Ógnaði öryggisverði í Austurstræti

Rúmlega fertugur maður ógnaði öryggisverði, sem hafði afskipti af honum vegna þjófnaðar í sólarhringsverslun við Austurstræti, upp úr klukkkan eitt í nótt.

Yfir 100 manns slösuðust í jarðskjálfta í Perú

Yfir hundrað manns slösuðust í öflugum jarðskjálfta í Perú í gærdag en ekki er vitað til að neinn hafi farist af völdum hans.

Romney með sigurinn í höndunum í Flórída

Mitt Romney hefur haldið áfram að auka forskot sitt á Newt Gingrich í Flórída en næsta prófkjör Repúblikanaflokksins verður haldið í ríkinu í dag.

Bretar og Tékkar höfnuðu reglum um aukinn aga í fjármálum

25 af 27 ríkjum Evrólpusambandsins, samþykktu á leiðtogafundi í gærkvöldi, að taka upp nýjar reglur um aukinn aga í ríkisfjármálum sínum. Aðeins Bretar og Tékkar höfnuðu því að samþykkja hinar nýju reglur.

Tveir teknir á stolnum bíl

Tveir menn voru handteknir á stolnum bíl í gærkvöldi, en lyklunum að bílnum höfðu þeir stolið á bílaleigu fyrr um daginn.

Norsk loðnuskip landa hérlendis

Norskt loðnuskip er nú á leið til löndunar á Eskifirði og bætist þá við nokkur önnur norsk skip, sem landað hafa hér á landi.

Einsdæmi að dómur sé ómerktur tvisvar

Einsdæmi er að dómsmáli sé vísað til meðferðar í héraði í þriðja sinn hér á landi, líkt og gerst hefur með mál Hauks Þórs Haraldssonar, fyrrverandi framkvæmdastjóri í Landsbankanum.

Milljónir af leðurblökum hafa drepist í Bandaríkjunum

Leðurblökur í milljónatali hafa dáið vegna sýkingar í norðaustanverðum Bandaríkjunum og hluta af Kanada.

Tveimur hundum bjargað úr reykfylltri íbúð

Tveimur hundum var bjargað út úr reykfylltri íbúð í fjölbýlishúsi við Hringbraut i Reykjavík um átta leitið í gærkvöldi og sakaði þá ekki.

Vilja breyta lögum um kynferðisbrot

Fela á refsiréttarnefnd að kanna hvort grundvöllur sé fyrir því að fyrningarfrestur í alvarlegum kynferðisbrotum verði afnuminn með öllu, samkvæmt tillögum í minnisblaði fagráðs innanríkisráðuneytisins um kynferðisbrot til Ögmundar Jónassonar innanríkisráðherra 16. janúar síðastliðinn. Fyrningarfrestur vegna alvarlegustu kynferðisbrotanna gegn börnum hefur nú þegar verið afnuminn.

Lesendur hvattir til að tilnefna

Hægt er að tilnefna til Samfélagsverðlauna Fréttablaðsins til miðnættis í kvöld. Lesendur blaðsins eru hvattir til þess að senda inn tilnefningar þannig að dómnefndin hafi úr sem mestu að moða þegar hún tekur til starfa. "Því fleiri tilnefningar frá lesendum, því betra og því meiri fjölbreytni þegar kemur að því að útnefna og verðlauna,“ segir Steinunn Stefánsdóttir, aðstoðarritstjóri Fréttablaðsins og formaður dómnefndar um Samfélagsverðlaun.

Ekki náðist samstaða í Brussel

Leiðtogar ríkja Evrópusambandsins (ESB) hittust í Brussel í gær til að klára viðræður um nýjar reglur sem tryggja eiga aga við ríkisfjármálastjórn í evrulöndunum. Með reglunum vilja leiðtogarnir koma í veg fyrir að evruríki geti safnað óhóflegum skuldum á ný.

