Tuttugu stiga hiti á Akureyri í dag

Þó að sumarið hafi byrjað illa á Vestfjörðum og Norðurlandi, þá virðast veðurguðirnir ætla að bæta landsmönnum það verulega upp í dag. Þó aðalllega á Norðurlandi. Spáð er tuttugu stiga hita á Akureyri í dag, þar sem hlýjast verður. Þá verður 15 stiga hita á Egilsstöðum og Sunnlendingar fá sinn skerf af góðviðrinu, en spáð er átján stiga hita á Kirkjubæjarklaustri.

Samkvæmt upplýsingum frá Veðurstofu Íslands er Vestlæg átt í dag, víða 3-8 metrar á sekúndu og bjartviðri, en þykknar svo upp við Vestur-ströndina síðdegis. Hitinn verður á bilinu 10 til 20 stig, hlýjast í innsveitum.

Eins og fyrr segir, þá verður strandstemmning víða á Norðurlandi, en höfuðborgarbúar mega sætta sig við litlar tíu gráður í dag.