Katrín Júlíusdóttir, þingmaður Samfylkingarinnar, telur að Jóhanna Sigurðardóttir, forsætisráðherra, hafi staðið sig gríðarlega vel bæði sem forsætisráðherra og þingmaður alla tíð. Jóhanna tilkynnti í dag að hún hyggðist hætta í pólitík eftir líðandi kjörtímabil.
„Ég hef nokkuð blendnar tilfinningar gagnvart því," segir Katrín um ákvörðun Jóhönnu. „Það verður mikill sjónarsviptir af henni og hennar pólitík. Það verða ekki margir sem ná að feta í fótspor hennar."
Katrín hefur ekki ákveðið hvort hún muni bjóða sig fram til forystu í Samfylkingunni eftir að Jóhanna yfirgefur sviðið. „Þetta var nú bara að gerast og ég segi nú bara eitt í einu," segir hún í samtali við Vísi. „En nú fer fólk bara að líta í kringum sig," segir hún og telur eðlilegt að fólkið í grasrót flokksins fari að ráða ráðum sínum og velta fyrir sér hvern það vill sjá sem eftirmann Jóhönnu.
"Það munu ekki margir feta í fótspor Jóhönnu“
Tengdar fréttir
Jóhanna Sigurðardóttir ætlar að hætta í stjórnmálum
Jóhanna Sigurðardóttir forsætisráðherra ætlar að láta af embætti í lok kjörtímabilsins og formennsku í Samfylkingunni. Þetta segir hún í tölvupósti til samflokksmanna sinna. Í tölvupóstinum fer Jóhanna yfir kjörtímabilið sem brátt er á enda, úrslit síðustu kosninga og hvað áunnist hefur í efnahagsmálum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
