Rammasamkomulag um álver í Helguvík

Meginlínur orkusamnings vegna álvers í Helguvík liggja nú fyrir og verður rammasamkomulag undirritað í fyrramálið milli Norðuráls, Orkuveitu Reykjavíkur og Hitaveitu Suðurnesja. Gert er ráð fyrir að álverið taki til starfa árið 2010 og framkvæmdir hefjist síðla næsta árs.

Engar reglur um leyfi ríkisstarfsmanna í átta ár

Reglur um leyfi starfsmanna frá störfum í ríkisþjónustu, sem setja átti fyrir átta árum, hafa enn ekki verið settar. Ástæða þess er misskráning í fjármálaráðuneytinu sem taldi málið afgreitt. Formaður Samfylkingarinnar segir málið pínlegt fyrir ráðuneytið.

Vill sameina slökkviliðin á suðvesturhorninu

Landssamband slökkviliðs- og sjúkraflutningamanna vill að slökkviliðin á suðvesturhorninu verði sameinuð með það að markmiði að efla björgunar- og öryggismál hér á landi. Þá vill sambandið auka samstarfið við björgunarsveitirnar og Landhelgisgæsluna.

Rétt að draga úr áherslu á ál við milljón tonna framleiðslu

Þegar framleiðsla á áli er komin í eina milljón tonna á ári er af ýmsum ástæðum rétt að draga úr áherslu á þeim vettvangi, sagði iðnaðarráðherra í fyrirspurnartíma á þingi í dag. Fyrirspyrjandi sakaði ráðherra um að vera á flótta í málefnum áliðnaðarins.

Rausnarleg gjöf til Sjómannasafnsins

Sjóminjasafnið í Reykjavík fékk í dag afhenta rausnarlega gjöf úr einkasafni hjónanna Hinriks Bjarnasonar og Kolfinnu Bjarnadóttur. Um er að ræða um það bil 700 muni og þykja þeir bera með sér ómetanlegar heimildir um horfna tíma. Sigrún Magnúsdóttir forstöðumaður safnsins að vonum afar þakklát gjöfinni og taldi munina mikla og góða viðbót við Sjómannasafn Reykjavíkur.

Vilhjálmur Þ. og Björn Ingi funda tveir einir

Meirihlutaviðræðurnar í Reykjavík eru á hendi tveggja manna og funda þeir Vilhjálmur Þ. Vilhjálmsson og Björn Ingi Hrafnsson tveir einir um málefnasamning og skiptingu embætta milli Sjálfstæðisflokks og Framsóknarflokks. Líklegt þykir að flokkarnir skipti með sér formennsku í Orkuveitu Reykjavíkur en málefni eldri borgara verða þungamiðjan í málefnasamningi flokkanna.

Hluti Hellisheiðarvirkjunar telst þjóðlenda - Esjan eign Reykvíkinga og bænda

Málefni Hellisheiðarvirkjunar eru í uppnámi eftir að Óbyggðanefnd kvað upp þann úrskurð í dag að hluti af virkjunarsvæðinu sé þjóðlenda. Skíðasvæðið í Bláfjöllum og Sandskeið teljast einnig þjóðlendur. Kröfu um að háhitasvæði í Trölladyngju falli undir þjóðareign var hins vegar hafnað og Esjan er ekki þjóðlenda heldur telst séreign Reykvíkinga og bænda.

Exista kaupir VÍS eignarhaldsfélag

Fjárfestingarfélagið Exista hefur keypt VÍS, eignarhaldsfélag. Kaupin eru undirbúningur í skráningu í Exista í Kauphöll Íslands en það mun verða eitt stærsta félagið í Kauphöllinni.

Samkeppniseftirlitið sýknað af kröfum Sjóvás

Héraðsdómur Reykjavíkur hefur sýknað Samkeppniseftirlitið af kröfum Sjóvás - Almennra vegna úrskurðar áfrýjunarnefndar samkeppnismála í tengslum við ólöglegt samráð stóru tryggingarfélaganna. Tuttugu og sjö milljóna króna sekt Sjóvás - Almennra stendur því óhreyfð.

Hluti virkjanasvæðis Hellisheiðarvirkjunar þjóðlenda

Hluti virkjanasvæðis Hellisheiðarvirkjunar er þjóðalenda samkvæmt úrskurði Óbyggðanefndar sem kveðinn var upp í dag. Lögmaður Orkuveitunnar segir úrskurðinn koma á óvart. Kröfu ríkisins um að efsti hluti Esjunnar sé þjóðlenda var hafnað.

