr 386,3 milljónum og í 662,7 milljónir, sem er aukning um 71 prósent.

Flugumsjónamenn sömdu við Icelandair

Stjórn og samningarnefnd Félags Flugumsjónarmanna á Íslandi samdi í dag við Icelandair um nýjan kjarasamning og gildir hann til 31. janúar 2011. Kjarasamningurinn er gerður með fyrirvara um samþykki félagsmanna, segir Karl Friðriksson, formaður félagsins, í tilkynningu.

Hollensk sendinefnd á leið til London

Hollensk sendinefnd heldur til London á morgun til fundar við íslensku samninganefndina um Icesave. Þetta kemur fram á vef Reuters. Hluti íslensku samninganefndarinnar hélt til London í gær og hefur beðið þar reiðubúinn til að ganga á fund með Bretum og Hollendingum.

Ragnheiður Elín: Ögmundur reynir að koma í veg fyrir atvinnusköpun

Þróunarfélag Keflavíkurflugvallar, sem er að fullu í eigu ríkisins, ætlar að leggja 100 milljónir til endurbóta á gamla hersjúkrahúsinu að Ásbrú.

Ikea-vaskur í lúxusíbúð Jóns Ásgeirs - leigjandi höfðar mál

Leigjandi lúxusíbúðar Jóns Ásgeirs Jóhannessonar og Ingibjargar Pálmadóttur í New York hefur höfðað skaðabótamál gegn hjónunum vegna innréttinga sem þau létu setja upp í íbúðinni. Fjallað er um málið vef New York Daily News í kvöld og þar kemur fram að meðal þess sem umræðir sé ljótur eldhúsvaskur úr Ikea.

Viðskiptaþvinganir gegn Ísrael ekki til skoðunar

Í málefnum Ísraels og Palestínu hafa viðskiptaþvinganir á Ísrael ekki komið til alvarlegrar skoðunar, að minnsta kosti enn sem komið er. Þetta kemur fram í svari Össur Skarphéðinssonar, utanríkisráðherra, við fyrirspurn Önnu Pálu Sverrisdóttur, varaþingmanns Alþingis. Hann útilokar þó ekki að nýjum úrræðum verði beitt á næstu missirum.

Reykjanesbær fær mest úr Jöfnunarsjóði sveitarfélaga

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um áætlaða úthlutun framlaga til jöfnunar á tekjutapi einstakra sveitarfélaga á árinu 2010 vegna lækkunar tekna af fasteignaskatti. Reykjanesbær fær hæsta framlagið.

Einn heilbrigðisstarfsmaður sviptur starfsleyfi í fyrra

Einn heilbrigðisstarfsmaður var sviptur starfsleyfi á árinu 2009, en það er alvarlegasta aðgerðin er sem gripið er til af hálfu heilbrigðisyfirvalda ef kærumál er staðfest. Auk þess var tveimur heilbrigðisstarfsmönnum veitt lögformleg áminning í framhaldi kvörtunarmáls og afrit sent til ráðherra eins og lög gera ráð fyrir. Þetta kemur fram í Talnabrunni, fréttabréfi landlæknis. Ekki kemur fram fyrir hvað starfsmaðurinn var sviptur starfsleyfi né hvar hann starfaði.

Byssubardagar í Reykjavík fái Hells Angels að festa rætur

Borgarstjórinn í Kaupmannahöfn varar Íslendinga við komu Hells Angels hingað til lands. Ekki líði að löngu þangað til glæpagengi skiptist á skotum á götum Reykjavíkur, eins og gerst hafi í Danmörku.

Segja Helguvík fara á fullt í sumar

Bjartsýni ríkir nú á Suðurnesjum um að álversframkvæmdir í Helguvík komist brátt á fulla ferð en eigendur Norðuráls segja það gerast í kringum mitt ár.

Varað við hálku á höfuðborgarsvæðinu

Lögreglan á höfuðborgarsvæðinu varar ökumenn við mikilli hálku á höfuðborgarsvæðinu og nágrenni. Ökumenn eru beðnir um að aka varlega.

Eignamenn sem vissu af hruninu munu ekki sleppa

Eignamenn, sem höfðu pata af hruninu og færðu eigur sínar yfir á fjölskyldumeðlimi fyrir örlagadaginn 6. október í hittiðfyrra, munu ekki sleppa ef nýtt frumvarp nær fram að ganga.

Segir son sinn ekki hafa látist af slysförum

Faðir Harðar Heimis Sigurðssonar sem lést á sunnudag, ári eftir að hann hlaut mikla áverka þegar ekið var á hann, segir son sinn ekki hafa látist af slysförum. Hann er mjög ósáttur við dóm yfir ökumanninum, en sá var undir áhrifum vímuefna og flúði af vettvangi.

Vitorðsmaðurinn úrskurðaður í gæsluvarðhald

Karlmaður sem talinn er vera vitorðsmaður sjötugs manns sem handtekinn var fyrr í mánuðinum með tæpt kíló af kókaíni í Leifsstöð var í dag úrskurðaður í vikulangt gæsluvarðhald.

