Talsverður erill á Akureyri

Töluverður erill var hjá lögreglunni á Akureyri í nótt vegna reykspólandi tryllitækja hér og þar í bænum með viðeigandi hávaða. Bíladagar verða haldnir þar í bæ um helgina og fóru menn að flykkjast norður á tryllitækjum sínum strax í fyrradag. Lögreglan hafði afskipti af þó nokkrum ökumönnum í nótt, en engin var þó tekinn úr umferð.

Hringdi í sjúkrasamlagið og frétti að hann væri dauður

Breskum krabbameinssjúklingi var nýverið meinað að leita sér aðstoðar þegar hann reyndi að panta sér tíma hjá sérfræðingi. Ástæðan var sú að hann átti að vera látinn. Svo fullyrti að minnsta kosti starfsmaður breska sjúkrasamlagsins þegar fyrrverandi flutningabílstjórinn Alan Campbell ætlaði að panta sér tíma eftir að hann kenndi sér meins í hálsi.

Brúðkaupið kostar um 330 milljónir

Tignir gestir streyma til Stokkhólms þar sem haldið verður konunglegt brúðkaup á morgun. Viktoría krónprinsessa og einkaþjálfari hennar, Daniel Westling, hyggjast ganga í það heilaga í Dómkirkjunni, sem nýbúið er að gera lagfæringar á.

Ók á 164 kílómetra hraða

Ökumaður var tekinn úr umferð og sviptur ökuréttindum til bráðabirgða eftir að lögregla mældi bíl hans á 164 kílómetra hraða á Reykjanesbraut við Arnarnesveg upp úr klukkan tvö í nótt. Hámarkshraði á þessum vegkafla er 70 kílómetrar á klukkustund þannig að hann var á ríflega tvöföldum hámarkshraða.

Danny Boyle og Stephen Daldry stýra opnunarhátíðinni

Bresku leikstjórarnir Danny Boyle og Stephen Daldry hafa verið ráðnir sem listrænir stjórnendur opnunarhátíðar Ólympíuleikanna í London 2012. Daldry var tilnefndur til Óskarsverðlauna fyrir kvikmyndirnar Billy Elliot, The Hours og The Reader - og Boyle leikstýrði Slumdog Millionaire sem hlaut átta Óskarsverðlaun fyrir tveimur árum. Boyle segist ekki hafa getað hafnað boðinu og líti fullur tilhlökkunar til næstu tveggja ára. Daldry og Boyle fá 40 milljónir punda eða 7,6 milljarða króna til ráðstöfunar vegna opnunarhátíðarinnar.

Vargöld í Mexíkó: Lögreglumenn pyntaðir og drepnir

Sjö háttsettum mexíkóskum lögreglumönnum hefur að undanförnu verið rænt af heimilum sínum, þeir pyntaðir og að lokum myrtir. Glæpaklíkur bera ábyrgð á morðunum en á líkunum hafa fundist skilaboð frá klíkunum.

Í haldi vegna nauðgunar á Akureyri

Kona um tvítugt kærði karlmann á svipuðu reki fyrir nauðgun á Akureyri í nótt. Lögregla handtók manninn, eftir ábendingu konunnar, og er hann nú viðstaður í fangageymslum. Nánari málsatvik liggja ekki fyrir að svo stöddu.

Bretar beita hugsanlega neitunarvaldi

Bretar geta beitt neitunarvaldi og komið í veg inngöngu Íslands í Evrópusambandið. Utanríkisráðherra landsins segir brýnt að fá niðurstöðu í Icesavemálið.

Gnarr hótað lífláti í orðaleit Vikunnar

Falin skilaboð um að Jón Gnarr verði ráðinn af dögum má finna í svokallaðri orðaleit nýjasta heftis tímaritsins Vikunnar sem kom út á miðvikudag. „Gnarr verður skotinn“ fullyrðir orðaleitin í þriðju neðstu línu. Setningin er ekki meðal uppgefinna leitarorða.

Slasa eða drepa sauðfé og stinga svo af

Ekið var á ellefu lömb og ær í umdæmi lögreglunnar á Vestfjörðum í síðustu viku. Þrjú lömb drápust í einni ákeyrslunni. Í öllum tilvikum stungu ökumennirnir af frá slysstað og létu skepnurnar liggja eftir.

Uppnám hjá lánveitendum

Uppnám er innan eignaleigufyrirtækja eftir dóm Hæstaréttar um gengistryggingu og bíða menn þar á bæjum þess nú að stjórnvöld taki ákvörðun um framhaldið. Algjör óvissa ríkir um það í hverju aðgerðir stjórnvalda munu felast, ef yfirleitt verður gripið til nokkurra slíkra.

