Fimmtungur skulda heimila afskrifaður

Stjórnvöldum hefur tekist að beita velferðarkerfinu á markvissan hátt til að milda áhrif kreppunnar á lág- og millitekjuhópa. Langstærsti hluti skuldavanda heimilanna var tilkominn fyrir hrun bankanna, sem og greiðsluvandi og erfiðleikar vegna skulda. Um síðustu áramót var búið að afskrifa nærri fimmtung af heildarskuldum heimila og hátt í fimm prósent til viðbótar voru í slíku ferli, samkvæmt Alþjóðagjaldeyrissjóðnum.

Moka upp síld eftir tregveiði

Eftir tregveiði á síldarmiðunum um síðustu helgi og í byrjun vikunnar tók veiðin mikinn kipp á þriðjudagskvöld. Þá fannst síld út af Héraðsflóadjúpi, um 90 sjómílur frá Vopnafirði.

Nýtt embætti norræns umboðsmanns

Stofna á nýtt embætti norræns umboðsmanns sem aðstoða á norræna ríkisborgara sem lent hafa á milli stjórnkerfa við flutning á milli norrænna ríkja. Tekin var ákvörðun um stofnun embættisins á fundi forsætisnefndar Norðurlandaráðs í Gautaborg nú í vikunni.

Telja möguleika skapandi starfa vera vanmetna

Framkvæmdastjórn Evrópusambandsins hefur komist að því að möguleikar menningar og skapandi starfa séu vanmetnir, þegar hugað er að hagvexti til framtíðar.

Sakar Ísraela um þjóðernishreinsanir

Þeir Mahmoud Abbas, forseti Palestínustjórnar, og Benjamín Netanjahú, forsætisráðherra Ísraels, stigu báðir í ræðustól á allsherjarþingi Sameinuðu þjóðanna í gær.

Átökin aldrei verið harðari

Sýrlenski stjórnarherinn sendi í gær smáskilaboð í farsíma flestra íbúa landsins þar sem skorað var á uppreisnarherinn í landinu að gefast upp, og sagt að barátta hans væri hvort eð er töpuð.

Fékk næst hæsta styrkinn frá Finni Ingólfssyni

Ari Trausti Guðmundsson skilaði inn uppgjöri til Ríkisendurskoðanda vegna forsetaframboðs síns síðasta sumar, en hann er sá fyrsti sem skilar inn uppgjöri hvað þetta varðar, en fresturinn rennur út 30. september.

Nikki er eini starfsmaður lögreglunnar í Vaughn

Íbúar smábæjarins Vauhgn í Nýju Mexíkó í Bandaríkjunum, eru heldur uggandi yfir öryggi bæjarbúa þessa dagana. Kannski eru áhyggjur þeirra eðlilegar en eini fulltrúi lögreglunnar í bænum er fíkniefnahundurinn Nikki. Og þó fíkniefnatíkin Nikka sé eflaust frábær starfskraftur, eiga glæpamenn líklega frekar auðvelt með að snúa á hana, sennilega þarf ekki meira en eina safaríka steik til.

Obi-wan-Gnarr setti RIFF

RIFF var formlega sett í kvöld klukkan átta í Hörpu. Það var sjálfur Obi-Wan-Gnarr sem setti hátíðina, en borgarstjórinn, sem er kannski þekktari sem Jón Gnarr, skartaði nefnilega fallegu rauðu skeggi, geislasverði og hempu eins og hinn heimsfrægi andlegi leiðtogi Loga Geimgengils, Obi-Wan-Kenobi, sem lærði sín helstu brögð af þessari mögnuðu sögupersónu úr kvikmyndunum Star Wars. Elísabet Rónaldsdóttir flutti svo "hátíðar-gusuna“ og Ari Eldjárn var kynnir kvöldsins.

Myrti móður sína vegna deilna um útivistartíma

Sextán ára unglingur búsettur í Bronx-hverfinu í New York játaði í gær að hafa skotið móður sína þar sem hún var sofandi á heimili þeirra. Samkvæmt New York Post lést móðir hans ekki strax af sárum sínum, heldur lamdi unglingurinn móður sína að lokum til bana með hafnaboltakylfu.

Vildi ekki vinna í álveri - bjó í staðinn til barnamat

"Ég ætlaði ekki að vinna í álveri og ekki í banka, þannig það var marg sem ég útilokaði,“ sagði Þórdís Jóhannsdóttir, sem hóf framleiðslu á íslenskum barnamat í kjölfarið á Meistararitgerð sinni auk þess sem hún vinnur á ljósmyndastofu og hannar fylgihluti fyrir konur.

