Bygging Landspítala í félag

Alþingi hefur samþykkt samþykkt stofnun nýs opinbers hlutafélags vegna byggingar nýs Landspítala. Félagið hefur rekstur 1. júlí og er hlutafélaginu ætlað að standa að undirbúningi og útboði á byggingu spítalans.

Lést vegna ofneyslu og höfuðhöggs

Fleiri vilja norður í háskólanám

Háskólanum á Akureyri bárust tæpar 1.100 umsóknir fyrir næsta skólaár, sem er talsverð aukning frá fyrri árum. Heildarfjöldi nemenda er nú um 1.500.

Unnu samfleytt í yfir 20 tíma

Margir björgunarsveitarmenn á Suðurlandi stóðu vaktina samfleytt í meira en 20 tíma á fimmtudag.

Mikil fjölgun í Háskóla Íslands

Umsóknum um nám í Háskóla Íslands fjölgar um átján prósent á milli ára.

Dregið úr notkun á kvikasilfri

Maður skallaður við barinn

Karlmaður á sextugsaldri hefur verið ákærður fyrir að skalla annan mann á bar.

Tveir danskir hermenn létust

Tveir danskir hermenn létu lífið í gærmorgun þegar óhapp varð á heræfingu á Jótlandi. Tveir aðrir hermenn særðust.

Hóta því að fella stjórnina

Nefnd rannsaki Icesave-málið

Keilir útskrifar á Akureyri

Keilir brautskráði tuttugu og einn einkaþjálfara, sem stunduðu nám við starfsstöð Keilis á Akureyri. Þetta var fyrsta brautskráning Keilis utan Ásbrúar í Reykjanesbæ.

Gæðavottun til rækjuvinnslu

Rækjuvinnsla Ramma á Siglufirði fékk nýlega BRC (British Retail Consortium) gæðavottun. Vottunin gerir fyrirtækinu kleift að selja vörur sínar til flestra kröfuhörðustu kaupenda rækju á Bretlandsmarkaði.

Breskir hermenn brutu lög

Nokkrir fyrrverandi breskir hermenn verða væntanlega dregnir fyrir dómara á Norður-Írlandi vegna atburðanna í borginni Londonderry sunnudaginn 30. janúar árið 1972. Þann dag beittu breskir hermenn skotvopnum á hóp kaþólskra mótmælenda með þeim afleiðingum að þrettán manns létu lífið.

Kviknaði í Selósi út frá rafmagni

Það kviknaði í trésmíðaverkstæðinu Selósi á Selfossi á miðvikudaginn út frá rafmagni í vinnuaðstöðu við lakkklefa, samkvæmt bráðabirgðaniðurstöðu lögreglu. Talið er að um óhapp hafi verið að ræða. Rannsókn heldur áfram á Selfossi.

19 Mexíkanar myrtir

Glæpamenn hafa skotið til bana 19 Mexíkana á meðferðarstofnun og sært að minnsta fjóra.

20 látnir í flóði í Arkansas

Að minnsta kosti 20 manns, sem höfðu tjaldað á afskektum stað í Arkansas fylki í Bandaríkjunum, létust í flóði sem kom í kjölfar mikillar rigningar.

Jón ætlar að svíkjaloforðið um aðgerðaleysi

Jón Gnarr, verðandi borgarstjóri, segist ætla að svíkja loforð sitt um að gera ekki neitt, þegar hann sest í borgastjórastólinn. Þetta kom fram í viðtali við Auðunn Blöndal á Stöð 2 í kvöld.

Útþynnt útgáfa af frumvarpi um stjórnlagaþing

Útþynnt útgáfa af frumvarpi um stjórnlagaþing nær væntanlega fram að ganga fyrir sumarleyfi Alþingis, eftir að komið var til móts við Sjálftæðismenn. Formaður Sjálfstæðisflokksins segir að frumvarp um breytingar á stjórnarskrá geti legið fyrir eftir tvö ár.

Bifreið mögulega ónýt eftir aftanákeyrslu

Eva Joly reiðubúin í forsetaframboð

Eva Joly, ráðgjafi sérstaks saksóknar, segist reiðubúin til að bjóða sig fram til forseta Frakklands árið 2012 ef græningjaflokkurinn þar í landi styður hana.

Borgarstjóri New York græðir í kreppunni

Michael Bloomberg, borgarstjóri New York, græddi meira á fjárfestingum sínum árið 2009 en árið á undan.

Árni Bergmann sæmdur vináttuorðu Rússlands

Árni Bergmann rithöfundur og fyrrverandi ritstjóri var í dag, á þjóðardegi Rússa, sæmdur vináttuorðu Rússlands.