Sjö ráðherrar utan þjóðkirkju

Sjö ráðherrar af 23 í Danmörku eru ekki meðlimir í þjóðkirkjunni þar í landi, að því er fram kemur í Ekstra Bladet. Þetta heyrir til nokkurra tíðinda í sögulegu samhengi. Í síðustu ríkisstjórn, til dæmis settist enginn sem var utan við þjóðkirkjuna í ráðherrastól. Á meðal ráðherranna sjö eru varnarmálaráðherrann Nick Hækkerup og fjármálaráðherrann Bjarne Corydon, sem segist bera fulla virðingu fyrir þjóðkirkjunni. „En ég er ekki trúaður og þess vegna finnst mér eðlilegt að ég sé ekki meðlimur í þjóðkirkjunni,“ sagði hann.- þj

Landslénið veltir 207 milljónum á ári

Internet á Íslandi hf. (ISNIC) velti 244 milljónum króna á árinu 2011 og hagnaðist um 55 milljónir króna. 206,9 milljónir króna, eða 85% af veltu félagsins, eru tekjur vegna landslénsins .is.

Fullveldisframsal í EES-samningi

Þorgerður Katrín Gunnarsdóttir, þingmaður Sjálfstæðisflokksins, segir að menn verði að horfast í augu við það að EES-samningurinn feli í sér framsal á fullveldi. Á móti komi ýmsir hagsmunir fyrir Íslendinga.

Romney talinn sigurstranglegri

Kannanir benda til þess að Mitt Romney muni bera sigur úr býtum í prófkjöri repúblikana í Flórídafylki í kvöld.

Segjast bjartsýn á viðræður

Írönsk stjórnvöld hafa boðið sendifulltrúum Kjarnorkustofnunar Sameinuðu þjóðanna að vera lengur í landinu en þrjá daga, eins og upphaflega stóð til. Þetta er fyrsta heimsókn fulltrúa Alþjóðakjarnorkustofnunarinnar til Írans frá því stofnunin sendi frá sér skýrslu í nóvember, þar sem komist var að þeirri niðurstöðu að sumar kjarnorkutilraunir Írana geti vart haft annan tilgang en þann, að gera framleiðslu kjarnorkuvopna mögulega.

Engin sátt í augsýn um lokaútfærslu Rammaáætlunar

Illa gengur að ná saman um þingsályktunartillögu um Rammaáætlun um vernd og nýtingu náttúrusvæða. Katrín Júlíusdóttir iðnaðarráðherra og Svandís Svavarsdóttir umhverfisráðherra kynntu áætlunina í haust. Deilur eru innan beggja stjórnarflokkanna um málið.

Hlaupkenndum kúlum rigndi í Bretlandi

Maður í Dorset í Bretlandi er furðu lostinn eftir að undarlegar bláar kúlur féllu af himnum ofan og lentu í garðinum hans.

6 kílóa barn fæddist í Bandaríkjunum

Kona í Bandaríkjunum eignaðist stærðarinnar pilt eftir að hafa haft hríðir í 6 klukkustundir. Barnið vó rúmlega 6 kíló en slíkt er afar sjaldgæft.

Allt tiltækt lið á Hringbrautina

Allt tiltækt lið slökkviliðsins var kallað að íbúð í kjallara á fjölbýlishúsi að Hringbraut 109 nú undir kvöld þegar tilkynnt var um reyk. Þegar fyrsti bíll slökkviliðsins kom á staðinn kom í ljós að pottur hafði gleymst á eldavél. Húsið verður reykræst.

Yfir 100 slösuðust í jarðskjálfta

Að minnsta kosti 112 manns slösuðust í Perú þegar að jarðskjálfti upp á 6,3 á Richter skók strönd landsins um sjöleytið að íslenskum tíma í gærkvöld. Skjálftinn varð nærri borginni Ica í Perú. AP fréttastofan segir að 16 íbúðir hafi skemmst í skjálftanum. Hús í höfuðborg Perú, Lima, skulfu í skjálftanum þótt borgin sé í meira en 200 kílómetra fjarlægð.

Fundu 300 kannabisplöntur

Lögreglan á höfuðborgarsvæðinu stöðvaði þrjár kannabisræktanir í sama húsinu í Garðabæ í gær. Um er að ræða iðnaðarhúsnæði sem hefur verið breytt í íbúðir. Samtals var lagt hald á tæplega 300 kannabisplöntur og auk þess 250 grömm af marijúana. Ræktanirnar voru mjög fullkomnar en ein þeirra var með fullvaxnar plöntur tilbúnar til niðurskurðar. Starfseminni var jafnframt mjög haganlega fyrir komið á þessum þremur stöðum í húsinu og greinilegt að töluvert hefur verið í það lagt í íbúðunum.

