Ráðist á kosningamiðstöð forsetaframbjóðanda

Ráðist var á kosningamiðstöð Ahmed Shafiq í nótt en hann er annar þeirra frambjóðenda í Egyptalandi sem keppa í seinni umferð forsetakosninganna sem þar fara fram. Shafiq var forsætisráðherra í valdatíð Mubaraks forseta sem steypt var af stóli í fyrra og hann mun mæta leiðtoga Bræðralags múslíma í kosningunum.

Annan ræðir við al-Assad

Kofi Annan, erindreki Sameinuðu þjóðanna og Arababandalagsins í Sýrlandi hittir í dag forseta landsins Bashar al-Assad í höfuðborginni Damaskus.

Grunaður um ölvunarakstur hafnaði utan vegar

Ökumaður, sem er grunaður um ölvunarakstur, missti stjórn á bíl sínum á Hafnarfjarðarvegi við Arnarnesbrú um miðnætti og hafnaði bíllinn utan vegar.

Ferðakonan gekkst undir aðgerð

Breska ferðakonan, sem féll nokkra metra ofan í Hamragil við Þórsmerkurleið síðdegis í gær, gekkst undir aðgerð á Landsspítalanum í gærkvöldi.

Eskja rafvæðir fiskimjölsverksmiðjuna

Útvegsfyrirtækið Eskja á Eskifirði ætlar að rafvæða fiskimjölsverksmiðjuna og hætta að nota olíu við bræðsluna. Jafnframt verða mengunarvarnir auknar til muna og verður meðal annars reistur 42 metra hár reykháfur.

Enn skelfur jörð á Ítalíu

Jarðskjálfti sem mældist 5.8 stig reið yfir nú í morgun um 50 kílómetrum norðaustur af borginni Parma á Ítalíu á tæplega tíu kílómetra dýpi. Aðeins rúm vika er liðin frá því að svipað stór skjálfti reið yfir með þeim afleiðingum að sex létust. Engar upplýsingar hafa enn borist um hvort einhver hafi slasast í skjálftanum í morgun en við flytjum af því fréttir á Vísi um leið og þær berast.

Ætluðu að fremja hryðjuverk í Danmörku

Tveir menn grunaðir um að leggja á ráðin um hryðjuverk í Danmörku voru handteknir í nótt að því er danska leyniþjónustan segir. Mennirnir, sem eru bræður, eru grunaðir um að tengjast herskáum íslamistum í Sómalíu.

42% vilja að Huang Nubo fái að leigja

Ríflega fjórir af hverjum tíu Íslendingum vilja leyfa kínverska athafnamanninum Huang Nubo að leigja jörðina Grímsstaði á Fjöllum en tæpur þriðjungur er því mótfallinn, samkvæmt niðurstöðum skoðanakönnunar Fréttablaðsins og Stöðvar 2.

Blíðan varir út vikuna

„Menn fara sennilega að kvarta undan úrkomuleysi í lok vikunnar,“ segir Björn Sævar Einarsson veðurfræðingur. Veðurstofa Íslands spáir blíðskaparveðri á landinu öllu út vikuna, en útlit er fyrir að hitinn haldist í um 20 gráðum í innsveitum norðaustanlands fram til laugardags. „Það verður yfirleitt heitast inn til landsins og má alveg búast við við þessum hita út vikuna,“ segir Björn Sævar.. „Þetta verður mjög aðgerðarlítið veður.“

Rússar taka undir ásakanir

Báðir aðilar hafa greinilega átt hlut að dauða saklausra manna, þar á meðal nokkurra tuga kvenna og barna, segir Sergei Lavrov, utanríkisráðherra Rússlands, um fjöldamorðin í Houla í Sýrlandi á föstudag.

Mæta auknum umsvifum fyrir austan

HB Grandi vinnur að því að stækka og betrumbæta frystihús sitt fyrir uppsjávarfisk á Vopnafirði. Unnið er að því að auka afkasta- og frystigetu auk þess sem starfsmannaaðstaða er stækkuð. Vinnsla liggur niðri bæði í uppsjávarfrystihúsinu og fiskmjölsverksmiðjunni og hefst starfsemi að nýju væntanlega ekki fyrr en í lok júní, eins og kemur fram á heimasíðu fyrirtækisins.