Benedikt og Helgi verða hæstaréttardómarar

Forseti Íslands hefur fallist á tillögu innanríkisráðherra um að skipa þá Benedikt Bogason, dómstjóra og settan hæstaréttardómara, og Helga I. Jónsson, dómstjóra í embætti tveggja hæstaréttardómara frá og með 1. október næstkomandi.

Mörður Árnason vill auðvelda netverslun

Mörður Árnason segist vilja efla og auka póstverslun á netinu en hann ásamt nokkrum öðrum þingmönnum hafa lagt fram þingályktunartillögu þess eðlis. Í viðtali við Reykjavík síðdegis í dag segist hann vilja auðvelda þessi viðskipti, "meðal annars með því að fella niður aðflutnings- og tollagjöld, sem er praktískt atriði enda stundum dýrara fyrir ríkið að innheimta þau,“ sagði Mörður í viðtalinu.

Íslenska lögreglan hóf rannsókn á risavöxnu fíkniefnamáli

Það var lögreglan á höfuðborgarsvæðinu sem hóf rannsóknina sem endaði með því að umsvifamikill fíkniefnahringur var upprættur í Danmörku. Átta Íslendingar sitja nú í gæsluvarðhaldi í Kaupmannahöfn vegna málsins, grunaðir um smygl á um 35 kílóum af amfetamíni.

Jóhanna hættir: "Tilhugsunin er góð“

Jóhanna Sigurðardóttir, forsætisráðherra, sem hefur helgað sig stjórnmálum helming ævi sinnar, ætlar að hætta í stjórnmálum að loknu þessu kjörtímabili. Þorbjörn Þórðarson ræddi við Jóhönnu á sjötta tímanum í dag.

Leit að sauðfé á Norðurlandi haldið áfram um helgina

Um liðna helgi fóru matsmenn á vegum almannavarnadeildar ríkislögreglustjóra um svæðið frá Húnaþingi í vestri og austur í Þingeyjarsýslur til að meta ástand og þörf fyrir aðgerðir til að finna og bjarga sauðfé eftir norðanáhlaupið 9.-11. september síðastliðinn. Þetta kemur fram í tilkynningu frá almannavörnum. Þar segir að matsmennirnir hafi átt fundi með búnaðarráðunautum, fulltrúum bænda og fulltrúum sveitarfélaga til að fá hjá þeim upplýsingar um ástand mála.

Kjúklingatollar of háir - fjárhagslegt tjón hjá neytendum

Héraðsdómur Reykjavíkur dæmdi ríkið til þess að greiða innflutningsfyrirtækinu Innnes ehf. tæplega 400 þúsund krónur vegna framkvæmdar og fyrirkomulags tollkvóta á landbúnaðarafurðum. Af hálfu Innnes ehf. var gerð krafa til fjárgreiðslu úr ríkissjóði vegna oftekinna tolla.

Fjölmenni á FIFA-móti

Hið árlega FIFA-mót stendur nú sem hæst í Kringlunni. Það er Skífan sem stendur yfir mótinu en það fer nú fram í þriðja skiptið. Um 130 þátttakendur voru skráðir til leiks í dag.

Guðbjartur segir tíðindin af Jóhönnu óvænt

Þegar Jóhanna Sigurðardóttir hættir í stjórnmálum í vor lýkur ferli sem spannar 35 ár, en hún var kjörin á Alþingi árið 1978. Guðbjartur Hannesson velferðarráðherra, sem nefndur hefur verið sem líklegur arftaki sem formaður Samfylkingarinnar, segir að tíðindin séu óvænt.

Hæstiréttur staðfestir dóm yfir Júlla í Draumnum

Hæstiréttur staðfesti í dag dóm héraðsdóms yfir Júlíusi Þorbergssyni en hann var fundinn sekur að um hafa selt lyfseðilsskyld lyf og fíkniefni í verslun sinni Draumnum á árunum 2008 og 2009.

Nuddari grunaður um nauðgun

Farbann yfir íslenskum nuddara, sem grunaður er um nauðgun á viðskiptavini, var staðfest í Hæstarétti í dag. Maðurinn er í farbanni að minnsta kosti til 16. október næstkomandi vegna málsins en í dómnum segir að maðurinn hafi búið erlendis um árabil.

"Ferill Jóhönnu er einn sá merkilegasti í Íslandssögunni"

"Þetta eru auðvitað leiðinleg tíðindi, en ekki eru þau óvænt.“ Þetta segir Dagur B. Eggertsson, varaformaður Samfylkingarinnar. Jóhanna Sigurðardóttir, forsætisráðherra, tilkynnti samflokksmönnum sínum í dag að hún myndi láta af embætti í lok kjörtímabils sem og formennsku í Samfylkingunni.

