Sullenberger frumsýnir nýtt myndband - Glitnir í höndum Stoða

Athafnamaðurinn Jón Gerald Sullenberger vonast til þess að íslenska þjóðin komist heil frá því sem hann kallar harmleik sem nú á sér stað. Hann hefur látið útbúa myndband um Glitnibanka. Fyrr í vikunni var tilkynnt að bankinn verður ríkisvæddur.

Heimili og skóli taka undir með landlækni

Heimili og skóli, landssamtök foreldra, taka heilshugar undir þau tilmæli sem fram hafa komið í dag um hófstillta umræðu um efnahagserfiðleika, samdrátt og niðurskurð í atvinnulífinu.

Stjórnmálamenn missa tiltrú fólks

Stuðningur við ríkisstjórnina hefur hrunið og stjórnmálamenn virðast hafa misst tiltrú fólks, hvort sem þeir tilheyra stjórn eða stjórnarandstöðu. Aldrei hefur hlutfall þeirra sem ekki ætla að kjósa verið hærra. Þetta kemur fram í skoðanakönnum sem unnin var fyrir Stöð 2 í gær.

Ráðherrar funduðu með fulltrúum lífeyrissjóðanna

Fulltrúar lífeyrissjóðanna áttu fyrir hádegi fund með Geir H. Haarde forsætisráðherra, Jóhönnu Sigurðardóttur félagsamálaráðherra og Össuri Skarphéðinssyni iðnaðarráðherra.

Aðgerða að vænta í byrjun næstu viku

Tryggvi Þór Herbertsson, efnahagsráðgjafi ríkisstjórnarinnar, segir að aðgerðir til þess að stemma stigu við efnahagsvandanum sem nú er uppi, verði kynntar í byrjun næstu viku.

Umferðarslysum á höfuðborgarsvæðinu fækkar

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu samkvæmt upplýsingum frá Umferðarstofu.

Börnin vilja Evru

Það á að taka upp evruna segja börn í sjötta og sjöunda bekk Salaskóla. Þau segjast finna fyrir því að verðlag fari hækkandi. Haukur Holm hitti unga efnahagsráðgjafa fyrir utan Stjórnarráðið í dag.

Örtröð í bankaútibúum

Mikil örtröð myndaðist í útibúum í dag þar sem fólk var að færa peninga úr sjóðum inn á sparnaðarreikninga. Viðskiptaráðherra ítrekaði í dag að innistæður almennings eru öruggar.

Þorsteinn segir einhug ríkja í stjórn Glitnis

Stjórnarformaður Glitnis hvetur hluthafa Glitnis til að samþykkja tilboð ríkisins. Í yfirlýsingu sem hann sendi frá sér í dag segist hann treysta því að ríkisvaldið muni koma til móts við hluthafana sem verða fyrir tjóni.

Þúsundum lítra af olíu stolið á Akureyri

Þúsundum lítrum af olíu var stolið úr tanki af vinnusvæði verktaka á Akureyri um helgina. Lögregla segir það færast í vöxt að eldsneyti sé stolið sem sé greinilegt kreppueinkenni.

Ekkert bólar á aðgerðum

Ekkert bólar enn á aðgerðum ríkisstjórnarinnar vegna efnahagsvandans, en viðskiptaráðherra og efnahagsráðgjafi ríkisstjórnarinnar segja þær væntanlegar. Lífeyrissjóðirnir gætu tvöfaldað gjaldeyrisvaraforða þjóðarinnar með því að færa innistæður sínar í útlöndum heim. Landlæknir hefur áhyggjur af sálarlífi landsmanna í þessu ástandi.

Sannkölluð sláturtíð hjá Hagkaup í Skeifunni

„Það hefur verið mjög mikið fjör í Skeifunni og mikil sláturtíð í gangi,“ segir Gunnar Ingi Sigurðsson forstjóri Hagkaupa aðspurður út í raðirnar í kjötborðið í Hagkaup í Skeifunni. Hann segir að erfitt sé að finna ódýrari máltíð en slátrið en keppurinn er seldur á 60-70 krónur. „Þú færð því ansi marga keppi fyrir fimm slátur eins og maður segir.“

Stjórn Glitnis hvetur hluthafa til að samþykkja tilboð ríkisins

Stjórn Glitnis mælir með því við hluthafa að taka tilboði ríkisins líkt og stjórnarformaður bankans hafði gert fyrr í dag. Stjórn Glitnis kom saman til fundar í höfuðstöðvum bankans fyrr í dag.