Innan við eitt prósent barna býr við skort

Innan við eitt prósent íslenskra barna býr við efnislegan skort samkvæmt nýrri skýrslu UNICEF, Barnahjálpar Sameinuðu þjóðanna. Skýrslan er hluti af rannsóknarritröð sem nefnist Report Card, eða einkunnaspjaldið. Í henni er barnafátækt í velmegandi ríkjum skoðuð.

Verktaki segir komið til móts við borgina

Kári Arngrímsson, forstjóri Atafls, segir ekki rétt að verktakafyrirtækið hyggist byggja fjölbýlishús á Mýrargötu 26 eftir sömu teikningum og samþykktar voru hjá Reykjavíkurborg árið 2006. Í Fréttablaðinu á fimmtudag sagði frá því að aðeins neðsti hluti hússins á Mýrargötu hefði verið steyptur þegar kom að hrunárinu 2008. Haft var eftir Ástu Olgu Magnúsdóttur tölvunarfræðingi, sem er andvíg byggingu háhýsis á lóðinni, að fulltrúar borgarinnar hafi reynt að semja við lóðarhafann um að lækka húsið í fimm hæðir en lóðarhafinn hafi á endanum ákveðið að halda sig við samþykkta teikningu og hafa húsið sjö hæðir.

Bankar fái ekki að bólgna út

Nefnd háttsettra embættismanna og sérfræðinga í Danmörku á að koma í veg fyrir að bankastjórar láti fjármálastofnanir sínar bólgna út og veiti áhættusöm veðlán. Með þessu á meðal annars að koma í veg fyrir nýja eignabólu.

Þrír Íslendingar slógu í gegn í karókí í Berlín

Þó svo Íslendingar hafi ekki riði feitum hesti frá Euorvison keppninni í ár þá voru þrír dularfullir Íslendingar sem héldu uppi söngheiðri lands og þjóðar í Þýskalandi í gær. Þannig má finna þetta myndband á Youtube af þremur íslenskum strákum sem syngja sívinsælan slagara eftir kónginn sjálfann, Elvis Presley.

Frábær flugsýning - myndir

Boðið var upp á 25 flugatriði í lofti á flugsýningunni á Reykjavíkurflugvelli í dag. Meðal annars sveif Catalina tignarlega yfir Reykjavíkurborg áhorfendum til skemmtunar.

Féll niður gil og margbrotnaði

Bresk kona um fimmtugt féll um fimm metra niður í grýtt gil í Þórsmörk um klukkan fjögur í dag. Samkvæmt upplýsingum frá lögreglunni á Hvolsvelli þá er konan margbrotin eftir fallið og mjög illa slösuð. Konan gekk eftir göngustíg ásamt hópi samlanda sinna þegar svo virðist sem henni hafi skrikað fótur með þeim afleiðingum að hún féll niður Hamragilið.

Yfirkjörstjórn ekki vottað framboð Ástþórs Magnússonar án fyrirvara

Lögregla rannsakar mögulegar falsanir á undirskriftarlistum hans. Formaður yfirkjörstjórnar segir ekki vísbendingar um falsanir hjá öðrum frambjóðendum. Ástþór segir einhvern reyna leggja steina í götu lýðræðisins.

Segir Ólaf Ragnar einu óvissuna í stjórnskipan landsins

Þóra Arnórsdóttir segist ekki vera nein puntudúkka. Hún hnýtti í Ólaf Ragnar Grímsson þegar hún ávarpaði stuðningsmenn sína í dag, og sagði hann sekan um lýðskrum.

Ætluð fíkniefni reyndust neftóbak

Öryggisgæsla í Flugstöð Leifs Eiríkssonar tilkynnti á föstudag lögreglunni á Suðurnesjum um grunsamlegan poka í almenningssalerni í flugstöðinni. Pokinn var tekinn í vörslu lögreglu og afhentur tollgæslunni til skoðunar.

Fann rúmlega 200 þúsund krónur í flugvél

Tíu þúsund krónur í norskum seðlum, sem samsvarar um tvö hundruð og fimmtán þúsundum íslenskra króna, fundust þegar verið var að þrífa eina af flugvélum Iceland Express í gærdag.

