Gríðarlegur áhugi á sjósundi - opnunartími lengdur

,,Aðsóknin hefur verið að aukast í hverri viku og það er alltaf að koma nýtt fólk," segir Árni Jónsson, deildarstjóri í útivistarmiðstöð Nauthólsvíkur, um gríðarlegan áhuga fólks um þessar mundir á sjósundi.

Stjórnmálamaðurinn þvældist fyrir seðlabankastjóranum

Davíð Oddsson seðlabankastjóri færði í Kastljósviðtali í gærkvöldi bestu rök sem hingað til hafa komið fram um hvers vegna stjórnmálamaður á ekki að vera seðlabankastjóri, segir Einar Mar Þórðarson stjórnmálafræðingur. Ljóst sé að ríkisstjórnin hafi ekki tekið mark á aðvörunum Davíðs, þar sem hún hafi verið að hlýða á málflutning stjórnmálamannsins, ekki seðlabankastjórans Davíðs. Þá segir hann Davíð hafa gefið arftaka sínum Geir Haarde falleinkunn.

Starfsmenn Mest styrkja Mæðrastyrksnefnd

Starfsmannafélag byggingavöruverslunarinnar Mest afhenti Mæðrastyrksnefnd Reykjavíkur peningastyrk í morgun. Mest fór í gjaldþrot á síðasta ári og yfir 100 manns misstu vinnuna. Þrátt fyrir að einhverjir þeirra séu ekki komnir með vinnu, var það einróma ákvörðun að láta Mæðrastyrksnefnd Reykjavíkur njóta uppgjörs starfsmannafélagsins og voru peningarnir afhentir í morgun.

Víða ekki hægt að ryðja vegna óveðurs

Vetur ríkir nú á norðaustanverðu landinu og hefur víða orðið ófært. Sumstaðar er ekki hægt að ryðja vegi vegna óveðurs, en ekki er vitað til að vegfarendur hafi lent í hrakningum.

Gagnrýna seðlabankafrumvarpið og verktakakaup Guðlaugs

Frjálshyggjufélagið furðar sig á þeim fljótfærnisvinnubrögðum sem minnihlutastjórn VG og Samfylkingar vill viðhafa við breytingar á lögum um Seðlabanka Íslands. Jafnframt gagnrýnir félagið óþarfa áherslu Guðlaugs Þór Þórðarson, fyrrverandi heilbrigðisráðherra, í ráðgjöf utan ráðuneytisins.

Samkomulag um háhraðanet til allra landsmanna

Fjarskiptasjóður og Síminn undirrituðu í dag samning um uppbyggingu háhraðanets um allt land. Með samningum er öllum landsmönnum tryggt háhraðanet fyrir árslok 2010. Um er að ræða tæplega 1800 heimili og verða þau fyrstu tengd innan mánaðar. Samningurinn er til fimm ára.

Viðskiptanefnd kölluð saman vegna seðlabankafrumvarps

Viðskiptanefnd Alþingis hefur verið kölluð saman til fundar. Seðlabankafrumvarpið er eina málið á dagskrá. ,,Forseti skipuleggur dagskrá þingsins, ekki ég. Ég boða bara fundi í viðskiptanefnd og hef gert það," sagði Álfheiður Ingadóttir, formaður nefndarinnar, aðspurð hvort hún eigi von á því að frumvarpið verði tekið til umræðu á þingfundi sem hefst klukkan 13:30. Hún á von á því að fundurinn standi stutt.

Valgeir Helgi gefur kost á sér fyrir Samfylkinguna

Valgeir Helgi Bergþórsson, formaður Ungra jafnaðarmanna í Hafnarfjarði, hefur ákveðið að gefa kost á mér í 3.-5. sæti í prófkjöri Samfylkingarinnar í Suðvesturkjördæmi. Með framboði mínu segist hann vera svara kalli kjósenda um endurnýjun á Alþingi.