Samþykkja vínveitingaleyfi fyrir KSÍ

Borgarráð hefur samþykkt umsókn Knattspyrnusambands Íslands um rekstrarleyfi fyrir veitingastað með vínveitingaleyfi í höfuðstöðvum sínum.

Þorsteinn Már hvetur hluthafa til að samþykkja tilboð ríkisins

Þorsteinn Már Baldvinsson, stjórnarformaður Glitnis, hvetur alla hluthafa bankans til þess að samþykkja tilboð ríkisins. Hann segist treysta því að ríkisvaldið komi til móts við hluthafana sem verða fyrir tjóni og bjóði þeim „sanngjarnt úrræði“ sem geti dregið úr tjóninu.

Sektaður fyrir að svíkja vörur og fé út með korti annars manns

Héraðsdómur Reykjanes hefur sektað 18 ára pilt um 60 þúsund krónur fyrir að hafa svikið út vörur og peninga með debetkorti annars manns.

Landlæknir varar við óábyrgri umræðu um efnahagsmál

„Umræða um samdrátt og niðurskurð í atvinnulífinu með beinum afleiðingum fyrir heimili og fyrirtæki er mjög hávær og rökin fyrir henni skýr. Þetta er alvarleg umræða sem snertir unga sem aldna og þar af leiðandi er mikilvægt að vanda orðaval til að valda börnum, ungmennum, veikum og öldruðum ekki óþarfa kvíða,“ þetta segir í frétt inni á vef Landlæknisembættisins.

Vill sækja um ESB-aðild strax

Magnús Stefánsson, þingmaður Framsóknarflokksins, segir að Íslendingar verði nú þegar að sækja um inngöngu í Evrópusambandið og taka upp evru. Að hans mati á ríkisstjórnin að tilkynna strax að það verði gert.

Orkuveitan tryggir sér hagstætt lán

Stjórn Orkuveitu Reykjavíkur samþykkti í dag lánasamning við Evrópska fjárfestingabankann að fjárhæð 170 milljóna evra, jafnvirði rúmlega 25 milljarða króna, með 9,8 punkta álagi á millibankavexti í evrum. Lánið er til 20 ára.

Skilorðsbundinn dómur fyrir vítavert aksturslag

Héraðsdómur Norðurlands eystra hefur dæmt karlmann í eins mánaðar skilorðsbundið fangelsi, sektað hann um 120 þúsund krónur og svipt ökuleyfi fyrir umferðarlagabrot og líkamsmeiðingar af gáleysi.

Færri umferðarslys þar sem fólk slasast

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu eða um 15 prósent síðastliðna sjö mánuði samanborið við sama tíma á síðasta ári. Þetta kemur fram í tilkynningu lögreglu og vísað í gögn Umferðarstofu.

Lokun bankanna ekki á dagskrá

Davíð Oddsson seðlabankastjóri neitar því að aðgerðir sem þýða myndu lokun bankanna um helgina hafi verið ákveðnar. Þetta kom fram í hádegisfréttum Ríkisútvarpsins.

Rætt við ýmsa aðila

Viðskiptaráðherra segir að efnahagsástandið verði skýrt og bætt á næstu dögum. Hann segir að verið sé að ræða við ýmsa, en vill ekki gefa upp hverja, né hvenær niðurstaða fáist. Hann neitar því að ríkisstjórnin sé ráðalaus. Þá segir hann fráleitt að olíuskortur sé yfirvofandi á landinu. Forsætisráðherra vildi ekki ræða við fréttamenn að loknum ríkisstjórnarfundi í morgun.

Óhappahrina í hálku og snjó

Fjölmörg umferðaróhöpp urðu í gærkvöldi, eftir að það fór að snjóa víða á landinu og flughált varð á vegum og götum. Önnur óhappahrina varð í morgun og örtröð var á dekkjaverkstæðum.