"Það munu ekki margir feta í fótspor Jóhönnu“

Katrín Júlíusdóttir, þingmaður Samfylkingarinnar, telur að Jóhanna Sigurðardóttir, forsætisráðherra, hafi staðið sig gríðarlega vel bæði sem forsætisráðherra og þingmaður alla tíð. Jóhanna tilkynnti í dag að hún hyggðist hætta í pólitík eftir líðandi kjörtímabil.

Jóhanna Sigurðardóttir ætlar að hætta í stjórnmálum

Jóhanna Sigurðardóttir forsætisráðherra ætlar að láta af embætti í lok kjörtímabilsins og formennsku í Samfylkingunni. Þetta segir hún í tölvupósti til samflokksmanna sinna. Í tölvupóstinum fer Jóhanna yfir kjörtímabilið sem brátt er á enda, úrslit síðustu kosninga og hvað áunnist hefur í efnahagsmálum.

Búddalíkneski nasista var meitlað úr loftsteini

Vísindamenn hafa komist að því að rúmlega þúsund ára gamalt Búddalíkneski, sem nasistar stálu úr hofi í Tíbet árið 1938, sé í raun skorið úr heilsteyptum loftsteini.

Forseti Alþingis þrýstir á Ríkisendurskoðun

Ásta Ragnheiður Jóhannesdóttir, forseti Alþingis, krefst þess að Ríkisendurskoðun ljúki við skýrslu í lok október næstkomandi sem stofnuninni var falið að gera í apríl 2004. Umrædd skýrsla snýst um kaup ríkisins á fjárhags- og mannauðskerfinu Oracle á árinu 2001, innleiðingu kerfisins og rekstur þess síðan þá. Umrædd skýrsla hefur verið töluvert til umfjöllunar í vikunni eftir Kastjlóssþátt á mánudaginn þar sem fram kom að kostnaður vegna kerfisins hefði verið miklu meiri en talið var.

Sveppatínsla á Selfossi - stórhættulegt segir lögreglan

Lögreglan handtók í gærkvöldi 17 ára ungling sem var við sveppatínslu á Selfossi á opnu svæði en þó nokkuð er um að unglingar séu að týna sveppi í bæjarfélaginu þessa dagana. Þá voru tveir menn um þrítugt teknir nú eftir hádegi fyrir sveppatínslu á sama stað og unglingurinn í gærkvöldi.

Leiðtogar sértrúarsafnaðar teknir af lífi

Tveir fyrrverandi leiðtogar sértrúarsafnaðar í Japan voru teknir af lífi í nótt. Um er að ræða karl og konu en þau voru fundin sek um að hafa myrt sex einstaklinga í særingarathöfnum á nokkurra ára tímabili.

Síðasti tökudagur hjá Stiller í dag

Síðasti tökudagur Hollywood-myndarinnar The secret life of Walter Mitty hér á landi er að öllum líkindum í dag.

Gögn um Guðmundar- og Geirfinnsmálið fundust í sumar

Gögn um Guðmundar- og Geirfinnsmálið fundust á Þjóðskjalasafni í júlí síðastliðnum. Gögnin tengjast rannsókn málsins og eru meðal annars frá lögreglu og úr sakadómi, segir Arndís Soffía Sigurðardóttir, formaður starfshóps sem innanríkisráðherra fól að skoða málið.

Átta Íslendingar í haldi í Danmörku - höfuðpaurinn íslenskur

Íslendingarnir sem flæktir eru í risastórt fíkniefnamál í Danmörku eru átta talsins. Þeir eru allir í haldi þar ytra. Talsmaður dönsku fíkniefnalögreglunnar segir að höfuðpaurinn í málinu sé Íslendingur og hann lofar samstarf dönsku lögreglunnar við þá íslensku í málinu.

Vill að framkvæmdastjóri íhugi afsögn

Höskuldur Þór Þórhallsson, þingmaður Framsóknarflokksins, vill að Hrólfur Ölvisson, framkvæmdastjóri flokksins, íhugi uppsögn.

Götuvirði efnanna hálfur milljarður

"Þetta er eitt af stærstu málum sem við höfum fengist við í gegnum tíðina,“ segir Karl Steinar Valsson, yfirmaður fíkniefnadeildar lögreglunnar. Alls voru átta íslendingar handteknir í Danmörku og Noregi í tengslum við gríðarstórt fíkniefnamál. Málið teygir anga sína víða en brotin voru framin á Norðurlöndum.