Hrakti innbrotsþjófa á flótta

Húsráðanda í Reykjanesbæ brá heldur í brún þegar hann kom heim til sín aðfararnótt laugardagsins. Þar voru þá fyrir í forstofunni tveir bláókunnugir karlmenn samkvæmt tilkynningu frá lögreglunni á Suðurnesjum.

Týndir þú myndavél í Reykjadal?

"Þetta eru líklega áhugamenn um svifdreka,“ segir Þór Ólafur Ólafsson, staðarhaldari á tjaldsvæðinu Reykjamörk í Hveragerði en lögreglumaður á frívakt kom verðmætri myndavél í hendur Þórs en vélina fann hann upp í Reykjadal í gærkvöldi. Þór Ólafur ákvað því að hafa samband við fréttastofu í von um að finna eiganda myndavélarinnar sem er af gerðinni Canon G10.

Tuttugu stiga hiti á Akureyri í dag

Þó að sumarið hafi byrjað illa á Vestfjörðum og Norðurlandi, þá virðast veðurguðirnir ætla að bæta landsmönnum það verulega upp í dag. Þó aðalllega á Norðurlandi. Spáð er tuttugu stiga hita á Akureyri í dag, þar sem hlýjast verður. Þá verður 15 stiga hita á Egilsstöðum og Sunnlendingar fá sinn skerf af góðviðrinu, en spáð er átján stiga hita á Kirkjubæjarklaustri.

Átján ára á ofsahraða og stútur keyrði niður gagnbrautarmerki

Sautján ökumenn reyndust aka yfir leyfilegum hámarkshraða við umferðareftirlit lögreglunnar á Suðurnesjum nú um helgina.

Fordæma fjöldamorð en deila um aðgerðir

Öryggisráð Sameinuðu þjóðanna fordæmdu í gærkvöldi fjöldamorð ríkisstjórnarinnar í Sýrlandi í borginni Houla. Talið er að hundrað óbreyttir borgarar hafi verið myrtir af hermönnum stjórnarinnar í borginni á föstudaginn.

Kveiktu í sér í Tíbet

Tveir menn kveiktu í sér í höfuðborg Tíbet í gær, til að mótmæla hörku kínverskra yfirvalda í garð Tíbeta. Bloomberg greinir frá því að lögreglumenn hafi slökkt í mönnunum innan tveggja mínútna og flutt þá báða á sjúkrahús, þar sem annar þeirra lést af brunasárum.

Enn leitað að lettneskum ferðamanni

Leit Landhelgisgæslu og lögreglu að 42 ára gamalli lettneskri konu, Ligitu Solomenceva, sem ekkert hefur spurst til síðan um miðjan maí, bar engan árangur í gær.

Þóra opnar kosningamiðstöð

Þóra Arnórsdóttir forsetaframbjóðandi opnar formlega kosningamiðstöð sína síðdegis. Kosningamiðstöðin er í gömlu Heilsuverndarstöðinni við Barónsstíg. Á vef framboðsins segir að Þóra muni flytja ávarp og spjalla við gesti og gangandi.

Sextán ára piltur skákaði Isaac Newton

Sextán ára gamall piltur í Þýskalandi hefur skákað sjálfum Sir Isaac Newton eftir að hann leysti eina flóknustu stærðfræðiráðgátu veraldar.

Leita leiða til að nýta regnvatn

Leita á leiða til að nýta regnvatn í meira mæli. Stærstum hluta þess er nú veitt í skólp og út í sjó þó hagkvæmara sé að endurnýta það til að fegra eða spara. Þetta segir dósent í umhverfisverkfræði sem vinnur að því að finna blágrænar lausnir.

Flugkappar í útsýnisflugi með Catalina flugbáti

Þrír flugkappar fengu að fara í útsýnisflug með Catalina flugbáti yfir Reykjavík í dag. Kapparnir eiga það sameiginlegt að hafa flogið slíkum vélum þegar þær voru notaðar til farþegaflugs hér á landi á árunum eftir stríð.

Nýstárlegt viðvörunarkerfi gæti bjargað mannslífum

Viðvörunarkerfi sem gerir Neyðarlínunni kleyft að senda skilaboð í farsíma fólks á hættusvæðum, einungis nokkrum mínútum eftir að hættu er vart, verður tekið í notkun á þriðjudag. Tæknin skiptir sköpum og getur bjargað mannslífum.

