Fleiri fréttir

Tuttugu nauðganir kærðar

Alls hafa borist 81 kynferðisbrotamál til neyðarmóttökunnar það sem af er þessu ári. 34 þeirra hafa verið kærð til lögreglu. Kærur vegna nauðgunar sem lögreglan í Reykjavík hefur fengið til meðferðar það sem af er árinu eru 20 talsins </font /></b />

Mótmæli á þaki Stjórnarráðsins

Tveir menn klifruðu fyrir stundu upp á þak Stjórnarráðsins, drógu íslenska fánann niður og ætluðu að flagga öðrum fána. Á þeim fána var áletrunin, "Engin helvítis álver", því má leiða líkum að því að mótmælendur framkvæmda við Kárahnjúka hafi staðið fyrir gjörningnum. Lögregla var kölluð til og mennirnir voru handteknir og færðir á lögreglustöðina.

Fleiri karlar með doktorspróf

Fleiri karlar meðal háskólakennara hafa lokið doktorsprófi en konur. Tæplega þriðjungur karla eða 31% meðal kennara í skólum á háskólastigi hefur lokið doktorsprófi en aðeins um 12% kvenna.

Vilyrði fyrir lóð við Austurhöfn

Borgarstjóri hefur lýst yfir vilja til að mæta óskum Listaháskólans um lóð í tengslum við fyrirhugað tónlistarhús og ráðstefnumiðstöð. Stjórn skólans sendi borgarstjóra og menntamálaráðuneyti bréf í byrjun júní þar sem stjórnin lýsti vilja sínum að framtíðarstaðsetning Listaháskólans yrði við Austurhöfn.

Ný staða í uppkaupum húseigna

Smári Þorvaldsson, starfsmaður Ofanflóðasjóðs segir að ný staða sé komin upp í uppkaupum húseigna með dómi Héraðsdóms Vestfjarða í morgun þar sem Bolungarvíkurkaupstað var gert að greiða húseigendum við Dísarland bætur fyrir hús sín á grundvelli mats frá Matsnefnd eignarnámsbóta en ekki staðgreiðslumarkaðsverðs eins og bærinn hafði boðið. En þetta kemur fram á vef Bæjarins besta á Ísafirði.

Stefán Jón vill fyrsta sætið

Í fréttatilkynningu frá Stefáni Jóni Hafstein kemur fram að hann ætlar að gefa kost á sér í fyrsta sæti á framboðslista Samfylkingarinnar í komandi borgarstjórnarkosningum.

Íslenskum dreng bjargað úr flóðum

Tólf ára íslenskum dreng, Matthíasi Þór Ingasyni, verður flogið í dag með þyrlu frá bænum Engelberg í Sviss. Bærinn er umflotinn vatni og eru vegur og járnbrautateinar til og frá bænum í sundur. </font /></b />

Skóflustungur að nýjum skóla

Væntanlegir nemendur Hraunvallaskóla í Hafnarfirði tóku fyrstu skóflustungurnar í gær að viðstöddum bæjarstjóranum, Lúðvík Geirssyni, og fulltrúum Fjarðarmóta sem byggja fyrsta áfanga skólans.

Varnarliðsmenn ganga berserksgang

"Það fer ekkert á milli mála að framkoma þessara manna hefur versnað til muna síðustu misserin," segir Magnús Jóhannsson, framkvæmdastjóri leigubílafyrirtækisins Ökuleiða í Keflavík. Tvívegis nú á stuttum tíma hafa bandarískir hermenn gengið berserksgang í bílum fyrirtækisins með þeim afleiðingum að eigendurnir urðu fyrir allmiklu tjóni.

Lundapysja í Örfirisey

Lundapysja spókaði sig um á athafnasvæði Lýsis í Örfirisey í Reykjavík í gærmorgun. Þorsteinn Waagfjörð, starfsmaður fyrirtækisins, gekk fram á pysjuna og segir hana hafa verið ráðvilta og magra.

Út að borða í allan vetur

Gangi allir samningar eftir munu flestir nemendur grunnskólans á Blönduósi fara út að borða í hádeginu í allan vetur en bæjarráð hefur falið bæjarstjóra að semja við veitingahús um skólamáltíðir barnanna í vetur.

