Réðst inn í Lyfju með exi að vopni

Karlmaður var handtekinn á sjötta tímanum eftir að hafa ráðist inn í Lyfju í Lágmúla vopnaður exi og heimtað að fá afhent ritalin, sem er örvandi lyf. Starfsmaður Lyfju elti manninn út á götu eftir ránið og gat bent lögreglumönnum á það hvert hann hefði farið. Lögreglumenn fóru á eftir manninum og fundu hann í Álftamýri.

Víðast hálka á Suðurlandi

Það er hálka víðast hvar á Suðurlandi. Þó er autt yfir Hellisheiði og að Hvolsvelli, hálkublettir eru í Þrengslum. Ófært er á Bláfjallavegi sunnan

Vinstri grænir verða með prófkjör í Reykjavík 6. mars

Ákveðið hefur verið að efna til forvals í hjá Vinstri grænum í Reykjavíkurkjördæmunum tveimur fyrir komandi alþingiskosningar. Fimm manna kjörstjórn leggur til að forvalið fari fram 6. mars næstkomandi og framboðsfrestur sé til 19. febrúar.

Undirbúa stjórnarskrárbreytingar

Jóhanna Sigurðardóttir, forsætisráðherra, hefur sett á fót ráðgjafarhóp ríkisstjórnarinnar til að vinna tillögur um breytingar á stjórnarskránni. Björg Thorarensen, prófessor í stjórnskipunarrétti og forseti lagadeildar Háskóla Íslands, mun leiða ráðgjafarhópinn, sem undirbúa mun frumvarp til stjórnarskipunarlaga sem lagt verðu fram á Alþingi á næstu vikum.

Erla Ósk vill fimmta sætið

Erla Ósk Ásgeirsdóttir, varaþingmaður Sjálfstæðisflokksins, hefur ákveðið að bjóða sig fram í prófkjöri Sjálfstæðisflokksins í Reykjavík. Erla er stjórnmálafræðingur að mennt og stundar nám í opinberri stjórnsýslu. Hún starfar í markaðsdeild á viðskiptabankasviði Landsbankans.

Ríkisstjórnin mun dæla fjármagni í atvinnuleysisbætur

Ríkisstjórnin er viðbúin því að setja inn aukið fjármagn í atvinnuleysistryggingarsjóð, en hann mun að óbreyttu tæmast á árinu. Forsætisráðherrra segir engan þurfa að óttast það að ekki verði hægt að greiða út atvinnuleysisbætur.

Þórlindur vill á þing

Þórlindur Kjartansson mun gefa kost á sér í prófkjöri sjálfstæðismanna sem fram fer um miðjan mars.

Ögmundur er mættur í uppvaskið

Ögmundur Jónasson, heilbrigðisráðherra og þingmaður Vinstri grænna, býst ekki við því að breytingar verði á forystu flokksins fyrir næstu þingkosningar. Þetta sagði Ögmundur í Sprengisandi á Bylgjunni í morgun. Hann segir jafnframt að forysta flokksins njóti mjög mikils stuðnings.

Skíðasvæði víða opin

Skíðasvæðin á landinu eru víða opin í dag. Á Norðurlandi eru skíðasvæðin á Dalvík, Siglufirði, Tindastóll á Sauðárkróki og Hlíðarfjall á Akureyri opin. Nokkuð kalt er á Dalvík, eða tíu stiga frost, en hlýrra á Siglufirði þar sem frostið er þrjár gráður.

Rúmlega 30 kaupsamningum þinglýst

Rúmlega helmingi færri kaupsamningum vegna fasteigna var þinglýst á höfuðborgarsvæðinu í síðustu viku miðað við sama tíma í fyrra samkvæmt samantekt fasteignamats ríkisins. Þá dróst velta saman um nærri tvo og hálfan milljarð króna. Alls var 34 kaupsamningum þinglýst í síðustu viku en í fyrra voru þeir 82. Velta nam rétt tæpum 900 milljónum króna en var 3,3 milljarðar á sama tíma í fyrra.

Harður árekstur á Kringlumýrabraut

Harður árekstur varð á gatnamótum Listabrautar og Kringlumýrabrautar rétt fyrir klukkan ellefu í kvöld. Bifreið var ekið á móti umferð og lenti hún framan á annarri bifreið. Karlmaður í annarri bifreiðinni var fluttur slasaður á slysadeild.