Ræningi úrskurðaður í síbrotagæslu

Karlmaður á þrítugsaldri hefur verið úrskurðaður í síbrotagæslu til 23. mars að kröfu lögreglunnar á höfuðborgarsvæðinu. Maðurinn, sem hefur ítrekað komið við sögu hjá lögreglu, var handtekinn um helgina en þá hafði hann bæði brotist inn og framið rán í verslun í austurborginni þar sem hann ógnaði afgreiðslustúlku.

Faðir sjö ára stúlku sýknaður af ásökunum um barnaníð

Faðir sjö ára stúlku var sýknaður í Héraðsdómi Suðurlands af ásökunum að hafa beitt hana grófu kynferðislegu ofbeldi. Meðal annars með því að láta stúlkubarnið hafa við sig munnmök, nauðgað henni og í eitt skiptið sýnt telpunni klámmynd.

Kringlan flokkaði hundrað tonn af sorpi

Verslunareigendur og starfsfólk Kringlunnar flokkaði um hundrað tonn af sorpi árið 2009. Þetta lætur nærri að vera 23% af öllu sorpi sem féll til í tengslum við rekstur verslunarmiðstöðvarinnar samkvæmt tilkynningu frá Kringlunni.

170 yfirheyrðir vegna bankahrunsins

Sérstakur saksóknari hefur tekið skýrslur af 170 einstaklingum vegna bankahrunsins en þar af njóta 40-50 einstaklingar stöðu sakbornings en það gæti hæglega breyst.

Ekkert bólar á bíræfnum þjófum

Lögreglan rannsakar enn bíræfinn þjófnað sem átti sér stað við Herdísarvík á tímabilinu átta um kvöldið á mánudag til klukkan átta um morguninn daginn eftir.

Samtök lánþega vöruðu bankastarfsmenn við persónulegum ábyrgðum

Samtök lánþega dreifðu í morgun tilkynningu til allra starfsmanna Arion Banka þar sem samtökin bentu á ábyrgð starfsmanna gagnvart viðskiptavinum sínum.

ESB: Styrkja þarf sjálfstæði íslenskra dómstóla

Framkvæmdastjórn Evrópusambandsins leggur til að íslenska verði eitt af opinberum tungumálum ESB í áliti sem það gaf í dag út um aðildarumsókn Íslands að ESB.

SAS verður Blu

Radisson SAS hótelin, sem eru hluti af einni stærstu og virtustu hótelkeðju heims, heita nú Radisson Blu.

Stolinn Polo fundinn

Rauður Polo sem lýst var eftir hér á Vísi fyrr í dag er fundinn. Starfsmenn Heklu fengu ábendingu frá athugulum vegfaranda eftir birtingu fréttarinnar. Bíllinn hafði verið skilinn eftir í porti fyrir aftan hús nálægt Heklu. Hann var læstur en engir lyklar voru í honum.

Flateyrarvegur fær eftir snjóflóð

Flateyrarvegur er orðinn fær en snjóflóð féll á veginn í morgun. Samkvæmt Vegagerðinni kom flóðið niður Selabólsurð en það var 70 til 80 metra breitt og fjörtíu sentímetra djúpt.

Norðmenn harðari í afstöðu sinni til Icesave

Þriðjungur þeirra Norðmanna sem afstöðu tóku í könnun MMR um afstöðu til Icesave-deilunnar segja að Íslendingum eigi að verða gert að endurgreiða Bretum og Hollendingum að fullu. Í tilkynningu frá MMR segir að könnunin hafi verið framkvæmd dagana 11.-15. febrúar 2010 og var heildarfjöldi svarenda 1031 einstaklingar.

Fjármálaráðherra vonast eftir hreyfingu á Icesave

Talsmaður Alþjóðagjaldeyrissjóðsins fullyrðir að Icesave deilan hafi ekki áhrif á endurskoðun sjóðsins á efnahagsáætlun landsins. Fjármögnun áætlunar sjóðsins sé hins vegar grundvallaratriði við endurskoðun áætlunarinnar.

Vitorðsmaður gamla kókaínsmyglarans handtekinn

Lögreglan á Suðurnesjum hefur nú í haldi mann sem talinn er vera vitorðsmaður sjötugs manns sem handtekinn var fyrr í mánuðinum með tæpt kíló af kókaíni í Leifsstöð.

Telur skipulag virkjana á Hengilssvæði ólöglegt

Skipulag jarðvarmavirkjana á Hellisheiði er ólöglegt, að mati Atla Gíslasonar, lögmanns og þingmanns Vinstri grænna.

Framkvæmdastjórn ESB mælir með viðræðum

Framkvæmdastjórn Evrópusambandsins mælir með því við leiðtoga sambandins að hafnar verði viðræður við Íslendinga um aðild að sambandinu. Íslendingar uppfylli öll helstu skilyrði aðildar en verði að breyta löggjöf sinni varðandi sjávarútveg, landbúnað og fleira. Hluti efnahagsvanda Íslendinga nú, sé að bankarnir hafi verið einkavinavæddir á sínum tíma.

Lýst eftir stolnum Polo

Glænýrri Volkswagen Polo bifreið var stolið frá Heklu miðvikudaginn 17. febrúar síðastliðinn. Um er að ræða nýja gerð Volkswagen Polo, með skráningarreynslunúmerið RN325 sem er rautt númer. „Bifreiðin sem er mjög áberandi appelsínugul á litinn, er á álfelgum og samlit allan hringin.