Lundur í minningu fórnarlamba

Gróðurreitur til minningar um þá sem voru myrtir í Ósló og Útey 22. júlí 2011 verður í jaðri friðlandsins í Vatnsmýrinni; í nánd við Norræna húsið og Háskóla Íslands.

Þóra heillaðist af krafti Grindavíkur

Þóra Arnórsdóttir forsetaframbjóðandi hélt framboðsfund á Sjómannastofunni Vör í Grindavík á dögunum. Á framboðsfundinum var Þóru gefið orkerað hálsmen, eftir listakonuna Toggu, en hálsmenið ber nafnið Brynja.

Minnst 65 látnir eftir árásirnar

Að minnsta kosti 65 eru látnir eftir röð sprengjuárása í nokkrum borgum og bæjum í Írak í gær. Árásirnar beindust að mestu að sjíta-múslimum sem minntust þess að átta ár voru liðin frá láti klerksins Imam Moussa al-Kadhim.

Áttatíu taldir af

Talið er að yfir áttatíu hafi látist í aurskriðu sem varð í kjölfar tveggja jarðskjálfta í norðurhluta Afganistans á mánudag. Hluti fjalls í Baghlan-héraði féll ofan á heilt þorp og gróf það. 24 hús voru í þorpinu og skriðan gróf 23 þeirra. Ólíklegt þykir að nokkur finnist á lífi úr þessu. Tvö lík hafa fundist til þessa.

Boðar sölu á Landsbankahlut í ár

Til stendur að hefja sölu á hlut ríkisins að því er Jóhanna Sigurðardóttir forsætisráðherra sagði í viðtali við fréttastofuna Reuters. Salan er ekki að öllu í samræmi við framtíðarstefnu Bankasýslu ríkisins frá í mars síðastliðnum, þar sem segir að stofnunin geri ekki ráð fyrir því að leggja til að sala eignarhluta í Arion banka og Landsbankanum geti hafist fyrr en á næsta ári.

Þjórshátíð fer fram næstu helgi

"Missum ekki tökin" er yfirskrift tónlistarhátíðarinnar Þjórshátíð sem fer fram um næstu helgi en markmiðið með henni er að vekja fólk til umhugsunar um náttúruna og afleiðingar óafturkræfra framkvæmda. Hugrún Halldórsdóttir hitti þrjá tónglaða og umhverfissinnaða skipuleggjendur í dag.

Borgarstjórinn beðinn um að reyna fyrir sér í stórmynd Stillers

Hollywood-leikarinn Ben Stiller hefur leitað til Jóns Gnarr borgarstjóra vegna hlutverks í mynd sem leikarinn vinnur að og verður að hluta til tekin hér á landi. Mikið verður um kvikmyndastjörnur hér á landi á næstu mánuðum.

Þurfa að gangast undir ítarlega leit fyrir framan eftirlitsmyndavél

Allir starfsmenn íþróttavöruverslunarinnar Sports Direct þurfa að gangast undir ítarlega leit fyrir framan eftirlitsmyndavél þegar þeir yfirgefa vinnustaðinn. Kvartað hefur verið til VR vegna fyrirkomulagsins. Framkvæmdarstjórinn segir sömu reglur gilda í öllum verslunum keðjunnar.

Síbrotamaður í gæsluvarðhald

Síbrotamaður hefur verið úrskurðaður í gæsluvarðhald til 6. júlí næstkomandi. Maðurinn var handtekinn fyrir helgi grunaður um fjölmörg afbrot, meðal annars bílaþjófnað, innbrot, og fleira.

Meintum barnaníðingi sleppt úr gæsluvarðhaldi

Karlmaður, sem hefur verið ákærður fyrir að misnota ellefu ára dóttur sína, hefur verið sleppt úr gæsluvarðhaldi. Hæstiréttur Íslands staðfesti úrskurð Héraðsdóms Vesturlands sem hafnaði því að maðurinn yrði áfram í gæsluvarðhaldi, en hann hefur setið inni síðan hann var handtekinn grunaður um verknaðinn í byrjun desember á síðasta ári.