Fæst sveitarfélög hafa útbúið viðbragðsáætlun við gróðureldum

Fæst sveitarfélög hafa sett sér viðbragðsáætlanir vegna hugsanlegra gróðurelda þrátt fyrir tilmæli Mannvirkjastofnunar í þá átt. Forstjóri Mannvirkjastofnunar segir að fullt tilefni sé til að útbúa viðbragðsáætlanir af þessum toga enda aukist hætta á gróðureldum stöðugt í takt við hlýnandi veðurfar og breytingar í landbúnaði.

Leit afturkölluð

Leit af svissneskum ferðmanni sem var villtur á Kili hefur verið afturkölluð. Maðurinn hafði samband við Neyðarlínu fyrir skömmu og sagðist hafa fundið bíl sinni og væri nú leið til byggðar. Maðurinn hafði villst í þoku og rigningu fyrr í dag og óskaði eftir aðstoð Landsbjörg í kjölfarið.

Fyrstu ljósmyndirnar innan úr Ryuyong

Hið alræmda Ryuyong-hótel í hjarta Pyonyang, höfuðborg Norður-Kóreu, hefur heillað marga í gegnum tíðina. Hótelið hefur staðið tómt í rúman aldarfjórðung — stjórnvöld í Norður-Kóreu létu þó fullklára glervegginn sem umlykur hótelið.

Leita að týndum ferðalangi

Allar björgunarsveitir í Árnessýslu voru kallaðar út fyrir stundu til að leita að rammvilltum ferðamanni sem gekk einn af stað frá Gullfossi í gær. Maðurinn hringdi á Neyðarlínuna um ellefu leytið í morgun, hefur verið á göngu í alla nótt og er nú rammvilltur. Hann óskaði aðstoðar en sambandið slitnaði áður en hann náði að lýsa umhverfi sínu.

Nýjasta skáldsaga J.K. Rowling komin út

Nýjasta skáldsaga breska rithöfundarins J.K. Rowling, The Casual Vacancy, kom út í dag. Gríðarleg eftirvænting hefur verið fyrir bókinni en 2.6 milljón eintök af henni seldust í forsölu.

Dauðvona sjúklingur segist vita hvar Jimmy Hoffa er grafinn

Dauðvona krabbameinssjúklingur er sagður hafa komið bandarisku lögreglunni á sporið um hvar lík verkalýðsforingjans Jimmy Hoffa er að finna.

Vitnaði í kommentakerfi DV.is

Lögmaður Friðriks Arngrímssonar, framkvæmdastjóra LÍÚ, vitnaði í kommentakerfið á dv.is í munnlegum málflutningi sínum í Héraðsdómi Reykjaness í morgun. Þar kæmi greinilega fram að fólk tæki orð Ólafs Arnarsonar, um að LÍÚ myndi styrkja vefinn AMX um 20 milljónir á ári, trúanleg.

Stórhuga smiður á of litlum bíl

Myndin hér til hliðar er tekin fyrir utan Byko í Kópavogi þar sem stórhugi nokkur virðist hafa sagt rýminu í bílnum sínum stríð á hendur. Þannig ætlaði hann að leggja af stað út í umferðina með spýtur sem voru kannski um helmingi lengri en bíllinn hans.

Skorað á stjórnvöld að tryggja íslenskum börnum tannvernd

Nemendur úr Landakotsskóla afhentu núna í morgun Guðbjarti Hannessyni velferðarráðherra undirskriftalista þar sem skorað er á yfirvöld og aðra hlutaðeigandi að tryggja íslenskum börnum þá tannvernd sem þeim ber samkvæmt ákvæðum barnasáttmála Sameinuðu þjóðanna. Tæplega sex þúsund manns skrifuðu undir áskorunina.

Deila hagfræðings og framkvæmdastjóra LÍÚ í héraðsdómi

"Ég var einu sinni að koma út úr útsendingu á Bylgjunni sumarið 2011, og þá var hann greinilega að fara í útsendingu. Ég reyndi að kasta á hann kveðju, en það var fátt um svör,“ sagði Ólafur Arnarson, hagfræðingur, við dómara í morgun þegar hann talaði um samskipti sín við Friðrik Arngrímsson, formann LÍÚ.

Jón Gnarr baðst afsökunar á ímynd hjóla í Næturvaktinni

Jón Gnarr hefur opinberlega beðið hjólreiðamenn afsökunar á þeirri listrænu framsetningu sem fram kom í þáttaröðinni um Næturvaktina. Þar er hann í hlutverki Georgs Bjarnfreðarsonar og til þess að undirstrika hversu andfélagsleg staða Georgs í þáttunum er, kemur hann á reiðhjóli í vinnuna.

Obama og Romney berjast hart um Ohio

Bæði Barack Obama Bandaríkjaforseti og Mitt Romney forsetaframbjóðandi Repúblikana leggja nú mikla áherslu á kosningabaráttu sína í Ohio.