Ákvörðun um Írafoss tekin í dag

Það ræðst væntanelga í dag hvar gert verður við Írafoss, flutningaskip Eimskips, sem missti stýrisbúnaðinn skömmu eftir brottför frá Neskaupstað í fyrrinótt.

Einn látinn og þrennt á slysadeild eftir eldsvoða í Tunguseli

Einn karlmaður er látinn og þrjár manneskjur liggja nú á Slysadeild Landsspítalans eftir að þær fengu reykeitrun þegar eldur kviknaði í íbúð á þriðju hæð í Fjölbýlishúsi við Tungusel í Reykjavík rétt um klukkan sex í morgun.

Bruni í fjölbýlishúsi: Grunur um íkveikju

Mikið tjón varð þegar eldur kviknaði í íbúð í fjölbýlishúsi við Neshaga í nótt. Talið er líklegt að um íkveikju hafi verið að ræða en eldurinn stofnaði lífi fjölda fólks í hættu. Árið 2006 var bensínsprengju kastað inn í þessa sömu íbúð.

Álfakóngur og álfadrottning á brennu á Valhúsahæð

Álfakóngur og álfadrottning leiddu brennu á Valhúsahæð á Seltjarnarnesi sem kveikt var í klukkan fimm í dag. Til stóð að kveikt yrði í brennunni á gamlársdag, því var frestað vegna veðurs og ákveðið að bíða með að kveikja í þar til í dag.

Líklegast tapað fé

Á aðeins einni viku tókst ungmennum á Akranesi að taka hátt í sex milljónir króna út af bankareikningi í leyfisleysi. Ekki eru taldar miklar líkur á að peningarnir skili sér til baka en ungmennin notuðu þá meðal annars til að borga fíkniefnaskuldir.

Óttast óvissu á vinnumarkaði

Framkvæmdastjóri Alþýðusambandsins óttast óvissu á vinnumarkaði samþykki stjórnvöld ekki auka persónuafslátt fyrir lágtekjufólk. Hann kallar eftir skýrum svörum frá stjórnvöldum og segir lítinn tíma til stefnu.

Fjöldi ökumanna skeytti engu um stórslasaðan mann við þjóðveginn

Karlmaður á áttræðisaldri slasaðist illa um klukkan hálf fjögur í dag þegar hann datt fram fyrir sig. Maðurinn var á gangi skammt sunnan við Borgarnes og náði ekki að bera hendur fyrir andlit sitt. Hann hlaut nokkra stóra skurði til að mynda á enni, við auga og á nefi. Honum blæddi mikið.

Samfylkingin ályktar um boranir

Stjórn Samfylkingarinnar í S- Þingeyjarsýslu og sveitarfélaginu Norðurþingi sendi í dag frá sér ályktun þar sem þeim árangri sem náðst hefur við boranir á jarðvarmaorku við Kröflu,Þeistarereyki og Bjarnaflagi er fagnað.

Ingibjörg til Egyptalands

Ingibjörg Sólrún Gísladóttir utanríkisráðherra heldur á mánudag í opinbera heimsókn til Egyptalands sem standa mun dagana 8. og 9. janúar. Heimsóknin var ákveðin á fundi hennar með utanríkisráðherra Egyptalands, Ahmed Abdoul Gheit á allsherjarþingi Sameinuðu þjóðanna í New York í haust og í ferðinni mun hún eiga fundi með þremur ráðherrum í egypsku ríkisstjórninni, Mohamed Rashid viðskipta- og iðnaðarráðherra og Mahmoud Mohieddin fjárfestingaráðherra auk Abdouls Gheit utanríkisráðherra. Þá mun Ingibjörg Sólrún einnig eiga sérstakar viðræður við Amra Moussa aðalritara Arababandalagsins en höfuðstöðvar þess eru í Kaíró.

Þrettándabrennur í Reykjavík og nágrenni

Í dag á þrettánda degi jóla verður kveikt í þremur brennum í Reykjavík: við Gufunes, Ægisíðu og Reynisvatn. Flugeldasýning verður í Gufunesi. Brennur eru í flestöllum sveitarfélögum á höfuðborgarsvæðinu.