Óskar Hrafn hættir á Fréttatímanum

Óskar Hrafn Þorvaldsson, fréttastjóri Fréttatímans, mun láta af störfum á morgun, en hann hefur fylgt Fréttatímanum frá stofnun blaðsins. Jón Kaldal hætti einnig störfum á blaðinu fyrir skömmu en Óskar segir þær hræringar ekkert tengjast sínum starfslokum.

Börnin fá gefins banana á meðan foreldrarnir kaupa í matinn

Yngstu viðskiptavinir Hagkaups geta nú fengið gefins banana á meðan foreldrar eða forráðamenn þeirra kaupa í matinn. Börnunum líður betur í verslunarferðinni og gera má ráð fyrir að sælgætisþörfin minnki segir innkaupastjóri.

Allt stefnir í sumarþing

Við upphaf þingfundar í morgun var hart tekist á um mögulegt sumarþing, en allt stefnir í að það hefjist 2. júlí. Forsætisráðherra, Jóhanna Sigurðardóttir, hefur gefið út að boðað verði til sumarþings ef ekki náist að afgreiða kvótafrumvarpið.

Færri slys vegna vitundarvakningar ökumanna

Þrjátíu bifhjólamenn slösuðust alvarlega í umferðinni í fyrra miðað við fjörutíu og þrjá árið áður. Fækkunin er meðal annars rakin til vitundavakningar ökumanna.

Umræðan góð - en þarf að byggja á heildarmyndinni

Skólastjóri Salaskóla í Kópavogi segir að matseðillinn í mötuneyti skólans sé afar fjölbreyttur og eldamennskan fari fram í fullkomnu mötuneytiseldhúsi skólans.

Verulega dregið úr alvarlegum slysum bifhjólamanna

Verulega hefur dregið úr slysum milli ára og þá sérstaklega alvarlegum slysum meðal bifhjólamanna. Þetta kemur fram í slysaskýrslu Umferðarstofu fyrir árið í fyrra. Heildarfjöldi slasaðra og látinna bifhjólamanna á síðasta ári var 74 en árið áður voru þeir 81 talsins. Þetta er u.þ.b. 9% fækkun og hefur þessi fjöldi stöðugt minnkað frá árinu 2008 þegar slysin voru 107 talsins. Einn maður lét lífið í fyrra á bifhjóli en það slys varð í júlí þegar karlmaður ók léttu bifhjóli út af vegi í Víkum á Skaga í Austur Húnavatnssýslu.

Tekur við Nóbelsverðlaunum, 21 ári eftir að hún fékk þau

Aung Suu Kyi leiðtogi stjórnarandstöðunnar í Búrma fær loksins tækifæri á laugardaginn kemur til að taka við friðarverðlaunum Nóbels 21 ári eftir að hún hlaut verðlaunin.

Blindhorn og aðrar slysagildrur á stígum

Víða um höfuðborgarsvæðið má finna sameiginlega göngu- og hjólastíga, sem eru yfirleitt í mikilli notkun á sumrin. Á mörgum stöðum eru blindhorn og aðrar slysagildrur. Pjetur Sigurðsson ljósmyndari tók meðfylgjandi myndir.

Úraræningjar fyrir dóm í dag

Aðalmeðferð fer fram í dag í máli ríkissaksóknara gegn þeim Grzegorz Marcin Nowak og Pawel Jerzy Podburaczynski, sem eru grunaðir um hafa skipulagt úrarán í Michelsen á Laugavegi síðasta haust. Einn maður hefur þegar verið dæmdur í 5 ára fangelsi fyrir aðild sína að ráninu.

Íslandsvinur segir skattadóm hafa eyðilagt feril sinn

Norski listmálarinn og Íslandsvinurinn fyrrverandi Odd Nerdrum segir að dómurinn sem hann fékk fyrir skattsvik í fyrra hafi eyðilagt feril hans. Nerdrum hefur ekki selt eitt einasta málverk frá því í ágúst í fyrra og kennir dóminum um.