Bifreiðastyrkir til hreyfihamlaðra hækka

Fjárhæðir styrkja og uppbóta vegna bifreiðakaupa hreyfihamlaðs fólks hækka um 20% og ýmis skilyrði fyrir styrkjum verða rýmkuð samkvæmt nýrri reglugerð sem Ásta Ragnheiður Jóhannesdóttir, félags- og tryggingamálaráðherra, kynnti fyrir fulltrúum Öryrkjabandalags Íslands og Sjálfsbjargar á fundi í gær.

Fundur viðskiptanefndar ekki á dagskrá

Ekki hefur verið boðað til fundar í viðskiptanefnd Alþingis vegna seðlabankafrumvarpsins. Staðan er óbreytt og frumvarpið er enn fast í nefndinni eftir að Höskuldur Þórhallsson, þingmaður Framsóknarflokksins, myndaði á mánudaginn meirihluta með sjálfstæðismönnum og studdi tillögu þeirra um að fresta málinu.

Töluverð snjókoma á Akureyri í nótt

Töluvert snjóaði á Akureyri í nótt og má búast við þæfingsfærð þar í grennd. Á Ísafirði var úrkoma sáralítil, þrátt fyrir spá um annað, og hlutust engin vandræði af óveðrinu. Aðstoða þurfti fólk í bíl sem fór út af veginum á Holtavörðuheiði í gærkvöldi og fyrr um kvöldið valt þar bíll, án þess að nokkur meiddist alvarlega.

Eldur í gróðrastöð í Mosfellsbæ

Eldur kviknaði í geymsluhúsnæði við gróðrastöð í Mosfellsbæ á tólfta tímanum í gærkvöldi. Þegar slökkvilið kom á vettvang logaði í plastkassastæðu og lagði mikinn reyk frá henni, meðal annars inn í gróðurhúsið, þar sem rósir eru ræktaðar. Slökkvistarf gekk vel og var gróðurhúsið reykræst en óvíst er hvernig rósunum reiðir af.

Fjögur innbrot í höfuðborginni í nótt

Fjögur innbrot voru framin á höfuðborgarsvæðinu í nótt og komust allir þjófarnir undan. Farið var inn í verslunina Vísi við Laugaveg, brotinn var upp sjálfsali við þvottastöðina Löður við Stekkjabakka

Björn: Samfylkingarráðherrar töfðu fyrir frumvarpi um sérstakan saksóknara

„Bloggkenndar spurningar Sigmars ristu of grunnt," segir Björn Bjarnason ,þingmaður Sjálfstæðisflokksins, á vef sínum um viðtal Sigmars Gumðundssonar Kastljóssmanns við Davíð Oddsson seðlabankastjóra. „Hafi þetta átt að vera einvígi, lá Sigmar í valnum," segir Björn jafnframt.

Fjölmiðlamenn áberandi fyrir næstu kosningar

Fjölmiðlamenn eru býsna áberandi í hópi þeirra manna sem sækja eftir sæti á Alþingi fyrir komandi þingkosningar. Þeir Sigmundur Ernir Rúnarsson og Róbert Marshall hafa báðir

Varaði við bankahruninu á ríkisstjórnarfundi

Davíð Oddsson varaði ríkisstjórnina við því að allt íslenska bankakerfið yrði komið á hausinn innan tveggja til þriggja vikna á ríkisstjórnarfundi sem haldinn var 30. september, eða daginn eftir að tilkynnt var um að ríkið myndi taka yfir meirihluta í Glitni. Þetta staðfesti Davíð Oddsson í Kastljósinu á RÚV nú undir kvöld.

Fjármagnsflutningar Kaupþings höfðu áhrif á ákvörðun um hryðjuverkalög

Davíð Oddsson seðlabankastjóri telur að það hafi haft mikil áhrif á bresk stjórnvöld að fé var flutt úr dótturfélagi Kaupþings, sem var undir bresku eftirliti. Þetta sagði Davíð þegar að hann var inntur eftir svörum í Kastljósi við því hvað hefði orðið til þess að Bretar beittu hryðjuverkalögum gegn Íslandi.