Stór hluti hugbúnaðar á Íslandi er stolinn

Um 57 prósent hugbúnaðar á Íslandi er illa fenginn og skipar Ísland sér í sæti með löndum í Austur-Evrópu og Asíu. Dómsmálaráðuneytið hefur nú til skoðunar að beiðni Microsoft á Íslandi hvernig hægt sé að stemma stigu við hugbúnaðarstuldi. Þetta kemur fram í nýrri skýrslu sem markaðsrannóknarfyrirtækið IDC gerði fyrir samtökin BSA en meðlimir þeirra eru fyrirtæki á borð við Microsoft, Apple, Adope og McAfee.

Valgerður vill rannsókn vegna áletrunar á borða

Valgerður Sverrisdóttir iðnaðar- og viðskiptaráðherra hefur sent lögreglustjóranum í Reykjavík bréf vegna áletrunar á mótmælaborða í göngu Íslandsvina síðastliðinn laugardag.

Nýr bæjarstjóri á Hornafirði

Hjalti Þór Vignisson hefur verið ráðinn í starf bæjarstjóra í sveitafélaginu Hornafirði. Á fréttavefnum Horn.is kemur fram að það hafi verið samdóma álit nýs meirihluta framsóknarmanna og Samfylkingar að ráða Hjalta í starfið.

Uppsagnir í tímaritaútgáfu Fróða

Niðurskurður er á tímaritaútgáfunni Fróða. Ritstjórum tímaritanna Séð og heyrt og Vikunnar hefur verið sagt upp störfum auk nokkurra annarra starfsmanna sem starfa hjá fyrirtækinu. Þetta var tilkynnt á nýafstöðnum fundi í fyrirtækinu í dag.

Bilun hjá þjónustaðila Farice í Skotland

Um kl. 14:20 í dag bilaði ljósleiðari hjá fjarskiptafyrirtækinu THUS í Skotlandi, sem tengir Farice-strenginn frá landtengingu í Norður-Skotlandi til London, og rofnaði þá öll fjarskiptaumferð um Farice-strenginn milli Íslands, Færeyja og Bretlands.

Nýr meirihluti í Skagafirði

Myndun nýs meirihluta í Skagafirði er lokið. Fjórir menn Framsóknarflokksins og einn maður Samfylkingarinnar hafa náð saman og verður Gunnar Bragi Sveinsson, oddviti Framsóknarflokks, formaður byggðaráðs.

Síminn einfaldar verðskrá sína

Síminn hefur ákveðið að einfalda verðskrá sína fyrir farsímanotendur sem eru staddir erlendis og vilja taka á móti símtölum frá Íslandi.

Dr. Agnar hlaut hvatningarverðlaunin

Agnar Helgason, doktor í mannfræði, hlaut í dag Hvatningarverðlaun Visinda- og tækniráðs. Forsætisráðherra veitti honum verðlaunin fyrir hönd valnefndarinnar.

Eitt höfuðvígi Sjálfstæðisflokksins fallið

Eitt höfuðvígi Sjálfstæðisflokksins á landsbyggðinni féll í gærkvöldi, þegar flokkurinn komst ekki að við myndun bæjarstjórnar í Bolungarvík í gærkvöldi.

Sérverslunum, skautahöll og kanaútvarpinu lokað

Nokkrum sérverslunum og skautahöllinni á varnarliðssvæðinu á Keflavíkurflugvelli verður lokað í dag. Á morgun á svo að slökkva endanlega á sjálfu kanaútvarpinu.

Breytingar á forystu Framsóknarflokksins óhjákvæmilegar?

Menn hljóta að skoða þann möguleika að gera breytingar á forystu Framsóknarflokksins. Þetta segir þingmaður flokksins, Kristinn H. Gunnarsson. Hann útilokar ekki að það hafi verið mistök af hálfu flokksins að krefjast forsætisráðherrastólsins.

Meirihluti myndaður í Skagfirði

Framsóknarflokkurinn og Samfylkingin í Skagafirði hafa samið um myndum meirihluta í Sveitarfélaginu Skagafirði. Oddviti Samfylkingarinnar Gréta Sjöfn Guðmundsdóttir verður forseti sveitarstjórnar og oddviti Framsóknarflokks Gunnar Bragi Sveinsson verður formaður byggðarráðs.

Atlantsolía opna sjöttu bensínstöðina á höfuðborgarsvæðinu

Atlantsolía opnar sína sjöttu bensínstöð á höfuðborgarsvæðinu í dag og er hún við rætur Öskjuhlíðar, beint fyrir neðan Keiluhöllina.