ÍSÍ fordæmir ofbeldisfullar busavígslur

„Við munum klárlega senda þá áskorun til okkar sérsambanda að við fordæmum alla slíka hegðun í ljósi þessarar umræðu,“ segir Líney Rut Halldórsdóttir, framkvæmdastjóri Íþróttasambands Íslands (ÍSÍ). „Svona á ekki að eiga sér stað.“

Fyrning hefst við 18 ára aldur

Alþingi hefur samþykkt breytingar á almennum hegningarlögum til að efla varnir gegn kynferðislegrimisnotkun barna. Ögmundur Jónasson innanríkisráðherra lagði fram frumvarp þess efnis.

SÞ segir að borgarastríð sé skollið á í Sýrlandi

Yfirmaður friðargæslusveita Sameinuðu þjóðanna segir að borgarastríð geisi nú í Sýrlandi og að ríkisstjórn landsins hafi misst stjórnina í hluta af mörgum borgum landsins.

ESB ætlar að banna allt brottkast á fiskimiðum sínum

Sjávarútvegsráðherrar Evrópusambandsins hafa komist að samkomulagi um nýjar og hertar reglur sem eiga að koma í veg fyrir brottkast á fiski á miðum sambandsins. Bannað verður með öllu að kasta fiski frá borði og þung viðurlög verða sett við slíku.

Tæplega 130 handteknir eftir fótboltaslagsmál í Varsjá

Alls voru tæplega 130 manns handteknir á götum Varsjár í gærkvöldi og 11 liggja slasaðir á sjúkrahúsi eftir mikil slagsmál milli stuðningsmanna pólsku og rússnesku landsliðanna á Evrópumótinu í fótbolta.

Kosið um Vaðlaheiðargöng í dag

Greidd verða atkvæði í dag um hvort fjármálaráðherra fái heimild til að ábyrgjast 8,7 milljarða króna lán vegna Vaðlaheiðarganga. Umræðum um málið lauk í gær, en andstaða við það er í öllum flokkum.

Ísland er friðsælasta ríki heimsins

Ísland er sem fyrr friðsælasta ríki heimsins. Raunar var heimurinn friðsælli í fyrra en hann var árið áður þrátt fyrir átökin í Sýrlandi.

Kona hætt komin er bíll hennar valt á hvolf ofan í Fnjóská

Kona á fimmtugsaldri, sem var ein i bíl sínum, var hætt komin þegar hún missti bíl sinn út af þjóðveginum við Dalsmynni í Fnjóskadal, austan við Akureyri upp úr klukkan eitt í nótt, og bíllinn valt á hvolf ofan í Fnjóská.

Umræðu lokið um göng en afdrif óljós

Alþingi hefur lokið umræðu um fjármögnun Vaðlaheiðarganga og atkvæðagreiðslan ein er eftir. Óljóst er um stuðning og gengur málið þvert á alla flokka. Tekist er á um hvort taka eigi framkvæmdina fram yfir samgönguáætlun.

Banaslysum barna hefur snarfækkað

Ísland fær næstbestu einkunn í rannsókn á slysavörnum barna í Evrópu. Finnland skorar hæst. Umferðarslys er helsta ástæða dauðsfalla vegna slysa ungmenna á Íslandi. Banaslysum barna hefur fækkað um 65 prósent síðan 1991.

Aldrei meira fuglalíf í Vatnsmýri

Gróðurhús sem stendur fyrir utan Norræna húsið var formlega opnað á dögunum. Úr húsinu er gott útsýni yfir Vatnsmýrina en þaðan gefst fólki kostur á að skoða fuglalífið í mýrinni.

Þjóðaratkvæðagreiðsla ákveðin á Falklandseyjum

Íbúar á Falklandseyjum munu ganga til þjóðaatkvæðgreiðslu á næsta ári um hvort þeir vilji tilheyra Bretlandseyjum áfram eða Argentínu.

Rándýrum gítar stolið úr bíl

Brotist var inn í bíl við Stórholt í Reykjavík á tólfta tímanum í gærkvöldi og úr honum stolið forláta kassagítar, sem metinn er á 850 þúsund krónur.

Vélarbilun í litlum bát út af Patreksfirði

Vélarbilun varð í litlum handfærabáti út af Patreksfirði seint i gærkvöldi og kallaði bátsverjinn eftir aðstoð.