Tíu sjálfstæðismenn gefa kost á sér í Norðausturkjördæmi

Tíu manns gefa kost á sér í prófkjöri Sjálfstæðisflokksins í Norðausturkjördæmi vegna framboðslista við alþingiskosningarnar í vor. Prófkjörið verður haldið laugardaginn 14. mars næstkomandi.

Hvalur 8 í slipp eftir 20 ára stopp

Gamlir hvalskutlarar flykktust niður á Reykjavíkurhöfn í dag þegar Hvalur átta var tekinn upp í slipp til að undirbúa stórhvalaveiðar í sumar.

Borgin biðst vægðar en sýnir sjálf enga miskunn

Reykjavíkurborg, sem nú biðst vægðar vegna hækkandi húsaleigugjalda, hefur sjálf enga miskunn sýnt við hækkun fasteignaskatta á atvinnuhúsnæði og tvöfaldað tekjur sínar af þeim skatti á fáum árum. Þá helltu sveitarfélögin margvíslegum gjaldahækkunum á landsmenn nú um áramótin.

Ungir framsóknarmenn á Akureyri styðja Höskuld

Ungir framsóknarmenn á Akureyri lýsa yfir fullum stuðningi við Höskuld Þórhallsson vegna seðlabankafrumvarpsins. Segja þeir að Höskuldur hafi marglýst því yfir að hann vilji breytingar á stjórn Seðlabankans en breytingar þær sem gerðar verði þurfi að ná tilskyldum árangri.

Geðheilsuvefur opnaður við HÍ

Sigurður Guðmundsson, forseti Heilbrigðisvísindasviðs, opnar sérstakan vef um geðheilbrigði við Háskóla Íslands á morgun klukkan tvö í Háskólatorgi.

Spyr um verktakagreiðslur í ráðherratíð Guðlaugs

Eygló Harðardóttir, þingmaður Framsóknarflokksins hefur lagt fram á Alþingi fyrirspurn til Ögmundar Jónassonar, heilbrigðisráðherra, um verktakavinnu fyrir ráðuneytið á því tímabili sem Guðlaugur Þór Þórðarsson gegndi embætti ráðherra.

Staðinn verði vörður um sérþekkingu í hjúkrun

Fagdeild krabbameinshjúkrunarfræðinga innan Félags íslenskra hjúkrunarfræðinga vill að staðinn verði vörður um sérþekkingu í hjúkrun samhliða niðurskurði á fjárveitingum til heilbrigðismála og endurskipulagningar í heilbrigðiskerfinu.

65 ára gamall maður dæmdur fyrir kynferðisbrot

Héraðsdómur Reykjavíkur dæmdi í gær 65 ára gamlan karlmann í fimmtán mánaða fangelsi fyrir nauðgun með því að hafa haft samræði við konu sem ekki gat spornað við þeim sökum andlegra annmarka sinna. Maðurinn hafði ekki samræði við konuna og krafðist því sýknu. Hann sagðist einnig fyrir dómi ekki hafa vitað að konan væri haldin andlegum annmörkum.

Guðrún Inga vill fjórða sætið hjá Sjálfstæðisflokki

Guðrún Inga Ingólfsdóttir, hagfræðingur, vill svara kalli um endurnýjun og gefur því kost á sér í fjórða sætið í prófkjöri Sjálfstæðisflokksins í Reykjavík. Hún er 36 ára Reykvíkingur með reynslu af félagsstörfum og pólitísku starfi innan Sjálfstæðisflokksins.

Leiga stúdenta á Bifröst lækkar um 10 prósent

Ágúst Einarsson, rektor Hákólans á Bifröst, hefur tilkynnt nemendum um fyrirhugaða lækkun á húsaleigu á háskólasvæðinu. Húsaleigan lækkar um 10%.

