Fjórtán misst félagslegar íbúðir

Fjórtán leigjendum félagslegra íbúða Reykjavíkurborgar hefur verið sagt upp leigusamningi á árinu og gert að flytja vegna brota á reglum Félagsbústaða. Fjórir þeirra hafa verið bornir út með lögregluvaldi samkvæmt Sigurði Friðrikssyni framkvæmdastjóra Félagsbústaða.</< /> >

Lokuð geðdeild verður á Kleppi

Lokuð geðdeild fyrir einstaklinga sem taldir eru hættulegir sjálfum sér og umhverfi sínu verður staðsett á Kleppsspítala, að sögn Jóns Kristjánssonar heilbrigðisráðherra. Tuttugu einstaklingar eru sagðir falla undir þessa skilgreiningu, en þeir hafa verið inn og út af geðdeildum.

Flóðahætta á sunnanverðu landinu

Loftslag á jörðinni hlýnar hratt og mest af hlýnuninni má rekja til áhrifa mannkyns. Þetta kom fram á ráðstefnu sem Háskóli Íslands og sendiráð Svíþjóðar héldu í gær um loftslagsbreytingar. Nokkrir erlendir vísindamenn fluttu erindi um rannsóknir á breytingum á hitastigi í heiminum, orsökum og afleiðingum.

Konungleg veisla í Perlunni

Rúmlega 200 fyrirmenni úr opinbera geiranum og almenna atvinnulífinu sóttu hátíðarkvöldverð forseta Íslands í perlunni í gærkvöld til heiðurs Karli Gústaf, Svíakonungi, Sylvíu drottningu hans og Viktoríu krónprinsessu.

Lyfjaræningi í gæsluvarðhald

Maðurinn, sem var handtekinn vegna lyfjaráns úr Hringbrautarapóteki á laugardagskvöldið, vopnaður loft-skambyssu, var í gær úrskurðaður í gæsluvarðhald til 5. október. Málið liggur nokkuð ljóst fyrir og býst lögreglan við að ljúka rannsókninni og gefa út ákæru, áður en gæsluvarðhaldið rennur út. Ekki hefur verið gefið upp hversu miklu hann rændi.

Ógnaði barþjóni með úðabrúsa

Ölvaður maður ógnaði barþjóni á veitingastað í austurborginni í gærkvöldi með úðabrúsa, og krafðist peninga. Gestur á staðnum og þjónninn yfirbuguðu manninn og kölluðu á lögreglu, sem sótti hann og vistaði í fangageymslu. Ekki liggur enn fyrir hvaða efni var í úðabrúsanum, en það verður efnagreint nánar í dag.

Brotist inn í íbúð við Vatnsstíg

Brotist var inn í íbúð við Vatnsstíg snemma í gærkvöldi og þaðan meðal annars stolið fartölvu, tveimur stafrænum myndavélum og farsíma. Andvirði þýfisins er nálægt hálfri milljón króna og er þjófurinn ófundinn.

Þörf á annarri samsteypu

Bandarískum fjölmiðlahagfræðingi reiknast til að samþjöppun á íslenskum fjölmiðlamarkaði sé veruleg og meiri en í öðrum löndum. Leysa mætti vandann með annarri fjölmiðlasamsteypu á borð við Norðurljós. </font /></b />

Rauði krossinn opnar söfnunarsíma

Rauði kross Íslands hefur opnað söfnunarsímann 907 2020 til stuðnings hjálparstarfi í Beslan í Rússlandi. Með því að hringja í númerið færast 1.000 krónur á símreikninginn. Féð verður notað til að styðja þá sem lentu í gíslatökunni í Beslan og aðstandendur þeirra, meðal annars með sálrænum stuðningi, sjúkraþjálfun og heimahlynningu.

Greiningarstöð bætir aðstöðu

Greiningar- og ráðgjafarstöð ríkisins hefur tekið í notkun nýtt húsnæði við Digranesveg í Kópavogi, fyrir starfsemi fagsviðs þroskahamlana. Auk þess hefur verið bætt við aðstöðu fagsviðs einhverfu og málhamlana.