Búist við að bensín- og olíuverð hækki í dag

Gera má ráð fyrir að íslensku olíufélögin hækki verð á bensíni og olíu í dag þrátt fyrir að heimsmarkaðsverð á olíu haldi áfram að hríðfalla á mörkuðum bæði vestan hafs og austan.

Fráleitt að tala um olíuskort

Björgvin G. Sigurðsson viðskiptaráðherra sagði á ríkisstjórnarfundi fyrir hádegið að það væri fjarri sanni að olíuskortur væri yfirvofandi. Hermann Guðmundsson forstjóri N1 segir í viðtali við Viðskiptablaðið í dag að gjaldeyrisþurrð í landinu geru það að verkum að ekki sé hægt að flytja inn meiri olíu. Staðan hjá N1 sé þannig að olían eigi að duga í 30 - 40 daga að öllu óbreyttu.

Vildu fresta umræðu um fjárlög vegna óvissunnar

Fyrsta umræða um fjárlög næsta árs hófst á Alþingi í dag í skugga mikillar efnhagskreppu. Þingmenn Vinstri - grænna og Frjálslynda flokksins vildu hins vegar við upphaf þingfundar að umræðu um fjárlagafrumvarpið yrði frestað vegna óvissunnar í samfélaginu.

Fangar hvetja alþingi til að sýna gott fordæmi

Fangar fylgdust eins og þjóðin öll með setningu alþingis í gær. Stjórnmálamenn ræddu þar um þann vanda sem að þjóðinni steðjar og mikilvægi þess að allir legðust á eitt til að leysa vandann. Á heimasíðu Afstöðu, félags fanga birtist í dag tillaga til lausnar á vandanum, að alþingi stigi fram fyrir skjöldu og sýni gott fordæmi, öðrum til hvatningar.

Verkalýðshreyfingin talar fyrir daufum eyrum ríkisstjórnar

„Þetta undirstrikar það hversu grafalvarleg staða er komin upp hér á landi í efnahagsmálum,“ segir Gylfi Arnbjörnsson framkvæmdarstjóri ASÍ aðspurður um ummæli Guðmundar Marteinssonar hjá Bónus á Vísi í morgun. Þar hvetur Guðmundur landsmenn til þess að birgja sig upp og versla íslenskar vörur þar sem fyrirtækið sjái fram á vandræði með aðgang að gjaldeyri og getur því ekki leyst út vörur. Gylfi er uggandi yfir ástandinu.

Deiliskipulag fyrir Laugaveg 4 og 6 samþykkt

Borgarráð samþykkti á fundi sínum í gær breytingu á deiliskipulagi reits vegna Laugavegar 4 og 6. Breytingin var samþykkt með sex atkvæðum en Óskar Bergsson, borgarfulltrúi Framsóknarflokksins, sat hjá við afgreiðslu málsins.

Bónus ráðleggur fólki að birgja sig upp og kaupa íslenskt

Búast má við því að skortur verði á innfluttum vörum í Bónus á næstunni. Guðmundur Marteinsson, framkvæmdastjóri Bónuss, segir að aðgangur að gjaldeyri sé takmarkaður og því sjái Bónus fram á að á næstu vikum geti sú staða komið upp að ekki verði hægt að leysa út vörur.

Telur kísilverksmiðju ekki valda verulegum neikvæðum umhverfisáhrifum

Skipuagsstofnun telur að losun helstu mengunarefna frá fyrirhugaðri kísilverksmiðju í Helguvík verði fyrir neðan viðmiðunarmörk íslenskra reglugerða og því sé ekki tilefni til að afmarka þynningarsvæði fyrir starfsemina.

Útgöld til félagsverndar jukust um 26 milljarða milli áranna 2005 og 2006

Heildarútgjöld til félagsverndar jukust um nærri 26 milljarða króna á milli áranna 2005 og 2006 samkvæmt tölum Hagstofunnar.

Samfylkingarráðherrar funduðu fram á nótt

Ráðherrar Samfylkingarinnar funduðu í gær eftir umræður um stefnuræðu forsætisráðherra og fram á nótt um stöðu mála í efnahagslífinu.