Seðlabankastjóri skammar forsætisráðherra

Eiríkur Guðnason, seðlabankastjóri, skammar Jóhönnu Sigurðardóttir, forsætisráðherra í bréfi sem hann sendi henni í dag. Þar lýsir hann furðu sinni á vinnubrögðum og yfirlýsingum i sambandi við stjórnskipulagsbreytingar á Seðlabankanum. Í stað þess að sinna brýnum verkefnum í peningamálum og gjaldeyrismálum hafi miklum tíma verið eytt í óþarfa síðustu vikur að hans mati.

Fréttaskýring: Hver lætur eftirlýstan mann flytja inn 200 kg af fíkniefnum?

Ákæruvaldið fer fram á 10 ára fangelsisdóm hið minnsta yfir Þorsteini Kragh og Jacobi Van Hinte fyrir að skipuleggja og flytja inn tæplega 200 kíló af kannabisefnum og tæpt 1 ½ kíló af kókaíni. Verjandi Þorsteins fer fram á að hann verði sýknaður en verjandi hollendingsins telur hæfilega refsingu vera 6-7 ár hið mesta. Hann segir ennfremur að 10 ára fangelsisdómur yfir rúmlega sjötugum manni sé í raun lífstíðardómur. Vísir fylgdist með aðalmeðferð í málinu í Héraðsdómi Reykjavíkur í dag.

Gylfa líst illa á hugmyndir framsóknarmanna

Gylfi Magnússon viðskiptaráðherra segir að leita verði annara leiða til þess að koma til móts þá verst stöddu í þjóðfélaginu en þá leið sem Framsóknarflokkurinn kynnti í gær. Framsóknar menn vilja að 20 prósent íbúðalánaskulda almennings verði felldar niður. Gylfi segist ekki geta fallist á að svigrúm sé til þess að fella niður skuldir allra um 20 prósent.

Hrafnhildur kjörin í landskjörstjórn

Hrafnhildur Stefánsdóttir, hæstaréttarlögmaður, var kjörin í landskjörstjórn af Alþingi í dag. Hún tekur sæti Gísla Baldurs Garðarssonar í stjórninni en hann sagði af sér sem formaður landskjörstjórnar eftir að ríkisstjórn Jóhönnu Sigurðardóttur var mynduð.

Sextán þúsund án atvinnu

Atvinnuleysi heldur áfram að aukast hröðum skrefum og nú eru 16.046 manns atvinnulausir á landinu öllu. Sem kunnugt er af fréttum var gert ráð fyrir að atvinnulausir yrðu orðnir 10% af vinnuafli í vor en nú eru líkur á að það hlutfall komi jafnvel fyrr á árinu.

Seðlabankafrumvarpið tekið af dagskrá

Guðbjartur Hannesson, forseti Alþingis, tilkynnti í upphafi þingfundar í dag að seðlabankafrumvarpið hafi verið tekið út af dagskrá en upphafleg dagskrá gerði fyrir að málið til umræðu í dag.

Tillögum um stjórnlagaþing vísað til þingflokka

Hugmyndum ríkisstjórnarinnar hefur verið vísað til þingflokka stjórnmálaflokka sem sæti eiga á Alþingi. Eitt af skilyrðum Framsóknarflokkssins fyrir því að verja ríkisstjórnina falli var að komið yrði á stjórnlagaþingi sem semja myndi nýja stjórnarskrá.

Óli Björn býður sig fram í Suðvesturkjördæmi

Óli Björn Kárason blaðamaður hefur ákveðið að bjóða sig fram í prófkjöri Sjálfstæðisflokksins í Suðvesturkjördæmi vegna komandi alþingiskosninga. Hann óskar eftir stuðningi í 4. sæti.

