Vonast til aðkomu græns sjóðs ríkisins

Stefnt er að því að ný gasgerðarstöð fyrir lífrænan úrgang verði reist á umráðasvæði Sorpu í Álfsnesi. Með slíkri stöð mætti allt að þrefalda gasframleiðslu fyrirtækisins. Í nýjasta tölublaði FÍB blaðsins, sem Félag íslenskra bifreiðaeigenda gefur út, er gagnrýnt að ekki liggi fyrir hvar, hvernig eða hvenær nýja gasgerðarstöðin rísi. Vara þurfi fólk við kaupum á metanbílum ef gasskortur sé fyrirséður á markaði.

Nauðsynlegt að hrista upp í kerfinu

Eva Bjarnadóttir, framkvæmdastjóri Geðhjálpar, var gagnrýnin á heilbrigðisáætlun ríkisins á fundi velferðarnefndar og segir í hana vanta mikilvæg atriði eins og árangursmælingar. Þá bendir hún á að heilsugæslan ætti að virka mun betur, sérstaklega þar sem hún eigi að vera fyrsti punkturinn í kerfinu sem fólk leiti til vegna geðheilbrigðismála. Sérstök geðheilbrigðisáætlun sé mikilvægt tæki til að hjálpa við að endurskoða kerfið, sem sé komið til ára sinna.

Öflugasti jarðskjálfti í 38 ár

Að minnsta kosti 39 eru látnir eftir harður jarðskjálfti skók Gvatemala í kvöld og hrundi skóli meðal annars til grunna. Skjálftinn, sem mældist 7,4 stig, fannst greinilega í Mexíkó, El Salvador og Hondúras.

Kenndi blindri stúlku sjónhverfingar

Töframaðurinn Einar Mikael segist líklega hafa verið fyrstur í heimi til að kenna blindri manneskju sjónhverfingar. Hann kenndi hinni 14 ára Íva Marín Adrichem að segja til um hvaða spil er dregið úr stokki af handahófi, en Íva Marín hefur verið blind frá fæðingu.

Mitt Romney tekur lagið fyrir stuðningsmenn sína

Það er margt sem leynist á internetinu enda margir netverjar út um allan heim sem alltaf eru að bralla eitthvað. Nú hefur hópur manna, sem kalla sig The Gregory Brothers, útbúið myndband þar sem Mitt Romney, sem tapaði forsetakosningunum í gær, sést syngja ræðu sína þar sem hann tilkynnir stuðningsmönnum sínum tapið. Þessi útgáfa er þó ekki eins og upprunalega ræðan, heldur syngur hann í þetta skiptið. Mjög skemmtilegt - og ansi vel gert hjá þeim bræðrum Gregorys.

Ætlaði á klósettið en kom aldrei til baka

Lík þrettán ára pilts fannst í skurði í enska þorpinu Edenthorpe, í grennd við Doncaster, í dag. Piltsins hafði verið saknað frá því síðdegis á sunnudag. Hann var að leik með vinum sínum á leikvelli í þorpinu, hann bað vin sinn um að líta eftir farsíma sínum á meðan hann færi á klósettið, en hann snéri aldrei aftur.

Jens snýr aftur - skattamálin enn til rannsóknar

Jens Kjartansson hefur snúið aftur til starfa sem yfirlæknir lýtalækningadeildar Landspítalans eftir tíu mánaða veikindaleyfi. Rannsókn á skattamálum Jens stendur enn yfir.

"Við vorum blekkt“

"Við vorum blekkt," segja aðstandendur eldri konu sem lagði aleiguna inn í Eir fyrir fáeinum mánuðum. Þau segja að stjórnendur hafa vel mátt vita hversu alvarleg staðan væri og segja að upplýsingum hafi verið leynt.

Áætlar fyrsta borpallinn við Jan Mayen árið 2017

Olíustofnun Noregs áætlar í nýrri skýrslu að verðmæti olíu- og gaslinda við Jan Mayen geti verið þrettán þúsund milljarðar króna og að hreinn hagnaður af vinnslunni geti numið allt að níu þúsund milljörðum. Norðmenn gera ráð fyrir að fyrsti borpallurinn verði kominn á svæðið árið 2017. Eyfirðingar fundu smjörþefinn í sumar af þeim umsvifum sem Norðmenn hafa sett í gang á hafsvæðunum norðaustan Íslands þegar floti rannsóknarskipa kom til Akureyrar til áhafnaskipta og til að sækja vistir og þjónustu.

