Fundað á Alþingi í dag

Þingfundur hófst klukkan hálf tíu í morgun en hátt á annan tug mála bíða afgreiðslu Alþingis fyrir jól. Meðal þeirra eru fjárlög fyrir árið 2009, fjáraukalög fyrir 2008, lög um launalækkun alþingismanna og ráðherra og breytingar á hinum umdeildu eftirlaunalögum.

Bíll keyrði á hross

Jeppa var ekið á hross á Fljótshlíðarvegi um kvöldmatarleytið í gær. Að sögn lögreglunnar á Hvolsvelli slapp hrossið ómeitt og bíllinn skemmdist einungis lítillega.

Fjöldi í miðborginni

Mikill mannfjöldi var samankominn í miðborg Reykjavíkur í nótt og nokkur ölvun, samkvæmt upplýsingum frá lögreglunni á höfuðborgarsvæðinu. Eitthvað var um minniháttar pústra og nokkrir skemmtanaglaðir næturhrafnar voru fluttir á lögreglustöð þar sem þeir voru látnir sofa úr sér áfengisvímuna . Að öðru leyti fór næturlífið vel fram um liðna nótt, að sögn lögreglunnar.

Ölvaður ökumaður skildi bílnúmerið eftir

Ökumaður sem grunaður er um að hafa ekið ölvaður í gegnum girðingu við heimahús á Akureyri í morgunsárið stakk af af vettvangi. Ekki vildi þó betur til en að númerplata af bílnum varð eftir í garðinum.

AGS segir virkjanir upphaf ofþenslunnar

Alþjóðagjaldeyrissjóðurinn (AGS) segir framkvæmdir tengdar áliðnaðinum vera upphafið að ofþenslu íslensks efnahagslífs. Þetta kemur fram í skýrslu sjóðsins um Ísland.

Átta hundruð fjölskyldur þáðu aðstoð

Löng biðröð myndaðist í gær við hús Fjölskylduhjálpar Íslands í Eskihlíð þegar þriðja og síðasta matarúthlutun fyrir jólin fór fram. Til Fjölskylduhjálparinnar leitar meðal annars fólk úr lágtekjuhópum, öryrkjar, einstæðir foreldrar, eldri borgarar og aðrir þeir sem tekst ekki að láta enda ná saman.

Eignir Landsbanka rýrna um helming

Gamli Landsbanki átti 4.500 milljarða króna fyrir hrun. Skilanefnd metur eignir bankans nú á þúsund milljarða. NBI fékk 1.300 milljarða. Íslendingar greiða 150 milljarða fyrir Icesave. Aðrir kröfuhafar verða líklega af 2.000 milljörðum.

Vonbrigði og óvissa fyrir Skjáinn

Ákvörðun menntamálanefndar um að fresta gildistöku laga um RÚV veldur starfsmönnum sjónvarpsstöðvarinnar Skjásins miklum vonbrigðum og skapar óvissu um framtíð fyrirtækisins. Þetta segir framkvæmdastjóri fyrirtækisins, Sigríður Margrét Oddsdóttir.

VG vill auka skatta á tekjur yfir 6 milljónir

VG vill auka skattheimtu um allt að sex milljarða með þríþrepaskiptum tekjuskatti, hærri fjármagnstekjuskatti og sköttum á fjármagnstekjur.

Háskólinn í verulega alvarlegri klemmu

Háskólaráð fer fram á aukafjárveitingu til Háskóla Íslands (HÍ) vegna niðurskurðar á fjárveitingu til skólans og aukinnar ásóknar nemenda.

Hagræðir og ræður tugi lögreglumanna

Lögreglustjórinn á höfuðborgarsvæðinu, Stefán Eiríksson, hefur auglýst eftir tuttugu og þremur lögreglumönnum til starfa. Tilfærslur verkefna, svo og lækkanir á föstum kjörum í hagræðingarskyni, skila embættinu stórum upphæðum.

Ostakrækir hnuplar úr Búrinu

Írskur gáda-osthleifur var numinn á brott af heimili sínu í fyrrinótt og skömmu síðar varpað á jörðina. Osturinn, sem staðið hafði á afgreiðsluborði ostaverslunarinnar Búrsins við Nóatún, komst aftur óskaddaðar í réttar hendur.

Ögmundi brigslað um skrök á þingi

Kristinn H. Gunnarsson bað Ögmund Jónasson um að hætta að skrökva á Alþingi í gær. Líflegar umræður spunnust um eftirlaunakjör þingmanna.