Fólkið á Egilsstöðum stóð sig eins og hetjur

Halldóra Bergsdóttir skrifstofukona er ein þeirra tæplega 200 flugfarþega sem voru að koma frá Kanarí í leiguflugvél sem reyndi tvær misheppnaðar aðflugstilraunir í Keflavík og þurfti á endanum að lenda á Egilsstöðum.Hún segir að starfsfólk sem tók á móti sér og öðrum farþegum á flugvellinum á Egilsstöðum hafi staðið sig eins og hetjur.

Stálu myndavélum og öðru lauslegu

Lögreglan á höfuðborgarsvæðinu handtók í morgun tvo erlenda ferðamenn á hóteli í Reykjavík vegna gruns um þjófnað. Um er að ræða konu og karl frá Hollandi en þau eru meðal annars sökuð um að hafa stolið úr töskum annarra ferðamanna sem biðu eftir flugrútunni í morgun.

Mikið tjón í eldsvoða við Neshaga

Mikið tjón varð í nótt þegar eldur kviknaði í íbúð í blokk við Neshaga í Reykjavík. Tilkynning um eldinn barst slökkviliðinu laust fyrir klukkun eitt og stóð þá íbúðin í björtu báli.

Þrettándagleði í Eyjum í gær

Vestmannaeyingar tóku forskot á sæluna í gær og héldu þá þrettándagleði sína. Álfar, tröll og jólasveinar skemmtu fólki og kveikt var í brennu.

Líkamsárás á skemmtistað í Reykjanesbæ

Einn maður var handtekinn í nótt grunaður um líkamsárás á skemmtistað í Reykjanesbæ. Sá sem fyrir árásinni varð fékk skurð á höfuð. Árásarmaðurinn var talsvert ölvaður og reyndist því ekki unnt að taka af honum skýrslu í nótt.

Ekið á tólf ára stúlku

Ekið var á tólf ára stúlku við áramótabrennu Sandgerðinga í gærkvöldi. Meiðsl stúlkunnar eru ekki talin alvarleg en stúlkan gekk fyrir bíl sem var að aka yfir Sandgerðisveginn.

Sjö ungmenni sviku út milljónir

Síðastliðinn fimmtudag barst lögreglunni kæra Sparisjóðsins á Akranesi vegna fjársvika. Reyndist um að ræða mál þar sem um 6.5 milljónir króna höfðu verið teknar út af reikning í heimildarleysi og millifærðar á nokkra aðila.

Björn: Engar tillögur komið fram um að lögum um forsetakosingar verði breytt

Björn Bjarnason dómsmálaráðherra segir að engar tillögur hafi komið fram hvorki í ríkisstjórn ná á Alþingi um að lögum um forsetakosningar verði breytt.

Borgarstjóri: Veggjakrot vaxandi vandamál

Eignaspjöll vegna veggjakrots hafa þrefaldast í borginni á undanförnum árum að sögn borgarstjóra. Hann segir um verulegt vandamál að ræða. Borgaryfirvöld vinna nú í samstarfi við lögregluna að tillögum til að sporna við þessari þróun.

Segir að eftirspurn eftir Range Rover jeppum hafi sjaldan verið meiri

Eftirspurn eftir nýjum og notuðum Range Rover jeppum hefur sjaldan verið meiri að sögn bílasala. Hann segir ekki rétt að þeir standi óseldir í röðum á bílasölum.

Rændu bíl af þriggja barna móður

Óprútinn aðili, eða aðilar, gerðust svo kræfir í gær að stela bíl hinnar 21 árs gömlu þriggja barna móður Söru Rós Kavanagh.

Leiðrétting vegna fréttar um ferðalag Jóns Ásgeirs Jóhannessonar

Vegna fréttar sem birtist 2. janúar á Vísi og yfirlýsingar Jóns Ásgeirs Jóhannessonar sem birtist 4. janúar um ferðalag hans og Ingibjargar Pálmadóttur ásamt vinafólki þeirra, vill ritstjórn Vísis koma með leiðréttingu.

