Reykjavík verði gerð að alvöru hjólaborg

„Heildarmarkmið áætlunarinnar er að gera Reykjavík að framúrskarandi góðri hjólaborg,“ segir Gísli Marteinn Baldursson, borgarfulltrúi Sjálfstæðisflokks og formaður starfshóps um hjólreiðaáætlun sem samþykkt hefur verið í borgarstjórn. „Reykjavík hefur mjög margt til þess að bera að verða góð hjólaborg,“ segir Gísli sem bendir á til dæmis að borgin sé ekki mjög hæðótt, auðvelt sé að ferðast meðfram strönd hennar, götur séu tiltölulega breiðar sem gefi svigrúm til að bæta við hjólastígum og veðurfar sé gott fyrir hjólreiðafólk meirihluta ársins.

Vaxandi andstaða við Chavez

Hugo Chavez, forseti Venesúela, hefur átt í vaxandi vandræðum undanfarið. Mótmælum hvers konar hefur fjölgað gegn þessum harða vinstrimanni sem lengst af ellefu ára valdatíð sinni átti miklum vinsældum að fagna meðal landsmanna.

Mikill skortur á dagforeldrum

Leikskólasvið hefur beint tilmælum til þjónustumiðstöðva í 101, 105 og 107 Reykjavík, það er Vesturbæ, Miðbæ og Hlíðum, um að finna dagforeldra til starfa.

Íslendingar á bótum sendir til síns heima

Dæmi eru um að Íslendingum sem þiggja bætur í Danmörku hafi verið skipað úr landi.

Lítill árangur náðist í Alpabæ

Starfsfólk banka og fjármálafyrirtækja er álíka óvinsælt nú um stundir og hryðjuverkamenn. Þetta hefur bandaríska stórblaðið Wall Street Journal eftir Donald Moore, stjórnarformanni bandaríska bankans Morgan Stanley, á ársþingi Alþjóðaefnahagsráðsins í Alpabænum Davos í Sviss. Þinginu lauk í gær.

Mótmæla afnámi gjaldfrelsis

Eldri borgarar í Kópavogi mótmæla harðlega þeirri ákvörðun sveitarfélagsins að afnema gjaldfrelsi eldri borgara í sundlaugar bæjarins. Hefur félag þeirra sent bæjarstjórn Kópavogs bréf þessa efnis.

Tukthúsklefar í kjallara Útvarpshússins

Kristján L. Möller samgönguráðherra upplýsti á mótmælafundi á Egilsstöðum í gær að sú hugmynd hefði verið rædd í ríkisstjórn að taka Útvarpshúsið í Efstaleiti undir lögreglustöð, enda væri gott pláss fyrir tukthúsklefa í kjallaranum.

Undirbúa virkjun Hvammsfjarðarrastar

Stjórnvöld hafa gefið út fyrsta formlega leyfið til að undirbúa virkjun sjávarfalla við Ísland. Fyrirtækið Sjávarorka hefur fengið leyfi til að rannsaka þann möguleika að virkja Hvammsfjarðarröstina út af Stykkishólmi.

Merki Eimskipafélagsins heldur áfram að valda misskilningi

Gamla merki Eimskipafélags Ísland heldur áfram að valda misskilningi meðal erlendra ferðamanna . Starfsmenn Sjóminjasafnsins á Granda þurftu að setja upp sérstak blað þar sem merkið er útskýrt í íslensku samhengi.

Mikilvægt að gera upp Íraksmálið

Það er kominn tími á að við áttum okkur á því hvernig sú ákvörðun að lýsa yfir stuðningi við innrásina í Írak var tekin, hver tók hana, með hvaða hætti og af hverju. Þetta segir Steinunn Valdís Óskarsdóttir, þingmaður Samfylkingarinnar.

Ráðherrar í stjórn Geirs hugsanlega kallaðir fyrir þingmannanefnd

Ekki er útilokað að ráðherrar í ríkisstjórn Geirs H. Haarde verði kallaðir fyrir þingmannanefndina sem skoða á sérstaklega brot á lögum um ráðherraábyrgð í aðdraganda hrunsins. Fundirnir verða væntanlega í beinni útsendingu.

Bronsið kærkomin upplyfting á erfiðum tímum

Jóhanna Sigurðardóttir, forsætisráðherra, sendi íslenska landsliðinu í handbolta heillaóskaskeyti í dag. Þar þakkaði hún liðinu innilega fyrir frábæra skemmtun og drengilega baráttu. Árangurinn sé kærkomin upplyfting á erfiðum tímum í sögu þjóðarinnar. Í skeytinu kemur fram að ríkisstjórnin ætli að styrkja landsliðið til þátttöku á heimsmeistaramótinu á næsta ári um 10 milljónir króna.