Konungshjónin á Þingvöllum

Sænsku konungshjónin og fylgdarlið, ásamt íslensku forsetahjónunum, hófu daginn með heimsókn í myndver Latabæjar í Garðabæ en þaðan var haldið til Nesjavalla þar sem orkuverið var skoðað.

Ríkisstjórn dregin fyrir dómstóla

Ríkisstjórn Íslands verður dregin fyrir dómstóla standi hún ekki við það samkomulag sem gert var við öryrkja fyrir einu og hálfu ári. Þetta fullyrðir formaður Öryrkjabandalagsins. Heilbrigðisráðherra lýsti því yfir í fyrravetur að hann ætlaði sér að standa að fullu við ákvæði samningsins innan árs.

Komu veikum skipverja til hjálpar

Stýrimenn varðskipsins Týs kom veikum skipverja um borð í togbátnum Siglunesi SH til hjálpar í gærkvöldi en skipstjóri skipsins hafði óskað eftir aðstoð vegna þess að skipverjinn missti meðvitund af og til. Skipin voru þá stödd á Breiðafirði.

Sylvía heimsækir Barnahús

Sylvía drottning Svíþjóðar óskaði sérstaklega eftir því við undirbúning ferðar konungshjónanna til Íslands að heimsækja Barnahúsið til að kynna sér starfsemi þess, en Sylvía hefur um árabil unnið mikið starf á alþjóðlegum vettvangi í þágu barna, ekki síst á sviði kynferðisofbeldis.

Aukning á veikum hvolpum

Meira hefur borið á veikindum hjá hvolpun að undanförnu en eðlilegt er segir í fréttatilkynningu frá embætti yfirdýralæknis. Nokkrir hvolpar hafa drepist þó flestir nái sér eftir nokkra daga en veikindin lýsa sér með uppköstum og niðurgangi.

Konungur Kvosarinnar

Davíð Oddsson hefur alla tíð unnið í Kvosinni og næsta nágrenni. Eftir 15. september verður skrifstofa hans í öðru hverfi, hann þarf að fara alla leið upp á Rauðarárstíg í vinnuna. </font /></b />

Aðstoðar skólakrakka í Þórsmörk

Tveir hópar barna úr Rimaskóla og Borgarholtsskóla lentu í vandræðum við að komast yfir Steinholtsá á leið heim úr skólaferðalagi til Þórsmerkur í morgun. Unglingarnir í Borgarholtsskóla voru á leið inneftir en komust ekki yfir ánna.

Þjóðarblómið valið í október

Landsmönnum gefst kostur á því í næsta mánuði að velja þjóðarblómið í almennri skoðanakönnun. Líklegt er hins vegar að Alþingi muni eiga síðasta orðið.

Flugkappar á flugsýningu

Þrír af elstu flugmönnum Íslendinga upplifðu það í Englandi um helgina að fljúga með sams konar vél og þeir flugu á fyrstu starfsárum sínum fyrir sextíu árum. Í tilefni af því að sextíu ár eru liðin frá stofnun Loftleiða skipulögðu Flugmálafélag Íslands og Fyrsta flugs félagið í samvinnu við Iceland Express hópferð til Englands um helgina.

Þykir mikið til Barnahússins koma

Silvia Svíadrottning segir að sér þyki mikið til Barnahússins á Íslandi koma og að það sé fyrirmynd fyrir önnur lönd. Hún og konungurinn eru ánægð með Íslandsheimsókn sína, þótt veðrið hefði mátt vera betra.

Samþjöppun af hinu góða

Kjell Inge Rökke, einn auðugasti maður Noregs, telur samþjöppun og stækkun íslenskra sjávarútvegsfyrirtækja auðvelda þeim að keppa á alþjóðavettvangi. Rökke kom til Akureyrar með einkaþotu sinni síðdegis.

Þrjú eldfjöll sýna merki um virkni

Þrjú af virkustu eldfjöllum Íslands, Hekla, Katla og Grímsvötn, sýna nú öll ótvíræð merki um að eldgos sé í uppsiglingu. Kvikuþrýstingur í Heklu er kominn upp undir það sem hann var fyrir síðasta gos.