Væntingavísitala Gallups undir 100 stigum

Væntingavísitala Gallups mælist nú undir 100 stigum í fyrsta sinn síðan í desember árið 2002. Þegar hún mælist undir hundrað, þá eru fleiri neytendur svartsýnir á efnahagsástandið, en bjartsýnir.

Kananum lokað í dag

Miðbylgjuútvarpsstöð Varnarliðsins á Keflavíkurflugvelli, eða "kananum", eins og hún var alltaf kölluð, verður lokað í dag samkvæmt brottflutningsáætlun bandaríkjahers.

Reyklausi dagurinn í dag

Alþjóðlegur baráttudagur gegn tóbaksnotkun er í dag, eða „Reyklausi dagurinn" eins og hann var kallaður. Lögð er áhersla á að hvetja fólk til að hætta tóbaksnotkun. Fyrir tuttugu árum sögðust um 27 prósent landsmanna reykja en sú tala er nú komin niður í 20 prósent.

Úrskurður í þjóðlendumálum

Óbyggðanefnd mun í dag kveða upp úrskurð í fimm þjóðlendumálum og fjalla þau öll um landssvæði á Suðvesturlandi. Þau varða Stór-Reykjavík, Ölfus, Grafning, Grindavík, Vatnsleysu og Kjalarnes og Kjós.

Svissneska farþegaþotan enn í Keflavík

Swiss Air farþegaþotan, sem lenti óvænt á Keflavíkurflugvelli í gærkvöldi eftir að annar hreyfill hennar bilaði þegar hún var stödd skammt frá landinu á leiði sinni til Bandaríkjanna, er enn á flugvellinum. Sextíu manns sem voru um borð gistu í Keflavík og víðar í nótt.

Kosningabaráttan kostaði vart undir 200 milljónum

Kosningabarátta framboðanna fimm í Reykjavík hefur vart kostað undir tvö hundruð milljónum króna, að mati Viðskiptablaðsins. Þó brast ekki á auglýsingaflóð í taugatitringi síðustu dagana, eins og stundum hefur gerst.

Eitt höfuðvígi Sjálfstæðisflokksins fallið

Eitt höfuðvígi Sjálfstæðisflokksins á landsbyggðinni féll í gærkvöldi þegar K-listi og A-listi í Bolungarvík mynduðu meirihluta án aðildar Sjálfstæðisflokksins. Þetta mun vera í fyrsta sinn sem sjálfstæðismenn eru ekki ýmist með hreinan meirihluta, eða eiga aðild að meirihluta, í rúmlega sextíu ára kaupstaðarsögu Bolungarvíkur.

Úrslit í Svalbarðsstrandarhreppi

Óbundinni kosningu í Svalbarðsstrandarhreppi er lokið. Alls voru 261 á kjörskrá og greidu 170 atkvæði eða rúm 65%.

Fæturnir hafa stækkað á göngunni

Jón Eggert Guðmundsson göngugarpur sem þræðir nú strandvegi landsins til þess að afla fé fyrir Krabbameinsfélagið kom í Eyjafjörð í gær. Hann segir gönguna hafa gengið vel hingað til en að fæturnir á sér hafi stækkað á síðustu vikum.

Nefnd skoði gögn sem snerta öryggismál í kalda stríðinu

Halldór Ásgrímsson forsætisráðherra hefur lagt þingsályktunartillögu fram á Alþingi þar sem ríkisstjórninni verður falið að skipa nefnd til að skoða opinber gögn sem snerta öryggismál landsinsins á árunum 1945-1991. Nefndinni er ætlað að skila niðurstöðu fyrir árslok.

Mönnum bjargað af Hvannadalshnjúk

Fimm mönnum, sem lentu í snjóflóði í hlíðum Hvannadalshnjúks um hádegisbilið, hefur verið bjargað. Þrír þeirra slösuðust en þó ekki alvarlega, og voru þeir fluttir af jöklinum með þyrlu Landhelgisgæslunnar, TF-LÍF, nú síðdegis. Björgunarmenn stukku í fallhlíf niður á Öræfajökul og þyrlan ferjaði einnig björgunarmenn upp á jökul þar sem þeir sigu niður úr þyrlunni eftir að í ljós kom, um þrjú-leytið, að hún gat ekki lent á jöklinum vegna lélegs skyggnis.

Umræðu um RÚV ólokið

Fundi Alþingis lauk nú á tíunda tímanum, en frá því um miðjan dag hefur staðið yfir þriðja umræða um hlutafélagavæðingu Ríkisútvarpsins.