Engar upplýsingar um ofbeldisstaði

"Þessar upplýsingar eru trúnaðarmál enda eigum við sjálfir eftir að fara á stúfana og ræða við viðkomandi veitingamann vegna þessa," segir Geir Jón Þórisson, yfirlögregluþjónn hjá lögreglunni í Reykjavík.

Árleg kaupgeta 24 milljónir króna

Sigurjón Sighvatsson kaupir listaverk eftir Ólaf Elíasson á um 30 milljónir króna. Listasafn Íslands og Listasafn Reykjavíkur fá samtals rúmar 24 milljónir króna til listaverkakaupa á ári. </font /></b />

Sameining í Ölfusi og Flóa kynnt

Með sameiningu sveitarfélaganna í Ölfusi og Flóa yrði til rúmlega tíu þúsund manna sveitarfélag sem yrði mun öflugra en þau eru sitt í hvoru lagi. Þetta er mat samstarfsnefndar um undirbúning sameiningarinnar.

Konur hafa áhrif á heimsmálin

Askalú Menkeríos, fyrrverandi hermaður og núverandi menningarmálaráðherra Erítreu, segir að Vigdís Finnbogadóttir hafi sannað það fyrir heiminum að konur geti verið þjóðarleiðtogar og haft áhrif á heimsmálin. Hún er komin hingað til lands til að sitja heimsfund menningarmálaráðherra úr röðum kvenna.

Gallabuxur á raðgreiðslum

Það kemur eflaust mörgum á óvart en vinsælustu gallabuxurnar á markaðinum í dag kosta yfir 20 þúsund krónur. Og það sem meira er, þær seljast eins og heitar lummur.

Vaxtalaus listmunalán

Vaxtalaus listmunalán þykja hafa hleypt lífi í listmunamarkaðinn hér á landi og opnað almenningi leið að samtímalist. Þegar hefur verið gengið frá tvö hundruð og tuttugu lánum, fyrir rúmlega fjörutíu og þrjár milljónir króna.

Átta sýningar á vetrardagskrá

Ungir leikarar og einn sem er að hefja sitt fimmtugasta leikár, ætla að taka höndum saman um að gera þetta ár eftirminnilegt fyrir Leikfélag Akureyrar. Átta sýningar eru á vetrardagskrá Leikfélags Akureyrar. Þeirra viðamest er rokksöngleikurinn Litla hryllingsbúðin, en Magnús Geir Þórðarson, leikhússtjóri, vonast til að allir geti fundið eitthvað við sitt hæfi.

Prófmál í Bolungarvík

Héraðsdómur Vestfjarða dæmdi í morgun Bolungarvíkurkaupstað til að greiða eigendum þriggja húsa á snjóflóðahættusvæði í bænum rúmar fimmtíu og sjö milljónir króna, sem er nokkuð hærra en bærinn vildi borga. Bæjarstjóri segir að um prófmál sé að ræða.

Fá 57 milljónir í stað 40

Héraðsdómur Vestfjarða dæmdi í gær Bolungarvíkurkaupstað til að greiða eigendum þriggja húsa við Dísarland í Bolungarvík rúmar 57 milljónir auk vaxta í eignarnámsbætur. Olgeir Hávarðarson, eigandi eins hússins, segir þetta í það minnsta einn áfanga og fagnar því, þótt óljóst sé hvort kaupstaðurinn áfrýji dómnum til Hæstaréttar.

Vill fyrsta sætið

Gísli Marteinn Baldursson mun tilkynna stuðningsmönnum sínum á sunnudag að hann hyggist sækjast eftir fyrsta sæti á lista sjálfstæðismanna fyrir næstu borgarstjórnarkosningar.

Mikil fækkun nýrra sjúklinga

"Þetta er jákvætt skref sem orðið hefur að tala nýrra sjúklinga hefur ekki verið minni síðan 1995," segir Þórarinn Tyrfingsson, yfirlæknir á Vogi, en í nýrri ársskýrslu SÁÁ kemur fram að nýir sjúklingar á stofnuninni hafa ekki verið færri í tíu ár þrátt fyrir að almennt sígi á ógæfuhlið að öðru leyti.