Leiðtogi talibana sagður látinn

Hakimullah Mehsud, leiðtogi talibana í Pakistan, er sagður látinn. Fréttastofan CNN hefur þetta eftir pakistanska ríkisútvarpinu en Rehman Malik, innanríkisráðherra landsins, segist ekki geta staðfest hvort leiðtoginn sé látinn. Það sama segir talsmaður pakistanska hersins.

Réttað yfir mótmælendum í Íran

Réttarhöld yfir 16 Írönum sem tóku þátt í mótmælum í höfuðborg Íran gegn þarlendum stjórnvöldum milli jóla og nýárs hófust í dag. Fimm mótmælendur eru ákærðir fyrir að stríð gegn Guði. Verði þau fundin sek verða þau tekin af lífi.

Forsetinn og Björgólfur Thor eitruð blanda

Björn Valur Gíslason, þingmaður VG og varaformaður fjáralaganefndar, segir Ólaf Ragnar Grímsson, forseta Íslands, og Björgólf Thor Björgólfsson vera eitraða blöndu.

Forsetahjónin meðal áhorfenda í Vín

Íslensku forsetahjónin eru meðal áhorfenda á leik Íslands og Póllands um bronsverðlaunin á Evrópumótinu í handbolta sem fer fram í Vín í Austurríki.

Drengurinn líklega útskrifaður af gjörgæslu í dag

Drengurinn sem bjargaðist úr djúpri sprungu á Langjökli síðdegis í gær er ekki lífshættu. Hann verður líklega útskrifaður af gjörgæsludeild Landspítalans síðar í dag, að sögn vakthafandi læknis. Hann losnaði úr öndunarvél í morgun.

Vilja rannsóknarnefnd um Íraksstríðið

Steinunn Valdís Óskarsdóttir, varaformaður þingflokks Samfylkingarinnar, og Ögmundur Jónasson, þingmaður VG og fyrrverandi ráðherra, vilja að rannsóknarnefnd verði skipuð um aðdraganda þess að Íslandi lýsti yfir stuðningi við innrásina í Írak árið 2003. Munu þau leggja fram þingsályktunartillögu þess efnis á Alþingi eftir helgi.

22 látnir eftir mikil flóð í Perú

Yfirvöld í Perú segja að 22 hafi týnd lífi í flóðum í kjölfar mikillar rigningar í landinu undanfarna daga. 10 er saknað og þá hafa rúmlega 40 þúsund íbúar þurft að flýja heimil sín og leita skjóls í neyðarskýlum. Ástandið er einna verst í fjallahéraðinu Cuzco sem liggur í Andesfjöllum.

Endurtalið í Hafnarfirði

Atkvæði í prófkjörum Samfylkingar og Sjálfstæðisflokks í Hafnarfirði verða endurtalin þar sem fáum atkvæðum munaði milli manna. Tveimur atkvæðum munaði til að mynda á efstu mönnum í prófkjöri sjálfstæðismanna.

Landsliðsfyrirliðinn barnaði kærustu samherja síns

John Terry, fyrirliði enska landsliðsins og Chelsea, gerði Vanessu Perroncel kærustu Wayne Bridge, liðsfélaga síns í Chelsea og landsliðinu, ólétta. Greint er frá málinu á vef News of the World í dag en Terry reyndi að fá lögbann á birtingu fréttar um málið í breskum fjölmiðlum. Á þá beiðni féllust þarlendir dómstólar ekki. Talið er að málið eigi eftir að draga dilk á eftir sér fyrir landsliðsfyrirliðann.

Leituðu línubáts

Fyrir hádegi í dag hvarf 12 tonna línubátur úr fjareftirlitskerfi Landhelgisgæslunnar. Var báturinn síðast staddur um 18 sjómílur norðvestan af Garðskaga.

Lögregla athugar ólöglegar arðgreiðslur þingmanns

Efnahagsbrotadeild ríkislögreglustjóra hefur nú ólöglega arðgreiðslu sem Ásbjörn Óttarsson, þingmaður Sjálfstæðisflokksins, greiddi sér út úr útgerðarfélaginu Nesveri til athugunar.

Drengurinn ekki lengur í öndunarvél

Drengurinn sem bjargaðist úr hyldjúpri sprungu á Langjökli síðdegis í gær er laus úr öndunarvél. Að sögn vakthafandi læknis á gjörgæsludeild Landspítalans er drengurinn vakandi og líðan hans eftir atvikum góð.