Innbrotahrina í nótt

Innbrotahrina gekk yfir höfuðborgarsvæðið í nótt. Að minnsta kosti fimm innbrot voru framin og talsverðum verðmætum stolið.

Framsóknarmenn vilja sekta auðmenn

Framsóknarflokkurinn vill sekta auðmenn neiti þeir að gefa upp óskattlagðar eignir erlendis. Framsóknarflokkurinn kynnti í gær tillögur sínar til að bregðast við fjárhagsvanda heimila og fyrirtækja.

Íslendingar voru 319.368 í byrjun árs

Íslendingar voru rúmlega þrjú hundruð og nítján þúsund í byrjun janúar samkvæmt upplýsingum sem að Hagstofan birti í morgun. Þeim hefur fjölgað um hátt í fjögur þúsund frá því fyrir ári eða um eitt komma tvö prósent.

Svavar fer fyrir Icesave-nefnd

Ríkisstjórnin hefur samþykkt að skipa tvær nefndir sem ætlað er að annast samningaviðræður annars vegar vegna Icesave-skuldbindinga og hins vegar vegna þeirra lána sem vinaþjóðir Íslands hafa heitið.

Sautján ára fíkniefnasali handtekinn í Eyjum

Sautján ára piltur var handtekinn í Vestmannaeyjum um helgina eftir að fimmtíu grömm af amfetamíni fundust við húsleit á heimili hans. Lögregla hafði haft hann grunaðann um að stunda sölu á fíkniefnum, og játaði hann það við yfirheyrslur.

Mikil óvissa um seðlabankafrumvarpið

Mikil óvissa ríkir um það hvort seðlabankafrumvarp forsætisráðherra fer í þriðju og síðustu umræðu á Alþingi í dag. Málið er komið á dagskrá Alþingis en situr engu að síður fast í viðskiptanefnd.

Anna Margrét vill á þing fyrir Samfylkinguna

Anna Margrét Guðjónsdóttir, forstöðumaður skrifstofu Sambands íslenskra sveitarfélaga í Brussel, býður sig fram í 1.-3. sæti í prófkjöri Samfylkingarinnar í Suðurkjördæmi.

Hellti í sig Jagermeister - svipt ökuleyfi í þrjú og hálft ár

Héraðsdómur Suðurlands svipti í dag konu ökuréttindum í þrjú og hálft ár fyrir að hafa ekið bifreið sem lenti utan vegar undir áhrifum áfengis. Þegar konan, sem er 43 ára, kom fyrir dóminn neitaði hún að hafa ekið undir áhrifum áfengis. Hún kvaðst hafa hellt í sig 700 millilítrum af Jagermeister eftir að hún ók út í kant.

Kragh fái tíu ára dóm hið minnsta

Ríkissaksóknari fer fram á að Þorsteinn Kragh og Jakob Van Hinte verði dæmdir í tíu ára fangelsi að lágmarki fyrir aðild sína að stórfelldum fíkniefnainnflutningi með Norrænu í sumar. Aðalmeðferð í málinu var fram haldið í morgun í Héraðsdómi Reykjavíkur. Sækjandi byggir kröfu sína um svo þunga dóma á því mikla magni sem mennirnir eru ákærðir fyrir að hafa reynt að smygla til landsins en alls var um að ræða tæp 200 kíló af fíkniefnum. Í máli sækjanda í morgun kom meðal annars fram að smyglið hafi verið gríðarlega vel skipulagt en til dæmis voru efnin vel falin í sérútbúnum húsbíl.

Nýskráningar ökutækja í sögulegu lágmarki

Þegar skoðaður er fjöldi nýskráninga ökutækja fyrstu 51 dag ársins 2009 og sá fjöldi borin saman við eldri nýskráningar kemur í ljós að ekki eru til dæmi um jafn fáar skráningar að minnsta kosti undanfarin 24 ár. Í úttekt Umferðarstofu kemur fram nýskráningum á fækkaði um 87% saman borið við sama tímabil í fyrra.