Heitt í kolunum á þingi í dag

Heitt var í kolunum við upphaf þingfundar á Alþingi í dag. Stjórnarandstæðingar sökuðu stjórnarflokkana um pólitísk hrossakaup á bæði Alþingi og í borginni, til að koma mjög umdeildum málum í gegn á sumarþingi. Formaður Frjálslyndaflokksins sagði ráðherraræðið algjört á þingi og spáir þingfundum fram í júlí.

20 % strikuðu nafn Eyþórs út

Tuttugu prósent kjósenda í Árborg sem kusu Sjálfstæðisflokkinn strikuðu yfir nafn Eyþórs Arnalds á laugardag en flokkurinn fékk 1689 atkvæði í kosningunum. Það þýðir að 340 kjósendur strikuðu yfir nafn hans. Eyþór hafði sjálfur hvatt kjósendur til þess að strika yfir nafn hans fremur en að kjósa annan flokk. Til þess að yfirstrikanir hafi áhrif á niðurröðun manna á framboðslista þurfa fimmtíu og eitt prósent kjósenda hans að strika yfir einn og sama frambjóðandan.

Rætt um mikilvægi þess að ná samstöðu um framtíð Íbúðalánasjóðs

Forsætisráðherra átti fund með forsvarsmönnum bankanna í gær um íbúðalán. Hann segir mikilvægt að samstaða náist um nýtt fyrirkomulag á Íbúðalánasjóði. Stefnt sé að því að frumvarp um nýtt hlutverk sjóðsins verði tilbúið í haust.

Ekkert að gerast í varnarviðræðum

Brottför bandaríska varnarliðsins frá Íslandi gengur mun hraðar en íslensk stjórnvöld hefðu getað gert sér grein fyrir. Forsætisráðherra segir ekkert nýtt að gerast í varnarviðræðunum.

Heitt í kolunum á þingi í dag

Heitt var í kolunum við upphaf þingfundar á Alþingi í dag. Stjórnarandstæðingar sökuðu stjórnarflokkana um pólitísk hrossakaup á bæði Alþingi og í borginni, til að koma mjög umdeildum málum í gegn á sumarþingi. Formaður Frjálslyndaflokksins sagði ráðherraræðið algjört á þingi og spáir þingfundum fram í júlí.

Fallist á kröfu verjenda í Baugsmálinu

Fallist var á kröfu verjenda í Baugsmálinu þess efnis að fá að spyrja matsmenn sérstaks saksóknara um tölvupóst sem sönnunargögn. Að sögn Jakobs R. Möllers, verjanda Tryggva Jónssonar, hefur niðurstaða dómsins mikla þýðingu fyrir vörn ákærðu.

Sjálfstæðirmenn og Framsókn funda í Árborg

Slitnað hefur upp úr viðræðum vinstri flokkanna í Árborg um myndun meirihluta í bæjarfélaginu. Sjálfstæðismenn hafa þegar hafið viðræður við Framsóknarmenn um meirihlutasamstarf. Upp úr viðræðunum slitnaði þegar ekki náðist samkomulag um málefni skólans á Eyrabakka og Stokkseyri en Samfylking og Framsókn vildu áfram haldandi uppbyggingu hans á meðan Vinstri grænir höfðu aðrar hugmyndir.

Búið að bjarga slösuðum frá Hvannadalshnjúki

Þyrla Landhelgisgæslunnar hefur náð að bjarga þremur mönnum sem slösuðust í snjóflóði á leiðinni upp á Hvannadalshnjúk. Mennirnir eru komnir til Hafnar og verða fluttir þaðan með flugvél Landhelgisgæslunnar, TF-SÝN, til Reykjavíkur. Einn mannanna er ökklabrotinn og annar með snúinn ökkla og hugsanlega skaddað liðband.

Fimm fallhlífastökkvarar stukku úr flugvél yfir Hvannadalshnjúki

Fimm fallhífastökkvarar á vegum Landsbjargar stukku úr flugvél til að koma fólkinu til bjargar sem lenti í snjóflóðinu á Hvannadalshnjúk um hádegi í dag. Þetta er í fyrsta sinn sem björgunarmenn stökkva í fallhlíf úr flugvél í björgunaraðgerðum á Íslandi.

Ólafur Ragnar haldinn til Litháen

Forseti Íslands Ólafur Ragnar Grímsson hélt til Litháen í morgun. Þar í landi ætlar hann meðal annars að taka þátt í ársþingi samtakanna Evrópskar borgir gegn fíkniefnum. Þegar hafa um það bil tuttugu borgir í Evrópu staðfest þátttöku í verkefninu.