Sáttur við fiskveiðistefnu ESB

Þorsteinn Már Baldvinsson, forstjóri Samherja, segir að fyrirtækið hyggi á enn frekari fjárfestingar innan Evrópusambandsins, en fyrirtækið fjárfesti fyrir tvo og hálfan milljarð króna í þýskum og breskum útgerðarfyrirtækjum í gær. Hann er sáttur við fiskveiðistefnu Evrópusambandsins.

Fiskveiðistefna ESB úrelt

Halldór Ásgrímsson utanríkisráðherra segir Evrópusambandið aðhyllast nýlendustefnu gagnvart fiskveiðiþjóðum Norður-Evrópu. Hann segir fiskveiðistefnu sambandsins úrelta. Halldór flutti opnunarræðu á sjávarútvegsráðstefnu Íslandsbanka á Akureyri í dag.

Telur gas valda riðusjúkdómum

Nýjar kenningar um orsakir riðuveiki eru komnar fram í kjölfar sauðfjárriðu sem upp kom á bænum Árgerði í Skagafirði í sumar. Guðbrandur Jónsson, sem vinnur að rannsóknum tengdum hagnýtingu lífræns úrgangs við metangasframleiðslu, telur riðu orsakast af gasmengun frá dýraúrgangi.

Niðurskurður fjár kannski óþarfur

Landlæknir hafnar tilgátum um að eiturgas valdi riðusjúkdómum og ætlar ekki að rannsaka málið. 500 fjár verður fargað á næstunni vegna riðu í Árgerði í Skagafirði. Á bænum kom áður upp riða árið 1985, en það ár og næstu þar á eftir, stakk hún sér líka niður á sumum nærliggjandi bæja.

Nýjar reglur tilbúnar í haust

Nýjar reglur um sölu á korni sem ræktað er innanlands eiga að vera tilbúnar í haust. Landbúnaðarráðuneytið vinnur að gerð reglnanna, en hingað til hefur kornrækt bænda nær einvörðungu verið til eigin nota, en hefur aukist svo að huga þarf að söluumhverfi í geiranum.

Ævintýraleg ferð í Þórsmörk

Þrír öflugir Unimok-jeppar Björgunarsveitarinnar Dagrenningar á Hvolsvelli og Flugbjörgunarsveitarinnar á Hellu ferjuðu sextíu skólakrakka yfir Steinholtsá í Þórsmörk í gærkvöldi. Rútur sem flytja áttu nemendurna heim á leið eftir sólarhringsferð komust ekki yfir ána vegna vatnavaxta.

Þjófur sérhæfir sig í Nissan Sunny

Ívar Erlendsson, nemi á tónlistarbraut í Fjölbrautaskóli Vesturlands, varð heldur hissa þegar hann hugðist fara í skólann í gærmorgun. Nissan Sunny bifreið hans var horfin. Aðalvarðstjóri lögreglunnar í Reykjavík segir algengt að Nissan Sunny bílum sé stolið. Fjögurra sé enn saknað frá 19. ágúst.

Sjómenn sér á báti

Sjómenn eru nær eina starfsstétt landsins á almennum vinnumarkaði sem fer í verkföll. Hjá þeim hafa aðstæður um sumt verið líkari því sem gerist hjá hinu opinbera, segir Ari Edwald, framkvæmdastjóri Samtaka atvinnulífsins.

Sinnaskipti utanríkisráðherra

Össur Skarphéðinsson, formaður Samfylkingarinnar, segir að með ræðu sinni í gær á Akureyri hafi Halldór Ásgrímsson, utanríkisráðherra, bakkað algjörlega frá fyrri viðhorfum sínum um aðild Íslands að Evrópusambandinu. </font />

Fátt gott við fiskveiðistefnu ESB

Utanríkisráðherra hafði fátt gott um sjávarútvegsstefnu ESB að segja á ráðstefnu á Akureyri í gær. Fundarmenn, sem margir stjórna stórum sjávarútvegsfyrirtækjum í Evrópusambandinu, virtust flestir á sama máli. </font /></b />

Evrópa er vaxtarsvæði Samherja

Eftir fjárfestingar í vikunni á Samherji fjögur útgerðarfélög innan Evrópusambandsins með 20.000 tonna þorskígildiskvóta í sameiginlegum kvóta ESB og þriggja milljarða króna ársveltu.