Tekist á um aðstoðarmennina

Í sparnaðar- og niðurskurðarvinnu Alþingis síðustu dægrin hefur verið lagt til að aðstoðarmenn þingmanna landsbyggðarkjördæmanna verði slegnir af. Áætlað er að kostnaður við kerfið nemi um 60 milljónum á ári.

Fréttablaðið sýknað af kröfum Hjalta

Héraðsdómur Reykjavíkur sýknaði í gær Fréttablaðið og ritstjóra þess af kröfum Hjalta Árnasonar vegna fréttar sem birt var í október 2007.

Fallast á dómsátt í lóðadeilu

Borgarráð hefur samþykkt að leysa ágreining vegna lóðarinnar Sturlugötu 10 með dómsátt.

Þórunn verðlaunuð af RÚV

Verðlaun Stjórn Rithöfundasjóðs Ríkisútvarpsins veitti í gær Þórunni Valdimarsdóttur, rithöfundi og sagnfræðingi, viðurkenningu sjóðsins fyrir árið 2008 og 600 þúsund króna verðlaun.

Hagar sektaðir fyrir undirboð í verðstríði

Samkeppniseftirlitið (SE) hefur lagt 315 milljóna króna stjórnvaldssekt á Haga, sem meðal annars reka verslanir Bónuss, Hagkaupa og 10-11, fyrir misnotkun á markaðsráðandi stöðu sinni í verðstríði lágvöruverslana árið 2005. Sektin er sú hæsta sem um getur fyrir þess konar brot.

Ósammála um hvort nýtt mál sé að ræða

Verjandi Jóns Ásgeirs Jóhannessonar segir ákæruvaldið fallið á tíma og krefst þess að rannsókn á skattamálum Baugsmanna verði dæmd ólögmæt. Sækjandi segir um nýtt mál að ræða þar sem séu sömu sakborningar og í Baugsmálinu.

Lára býður sig fram til að rannsaka bankahrunið

Sturla Böðvarsson forseti alþingis sagði í gær að nefnd til að rannsaka orsakir og aðdraganda bankahrunsins yrði skipuð fyrir jól. Lára Ómarsdóttir fyrrverandi fjölmiðlakona sendi honum tölvupóst í morgun, og bauð sig fram í nefndina sem fulltrúi almennings.

RÚV-frumvarpi frestað

Menntamálanefnd Alþingis ákvað á fundi sínum í daga að fresta fram á næsta ár að takmarka stöðu Ríkisútvarpsins á auglýsingamarkaði. Nefndin hefur haft frumvarp Þorgerðar Katrínar Gunnarsdóttur, menntamálaráðherra, til umfjöllunar og hefur nú ákveðið að afgreiða einungis hluta af frumvarpinu sem lög fyrir áramót. Sá hluti snýr að breyttri gjaldtöku og svokölluðum nefskatti.

Mótmælt með ellefu mínútna þögn á Austurvelli

Mótmælt verður á austurvelli á morgun líkt og undanfarna ellefu laugardaga. Í þetta sinn með ellefu mínútna þögn. Í tilkynningu frá aðstandendum mótmælanna segir að kröfurnar séu skýrar. Stjórn Seðlabankans og Fjármálaeftirlitsins víki tafarlaust, og að kosið verði sem fyrst.

Kannabisræktun á Skagaströnd

Lögreglan á Blönduósi handlagði í gærkvöldi yfir 150 kannabisplöntur og tæki til ræktunar í kjölfar húsleitar í íbúðarhúsi á Skagaströnd.

Ósanngjarnt að niðurskurðurinn skuli bitna á börnum

Það er ákaflega ósanngjarnt að niðurskurður á fjárlögum skuli bitna á börnum sem glíma við geðraskanir, segir Ingibjörg Karlsdóttir, formaður ADHD samtakanna. „Vegna þess að þjónustu við þennan hóp hefur verið mjög ábótavant um árabil,“ segir Ingibjörg.

Útilokar ekki skattahækkanir

Ríkisstjórnin boðar allt að 50 milljarða króna niðurskurð í fjárlögum fyrir næsta ár. Þrátt fyrir hækkun ýmissa gjalda sem hækkun tekjuskatts upp á eitt prósentustig er gert ráð fyrir að ríkisjóður verði rekinn með um 170 milljarða krónu halla.