Stór rotta réðist á farþega í lest í New York

Rannsókn er hafin á umfangi meindýra sem hrjá farþega sem ferðast með járnbrautakerfi New York borgar. Rannsóknin var ákveðin eftir að stór rotta réðist nýlega á fertuga konu sem var farþegi í einni lestinni.

Tvíhleypt vélbyssa stjarnan á vopnasýningu

Vopnaverksmiðja í Ísrael hefur hannað og smíðað nýja tegund af vélbyssu sem er með tvöfalt hlaup og þar af leiðandi tvöfaldan skotkraft á við aðrar vélbyssur.

Útblástur díselvéla veldur krabbameini

Ný rannsókn á vegum Alþjóðaheilbrigðismálastofnunarinnar sýnir að enginn vafi leikur á því að útblástur díselvéla veldur krabbameini. Aðallega er um krabbamein í lungum að ræða og sennilega einnig í þvagblöðru.

Ferðamenn í kröppum dansi í Skyndidalsá

Tveir belgískir ferðamenn komust í hann krappann þegar þeir festu lítinn jeppling sinn í Skyndidalsá á leið sinni eftir lokuðum vegi inn á Lónsöræfi seint í gærkvöldi.

Fordæma árásir á fólk í Sýrlandi

Forsætisráðherrar Norðurlandanna fordæma árásir á óbreytta borgara í Sýrlandi. Þetta var samþykkt á fundi þeirra í Norður-Noregi.

Tugþúsundir mótmæltu Pútín

Tugir þúsunda mótmælenda komu saman í Moskvu í gær til að mótmæla Vladimír Pútín Rússlandsforseta. Daginn áður hafði lögreglan gert húsleit hjá tíu leiðtogum stjórnarandstöðunnar og þeim var gert að mæta til yfirheyrslu á sama tíma og mótmælin í gær voru áformuð.

Komið í veg fyrir einkarétt Kína

Grænlenska landsstjórnin mun ásamt Evrópusambandinu, ESB, undirrita í Nuuk í dag yfirlýsingu sem á að tryggja að Kínverjar fái ekki einkarétt á sölu fjölda mikilvægra bergtegunda í landgrunni Grænlands, heldur verði þær boðnar út á frjálsum markaði.

"Fólk bregst ekki við fyrr en það sér lík“

Gríðarleg hungursneyð vofir yfir Vestur-Afríku, en þar hafa rigningar brugðist, miklir þurrkar herjað á íbúa og ítrekaður uppskerubrestur fylgt í kjölfarið. Héðinn Halldórsson er á svæðinu og segir viðbrögð við ástandinu langt frá því að vera nógu hröð.

Borgarastyrjöld sögð skollin á í Sýrlandi

Sameinuðu þjóðirnar segja ástandið í Sýrlandi nú þannig að þar sé hafin borgarastyrjöld. Ráðist var á bílalest eftirlitsmanna SÞ við bæinn al-Haffa í gær. Hermenn Assads sagðir bera fyrir sig börn og sagðir hafa pyntað þau og myrt.

Engin niðurstaða um þinglok

Ekki hefur tekist að ná samkomulagi um þinglok en formenn allra stjórnmálaflokkanna funduðu með Ástu Ragnheiði Jóhannesdóttir, forseta Alþingis, í kvöld. Þetta kom fram í tíu fréttum sjónvarpsins. Þingfundur stendur enn yfir en Ásta Ragnheiður fundar nú með þingflokksformönnum. Ekki er komin niðurstaða eftir þann fund.

Misstu bílinn ofan í sprungu

Tveir erlendir ferðamenn misstu framenda á jeppa, sem þeir voru á, ofan í litla snjósprungu við Hrafntinnusker í kvöld. Björgunarsveitarmenn frá Hellu eru nú á leið til þeirra og aðstoða þá. Ekkert amar að mönnunum en þeir náðu sambandi við Neyðarlínu og óskuðu eftir aðstoð björgunarsveitar. Ef allt gengur að óskum má reikna með að hópurinn verði komin aftur til byggða undir morgun, milli fjögur og fimm.