Skurðstofum Heilbrigðisstofnunar Suðurnesja verður lokað

Skurðstofum Heilbrigðisstofnunar Suðurnesja í Reykjanesbæ verður lokað þann 1. maí næstkomandi samkvæmt uppsagnarbréfi til starfsmanna á skurðstofum. Þetta kemur fram á fréttvef Víkurfrétta.

Langjökull krosssprunginn á slysstaðnum

Sjö ára drengur liggur nú á gjörgæsludeild Landspítalans í Fossvogi eftir að hann bjargaðist úr hyldjúpri sprungu á Langjökli síðdegis í gær. Móðir hans var látin þegar hún náðist upp úr sprungunni.

Opið í Hlíðarfjalli og á Siglufirði

Fínt skíðafæri er nú sagt í Hlíðarfjalli ofan Akureyrar og nægur snjór, enda allar snjóvélar keyrðar á fullu, að sögn ráðamanna þar. Þar var sjö stiga frost í morgun og lítilsháttar gola og það verður opið í Hlíðarfjalli til klukkan fjögur í dag. Skíðasvæðið á Siglufirði verður einnig opið í dag til klukkan fjögur. Þar er sagt logn og heiðskírt og 5 stiga frost, og færið er einnig sagt mjög gott, troðinn þurr snjór.

Sigrún Elsa: Útkoman ekki sú sem stefnt var að

Sigrún Elsa Smáradóttir, borgarfulltrúi Samfylkingarinnar, segir útkomu sína í prófkjöri sú sem að var stefnt. Hún sóttist eftir öðru sætinu ásamt tveimur borgarfulltrúum og einum varaborgarfulltrúa en hafnaði í sjöunda sæti. Sigrún Elsa var varaborgarfulltrúi á árunum 1998 til 2007 þegar hún tók sæti í borgarstjórn sem aðalmaður þegar Steinunn Valdís Óskarsdóttir var kjörin á þing.

Bandaríkjamenn grunaðir um að smygla börnum frá Haítí

Tíu Bandaríkjamenn, meðlimir trúfélags Babtista í Idaho, voru handteknir á Haítí í gær en þeir eru grunaðir um að hafa ætlað að smygla 33 börnum úr landi. Börnin eru á aldrinum tveggja mánaða til tólf ára.

Bræla hamlaði loðnuveiðum

Bræla á loðnumiðunum út af Austfjörðum kom í veg fyrir að skipverjar á Vilhelm Þorsteinssyni gætu veitt eins og þá langaði í gærkvöldi. Þeir köstuðu þó einu sinni og fengu 50 tonn, að sögn Kristjáns Vilhelmssonar, útgerðarstjóra Samherja. Menn búast þó að veðrið gangi niður í dag. Fleiri skip eru nú að tygja sig til loðnuveiða, þannig er Hornafjarðarbáturinn Jóna Eðvalds nú á leið á miðin.

Íslendingur sigraði á stærsta snjóbrettamóti heims

Halldór Helgason, 18 ára gamall Akureyringur, sigraði snjóbrettakeppni á stærsta íþróttamóti heims þar sem keppt er í jaðaríþróttum og fer fram um helgina í Aspen í Colorado. Síðar í dag keppir hann til úrslita í annarri grein á mótinu. Á föstudaginn var hann valinn nýliði ársins á ráðstefnu tveggja stærstu snjóbrettablaðanna í Bandaríkjunum sem fór fram í Denver í Colorado.

Skemmdi fimm bíla við Hverfisgötu

Maður um tvítugt var handtekinn í nótt grunaður um að hafa brotist inn í og skemmt fimm bíla við Hverfisgötu og Smiðjustíg í miðborg Reykjavíkur. Ekki er vitað hvað honum gekk til en hann var undir áhrifum áfengis. Maðurinn verður yfirheyrður síðar í dag.

Kona lést á Langjökli

Konan sem féll í sprungu á Langjökli ásamt sjö ára gömlum syni sínum var látin þegar björgunarsveitarmenn komu á vettvang. Drengurinn var fluttur með þyrlu á Landspítala.

Bæjarfulltrúi féll í Hafnarfirði - Bæjarstjórinn fékk góða kosningu

Bæjarfulltrúinn Gísli Ó. Valdimarsson féll í prófkjöri Samfylkingarinnar í Hafnarfirði í gær. Hann sóttist eftir þriðja sæti en hafnaði í því áttunda. Lúðvík Geirsson, bæjarstjóri, fékk örugga kosningu í sjötta sæti líkt og hann vildi.

Þrír látnir eftir snjóbyl í Þýskalandi

Snjóbylur hefur valdið miklum umferðartöfum í Þýskalandi yfir helgina. Hundruð umferðaróhappa hafa verið tilkynnt vegna þessa og vitað er um þrjú dauðsföll sem rekja má til veðursins en snjó hefur kyngdi niður í gær.