Kominn út fyrir tólf mílur á stolnu björgunarskipi

Íslendingur um þrítugt, sem stal Ingibjörgu, fjörutíu tonna björgunarskipi, frá Höfn í Hornafirði í morgun, stefndi hraðbyri til Evrópu þegar hann fékk á sig brotsjó suður af landinu. Hann sneri þá við en með ólíkindum þykir að manninum, sem hafði enga skipstjórnarreynslu, skyldi takast að sigla tvívegis um Hornafjarðarós í mikilli ölduhæð með stýrið læst.

70 prósenta samdráttur í barnageðlækningum

Sjötíu prósenta samdráttur verður á þjónustu í barnageðlækningum við Fjórðungssjúkrahúsið á Akureyri eftir uppsögn verksamnings, að mati barnageðlæknis við sjúkrahúsið. Hann segir væntanlega hægt að verja ákvörðunina þar sem menn með viti séu sagðir hafa tekið hana. Það ætli hann hins vegar ekki að gera.

Atvinnuleysið kemur verst við þá yngstu

Atvinnuleysi bitnar harðast á yngsta fólkinu á vinnumarkaði. Nemendur sem útskrifuðust í dag eru uggandi um framtíðina. Rúmlega níu þúsund manns eru skráðir atvinnulausir sem þýðir 5,5% atvinnuleysi.

Boða til mótmæla í Bónus á Þorláksmessu

Hópur mótmælenda kom saman á Laugaveginum nú klukkan fimm og dreifði nammipokum til vegfarenda. Í pokunum var súkkulaði en einnig áskorun sem ber yfirskriftina "Sveltum svínið". Í henni er fólk hvatt til þess að fara í næstu Bónusverslun á Þorláksmessu og staldra lengi við án þess að kaupa neitt.

Fíkniefnaframleiðsla stöðvuð á Skagaströnd

Lögreglan á Blönduósi stöðvaði meinta fíkniefnaframleiðslu í einbýlishúsi á Skagaströnd í gær. Þar fundust ýmis tæki sem talin eru að hafa verið notuð við framleiðslu fíkniefna. Enginn er í haldi lögreglu vegna málsins.

Barnageðlæknar harma niðurskurð á þjónustu við börn með geðraskanir

Stjórn Barnageðlæknafélags Íslands hefur sent frá sér ályktun þar sem ákvörðun stjórnar Fjórðungssjúkrahússins á Akureyri um að skerða þjónustu við börn með geðraskanir er hörmuð.

Orkuveitan hyggst selja hlut sinn í Hitaveitu Suðurnesja

Stjórn Orkuveitu Reykjavíkur ákvað á fundi sínum í dag að selja 16,58% eignarhlut fyrirtækisins í Hitaveitu Suðurnesja. Fól stjórnin stjórnarformanni og forstjóra að leita eftir tilboðum. Haft verður samráð við bæjaryfirvöld í Hafnarfirði með það fyrir augum að kanna hvort hagkvæmt sé að hafa samstarf um söluna.

Ritstjórar sýknaðir af tíu milljón króna miskakröfu

Ritstjórar Fréttablaðsins, þeir Jón Kaldal og Þorsteinn Pálsson voru í dag sýknaðir í meiðyrðamáli sem Hjalti "Úrsus" Árnason höfðaði gegn þeim fyrir ummæli sem féllu um hann í grein í blaðinu. Hjalti krafðist tíu milljóna í miskabætur auk þess sem hann vildi að ákveðin ummæli sem honum tengdust yrðu dæmd dauð og ómerk. Dómarinn var hins vegar á þeirri skoðun að ummælin væru innan marka tjáningarfrelsisins og sýknaði hann því ritstjórana.

Níu mánaða fangelsi fyrir kókaínsmygl

Karlmaður hefur verið dæmdur í níu mánaða óskilorðsbundið fangelsi fyrir að hafa flutt tæp 216 grömm af kókaíni til landsins með flugi frá Kaupmannahöfn þann 29. júní 2008. Talið er að maðurinn hafi flutt efnið inn í sölu- og dreifingarskyni. Við ákvörðun refsingar var litið til þess að ákærði er ungur að árum og hefur játað brot sitt frá upphafi rannsóknar málsins. Vegna alvarleika málsins þótti hins vegar ekki koma til greina að skilorðsbinda refsinguna.

Kompásmaður opnar heimasíðu fyrir fólk í greiðsluerfiðleikum

Björgvin Þór Þorsteinsson, sem Kompás fjallaði um á dögunum, hefur opnað vefsíðuna kreppulausnir.is þar sem hann auglýsir þjónustuna sína.