Söfnuðu 20 milljónum

20.867.000 kr. söfnuðust í styrktarátaki Sparisjóðsins ”Þú gefur styrk” fyrir átta félagasamtök til verkefna á sviði barna og unglinga með geðraskanir. Styrktarátakinu lauk á aðfangadag jóla en styrkirnir voru afhentir forsvarsmönnum félaganna nú í byrjun árs.

Ástþór neitar að staðfesta framboð

Ástþór Magnússon vill ekki staðfesta fréttir um að hann hyggist bjóða sig aftur fram til forseta. Hann ætlar sér að ræða við fréttamenn um málið um miðjan mánuðinn.

Borgarstjóri segir framkvæmdir vegna Laugavegshúsa kosta mikið

Borgarstjóri segir að kostnaður vegna flutnings og endurgerðar á húsunum að Laugavegi 4 og 6 verði mikill. Hann segir ekki ólíklegt að húsunum verði komið fyrir í Hljómskálagarði.

Ógnuðu fólki og þverbrutu umferðarreglur

Lögreglan á höfuðborgarsvæðinu handtók í gærkvöldi konu og karl á þrítugsaldri eftir að karlmaðurinn hafði ógnað starfsmönnum í Laugardalshöll með hnífi. Þar fóru fram tónleikar Bubba Morthens.

Á 134 með útrunnin ökuréttindi

Karlmaður um tvítugt var handtekinn í nótt eftir að lögreglan í Borgarnesi stöðvaði för hans á Vesturlandsvegi. Hann var þá á 134 kílómetra hraða á klukkustund með útrunnin ökuréttindi.

Sinubruni við Akureyri í nótt

Slökkviliðið á Akureyri var um hálf tvö leytið í nótt kallað út vegna sinubruna við sumarhúsabyggð í Pétursborg rétt norðan við bæinn. Um fjögurleytið var slökkviliðið svo aftur kallað út vegna elds í skúr við borholu við Þelamörk í Eyjafjarðarsveit.

Með uppsteyt við tollverði

Tveir gistu fangaklefa lögreglunnar á Suðurnesjum í nótt. Einn vegna fíkninefnamáls sem upp kom um nóttina en annar var handtekinn við komuna til landsins í Flugstöð Leifs Eiríkssonar. Hafði hann verið ölvaður og með uppsteyt við tollverði.

Brjálaðist á Bubbatónleikum

Maðurinn sem handtekinn var í kvöld í Meðalholti af sérsveitarmönnum hafði verið á tónleikunum hjá Bubba Morthens í Laugardalshöll. Þar hafði hann að sögn lögreglu brjálast og otað hnífi að dyravörðum.

Sérsveitin handtók hnífamann í Meðalholti

Sérsveit Ríkislögreglustjóra og lögreglumenn af höfuðborgarsvæðinu handtóku tvo menn í bíl í Meðalholti í kvöld. Tilkynning hafði borist um mann sem otað hafði hnífi að fólki. Ekki er vitað hvort hnífamaðurinn var ökumaður eða farþegi í bílnum en ökumaðurinn er grunaður um að vera undir áhrifum og hafði hann ekið utan í nokkra bíla á ferð sinni.

H.R.F.Í. orðið bitbein hundaræktenda

Deilur virðast í uppsiglingu meðal hundaræktenda um réttinn til þess að nota skammstöfunina H.R.F.Í. Hundaræktarfélag Íslands var stofnað árið 1969 og hefur starfað undir þessum merkjum síðan þá. Félagið heldur meðal annars úti vefsíðu sinni á slóðinni www.hrfi.is.

Stúlkan fundin heil á húfi

Stúlkan sem lögregla lýsti eftir fyrr í kvöld, Ástríður Rán Erlendsdóttir, er komin í leitirnar, heil á húfi.

Íhuga að kæra Hjörleif Kvaran

Eigendur fornbókabúðarinnar Bókin íhuga að höfða meiðyrðamál á hendur Hjörleifi Kvaran vegna ummæla sem hann lét falla í 24 stundum í dag. Þar sakaði hann eigendurnar um að vera vitorðsmenn í þjófnaði á tugum fágætra bóka.