Vilja rannsóknarsetur á sviði utanríkis- og öryggismála

Ríkisstjórnin vill að stofnað verði sjálfstætt rannsóknarsetur á Íslandi á sviði utanríkis- og öryggismála. Össur Skarphéðinsson utanríkisráðherra hefur skipað nefnd til mótunar þjóðaröryggisstefnu fyrir Ísland, eins og kveðið er á um í þingsályktun sem samþykkt var á Alþingi í haust. Það verður jafnframt hlutverk nefndarinnar að setja rannsóknarsetrið á fót.

Móðir hins látna fær að bera vitni

Hæstiréttur hefur staðfest úrskurð héraðsdóms þess efnis að móðir grísks manns sem varð fyrir fólskulegri líkamsárás í miðbæ Reykjavíkur í maí árið 2010, fái að bera vitni í málinu. Ástæðan er sú að maðurinn lést í desember síðastliðnum.

Ríkissaksóknari sendir nauðgunarkæru aftur til lögreglu

Ríkissaksóknari hefur ákveðið að senda nauðgunarkæru sem lögð var fram á hendur Agli Einarssyni og unnustu hans aftur til lögreglunnar á höfuðborgarsvæðinu til frekari rannsóknar. Þetta staðfestir Hulda Elsa Björgvinsdóttir saksóknari hjá embættinu í samtali við Vísi. Hulda segir að það sé mjög eðlilegt og algengt að mál séu send aftur til lögreglu til frekari rannsóknar.

Húsleit hjá meintum kynþáttahatara - tölva gerð upptæk

Lögreglan á höfuðborgarsvæðinu framkvæmdi húsleit á heimili á höfuðborgarsvæðinu í tengslum við heimasíðu þar sem finna má kynþáttahatur.

Kuldinn herjar á Evrópu - átján látnir í Úkraínu

Kuldatíð er nú í Evrópu og að minnsta kosti átján hafa látist úr kulda og vosbúð í Úkraínu, þar sem mikið hefur snjóað. Í Póllandi er staðfest að tíu séu látnir og andlát af völdum kuldans hafa einnig verið staðfest í Serbíu og Búlgaríu.

Lögmaður hermdi á niðurlægjandi hátt eftir fórnarlambi

Hæstaréttarlögmanninum Jóni Egilssyni var í dag gert að greiða 100 þúsund krónur í réttarfarssekt þegar hann flutti mál fyrir Héraðsdómi Reykjavíkur. Þetta er í annað skiptið sem hann er sektaður fyrir slíkt brot.

Loksins geta íbúar New York gætt sér á íslenskum hrossaþara

Nú geta New York búar gætt sér á sölum og hrossaþara frá ströndum Suðurnesja - þökk sé fyrirtækinu Hafnotum í Grindavík, sem selur þetta sælgæti hafsins undir vörumerkinu Seaweed Iceland.

Rændi tvær konur í miðbænum sama daginn

Nítján ára gamall piltur var í dag dæmdur í tólf mánaða langt fangelsi skilorðsbundið til þriggja ára fyrir rán, fjársvik, fíkniefnalagabrot og vopnalagabrot.

Sjö ára fangelsi fyrir að leggja á ráðin um hryðjuverk

Tveir menn voru í dag dæmdir til sjö ára fangelsisvistar í Osló fyrir að leggja á ráðin um hryðjuverkaárás í Danmörku. Þriðji maðurinn var sýknaður í málinu en hann fékk þó fjögurra mánaða dóm fyrir að kaupa efni sem nota má til sprengjugerðar. Mennirnir þrír eru allir innflytjendur með landvistarleyfi í Noregi. Skotmarkið í Danmörku voru ritstjórnarskrifstofur Jótlandspóstsins sem á sínum tíma birti skopmyndir af spámanni Múslima, Múhameð.

Karlmaður játar að hafa drekkt hundi og kastað honum í höfnina

Einn maður hefur verið ákærður fyrir að drekkja hundi á Þingeyri samkvæmt tilkynningu frá lögreglunni á Vestfjörðum. Í tilkynningunni kemur fram að einstaklingurinn hafi viðurkennt að hafa drepið hundinn.