Peningar eldri borgara fóru í fasteignafélag

Peningar sem áttu að fara í umönnun eldri borgara hjá Eir enduðu í rekstri fasteignafélagsins sem er að sligast undan skuldum. Fasteignafélagið skuldar elliheimilinu tæpar 150 milljónir en Ríkisendurskoðandi gagnrýnir að félögin sé rekin á sömu kennitölunni.

Banaslys við Höfn

Karlmaður á níræðisaldri lést þegar bifreið hans lenti utan vegar og valt á Hafnarvegi fyrir utan Höfn á fjórða tímanum í dag. Tildrög slyssins eru óljós en það er í rannsókn hjá lögreglu. Hálka var á þessum slóðum þegar slysið varð. Ekki er hægt að greina frá nafni hins látna að svo stöddu.

Twitter gjörsamlega logaði

Það var nóg um að vera á Twitter í gærkvöldi og í nótt þegar forsetakosningarnar í Bandaríkjunum fóru fram. Barack Obama sigraði kosningarnar nokkuð örugglega en þegar spennan var sem mest var slegið met á samskiptasíðunni. Um klukkan ellefu, að staðartíma, voru sett inn um 330 þúsund skilaboð á síðuna á mínutu! Það er það mesta í sögu síðunnar - aldrei hefur eins mikil umferð verð á síðunni.

Segir Steingrím baða sig í kinnapúðri Evrópubandalagsins

Þingmaður Sjálfstæðisflokksins, Árni Johnsen, fór mikinn í ræðupúlti á fjórða tímanum í dag þegar rætt var um afleiðingar veiðigjaldsins á Alþingi. Þannig sá forseti þingsins, Ásta Ragnheiður Jóhannesdóttir, ástæðu til þess að minna þingmanninn á að gæta orða sinna í þingsal.

Fáir glaðari en Springsteen í dag

Fáir gleðjast meira yfir sigri Baracks Obama en tónlistarmaðurinn Bruce Springsteen. Hann hefur stutt Obama frá því að hann bauð sig fyrst fram árið 2008. "Það kemur ekkert á óvænt að Bruce taki þátt í pólitík, ef maður hlustar á tónlistina hans,“ segir Peter Ames Carlin rithöfundur sem hefur nýlokið við ævisögu hans.

Gagnrýnir Ríkisendurskoðanda harðlega vegna Eirar-málsins

Valgerður Bjarnadóttir, þingmaður Samfylkingarinnar, gagnrýndi Ríkisendurskoðanda harðlega á þingi í dag þar sem rætt var um störf þingsins. Ástæðan var sú að Ríkisendurskoðun telur sig ekki heimilt að rannsaka málefni Eirar eins og farið var fram á en var svo hafnað af Ríkisendurskoðanda í gær.

Jón Gnarr: Til háborinnar skammar að brenna Oslóartréð

Jón Gnarr, borgarstjóri í Reykjavík, segir að það hafi verið til háborinnar skammar þegar mótmælendur í búsáhaldabyltingunni í janúar 2009, brenndu Oslóartréð.

Bandaríkjamenn eignast fyrsta samkynhneigða þingmanninn

Bandaríkjamenn kusu í gær fyrsta samkynhneigða þingmanninn í öldungadeild. Það var demókratinn Tammy Baldwin sem var kosin fyrir Wisconsin. Hún hafði betur í baráttunni gegn repúblikananum Tommy Thompson. Í viðtali við Guardian á dögunum talaði Baldwin opinskátt um kynhneigð sína. Kosningabaráttan í Wisconsin var sú dýrasta í sögunni en báðir aðilar eyddu um 65 milljónum dala í kosningabaráttuna, eða um átta milljörðum króna.

Vilja að stjórn Eirar segi af sér

Íbúahreyfingin í Mosfellsbæ krefst þess að stjórn Eirar axli ábyrgð á greiðsluþroti stofnunarinnar með því að víkja. Eir skuldar átta milljarða, þar af eiga heimilismenn tvo milljarða sem þeir hafa lagt inn sem búsetutryggingu. Þeir fjármunir kunna að glatast að mati hreyfingarinnar en einn úr hreyfingunni, Þórður Björn Sigurðsson, er varabæjarfulltrúi í Mosfellsbæ, sem er eitt af sveitarfélögunum sem kemur að rekstri hjúkrunarheimilisins.