Konungur furðar sig á uppganginum

Karl Gústaf Svíakonungur segir mikinn mun á fyrstu heimsókn sinni hingað til lands og þessari. Uppgangurinn í efnahagslífinu og breytingar sem orðið hafa á höfuðborginni séu með ólíkindum. </font /></b />

Vélamiðstöðin verði einkavædd

Sjálfstæðismenn munu leggja til einkavæðingu Vélamiðstöðvar og Malbikunarstöðvarinnar Höfða á borgarstjórnarfundi í dag að því er kemur fram í tilkynningu frá flokknum. Fundurinn er sá fyrsti hjá borgarstjórn á þessu hausti. 

Ríkisstjórnarfundi frestað

Ríkisstjórnarfundi var óvænt frestað til föstudags rétt áður en hann átti að hefjast í stjórnarráðinu klukkan hálftólf. Sagt var að það væri vegna anna. Davíð Oddsson forsætisráðherra átti að stýra fundinum en hann hefur verið frá vegna veikinda síðan í lok júlí.

Fyrst laun, svo tilboð

Engin tilboð verða lögð fram til lausnar kjaradeilu grunnskólakennara og sveitarfélaga fyrr en eftir að rætt hefur verið um launin. Það verður ekki gert fyrr en á fimmtudaginn þegar ellefu dagar eru til boðaðs verkfalls.

Stafrænt RÚV

Ríkisútvarpið hefur hafið tilraunir með stafrænar útvarpssendingar í samvinnu við verkfræðideild Háskóla Íslands. Stafrænum sendi hefur verið komið upp á Vatnsenda í Reykjavík og nást sendingarnar á höfuðborgarsvæðinu.

Bærinn í samstarf við fyrirtæki

Samningur um margvíslegt samstarf milli sjálfseignarstofnunarinnar "Akureyri í öndvegi", sem að standa ýmis fyrirtæki og einkaaðilar, og Akureyrarbæjar var undirritaður í gær í Ráðhúsi Akureyrar.

Leikmennirnir búnir að ná sér

Tæpur helmingur liðsmanna íslenska ungmennalandsliðsins sem fékk heiftarlega magakveisu hefur náð sér en liðið leikur við Ungverja síðdegis í dag. Staðfest er að kveisan var af völdum svokallaðrar NORO-veiru sem hefur verið algeng hér á landi í sumar.  

Áhersla á umræðu um kynhneigð

Fordómar eru helsta fyrirstaða þess að samkynhneigðir njóti sömu stöðu og gagnkynhneigðir í þjóðfélaginu að mati nefndar forsætisráðherra um réttarstöðu samkynhneigðs fólks. Í ljósi þessarar megin niðurstöðu leggur nefndin til að áhersla verði lögð á umræðu um kynhneigð í næstu endurskoðun á aðalnámskrám skóla.

Sænsku konungshjónin komin

Opinber heimsókn sænsku konungshjónanna og krónprinsessunnar hófst í morgun. Það er ekki hægt að segja að veðrið hafi leikið við gestina þegar þeir lentu á Reykjavíkurflugvelli um klukkan 10 þar sem sendiherra Svía á Íslandi og sendiherra Íslands í Svíþjóð tóku á móti þeim.

Krefst hluthafafundar hjá Símanum

Steingrímur J. Sigfússon, formaður Vinstri-grænna og hluthafi í Símanum, krefst hluthafafundar í fyrirtækinu vegna kaupa á fjórðungshlut í Skjá einum og sýningarrétti á enska boltanum.

Hundaæði í smygluðum hundi

Á vef Yfirdýralæknis er varað við smygli á hundum frá löndum þar sem vitað er að hundaæði hefur komið upp. 21. ágúst drapst 4 mánaða gömul hvolptík úr hundaæði í Frakklandi. Henni hafði verið smyglað inn í Frakkland í júníbyrjun um Spán frá Agadir í Marokkó.

Borgað fyrir boltaæfingar

Stjórn Vinnuskóla Reykjavíkur er að skoða möguleikann á að bjóða fjölbreyttara starfsúrval næsta sumar en verið hefur hingað til. Arnfinnur Jónsson, skólastjóri Vinnuskólans, segir málið hafa verið rætt á fundi stjórnar sl. föstudag og verði áfram til umfjöllunar.