Tvöfaldur lottópottur næst

Enginn var með allar aðaltölurnar réttar í Laugardagslottóinu í kvöld og verður potturinn því tvöfaldur næst. Tveir skiptu á milli sín bónusvinningnum og fær hvor rúmlega 97 þúsund krónur.

Neyðin eykst

Þeim fjölgar ört sem eiga ekki fyrir mat og leita á náðir Mæðrastyrksnefndar. Um fjögur hundruð heimili sækja þangað aðstoð í hverri viku. Formaður nefndarinnar segir að sem betur fer séu enn margir tilbúnir að láta gott af sér leiða.

Lögreglan rannsakar andlát ungrar konu

Lögreglan á höfuðborgarsvæðinu rannsakar nú hvað kann að hafa valdið andláti erlendrar konu á þrítugsaldri, sem fannst á gistiheimili í Laugardalnum um fimmleytið í dag. Að sögn lögreglunnar virðist við fyrstu athuganir sem að ekkert saknæmt hafi orðið til þess að konan lést. Hún var ferðamaður hér á landi og virðist hafa látist í svefni á gistiheimilinu. Lögreglan rannsakar tildrög málsins.

Hjólamessa björgunarsveitarmanna

Allar hjálparsveitir á höfuðborgarsvæðinu komu saman með fjórhjólin sín í dag á svokallaðri hjólamessu. Þetta er í fyrsta sinn sem slík uppákomu er haldin.

Forsætisráðherra þakklát Ingimundi

Forsætisráðherra íhugar að kalla sérstaklega eftir svari frá Davíð Oddssyni, seðlabankastjóra, hvort hann hyggst láta af embætti. Davíð hefur hingað til virt óskir forsætisráðherra að vettugi.

Sturla hættir á þingi

Sturla Böðvarsson, þingmaður Sjálfstæðisflokksins í norðvesturkjördæmi, mun ekki gefa kost á sér til endurkjörs. Hann lýsti þessu yfir á kjördæmisþingi

Sala áfengis eykst á milli ára

Sala áfengis í janúar jókst um 12% í lítrum miðað við sama tímabil í fyrra. Sala bjórs jókst um 15% á tímabilinu og sala hvítvíns um 12%. Sala rauðvíns og ókryddaðs brennivíns jókst um 4% og 8% á

Geir grunar að forsetinn hafi vitað um yfirvofandi stjórnarslit

Geir Haarde, formaður Sjálfstæðisflokksins, grunar að Ólafur Ragnar Grímsson, forseti Íslands, hafi vitað af yfirvofandi stjórnarslitum áður en til þeirra kom mánudaginn 26. janúar síðastliðinn.

Hátt í þúsund manns mótmæltu á Austurvelli

Hátt í eitt þúsund manns mótmæltu á átjánda mótmælafundi Radda fólksins sem var haldinn á Austurvelli klukkan þrjú í dag.

Fleiri nýta sér fæðingarorlof

Karlmönnum sem nýta sér fæðingarorlof sem þeir eiga inni fjölgar í takt við aukið atvinnuleysi. Hátt í fjórtán þúsund manns eru án atvinnu samkvæmt vef Vinnumálastofnunar en atvinnulausum hefur fjölgað ört síðustu mánuði.

Landsfundur verður síðustu helgina í mars

Samfylkingin heldur landsfund sinn í Smáranum í Kópavogi helgina 26-29 mars. Nú stendur yfir Framtíðarþing Samfylkinarinnar og segir Skúli Helgason framkvæmdastjóri flokksins að það sé lokaundirbúningur fyrir landsfundinn. Skúli segir að um 300 manns séu á Framtíðarþinginu sem lýkur um þrjúleytið í dag með ræðu Jóhönnu Sigurðardóttur forsætisráðherra.

Halda prófkjör um miðjan mars

Sjálfstæðismenn í Reykjavík halda prófkjör dagana þrettánda og fjórtánda mars næstkomandi. Þetta var ákveðið á fundi Varðar - Fulltrúaráðsins í Reykjavík, sem fram fór í Valhöll nú í morgun. Á fundinum flutti Geir Haarde formaður Sjálfstæðisflokksins jafnframt ræðu. Landsfundur flokksins verður svo haldinn 26. – 29. mars næstkomandi.