Karl Garðarsson býður sig fram fyrir Framsókn

Karl Garðarsson, fjölmiðlafræðingur og fyrrverandi fréttastjóri Stöðvar 2, gefur kost á sér í 1. til 2. sæti á lista Framsóknarflokksins í Reykjavíkurkjördæmi suður fyrir alþingiskosningarnar næsta vor.

Ævintýrabók valin sú besta

Það voru þeir Snæbjörn Brynjarsson og Kjartan Yngvi Björnsson sem hlutu Íslensku Barnabókaverðlaunin í morgun fyrir bók þeirra, Hrafnsauga. Bókin er sú fyrsta í þríleiknum Þriggja heims saga sem myndi flokkast undir ævintýrabókmenntir.

Jóhanna óskar Obama til hamingju

Forsætisráðherra hefur sent forseta Bandaríkjanna, Barack Obama, heillaóskabréf vegna sigurs hans í forsetakosningum í Bandaríkjunum í gær að því er fram kemur á heimasíðu ráðuneytisins.

Mjólkin er 35 milljarða virði

Mjólkurkvóti bænda, sem þeir geta veðsett með svipuðum hætti og útgerðarmenn fiskikvótann, er nú metinn á tæpa 35 milljarða króna og fer vaxandi.

105 reknir í síðasta mánuði

Alls bárust Vinnumálastofnun tvær tilkynningar um hópuppsagnir í október mánuði síðastliðnum. Samtals misstu 105 manns vinnuna í þessum tveimur uppsögnum sem voru annars vegar í verslunarrekstri og hinsvegar í samgöngum.

Vilhjálmur frestar stjórnarfundi Eirar

Búið er að fresta stjórnarfundi Eirar sem halda átti á morgun. Það er Vilhjálmur Þ. Vilhjálmsson, stjórnarformaður sem frestaði fundinum fram á mánudag en mikil ólga er í hjúkrunarheimilinu eftir að ljóst varð að Eir er tæknilega gjaldþrota.

Bæjarstjórinn á Akranesi lætur af störfum

Bæjarstjórn Akraness hefur gert samkomulag við Árna Múla Jónasson, bæjarstjóra á Akranesi, um að hann láti af daglegum skyldum bæjarstjóra frá og með deginum í dag en gengið verður frá starfslokasamningi við hann í dag.

Ólafur Ragnar sendi Obama heillaóskir

Ólafur Ragnar Grímsson, forseti Íslands, sendi Barack Obama forseta Bandaríkjanna í morgun heillaóskir frá sér, Dorrit og íslensku þjóðinni í tilefni af sigri hans í forsetakosningunum. Í kveðjunni áréttaði forseti Íslands að vinátta og samstarf Íslendinga og Bandaríkjamanna eigi sér djúpar rætur og hvetur til aukinnar samvinnu á komandi árum, einkum í málefnum Norðurslóða og um nýtingu hreinnar orku. Þá óskuðu forseti Íslands Ólafur Ragnar Grímsson og Dorrit Moussaieff Barack Obama, Michelle konu hans og dætrum þeirra allra heilla, gæfu og gleði á komandi tíð.

Enn varað við hjálpsömu tölvuþrjótunum

Ríkislögreglustjóri telur ástæðu til þess að vara við tölvuþrjótum sem undanfarna daga hafa hringt í fólk á Íslandi undir því yfirskyni að þeir starfi hjá tölvufyrirtækinu Microsoft.

Katrín með öflugan stuðning í Hafnarfirði - Gaukur vinnur fyrir Árna

Fangelsisstjórinn og fyrrverandi þingmaðurinn, Margrét Frímannsdóttir, hefur lýst yfir stuðningi við Katrínu Júlíusdóttur í prófkjöri Samfylkingarinnar í Suðvesturkjördæmi. Eins hefur Ágúst Einarsson fyrrverandi þingmaður og rektor hjá Bifröst, lýst yfir stuðningi við Katrínu.

Obama um úrslitin: Það besta er framundan

Barack Obama hélt sigurræðu sína eldsnemma í morgun að íslenskum tíma. Á sigurhátíð hans hljómaði lag Stevie Wonders, Sign Sealed deliverd þegar Barack gekk inn í salinn ásamt Michelle, eiginkonu sinni og dætrum þeirra tveimur. "Takk takk takk,“ sagði Obama og hélt síðan áfram að ræða niðurstöður kosninganna.

