Sextán ára piltur skákaði Isaac Newton

Sextán ára gamall piltur í Þýskalandi hefur skákað sjálfum Sir Isaac Newton eftir að hann leysti eina flóknustu stærðfræðiráðgátu veraldar.

Drengurinn, Shouryya Ray, er fæddur í Indlandi en hefur búið í Þýskalandi síðustu ár.

Ráðgátan sem Ray leysti byggir á hugmynd sem eðlisfræðingurinn og stærðfræðingurinn Newton setti fram snemma á 17. öld. Verkefnið fólst í því að reikna feril skeytis eða skots sem verður bæði fyrir áhrifum frá þyngdarafli og loftmótstöðu.

„Þegar okkur var tjáð að þessi vandamál hefðu engar lausnir, þá hugsaði ég mér sjálfum mér: Það getur ekki sakað að reyna," sagði Ray.

Ray er nú hampað sem snillingi í þýskum fjölmiðlum enda hafa margir lærðir eðlisfræðingar tekist á við vandamálið. Hingað til hafa sérfræðingarnir aðeins getað leyst hluta dæmisins og það með hjálp tölvu.

Lausn Ray er ofur-einföld. Nokkrir vísindamenn hafa nú þegar hafið rannsókn á lausn Rays en talið er að hún eigi eftir að bylta kenningum skotfræðinnar.