Borgen vann BAFTA verðlaunin

Danski sjónvarpsþátturinn Borgen, sem er mörgum Íslendingum kunnur, vann hin virtu Bafta verðlaun í dag í flokknum besti sjónvarpsþátturinn. Verðlaunin voru veitt í Royal Festival Hall í Themsen í Lundúnum í dag. Þátturinn fékk einnig verðlaun í flokknum besti handritshöfundur, eftir því sem danska ríkisútvarpið greinir frá. Aðrir þættir sem voru tilnefndir í flokknum besti sjónvarpsþátturinn var Forbrydelsen 2, The Slap og Modern Family sem er sýndur á Stöð 2.

Segir stjórnarandstöðu beita nýjum aðferðum í málþófi

Steingrímur J. Sigfússon sjávarútvegs- og landbúnaðarráðherra segir að þingfundir gætu orðið vel fram á sumar. Hann segir að eðli málþófsins hafi breyst á þinginu. Stjórnarandstaðan hafi viðhaft ný vinnubrögð í þessum efnum sem tefji fyrir öllu þingstarfi.

Lögreglumennirnir höfðu frumkvæði að því að veita þjónustu gegn greiðslu

Lögreglumenn sem unnu fyrir þrotabú Milestone samhliða störfum sínum hjá lögreglunni höfðu sjálfir frumkvæði að því að veita þrotabúinu þjónustu gegn greiðslu. Hátt verð sem mennirnir rukkuðu kom skiptastjóra Milestone í opna skjöldu. Mennirnir líta svo á að þeir hafi aðeins unnið með gögn sem þegar tilheyrðu þrotabúinu.

Meirihluti Íslendinga hlynntur staðgöngumæðrun

Yfirgnæfandi meirihluti Íslendinga er fylgjandi því að staðgöngumæðrun verði leyfð hér á landi. Andstaðan er mest hjá kjósendum Vinstri Grænna en minnst hjá kjósendum Sjálfstæðisflokksins.

Kosningamiðstöð Þóru opnar á morgun

Kosningamiðstöð forsetaframboðs Þóru Arnórsdóttur verður opnuð í gömlu Heilsuverndarstöðinni við Barónsstíg á annan í Hvítasunnu, mánudaginn 28. maí.

Hálf lamaður eftir umræðu um Vaðlaheiðargöng

Bæjastjórinn á Akureyri er ekki vongóður um framtíð Vaðlaheiðarganga. Hann segist vera hálf lamaður eftir að hafa fylgst með umræðunni um framkvæmdina í þinginu sem hann segir afar ómálefnalega.

Neyðarfundur í Öryggisráðinu

Öryggisráð Sameinuðu Þjóðanna mun funda seinna í dag um stöðu mála í Sýrlandi. Atburðir í borginni Houla í Homs-héraði síðustu daga eru megin ástæða fundarins. Að minnsta kosti 90 létust í árásum stjórnarhersins á borgina í gær að sögn andspyrnuhópa í landinu.

Fisvél brotlenti við Kirkjubæjarklaustur

Fisvél brotlenti við Kirkjubæjarklaustur fyrr í dag. Tveir menn voru í flugvélinni en þeim varð ekki meint af.

Fyrrum nasisti lést í Bæjaralandi

Fyrrverandi nasistinn Klaas Carel Faber lést í Bæjaralandi í Þýskalandi í dag, níræður að aldri. Faber, sem var af hollensku bergi brotinn, hafði búið í Þýskalandi síðan hann slapp úr fangelsi í Hollandi.

Eldsvoði í París

Slökkviliðsmenn berjast nú við eldsvoða í í sjö hæða byggingu í hjarta Parísar. Talið er að um 40 manns hafi verið í byggingunni þegar eldurinn braust út.

Jokevision 2012 - íslenskir piltar fara á kostum

Myndband sem félagarnir Ágúst Elí Ásgeirsson og Jakob van Oosterhout gerðu hefur vakið mikla athygli á veraldarvefnum. Strákarnir eru 15 ára gamlir en þeir reka fyrirtækið JÁ Myndir.

Segir ummæli sín um forsetaembættið ekki kynjuð

Ólafur Ragnar Grímsson, forseti Íslands, birti í dag pistil á Fésbókar-síðu sinni þar sem hann gagnrýnir skrif Rósu Guðrúnar Erlingsdóttur, stjórnmálafræðings.