Íslensku barnabókaverðlaunin veitt í dag

Íslensku barnabókaverðlaunin verða afhent miðvikudaginn í dag klukkan hálf tólf. Athöfnin fer fram í bíósal Austurbæjarskólans í Reykjavík en þar verður skýrt frá því hvaða handrit ber sigur úr býtum í samkeppninni um verðlaunabók ársins 2012, en ríflega sextíu handrit bárust.

Óttast frekari náttúruhamfarir í New York

Hætta er á að náttúruhamfarir skelli enn og aftur á austurströnd Bandaríkjanna í dag og á morgun, en veðurspáin gerir ráð fyrir mikilli rigningu, sjó og hvössu veðri. Þetta gæti orsakað ný flóð og áframhaldandi rafmagnsleysi og þar með tefja fyrir björgunarstarfi sem unnið hefur verið frá því að fellibylurinn Sandy reið yfir austurströndina í síðustu viku. Stormurinn verður mun minni en hann var í síðustu viku en vegna þess hversu mikil eyðilegging varð þá er ljóst að margir Bandaríkjamenn eru berskjaldaðir fyrir óveðrinu sem búist er við.

Mögulegt að barnaníðingurinn sé þingmaður

Þingmaður breska Verkamannaflokksins segir að ef íhaldsmaðurinn sem sakaður er um að hafa misnotað börn á barnaheimili í Wales á áttunda og níunda áratug síðustu aldar er þingmaður, þá eigi hann samstundis að víkja af þingi.

Norðmenn setja milljarða í að undirbúa olíuvinnslu við Jan Mayen

Norsk stjórnvöld áforma að verja nærri þremur milljörðum íslenskra króna, 130 milljónum norskra króna, á næsta ári til að undirbúa tvö ný svæði til olíuvinnslu. Þetta eru Jan Mayen-svæðið og sá hluti Barentshafs sem er vestan lögsögumarkanna við Rússland. Þetta kemur fram í fjárlagafrumvarpi ríkisstjórnar Noregs fyrir árið 2013 sem nú er til umfjöllunar í Stórþinginu. Í fréttatilkynningu olíu- og orkumálaráðuneytisins segir að áætlað sé að nota fjármunina til kortlagningar, hljóðbylgjumælinga og annarra jarðfræðirannsókna á umræddum hafsvæðum. Fyrir áform íslenskra stjórnvalda að opna Drekasvæðið til olíuvinnslu teljast það góð tíðindi hversu þunga áherslu Norðmenn ætla að leggja á Jan Mayen-svæðið.

Gríska þingið kýs um niðurskurðaráform

Gríska þingið kýs í dag um 14 milljarða evra, 2300 milljarða króna, niðurskurð á fjárlögum. Niðurskurðurinn er nauðsynlegur til þess að ríkið fái fjárhagsaðstoð frá Evrópusambandinu og Alþjóðagjaldeyrissjóðnum. Antonis Samaras, forsætisráðherra Grikkja, hvetur þingmenn til þess að greiða atkvæði með niðurskurðartillögunum enda verði að bjarga ríkinu frá hörmungum. Allsherjarverkfall er í Grikklandi vegna tillagnanna.

Rauðvínsdrykkja eykur lífslíkur kvenna með brjóstakrabbamein

Konur sem hafa greinst með brjóstakrabbamein geta aukið lífslíkur sínar með því að drekka eitt vínglas á dag, samkvæmt niðurstöðum nýrrar rannsóknar sem unnin var við Háskólann í Cambridge. Paul Pharoah, doktor í lýðheilsufræði við skólann, sagði í samtali við Times að niðurstöður þeirra bendi til þess að konur ættu ekki að neita sér um vín, en það þyrfti að drekka það í hófi. Við vinnslu rannsóknarinnar var meira en þrettán þúsund konum fylgt eftir í allt að fimmtán ár.

Fagnar sigri Obama með teboði

Leikarinn kunni, Steve Martin, ætlar að halda tepartý til þess að fagna sigri Baracks Obama í kosningunum. Þetta sagði Martin á Twitter strax eftir að úrslitin urðu ljós. Með þessu er Martin að gera grín að öfgafyllsta armi Repúblikanaflokksins, sannkristna frjálshyggjumenn sem kallaður eru Teboðshreyfingin.