Ingimundur hættir

Ingimundur Friðriksson, einn þriggja bankastjóra Seðlabankans, hefur ákveðið að verða við beiðni forsætisráðherra um að láta af embætti. Tekur uppsögn hans gildi á mánudag.

Fiskiskipum fækkaði um helming á fimm árum

Íslenskum fiskiskipum fækkaði um nærri helming á árunum 2003 til 2008 samkvæmt samantekt Landssambands íslenskra útvegsmanna.

Víða færi til að skíða

Skíðasvæðið á Siglufirði er opið í dag frá klukkan ellefu til klukkan fimm. Að sögn staðarhaldara gerast aðstæður vart betri en þar er frábært veður og færi. Einnig er opið í Hlíðarfjalla á Akureyri til klukkan fjögur. Þar er ágætt veður en kalt, ellefu stiga frost. Nokkuð hlýrra er í Bláfjöllum eða fjögurra stiga frost en þar er opið í dag til fimm.

Björgunarsveitir kallaðar út vegna sleðamanna

Björgunarsveitir í Árnessýslu fengu beiðni frá lögreglu um að svipast um eftir þremur einstaklingum sem höfðu farið á tveimur sleðum og ætlað á Skjaldbreið í gær.

Stálu tölvu og tölvuskjám úr Öskjuhlíðaskóla

Fangageymslur lögreglunnar fylltust í nótt. Á meðal þeirra sem gistu fangageymslurnar voru innbrotsþjófar sem fóru inn í Öskjuhlíðaskóla á fimmta tímanum og stálu þaðan tölvu og tölvuskjám.

Morgunblaðsljósmyndari í vinnu fyrir lögregluna

„Mér finnst harla óeðlilegt að blaðamenn, ljósmyndarar eða tökumenn séu að vinna fyrir lögregluna," segir Óðinn Jónsson, fréttastjóri útvarps, um það að ljósmyndari Morgunblaðsins skuli einnig starfa sem ljósmyndari fyrir lögregluna.

Segja marga ágalla á seðlabankafrumvarpi

Þingmenn Sjálfstæðisflokksins tættu í sig frumvarp um ný lög um Seðlabankann í þinginu í gær. Auk þess að telja á því margvíslega ágalla segja þeir það lagt fram til höfuðs Davíð Oddssyni. Stjórnarflokkarnir segja málið faglegt.

Enex skipt upp

Samkomulag hefur tekist milli eigenda Enex um uppskiptingu félagsins. Það hefur verið staðfest á hlutafundi í félaginu og af stjórnum stærstu eigendanna, Reykjavik Energy Invest, dótturfélags Orkuveitu Reykjavíkur og Geysis Green Energy. Stjórn Orkuveitu Reykjavíkur hefur jafnframt afgreitt samkomulagið fyrir sitt leyti.

Tveggja vikna gæsluvarðhald

Karlmaður sem er grunaður um að eiga þátt í andláti konu sem fannst látin í dúfnakofa í Hafnarfirði, hefur verið hnepptur í tveggja vikna gæsluvarðhald. Lögreglan krafðist gæsluvarðhalds síðdegis í dag.

Tveir seðlabankastjórar búnir að svara

Seðlabankastjórarnir Ingimundur Friðriksson og Eiríkur Guðnason hafa sent Jóhönnu Sigurðardóttur, forsætisráðherra skrifleg svör en hún óskaði eftir því að þeir bæðust lausnar undan störfum.

Róbert Marshall býður sig aftur fram

Fyrrum fréttamaðurinn Róbert Marshall hyggst bjóða sig fram í annað sætið á lista Samfylkingarinnar á Suðurlandi.

Kaupþing búið að losa sig við flesta bíla

Finnur Sveinbjörnsson bankastjóri Nýja Kaupþings segir að bankinn sé búinn að losa sig við flesta bíla sem fyrri stjórnendur hjá bankanum höfðu. Þegar Nýi bankinn tók yfir var strax farið í að losa bíla og það kláraðist upp úr áramótum. Engin útsala var á bílaflota bankans en Finnur fagnar því að bankinn hafi náð að selja, því ekki sé auðvelt að losa sig við dýra bíla í dag.