Aðild styrkir fullveldi Íslands

„Ég fagna þessari niðurstöðu og er mjög ánægður með hana,“ sagði Össur Skarphéðinsson utanríkisráðherra í gær, þegar ljóst var orðið að Evrópusambandið mun hefja aðildarviðræður við Ísland.

Fjölda nemenda neitað um skólavist

Aldrei hefur hærra hlutfall grunnskólanema sótt um nám í framhaldsskóla og í vor. Rúmlega 97 prósent allra 10. bekkinga sem útskrifuðust úr grunnskóla á dögunum sóttu um áframhaldandi nám í framhaldsskólum landsins.

Ekki hægt að loka bjarginu

Gísli Már Gíslason, formaður Bjargtanga – félags landeigenda og sumarbústaðaeigenda á Hvallátrum, segir félagið vera mjög hlynnt endurbótum á Látrabjargi en segir ómögulegt að loka því.

Yfir 1800 manns látnir í Kirgistan

Yfir 1800 manns hafa fallið í Kirgistan síðustu daga, þetta kemur fram á vefsíðu rússnesku fréttastofunnar RIA-Novotsti. Haft er eftir ónefndum leyniþjónustumanni að ýmsar ástæður kunni að liggja að baki þess að yfirvöld í landinu gefi upp aðra tölu, sem er um það bil tíu sinnum lægri.

Þvílíkt stuð í miðbænum í dag - myndasyrpa

Tugir þúsunda fögnuðu þjóðhátíðardeginum í miðbænum í dag, en stór hópur gekk í skrúðgöngu frá Hlemmi og niður laugaveginn. Þá fylgdust margir með tónleikum á Arnarhóli. Sumir fengu blöðrur og candy floss og upplifðu sannkallaða þjóðhátíðarstemmingu. Veðrið var ekki var verri endanum, sól á köflum og hlýtt í veðri.

Dagbók Jóns Gnarrs slær í gegn á Fésbókinni

Dagbók borgarstjóra hefur heldur betur slegið í gegn á Fésbókinni. Yfir 7 þúsund manns eru orðnir aðdáendur síðunnar en borgarstjórinn, Jón Gnarr, ætlar að halda þar úti einhvers konar dagbók um um verkefni sín sem borgarstjóri.

Einn á slysadeild eftir eldsvoða í Írabakka

Slökkvilið höfuðborgarsvæðisins slökkti eld sem kom upp í íbúð í Írabakka í kvöld. Einn maður var í íbúðinni og var hann fluttur á slysadeild vegna gruns um reykeitrun. Nokkur reykur barst út á stigagang blokkarinnar og fóru íbúar út á svalir þar sem þeir voru óhultir að sögn varðstjóra.

Skoðar skaðabótamál á hendur SP-fjármögnun

Björn Þorri Viktorsson, sem gætti hagsmuna skuldara sem var sýknaður af Hæstarétti af kröfu SP-Fjármögnunar í gær, segist vera að skoða skaðabótamál á hendur fyrirtækinu fyrir hönd annarra umbjóðenda sinna.

Óvissa um hvernig eigi að gera upp lánin

Skuldir fólks vegna gengistryggðra lána hverfa ekki með niðurstöðu Hæstaréttar í Bílalánsmálunum. Í raun er kominn upp óvissa um hvernig eigi að gera upp lánin, en Hæstiréttur veitir ekki leiðbeiningar um það í niðurstöðum sínum. Lögmaður skuldara segir þó að gera verði upp lánasamningana í samræmi við önnur ákvæði sem haldi gildi sínu.

Neyðarfundir í eignaleigufyrirtækjum í gærkvöldi

Neyðarfundir voru haldnir í eignaleigufyrirtækjum í gærkvöldi í kjölfar dóma Hæstaréttar í bílalánsmálunum. Þá voru starfsmenn SP-Fjármögnunar við störf í dag á sjálfan þjóðhátíðardaginn. Forstjóri Fjármálaeftirlitsins segist ætla að funda með fjármögnunarfyrirtækjum á næstunni vegna málsins

Sækja fótbrotna konu á Esjuna

Björgunarsveit höfuðborgarsvæðisins er nú á leið á Esjuna að sækja 46 ára gamla konu sem er líklegast ökklabrotin ofarlega í gönguleiðinni. Fyrstu björgunarsveitarmenn fara að koma á staðinn og munu binda um fótinn á konunni og gefa henni verkjastillandi. Hún er mjög kvalin.