Leo DiCaprio vill þrjá milljarða fyrir húsið sitt

Stórleikarinn Leonardo DiCaprio setti nýlega húsið sitt á Malibu í Kaliforníu á sölu. Hann vill fá 2,9 milljarða íslenskra króna fyrir húsið, sem er sjö svefnherbergja og með jafnmörg baðherbergi. Það er vefútgáfa blaðsins Los Angeles Times sem segir frá þessu, en ekki kemur fram hversu stórt húsið er í fermetrum talið. DiCaprio hafði auglýst húsið til leigu í sumar og átti langtímaleigjandi þá að geta leigt það á 9,5 milljónir íslenskra króna á mánuði, en leigjandi sem hugðist vera skemur en í sex mánuði átti að greiða tvöfalt hærra verð.

Brotist inn í fyrirtæki við Bæjarhraun

Brotist var inn í fyrirtæki við Bæjarhraun í Hafnarfirði í gærkvöldi og þaðan stolið skiptimynt og fatnaði. Þjófirnn braut sér leið í gegnum glugga og komst undan. Hann er ófundinn. Þá var nýju sjónvarpi stolið úr íbúð í Grafarvogi í gærkvöldi á meðan húsráðandi brá sér út í búð. Kunningi hans varð eftir í íbúðinni, en ekki kemur fram í skeyti lögreglunnar hvort hann er grunaður um þjófnaðinn.-

Krókódíll gómaður eftir tveggja ára leit

Krókódíll sem slapp úr dýragarði í bænum Beit Lahia á Gaza ströndinni fyrir tveimur árum var gómaður aftur í gær. Lögreglan biðlaði til óbreyttra borgara um að þeir hjálpuðu þeim að þurrka upp holræsið og veiða krókódílinn með hákarlanetum. Dýrið hefur verið sent aftur í dýragarðinn. Um var að ræða 180 sentimetra langan krókódíl. Hann er sagður hafa verið mjög orkumikill þegar hann náðist. Vegna styrks síns og ákveðins skaps var krókódíllinn kallaður Steinninn eða "The Rock".

Á slysadeild eftir bílveltu á Þingvallavegi

Ökumaður og farþegar sluppu lítið meiddir þegar bíll valt út af Þingvallavegi á móts við Kjósarskarðsveg í gærkvöldi. Krapi og hálka voru á veginum þegar slysið varð og hafnaði bíllinn á hliðinni. Fólkið var flutt á slysadeild til aðhlynningar en fékk að fara heim að því loknu. Víða snjóaði á landinu í nótt nema á suðvesturlandi, og féll til dæmis fimm sentímetra djúpur snjór ofan á svellaðar götur á Akureyri í nótt þannig að þar er mikil hálka. Það er líka hálka á flestum fjallvegum.-

Generalprufa fyrir formannskjör

Katrín Júlíusdóttir og Árni Páll Árnason berjast um fyrsta sætið á lista Samfylkingarinnar í Kraganum og öðrum þræði um formannsstólinn. Um 750 skráðu sig í flokkinn eða sem stuðningsmenn fyrir prófkjörið. Allir þingmenn flokksins gefa kost á sér.

Stasi taldi að Svavar væri útsendari CIA

Austurþýska leyniþjónustan Stasi taldi að Svavar Gestsson ynni fyrir bandarísku leyniþjónustuna þegar hann var við nám í Austur-Þýskalandi. Pólitískir andstæðingar hans á Íslandi brigsluðu honum um að ganga erinda Stasi.

Vill sama refsiramma fyrir stera og fíkniefni

Maður tekinn í Leifsstöð með 35 þúsund steratöflur. Formaður lyfjaráðs ÍSÍ vill hertar refsingar. Hann segir ljóst að steranotkun hafi aukist mjög á liðnum árum og sé ekki lengur feimnismál. „Það hræðir mann svolítið,“ segir hann.

Bæjarstjórinn boðar úttekt á skólafæðinu

Bæjarstjórinn í Hafnarfirði segir að úttekt verði gerð á gæðum matar í skólum bæjarins. Framkvæmdastjóri Skólamatar segir máltíðir þaðan hollar. Kennarar segja matinn í lagi en vilja jafnræði og næði frá nemendunum á matartímum.

Hver undanþágulyfseðill tekur hálftíma

Læknar þurfa að fylla út sérstök eyðublöð í þríriti til viðbótar við umsókn um lyfjaskírteini til að ávísa sjúklingum sínum lyf sem eru á undanþágulista Lyfjastofnunar.