Hringvegurinn lokaður um Moldhaugnaháls í Eyjafirði

Vegna ræsagerðar verður Hringvegur um Moldhaugnaháls í Eyjafirði lokaður frá kl.18 í kvöld og fram eftir degi á laugardag. Hjáleið er um veg 816 Dagverðareyrarveg segir í tilkynningu Vegagerðarinnar.

Grunaður um fíkniefnaakstur

Ungur ökumaður var tekinn úr umferð á höfuðborgarsvæðinu í nótt, grunaður um að hafa ekið undir áhrifum fíkniefna. Fíkniefni fundust í bílnum auk ýmissa hluta, sem taldir eru vera úr innbortum. Hann gistir fangageymslur og verður yfirheyrður í dag.

Festu bíla sína á Kjalvegi

Tvær danskar konur og kínversk hjón festu bíla sína á Kjalvegi sent í gærkvöldi. Dönsku konurnar, sem voru vel búnar kölluðu eftir aðstoð og var björgunarsveit send eftir þeim og bílnum

Klippa þurfti ökumann út úr bifreið

Ungur maður slasaðist og þurfti að beita klippum til að ná honum út úr bílnum, sem rann út af í hálku á Reykjanesbraut á móts við Vífilsstaðaveg í gærkvöldi.

Geir sammála Þorgerði um Davíð

Forsætisráðherra var spurður í seinnifréttum Ríkissjónvarpsins í kvöld hvort hann væri sammála Þorgerði Katrínu Gunnarsdóttur, varaformanni Sjálfstæðisflokksins, að Davíð Oddsson, seðlabankastjóri, væri kominn langt út fyrir verksvið sitt þegar hann tali fyrir myndun þjóðstjórnar.,,

Undirstaðan er traust

„Ríkisstjórnin þurfti að tefla hraðskák þegar atburðarrásin með Glitni gekk yfir,“ sagði Össur Skarphéðinsson iðnaðarráðherra og starfandi utanríkisráðherra í umræðum um stefnuræðu forsætisráðherra. Hann sagði að ákvörðunin hefði miðað að því að treysta fjármálalegan stöðugleika.

Geir: Bankarnir búa sig undir mikla varnarbaráttu

Geir H. Haarde, forsætisráðherra, sagði í stefnuræðu sinni á Alþingi að allir hafi vitað að góðærið myndi ekki vara endalaust en enginn hafi séð fyrir þann storm sem skalla á efnahagskerfi heimsins.

Strætó keyrir ekki i Kópavogi í kvöld

Strætó mun líklegast ekki fara fleiri ferðir innanbæjar í Kópavogi í kvöld vegna færðar. Þær upplýsingar fengust hjá Strætó b/s að mikil hálka væri á götunum. Verið væri að salta göturnar en það tæki 2-3 tíma að hafa áhrif. Annars staðar væri ekið en hugsanlega yrðu seinkanir vegna slæmrar færðar.

Guðni: Stefnuræða Geirs var um ekki neitt

Guðni Ágústsson, formaður Framsóknarflokksins, sagði í umræðum um stefnuræðu forsætisráðherra fyrr í kvöld að þjóðin sé slegin fyrir stöðu máli í landinu. Hann sagði hlutverk stjórnmálamanna vera að róa almenning en ræða Geirs hafi aftur á móti ekki verið um neitt.

Erfiðar aðstæður á Reykjanesbraut

Lögreglan á Suðurnesjum varar ökumenn við erfiðum aðstæðum á Reykjanesbraut. Að sögn lögreglu hafa vanbúnar bifreiðar lent í miklum vandræðum í kvöld vegna mikillar hálku og þá hefur snjóað umtalsvert.

Gjaldþrot stjórnarstefnu Sjálfstæðisflokksins

Staðan sem uppi er núna þýðir gjaldþrot stjórnarstefnu Sjálfstæðisflokksins og kannski er kominn tími til að flokkurinn fái frí frá stjórnun fjármála landsins. Þetta sagði Katrín Jakobsdóttir, varaformaður Vinstri - grænna, í umræðum um stefnuræðu ráðherra í kvöld.