Ákærður fyrir að kveikja í húsi - aftur

Karlmaður hefur ákærður fyrir að kveikja í íbúðarhúsi á Leifsgötu i Reykjavík í júlí árið 2010. Maðurinn var dæmdur í tveggja ára fangelsi fyrir að kveikja í öðru húsi á Tryggvagötu í janúar 2009. Athygli vekur að manninum er gert að sök að hafa borið eld að húsinu tæplega mánuði eftir að Hæstiréttur Íslands staðfesti úrskurð Héraðsdóms Reykjavíkur í júní árið 2010.

Lögðu hald á kristal MDMA

Fíkniefni fundust við húsleit í fjölbýlishúsi Árbæ fyrir helgina en um var að ræða rúmlega 60 grömm af amfetamíni, 50 grömm af marijúana, lítilræði af kókaíni og allnokkur grömm af kristal MDMA, en það síðastnefnda er sjaldséð hér á landi. Þetta kemur fram í tilkynningu frá lögreglunni á höfuðborgarsvæðinu.

Ammoníakskýið verulega hættulegt í fyrstu

Deildarstjóri hjá slökkviliðinu segir að ammoníakskýið sem myndaðist í morgun í Skútuvogi hafi verið verulega hættulegt í fyrstu. Gríðarlega mikið magn ammoníaks lak út í andrúmsloftið í Skútuvogi í morgun þegar gat kom á fimm hundruð kílóa ammoníakshylki sem verið var að flytja úr gámi. Rýma þurfti nærliggjandi fyrirtæki á meðan á aðgerðum stóð.

Allsherjarverkfall lamar Belgíu

Nánast allt athafnalíf liggur nú niðri í Belgíu vegna allsherjarverkfalls sem hófst þar í gærkvöldi. Aðgerðirnar hafa áhrif á fund leiðtoga Evrópusambandins sem haldinn verður í höfuðborginni síðdegis.

Vopnað rán í Árbæ: Kynntist tálkvendinu á Netinu

Létt daður á Netinu þróaðist upp í vopnað rán í Árbæjarhverfi í gærkvöldi. Tilkynnt var um málið á ellefta tímanum í gærkvöldi og var aðdragandi málsins sá að húsráðandi hafði átt í sambandi við konu á Netinu um skeið, sem leiddi til þess að hún þáði heimboð til hans.

Slökkviliðsstjóri ryður bíl af götunni - en ekki er allt sem sýnist

"Síminn þagnar ekki," segir Svanur Tómasson, slökkviliðstjóri á Ólafsvík, en myndband birtist á netinu um helgina sem sýnir Svan í heldur sérkennilegum aðstæðum þegar Svanur er að ryðja snjó af götum bæjarins.

Vilja rannsaka sölu þriggja banka

Hópur þingmanna úr að minnsta kosti þremur flokkum, auk óháðra, mun í vikunni leggja fram á Alþingi tillögu um rannsókn á einkavæðingu bankanna frá árinu 1998 til 2003.

Ólafur á Suðurskautið með Cameron, Gore og Branson

Ólafur Ragnar Grímsson forseti Íslands er á leið til Suðurskautslandsins í fríðu föruneyti. Forsetinn þáði boð frá Al Gore, Nóbelsverðlaunahafa og fyrrverandi varaforseta Bandaríkjanna og með í för eru menn á borð við kvikmyndaleikstjórann James Cameron og milljarðamæringana Richard Branson og Ted Turner.

Aðgerðum vegna ammoníaksleka lokið

Aðgerðum slökkviliðsins á höfuðborgarsvæðinu vegna ammoníaklekans í Skútuvogi, er lokið. Þá er búið að opna fyrir umferð inn í hverfið en, þar var lokað á meðan slökkviliðið athafnaði sig í morgun.

300 starfsmönnum Vodafone gert að yfirgefa vinnustaðinn

Um þrjú hundruð starfsmönnum Vodafone var gert að yfirgefa vinnustaðinn í morgun vegna ammoníaklekans.

Eftirlitsmenn komnir til Íran

Eftirlitsmenn frá Alþjóðakjarnorkumálastofnuninni funda með írönskum þarlendum stjórnvöldum um kjarnorkuáætlun landsins næstu þrjá daga.

Risavaxið smástirni úr gulli framhjá jörðinni

Risavaxið smástirni, 433 Eros að nafni, kemur nálægt jörðinni í dag en Eros siglir framhjá jörðinni í um 27 milljón kílómetra fjarlægð sem þykir stutt vegalengd í stjörnufræðinni.