Boðað til mótmæla vegna ráðningar bæjarstjóra í Hafnarfirði

Boðað hefur verið til mótmæla fyrir utan Hafnarborg á mánudaginn þegar ný bæjarstjórn kemur saman. Ástæðan er ráðning Lúðvíks Geirssonar, sem bæjarstjóra en hann datt út úr bæjarstjórn í kosningunum þar sem hann sat í sjötta sæti á lista Samfylkingarinnar.

Tjaldborg við Alþingi

Hópur fólks reisti tjaldborg framan við Alþingi í dag til að mótmæla skorti á alvöru lausnum fyrir heimilin. Skorað var á þingheim að vinna í þágu almennings.

Hlunnindi starfsmanna OR tekin til endurskoðunar

Hlunnindi starfsmanna Orkuveitunnar hafa verið tekin til endurskoðunar að sögn Hjörleifs Kvarans, forstjóra Orkuveitunnar. Ástæðan er Benz bifreið sem var keypt á dögunum fyrir fjármálastjóra fyrirtækisins en upphaflega var greint frá málinu í DV.

Samtökin 78 þakklát og alsæl með ein hjúskaparlög

Formaður Samtaka 78, Svanfríður Lárusdóttir, segir samtökin afar þakklát og alsæl með nýsamþykkt frumvarp á Alþingi um ein hjúskaparlög. Þau gera það að verkum að samkynhneigðir geta gifst sig í Þjóðkirkjunni.

Hreyfingin: Alþingi hunsar eftirlitshlutverk sitt

Þingflokkur Hreyfingarinnar segir Alþingi hunsa eftirlitshlutverk sitt með því að samþykka lokafjárlög fyrir árið 2008 þegar bankakerfið hrundi. Þingmenn Hreyfingarinnar lögðu til að frumvarpinu yrði hafnað þar til fullnægjandi skýringar á falli Seðlabanka Íslands væru gefnar og fyrir lægi greinargerð um hvað unnt sé að læra af þeirri sóun á opinberum fjármunum sem þar átti sér stað, líkt og það er orðað í yfirlýsingu þingflokksins.

Tvö mál til ríkissáttasemjara

Félag skipstjórnarmanna og Flugvirkjafélag Íslands hafa vísað kjaradeilum sínum við fjármálaráðherra vegna Landhelgisgæslunnar til ríkissáttasemjara. Fyrstu fundir verða haldnir í byrjun næstu viku. Þetta kemur fram á vef Ríkissáttasemjara.

Borgin styrkir atvinnuskapandi verkefni ungs fólks

Borgarráð samþykkti á fundi sínum í gær að veita tæplega 10 milljónir króna til atvinnuskapandi verkefna ungs fólks. Alls hlutu tíu verkefni styrki.

Háskólanum á Akureyri barst um 1100 umsóknir

Háskólanum á Akureyri barst tæplega 1100 umsóknir fyrir skólaárið 2010-2011 en það er aukning frá fyrri árum. Fjöldi umsókna er mikill ef litið er til heildarfjölda nemenda við háskólann sem er um 1500. Þetta eru hinsvegar hrátölur því sumir umsækjenda sækja um nám í fleiri en einum háskóla og eða fleiri en eina línu innan Háskólans á Akureyri. Lokatölur um fjölda nemenda fyrir næsta skólaár skýrast um miðjan júlí.

Að störfum samfleytt í yfir 20 klukkustundir

Björgunarsveitarmenn á Suðurlandi höfðu í nógu að snúast í gær og stóðu margir þeirra á vaktinni samfleytt í yfir 20 klukkustundir. Óskað var eftir aðstoð við að ná í bíl sem erlendir ferðamenn höfðu fest við Núpafjallsenda í Fljótshverfi austan við Kirkjubæjarklaustur og stóð til að fara í þann leiðangur snemma morguns, en áður en til þess kom eða klukkan sjö í gærmorgun kom útkall vegna leitar að pilti á tvítugsaldri. Hann fannst eftir hádegi og fóru björgunarsveitarmenn að Núpafjallsenda til að sækja bílinn.

Metfjöldi útskrifast frá Háskóla Íslands

Metfjöldi nemenda útskrifast frá Háskóla Íslands á morgun. Fyrir hádegi verða brautskráðir kandídatar sem lokið hafa framhaldsnámi við skólann en þeir eru 670 talsins að þessu sinni. Síðar um daginn fer fram brautskráning 1110 nemenda sem lokið hafa grunnnámi. Heildarfjöldi kandídata er því 1780 að þessu sinni sem er mesti fjöldi sem brautskráður hefur verið frá Háskóla Íslands.