Ísland úr umsóknarferli yfir í viðræðuferli

Leiðtogaráð Evrópusambandsins samþykkti í dag að hefja viðræður við Ísland um aðild að sambandinu. Með ákvörðuninni færist Ísland úr umsóknarferli yfir í viðræðuferli. Ákvörðunin kemur í framhaldi af jákvæðri niðurstöðu framkvæmdastjórnar ESB í áliti hennar um aðildarumsókn Íslands frá því í lok febrúar á þessu ári, segir í tilkynningu frá utanríkisráðuneytinu.

Búið að laga Hrafnseyrar-misskilning forsætisráðherra

Á vef forsætisráðuneytsins er búið að leiðrétta ræðu Jóhönnu Sigurðardóttur forsætisráðherra. Þar stendur nú: „Á næsta ári munum við minnast þess að 200 ár verða liðin frá fæðingu Jóns Sigurðssonar, frá Hrafnseyri við Arnarfjörð, sem var einn helsti baráttumaður okkar Íslendinga fyrir sjálfstæði.“ - En ekki Hrafnseyri við Dýrafjörð eins og Jóhanna las upp á Austurvelli í morgun.

Tugir þúsunda í miðbæ Reykjavíkur

Tugir þúsunda manna eru nú í miðbæ Reykjavíkur til taka þátt í 17. júní hátíðarhöldum að sögn lögreglu.

Varar við manni sem sníkir bensín út úr fólki

Marteinn Hilmarsson, faðir í Reykjavík, varar við óprúttnum aðila sem reynir að sníkja bensín út úr fólki. Hann segist fyrst hafa hitt manninn fyrir um það bil tveimur mánuðum síðan.

Aðildarumsóknin samþykkt

Leiðtogaráð Evrópusambandsins hefur samþykkt aðildarumsókn Íslands að Evrópusambandinu. Ákvörðunin var tekin skömmu eftir hádegið og er búið að boða til blaðamannafundar um hálf þrjú leytið að íslenskum tíma. Heimir Már Pétursson, fréttamaður Stöðvar 2 og Vísis, er í Brussel og mun hann fjalla nánar um málið í kvöldfréttum Stöðvar 2.

Jóhanna sagði að Jón Sigurðsson væri frá Dýrafirði - myndband

„Hún veit náttúrulega að Hrafnseyri er við Arnarfjörð en ekki Dýrafjörð, ég trúi ekki öðru. Ég held að það viti nú eiginlega allir, allavega þeir sem eru komnir á hennar aldur," segir Guðjón Friðriksson, sagnfræðingur.

Þorum ekki einu sinni sjálf að ferðast

„Við erum búin að sýna skemmtilegt myndband út um allan heim, þar sem allir eru svo glaðir og kátir, en svo þorum við ekki einu sinni sjálf að ferðast," segir Lilja Magnúsdóttir, rekstraraðili tjaldstæðis á Kirkjubæjarklaustri.

Hillary Clinton: Til hamingju með daginn Íslendingar - myndband

Hillary Clinton, utanríkisráðherra Bandaríkjanna, óskar Íslendingum til hamingju með Þjóðhátíðardaginn á vef utanríkisráðuneytsins. „Til hamingju með Þjóðhátíðardaginn Ísland," segir hún.

Lá fastur undir bílnum eftir veltu

Nokkur erill var hjá lögreglunni á höfuðborgarsvæðinu í nótt. Umferðarslys varð á Salavegi í Kópavogi um fjögur leytið í nótt. Þar valt bifreið með þeim afleiðingum að annar tveggja farþega í bílnum festist undir bifreiðinni. Lögreglu og sjúkraflutningamönnum tókst þó fljótt og örugglega að ná honum undan bílnum.

Fagna samþykki aðildarviðræðna

„Sterkara Ísland - félag Evrópusinna á Íslandi fagnar ákvörðun leiðtogaráðs Evrópusambandsins að samþykkja aðildarumsókn Íslands að Evrópusambandinu. Nú í fyrsta sinn munu Íslendingar allir eiga þess kost að taka upplýsta ákvörðun um framtíðarsamstarf Íslands við Evrópusambandsríkin. Það er því táknrænt að þessi ákvörðun skuli vera tekin einmitt á þjóðhátíðardaginn,“ segir í tilkynningu frá félaginu.

Tólf fengu fálkaorðu frá forseta Íslands

Tólf Íslendingar voru sæmdir heiðursmerki hinnar íslensku fálkaorðu við hátíðlega athöfn á Bessastöðum í dag. Það var Ólafur Ragnar Grímsson forseti Íslands sem sæmdi heiðursmerkinu.