Menningarnótt tókst að mestu vel

Engar ákvarðanir voru teknar varðandi hugsanlegar breytingar á fyrirkomulagi varðandi Menningarnótt í Reykjavík á fundi aðstandenda hátíðarinnar sem fram fór í gær.

Yfir 2.000 ótryggðir bílar

Ríflega 2.200 bifreiðar voru í gær á skrá Umferðarstofu yfir óvátryggða bíla, þar af voru um 800 sem verið höfðu á listanum frá því fyrir áramót. Gera má því ráð fyrir að yfir þriðjungur þeirra sem á annað borð skulda tryggingar trassi það mánuðum saman að borga.

Vill hjálp tryggingafélaganna

Geir Jón Þórisson yfirlögregluþjónn í Reykjavík segir stöðuga "rassíu" í gangi hjá lögreglu við að klippa númer af óvátryggðum ökutækjum. Sökum umfangs segir hann lögreglu þó gjarnan vilja sjá breytingar á vinnulagi við starfann.

Prestur fær viku til að svara

Biskup Íslands hefur óskað eftir því við Björn Bjarnason, ráðherra dóms- og kirkjumála, að Birgir Ásgeirsson verði settur sóknarprestur í Garðabæ til þriggja mánaða. Áætlað er að auglýsa starf sóknarprests í Garðasókn laust til umsóknar frá 1. desember.

2.000 fá að velja efstu menn

Kjördæmasambönd Framsóknarflokksins í suður- og norðurkjördæmum Reykjavíkur undirbúa sameiginlegan fund þar sem endanlega verður ákveðið hvernig staðið verður að sjálfstæðu framboði Framsóknarflokksins fyrir borgarstjórnarkosningarnar næsta vor. Fundurinn verður haldinn innan tíðar.

Stór björg féllu úr Óshlíð

Töluverðar skemmdir urðu á veginum um Óshlíð og varnargirðingum í hlíðinni þegar stór björg féllu úr hlíðinni í gær. Björgin féllu á þriðja tímanum og þykir mildi að björgin lentu ekki á bílum sem óku um Óshlíðina.

Vont ferðaveður á Austurlandi

Mjög vont ferðaveður er nú á milli Hafnar í Hornafirði og Djúpavogs og hefur veðurstofan sent úr stormviðvörun. Þar er nú mikið rok og sviptivindasamt, en vegna veðursins var mikið um grjóthrun í Hvalnes- og Þvottaskriðum á milli Djúpavogs og Hafnar í nótt. Að sögn lögreglunnar á Höfn er enn þá vont ferðaveður og vill lögreglan hvetja ökumenn til að fara varlega.

Fjögur sjúkraflug frá Akureyri

Fjögur sjúkraflug voru farin frá Akureyri í gær. Sóttur var veikur maður til Grænlands og á Vopnafjörð þar sem slys hafði orðið. Þá var flogið með sjúkling frá Akureyri til Reykjavíkur þar sem hann þurfti að gangast undir aðgerð. Fjórða vélin var svo kölluð á Egilsstaði upp úr klukkan sex til að ná í sjúkling og flytja hann til Reykjavíkur.

Gripinn eftir glæfraakstur

Ökumaður með barn í bíl sínum var í gær stöðvaður í Borgarnesi eftir glæfraakstur í Norðurárdal. Lögreglan á Hólmavík mældi manninn á 146 kílómetra hraða en ökumaðurinn sinnti ekki stöðvunarmerkjum og gaf í þegar hann varð var við lögregluna. Ökumaðurinn stofnaði lífi sínu og annarra í stórhættu með akstrinum, en hann var stöðvaður af lögreglunni í Borgarnesi.

Um sjö þúsund á Esjuna í sumar

Tæplega sjö þúsund manns hafa skrifað nafn sitt í gestabók Ferðafélags Íslands á Þverfellshorni á Esjunni í sumar, en frá þessu er greint á heimasíðu Ferðafélagsins. Í dag verður sérstök gönguferð félagsins á Esjuna og meðal göngumanna verður Halldór Ásgrímsson forsætisráðherra, en forsætisráðuneytið styrkti framkvæmdir Ferðafélagsins á Þverfellshorni í sumar. Gangan hefst klukkan 18.30 í dag.