VG vill leggja niður Varnarmálastofnun

Vinstri hreyfingin grænt framboð vill leggja niður Varnarmálastofnun og að verkefnum hennar verði sinnt í utanríkisráðuneytinu, Björgunarmiðstöðinni í Skógarhlíð og hjá Flugstoðum. Vinstri grænir telja að þetta gæti sparað allt að 700-800 milljónir króna strax á næsta ári.

Mannréttindadómstóll Evrópu vísar máli grásleppusjómanns frá

Mannréttindadómstóll Evrópu hefur vísað frá kærumáli Björns Guðna Guðjónssonar gegn íslenska ríkinu um bann við grásleppuveiðum í netlögum. Í frétt á heimasíðu dómsmálaráðuneytisins segir að dómstóllinn hafi lýst kæruna ótæka þar sem hún þótti ,,augljóslega illa grunduð".

Alvarlegir ágallar á frumvarpi viðskiptaráðherra

Í yfirlýsingu frá félagi fasteignasala segir að í nýju frumvarpi viðskiptaráðherra um sölu fasteigna, fyrirtækja og skipa séu svo alvarlegir ágallar að furðu sætir. Vinnubrögðin við samningu þess, að ekki sé talað um innihald, sé skólabókardæmi um þá gagnrýni, sem Lögmannafélag Íslands gerði hinn 5. desember sl. með bréfi til forseta Alþingis við þau óvönduðu vinnubrögð sem einkenna mörg lagafrumvörp um þessar mundir.

Vilja Mugabe burt

Utanríkisráðherrar Norðurlandanna, Noregs, Svíþjóðar, Finnlands, Danmerkur og Íslands, lýsa yfir hneykslan á hinu alvarlega ástandi í Simbabve, sem fer versandi dag frá degi. Í yfirlýsingu sem ráðherrarnir sendu frá sér í dag segir að þjáningar íbúa landsins hafi enn aukist þar sem kólerufaraldur gengur nú yfir. Þrátt fyrir að lækning sé til við kóleru hafi fjöldi manna látið lífið.

Tveir piltar handteknir með fíkniefni í Hlíðunum

Tveir piltar voru handteknir í Hlíðunum í gær en í bíl þeirra fundust fíkniefni. Um var að ræða rúmlega 100 grömm af marijúana og viðurkenndi annar piltanna að það væri ætlað til sölu. Sá hinn sami hefur áður komið við sögu hjá lögreglu.

SUS: Ríkisstjórnin vannýtti uppsveiflu síðustu ára

Samband ungra sjálfstæðimanna harmar þá stöðu sem nú er komin upp í fjármálum íslenska ríkisins og sveitarfélaga. Sambandið segir ljóst að ríkisstjórnin hafi vannýtt uppsveiflu síðustu ára með því að þenja út ríkisresksturinn í samkeppni við ofþanið hagkerfi á einkamarkaði. „Þegar vel árar og þensla ríkir í efnahagsmálum er mikilvægt að ríki dragi saman seglin og ráðist ekki í stórauknar framkvæmdir. Enn síður ætti að fjölga í röðum opinberra starfsmanna við slíkar aðstæður,“ segir í ályktun SUS.

Kanna sameiningu Keflavíkurflugvallar og Flugstoða

Kristján Möller, samgönguráðherra hefur ákveðið að skipa starfshóp til að kanna hagkvæmni þess að sameina opinberu hlutafélögin Flugstoðir og Keflavíkurflugvöll.

Ósáttur við 300 milljóna sekt - ábót við nýjustu Baugsákæruna

Jóhannes Jónsson, stofnandi og eigandi Bónusverslananna, er afar ósáttur með úrskurð Sameppniseftirlitins sem hefur lagt 315 milljón króna sekt á Haga sem reka meðal annars verslanir Bónuss fyrir brot á samkeppnislögum.

Þrír Pólverjar sýknaðir í Héraðsdómi Reykjavíkur

Héraðsdómur Reykjavíkur sýknaði í dag þrjá pólska karlmenn af ákæru um að hafa látið fyrir farast að koma landa sínum undir læknishendur þegar að hann veiktist lífshættulega mánudaginn 9. júní 2008

Þjófnaðarbrotum hefur fjölgað á árinu

Tilkynnt var um rétt tæplega 3.700 brot til lögreglunnar í nóvember á þessu ári sem eru færri brot en á sama tíma í fyrra en þá var tilkynnt um tæplega 5.600 brot.