Glæpakóngur stýrði klíku á Facebook úr fangelsi

Breski glæpaforinginn Colin Gunn, sem stýrði öflugustu glæpaklíku Nottingham-borgar, situr af sér 35 ára fangelsisdóm fyrir morð. Það hefur þó ekki hindrað hann í að stýra glæpaveldi sínu og ógna andstæðingum. Hann hefur notað Facebook til þess og komist upp með þangað til á föstudaginn þegar lokað var fyrir netaðgang hans.

Bæjarfulltrúi ekki meðal efstu manna í Hafnarfirði

Þegar búið er að telja 58% atkvæða í prófkjöri Samfylkingarinnar í Hafnarfirði er bæjarfulltrúinn Gísli Valdimarsson ekki meðal efstu manna. Gísli var í sjöunda sæti þegar fyrstu tölur voru birtar en nú vermir Eyjólfur Sæmundsson, verkfræðingur og varabæjarfulltrúi, það sæti.

Boltinn hjá Íslendingum í Icesave-deilu

Eftir fund með fjármálaráðherra Hollands og Bretlands er boltinn hjá íslenskum stjórnvöldum, en þjóðirnar eru opnar fyrir tillögum Íslendinga að lausn á Icesave deilunni.

Þyrlan komin til Reykjavíkur

Viðamiklar björgunaraðgerðir hafa verið á Langjökli í dag við að ná konu og sjö ára gömlum syni hennar upp úr djúpri jökulsprungu. Þyrla Landhelgisgæslunnar lenti nú undir kvöld með annað þeirra við Borgarspítalann en engar staðfestar upplýsingar hafa fengist um líðan þeirra.

Guðmundur Rúnar í fyrsta sæti

Guðmundur Rúnar Árnason, bæjarfulltrúi og stjórnmálafræðingur, er í fyrsta sæti í prófkjöri Samfylkingarinnar í Hafnarfirði þegar talinn hafa verið rúmlega 400 atkvæði eða 35%. 1150 greiddu atkvæði. Lúðvík Geirsson, bæjarstjóri, sóttist eftir sjötta sæti en bæjarfulltrúar í Hafnarfirði eru ellefu.

Óbreytt staða í Hafnarfirði

Röð efstu manna í prófkjöri Sjálfstæðisflokksins í Hafnarfirði hefur ekkert breyst frá því að fyrstu tölur voru birtar fyrr í kvöld. Valdimar Svavarsson, hagfræðingur, er í fyrsta sæti. Hann sagði í samtali við fréttastofu fyrr í kvöld að hann teldi að sigurstranglegur listi væri að myndast.

Litlu munar á 4. til 7. sæti

Bjarni Karlsson, frambjóðandi í prófkjöri Samfylkingarinnar, segist vera ákaflega sáttur við þann stuðning sem hann fær í prófkjörinu. Þegar fyrstu tölur voru birtar var Bjarni í fimmta sæti en þegar þær voru birtar í annað sinn hafði hann haft sætaskipti við Dofra Hermannsson, varaborgarfulltrúa, sem var í sjötta sæti.

Hjálmar: Ég vissi betur en reynsluboltarnir

„Ég er nýr í pólitík en mér var reyndar sagt af reynsluboltum að ég ætti engan séns en ég vissi betur,“ segir Hjálmar Sveinsson, útvarpsmaður, sem er þessa stundina í fjórða sæti í prófkjöri Samfylkingarinnar í Reykjavík.

Dagur: Geysilega sterkur hópur með breiða skírskotun

„Ég er mjög sáttur með niðurstöðuna en það er auðvitað ekki búið að telja allt þannig að innbyrðis röðun einstakra frambjóðenda getur breyst. Það er aftur á móti alveg ljóst að hópurinn er geysilega sterkur, með breiða skírskotun og kemur með mikilvæga reynslu víða úr samfélaginu inn í stjórmálin. Það er endurnýjun á ferðinni,“ segir Dagur B. Eggertsson, varaformaður Samfylkingarinnar og oddviti flokksins í Reykjavík, um nýjustu tölur í prófkjöri flokksins vegna kosningarnar í vor.

Dofri kominn upp yfir séra Bjarna

Dofri Hermannsson, varaborgarfulltrúi, færðist upp um eitt sæti þegar tölur í prófkjöri Samfylkingarinnar voru birtar nú rétt eftir klukkan sjö. Þegar fyrstu tölur voru lesnar klukkan sex var hann í sjötta sæti og séra Bjarni Karlsson í því fimmta. Röð efstu manna er að öðru leyti óbreytt.