Framsókn sleit stjórnarsamstarfinu

Framsóknarflokkurinn ákvað að slíta ríkisstjórnarsamtarfinu í vor, en ekki Sjálfstæðisflokkurinn.Geir H. Haarde forsætisráðherra fjallar um endalok síðustu ríkisstjórnar í grein sem hann skrifaði um áramótin í Morgunblaðið. Fyrir kosningar hafi það legið fyrir af hálfu stjórnarflokkanna að halda áfram stjórnarsamstarfi fengju flokkarnir meirihluta. Það fengu þeir, en aðeins upp á einn mann.

Lögregla vill að Exodus hætti að selja úðabrúsa

Rannsóknarlögreglan mætti í verslunina Exodus við Hverfisgötu í dag og óskaði þess að eigandi hætti sölu á úðabrúsum sem notaðir eru við veggjakrot. Eigandi verslunarinnar segist hafa orðið fyrir ofsóknum af hálfu embættismanna fyrir það eitt að selja brúsana.

Húsin mikilvægur hluti götumyndar en ómerkileg í sjálfu sér

Forstöðumaður Húsafriðunarnefndar segir ákveðna mótsögn felast í því að flytja húsin á Laugavegi 4 – 6 og byggja þau upp á öðrum stað, til að mynda í Hljómskálagarðinum eins og nefnt hefur verið. Hann segir húsin hafa ótvírætt gildi þegar kemur að því að varðveita þessa elstu götumynd við Laugaveginn en ein og sér séu þau ekki sérstaklega merkileg.

Sjö þrettándabrennur á höfuðborgarsvæðinu

Sjö þrettándabrennur verða víðs vegar á höfuðborgarsvæðinu á sunnudag og er útlit fyrir að það viðri ágætlega fyrir þær.

Glæsilegar skreytingar í rysjóttu veðri

Orkuveita Reykjavíkur veitti í dag eigendum sex húseigna á höfuðborgarsvæðinu viðurkenningar fyrir glæsilegar skreytingar á eignum sínum.

Sektaður fyrir fiskveiðibrot

Héraðsdómur Vestfjarða hefur sektað skipstjóra á línubát um 250 þúsund krónur fyrir fiskveiðibrot með því að hafa verið gripinn við línuveiðar á skyndilokunarsvæði norðvestur af Deild í júlí í fyrrasumar.

Sýknaður af líkamsárás í miðborginni

Héraðsdómur Reykjavíkur hefur sýknað karlmann af ákæru um líkamsárás í miðbæ Reykjavíkur sumarið 2006.

Met í fjölda gesta Bláa lónsins

Gestir Bláa Lónsins hafa aldrei verið fleiri en á síðasta ári þegar tæplega 408 þúsund manns sóttu þennan vinsæla áfangastað. Tveir þriðju hlutar gestanna voru útlendingar. Þetta er rúmlega sjö prósent aaukning frá fyrra ári.

Kanna aðgerðir til að auka ábyrgð framleiðenda blaða og fjölpósts

Umhverfisráðherra hefur skipað nefnd sem á að gera tillögu um aðgerðir til að minnka úrgang og auka endurvinnslu á dagblöðum, tímaritum og öðrum óumbeðnum prentpappír.

Kerru stolið í Mosfellsbæ

Kerru var stolið í Mosfellsbæ skömmu fyrir jól. Hún er af gerðinni Marco 03 með upphækkun og loki en á meðfylgjandi mynd er kerra sömu tegundar. Lögreglan biður þá sem kunna að hafa upplýsingar um kerruna að hafa samband í síma 444-1000.

Skipar nefndir til að styrkja byggðir á Norður- og Austurlandi

Geir H. Haarde forsætisráðherra hefur ákveðið að skipa tvær nefndir til þess að fjalla um leiðir til að styrkja atvinnulíf og samfélag á Norðurlandi vestra, Norðurlandi eystra og Austurlandi en þar eru byggðarlög sem eiga undir högg að sækja.