Kristbjörg Kjeld borgarlistamaður Reykjavíkur

Kristbjörg Kjeld leikkona er borgarlistamaður Reykjavíkur árið 2010. Það var Jón Gnarr, borgarstjóri, sem sæmdi Kristbjörgu þeim heiðri í Höfða nú klukkan tvö. Kristbjörg fékk í gærkvöldi Grímuna fyrir leik í aukahlutverki fyrir hlutverk sitt í leiksýningunni Hænuungarnir sem var sett á svið hjá Þjóðleikhúsinu.

Ætla að takast á við minnkandi skatttekjur og íbúafækkun

Ný bæjarstjórn Seltjarnarnesbæjar kom saman til fyrsta fundar í gær. Eins og hefur komið fram hlaut Sjálfstæðisflokkurinn hreinan meirihluta, fimm menn kjörna. Þá fengu Neslistinn og Samfylkingin einn mann kjörinn.

Taka afstöðu til aðildarumsóknar í dag

Leiðtogaráð Evrópusambandsins mun taka afstöðu til aðildarumsóknar Íslands á fundi sínum í Brussel í dag en fundurinn hófst í morgun. Fyrirfram er búist við því að umsóknin verði samþykkt en viðræður hefjast þá væntanlega á næsta ári.

Samkynhneigðir bíða niðurstöðu dómstóla í Kaliforníu

Búist er við niðurstöðu dómstóla í Kaliforníuríki í Bandaríkjunum um hjónaband samkynhneigðra á næstu dögum eða vikum. Réttarhöldin snúast um hvort dómstólar muni afnema bann við hjónaböndum samkynhneigðra sem kjósendur ríkisins samþykktu í eins konar þjóðaratkvæðagreiðslu fyrir tæpum tveimur árum.

Missti prófið - á meira en tvöföldum hámarkshraða

Ökumaður mótóhjóls var sviptur ökuleyfi á Akureyri í gærkvöldi eftir að hafa keyrt á 115 kílómetrahraða þar sem er 50 kílómetra hámarkshraði.

Eldur í bílaverkstæði á Skemmuvegi

Um 16 slökkviliðsmenn eru núna á vettvangi á Skemmuvegi 24 í Kópavogi. Það kviknaði í bifreið sem var innan dyra. Bíllinn er ónýtur og einhverjar skemmdir eru á húsinu sjálfu. Mikinn reyk lagði frá húsinu. Ekki er vitað til þess að fólk hafi slasast.

Eldur í hesthúsi í Skagafirði

Slökkvilið Skagafjarðar var kallað að hesthúsi á Nöfunum um tólf leytið í dag. Kviknað hafði í hesthúsi en þegar slökkvilið kom á staðinn logaði tölverður eldur í húsinu. Húsið hafði á árum áður verið notað sem fjárhús en síðustu ár hefur það gengt hlutverki hesthús og eða tryppiskýlis. Eigendur hússins höfðu verið þarna fyrr í morgun en ekki orðið varir við neitt. Þetta kemur fram á fréttavefnum Feykir.is.

Jóhanna: Sannfærð að við munum sigrast á efnahagsþrengingum

Það er hátíðarbragur yfir miðbænum í dag á þjóðhátíðardaginn 17. júní. Formleg dagskrá hófst klukkan 10 í morgun þegar blómakrans var lagður á leiði Jóns Sigurðssonar forseta í kirkjugarðinum við Suðurgötu.

Ekkert rignt á Akureyri í mánuð

Einar Sveinbjörnsson, veðurfræðingur, segir á heimasíðu sinni að nánast ekkert hafi rignt á Akureyri í nærri mánuð. Hann segir síðustu úrkomu sem hægt er að tala um hafi verið 19. til 20. maí.

Reynt að stinga rangan mann

Fjórir menn í annar­legu ástandi réðust inn í íbúð í sunnanverðum Hafnarfirði á laugardaginn var vopnaðir hnífum og réðust að húsráðanda sem þar var með ungum syni sínum.

Til hagsbóta fyrir marga

Fjármálaráðherra segir að það sé með endemum að það sé að koma á daginn að umfangsmikil lánastarfsemi á Íslandi hafi verið byggð á ólögmætum gjörningum.

Júlli í Draumnum segist ekki selja fíkniefni

„Þetta er uppblásið og stór hluti af þessu lygar,“ segir Júlíus Þorbergsson, betur þekktur sem Júlli í Draumnum. Hann losnaði úr gæsluvarðhaldi í gær, en þar hafði hann setið síðan fyrir helgi grunaður um að selja fíkniefni og lyfseðilsskyld lyf í verslun sinni.