Mannslát: Var lifandi þegar hringt var í lögregluna

Karlmaður sem fannst látinn á göngustíg í Grafarholtinu í gærmorgun er talinn hafa látist af ofneyslu lyfja. Maðurinn féll fram fyrir sig og hlaut höfuðhögg.

Ratleikur og hópgöngur í Esjuhlíðum

Á morgun laugardag verður árlegur Esjudagur Ferðafélags Íslands og VISA haldinn í Esjuhlíðum. Dagskráin hefst klukkan 13 þegar nýtt Esjuskilti verður afhjúpað, þar sem fjölmargar gönguleiðir vísa veginn upp fjallið. Meðal annars verður farið í ratleik og boðið uppá hópgöngur undir leiðsögn reyndra fararstjóra.

Dæmdur fyrir líkamsárás

Karlmaður var dæmdur í sex mánaða skilorðsbundið fangelsi í Héraðsdómi Reykjavíkur í dag.

Ein hjúskaparlög fyrir alla

Alþingi samþykkti í dag lög um ein hjúskaparlög. Um er að ræða breytingar á eldri lögum sem lögleiða hjúskap samkynhneigðra. Sömu lög munu því gilda fyrir gagnkynhneigða jafnt sem samkynhneigða, sem þá geta látið gefa sig saman í hjónaband hjá söfnuðum og sýslumönnum. Frumvarp dóms- og mannréttindaráðherra var samþykkt samhljóða með 49 atkvæðum.

Bjarni Ben: Ríkisstjórnin boðar þjóðnýtingu

„Það blasir við mér að ríkisstjórnin vilji leggja núna upp með það að þjóðnýta vatnsréttindi landeigenda í landinu," sagði Bjarni Benediktsson, formaður Sjálfstæðisflokksins, í umræðum um vatnalögin á Alþingi í dag. Össur Skarphéðinsson, utanríkisráðherra, sagði málið snúast um grundvallaratriði í hugmyndafræði.

Leituðu í Draumnum

Lögreglan á höfuðborgarsvæðinu gerði húsleit í söluturninum Draumnum á Rauðarárstíg í gærkvöldi. Tveir lögreglubílar fóru á staðinn og hópur lögreglumanna leitaði inni í versluninni.

BHM hafna launafrystingu

BHM minnir stjórnvöld að gefnu tilefni á að samningsréttur um kjör launamanna er í höndum stéttarfélaga. Laun háskólamenntaðra ríkisstarfsmanna verða því ekki ákveðin með öðrum hætti en kjarasamningsviðræðum við hlutaðeigandi stéttarfélög. Þetta kemur fram í tilkynningu frá félaginu.

Ísbjörninn fannst í Húsdýragarðinum

Týnda ísbjarnarstyttan sem Vísir sagði frá í morgun er komin í leitirnar. Styttan stóð fyrir utan verslun á Laugavegi en í gær var henni rænt og virtist ránið þaulskipulagt. Fjórir piltar stukku út úr sendibíl, tóku styttuna og óku á brott í hendingskasti.

100 prósent aukning í geislafræði

Heildarfjölgun umsókna í Háskóla Íslands næsta haust er rösklega 18%. Mesta aðsóknin er í heilbrigðisvísindin.

Jón Gnarr átti trúnaðarfund með Hönnu Birnu

Jón Gnarr átti fund með Hönnu Birnu Kristjánsdóttur, fráfarandi borgarstjóra, í vikunni. Þar var henni boðið, samkvæmt heimildum Vísis, að taka sæti forseta í nýrri borgarstjórn.

Makríll reyndist tollfrjáls - villa í tollakerfinu

Við yfirferð á markaðsaðgangi fyrir makríl til Evrópusambandsins (ESB) uppgötvaðist villa í tollakerfi ESB varðandi frosin makrílflök samkvæmt tilkynningu frá sjávarútvegsráðuneytinu.

Afnám vatnalaga afgreitt úr nefnd

Frumvarp iðnaðarráðherra um afnám vatnalaga var afgreitt úr iðnaðarnefnd Alþingis í morgun. Meirihluti iðnaðarnefndar samþykkti frumvarpið óbreytt með atkvæðum Samfylkingarinnar og Vinstri-hreyfingarinnar græns framboðs og með fyrirvara fulltrúa Hreyfingarinnar en þingmenn Sjálfstæðisflokks og Framsóknarflokks voru á móti.

Vilja að Hanna Birna verði forseti borgarstjórnar

Samkvæmt heimildum fréttastofu hafa fulltrúar Besta flokksins og Samfylkingarinnar boðið Hönnu Birnu Kristjánsdóttur, fráfarandi borgarstjóra, að gegna embætti forseta borgarstjórnar á næsta kjörtímabili.