Þjóðverjar styrkja Mæðrastyrksnefnd

Hópur Þjóðverja sem tapaði hundruðum milljóna króna á hruni íslensku bankanna afhenti í dag Mæðrastyrknefnd Reykjavíkur peningagjöf til að aðstoða Íslendinga í neyð.

Sigmundur í stjórnmálin

„Gamlir fréttahundar eins og ég hafa fylgst mörgum betur með þjóð- og stjórnmálum og það hef ég gert síðastliðinn 30 ár auk þess sem þetta eru mínar ær og kýr," segir Sigmundur Ernir Rúnarsson, sem hyggst sækjast eftir öðru sæti í norðausturkjördæmi fyrir Samfylkinguna. Hann segist hafa fengið góðar viðtökur bæði frá öðrum Samfylkingarmönnum sem og íbúum kjördæmsins.

Frysting eigna

Sléttir fjórir mánuðir eru frá því bankarnir hrundu og enn hafa engar ákærur litið dagsins ljós. Hætta er á að búið sé að skjóta undan ávinningi brota þegar rannsókn tekur langan tíma, segir Ólafur Þór Hauksson, sérstakur saksóknari um bankahrunið. Rannsóknarnefnd um bankahrunið er enn að safna gögnum og verið er að tengja tölvur hjá embætti sérstaks saksóknara.

Kannabisfundur í Reykjavík

Lögreglan á höfuðborgasvæðinu framkvæmdi húsleit í Reykjavík nú síðdegis þar sem komið var upp um kannabisræktun. Samkvæmt Karli Steinari Valssyni, yfirmanni fíkniefnadeildarinnar, liggur umfang ræktunarinnar ekki fyrir. Líklega er um hundruð til tvö hundruð plöntur að ræða.

Árshátíð Kaupþings aflýst

Árshátíð Nýja Kaupþings sem halda átti 14.mars næstkomandi hefur verið aflýst. Finnur Sveinbjörnsson bankastjóri segir efnahagsástandið spila inn í en dagurinn verður nýttur í stefnumótun. Hann segir starfsfólk sýna niðurskurðinum skilning.

Sambýlismaðurinn grunaður

Maðurinn sem er í haldi, grunaður um að eiga þátt í andláti konu sem fannst í dúfnakofa í Kapelluhrauni í gær, var sambýlismaður hennar. Þau höfðu búið saman í um tvo mánuði áður en atvikið átti sér stað.

Jón varð undir í þingflokknum

Jón Magnússon, þingflokksformaður Frjálslynda flokksins, varð undir í atkvæðagreiðslu í þingflokknum fyrr í vikunni þegar tekin var ákvörðun um það hvort að flokkurinn stillti sér upp með stjórnarflokkunum og Framsóknarflokknum gegn Sjálfstæðisflokknum við kosningu fastanefnda Alþingis.

Aðstoðar Steingrím

Jóhann Guðmundsson hefur verið ráðinn aðstoðarmaður Steingríms J. Sigfússonar, sjávarútvegs- og landbúnaðarráðherra og formanns Vinstri grænna.

Lögreglan íhugaði að óska eftir liðsinni frá Danmörku

Ríkislögreglustjóri íhugaði að leita liðsinnis dönsku lögreglunnar þegar mótmælin gegn ríkisstjórninni stóðu sem hæst. Þetta kemur fram í yfirlýsingu frá embættinu og einnig sagt að komið hafi til álita að flytja hingað til lands sérbúnar bifreiðar til þess að nota gegn mótmælendum. Þessir möguleikar voru kannaðir í fullu samráði við lögregluna á höfuðborgarsvæðisins og dómsmálaráðherra. Áður en til þess kom að ákveða nokkuð fjöruðu mótmælin út.

Gæsluvarðhalds krafist vegna látinnar konu

Búið er að krefjast gæsluvarðhalds yfir manninum sem er grunaður um að tengjast andláti konu á fertugsaldri sem fannst látinn í dúfnakofa í Kapelluhrauni í Hafnarfirði.