Flestir umsækjendur hafi komist að

Frístundaheimili Íþrótta- og tómstundaráðs Reykjavíkurborgar hafa náð að taka inn flest þau börn sem sóttu um fyrir augslýstan umsóknarfrest í vor. Á 26 af 33 frístundaheimilum eru öll börn komin inn sem sótt var um fyrir á réttum tíma. 10 frístundaheimili eru fullmönnuð, en mjög erfiðlega hefur gengið að manna frístundaheimili borgarinnar.

Heimsþing Ladies Circle sett í dag

Árlegt heimsþing samtakanna Ladies Circle hefst í Reykjavík í dag. Er þetta í fyrsta skipti sem þingið er haldið á Íslandi en það sækja um 600 konur frá 28 þjóðlöndum. Að lokinni setningu þingsins í Hallgrímskrikju klukkan hálfsjö í kvöld verður gengið í skrúðgöngu að Kjarvalsstöðum og munu margar konurnar klæðast þjóðbúningum landa sinna.

Vilja reisa byggð í Leirvogstungu

Mosfellsbær og fyrirtækið Leirvogstunga ehf. undirrituðu í dag viljayfirlýsingu um byggingu 400 íbúða í landi Leirvogstungu í Mosfellsbæ. Upppbygging hverfisins verður sveitarfélaginu að kostnaðarlausu þar sem framkvæmdaaðili tekur að sér lagningu vegar, brúargerð og fjármagnar byggingu skóla og leikskóla á svæðinu, en þetta mun vera nýjung í uppbyggingu á Íslandi.

Kærði nauðgun í Bolungarvík

Lögreglan í Bolungarvík rannsakar nauðgun sem sextán ára stúlka kærði um miðjan mánuðinn. Enginn hefur verið handtekinn vegna málsins og enginn er grunaður. Lögreglan leitar enn upplýsinga.

Framlengja varðhald vegna morðs

Gæsluvarðhald yfir Phu Tién Nguyen sem grunaður er um að hafa orðið Vu Van Pong að bana í Kópavogi í maí hefur verið framlengt til 5. október næstkomandi. Hann hefur játað á sig morðið og telur lögreglan í Kópavogi sig hafa lokið rannsókn málsins og verður það sent ríkissaksóknara til umfjöllunar á morgun eða í næstu viku.

Undirbúa atlögu að Alfreð

Atlaga að Alfreð Þorsteinssyni oddvita Framsóknarflokksins í Reykjavíkurborg er í undirbúningi fyrir næstu kosningar. Verið er að safna liði í kringum Önnu Kristinsdóttur borgarfulltrúa Framsóknarflokksins og íhugar hún að gefa kost á sér í efsta sæti listans.

Rætt um að hætta við hækkun

Borgarráð er nú að ræða tillögu Alfreðs Þorsteinssonar um að hætta við að hækka leikskólagjöld námsmanna. Gera má ráð fyrir að mikil mannekla í leikskólum borgarinnar verði einnig rædd. Eins stefndi í að ekki tækist að manna frístundaheimili borgarinnar en Íþrótta- og tómstundaráð hefur náð að taka inn flest þau börn sem sóttu um fyrir auglýstan umsóknarfrest.

Aron til landsins í næstu viku

Aron Pálmi Ágústsson, sem setið hefur í fangelsi í Texas síðustu átta ár, er væntanlegur til landsins í næstu viku. Fréttastofan ræddi við Aron Pálma í morgun.

Mannekla á hjúkrunarheimilum

Forstjóri Hrafnistu segir sjaldan hafa gengið jafn illa að ráða í stöðugildi á hjúkrunarheimilinum og núna. Margt kemur til eins og lág laun og hversu snemma skólafólkið lýkur sumarstörfum.

Hvassviðri gangi niður í nótt

Mjög vont ferðaveður hefur verið á Austurlandi í nótt og í morgun. Veðurstofan segir hvassviðrið ganga niður í kvöld og nótt.

Staða Íbúðalánasjóðs könnuð

Félagsmálaráðherra hefur skipað sex manna nefnd sem mun á næstu vikum kanna stöðu og hlutverk íbúðalánasjóðs. Verður meðal annars skoðað hvort raunhæft sé að gera sjóðinn að heildsölubanka.

Sjá næstu 50 fréttir

Mest lesið