Maður í gervi villisvíns skotinn til bana

Tveir grískir veiðimenn skutu þann þriðja til bana um helgina þar sem hann skreið um í skóglendi, sveipaður feldi sem hann notaði til að dulbúast sem villisvín og freista þess þannig að veiða eitt slíkt.

Bandarísk lögregla prófar höfuðmyndavélar

Lögregla í Kaliforníu hefur nú til reynslu nýja myndavélatækni sem ætlað er að vera til vitnis um allar aðgerðir hvers lögreglumanns.

Rannsaka akstur mannlauss bíls

Lögreglan á Selfossi grúskar nú í huldumannasögum og jafnvel draugasögum í von um að finna skýringu á því hvernig það mátti vera að bíl var ekið utan í annan bíl í Ölfusi í nótt, án þess að mannleg vera sæti þar undir stýri.

Bandaríkjamenn grafa sig út úr sköflunum

Íbúar austurstrandar Bandaríkjanna eru nú í óða önn að grafa sig út úr sköflum eftir mikið fannfergi og storm þar um helgina en jafnfallinn snjór náði allt að 60 sentimetrum og var til dæmis eitt met sett í þeim efnum í Maryland.

Tugir látnir í helkulda í Evrópu

Ískuldi og fannfergi í Evrópu urðu tugum að bana um helgina og samgöngur um alla álfuna eru gengnar úr skorðum.

Búðareigandi í Kaupmannahöfn stunginn í höfuðið

Búðareigandi á sextugsaldri í Kaupmannahöfn var stunginn í höfuðið í gærkvöldi þegar ránstilraun var gerð hjá honum. Tveir unglingspiltar komu inn í búðina og heimtuðu peninga með hníf á lofti.

Auschwitz-skiltið endurheimt

Hið heimsþekkta járnskilti Auschwitz-útrýmingarbúðanna, þar sem stendur Arbeit macht Frei, Vinnan gefur frelsi, hefur verið endurheimt en því var stolið í síðustu viku.

Þrír geimfarar halda til geimstöðvarinnar

Rússnesku Sojus-geimfari var skotið á loft frá Baikonur-geimstöðinni Kazakstan í nótt með þrjá geimfara innanborðs. Mennirnir eru frá Bandaríkjunum, Japan og Rússlandi og mun geimfarið koma að Alþjóðlegu geimstöðinni á Þorláksmessu.

Eurostar-lestin stopp vegna frosts

Allt að hundrað þúsund manns beggja vegna Ermarsunds sjá fram á að komast ekki á milli Bretlands og meginlandsins eftir að ljóst varð í gær að lestir Eurostar-fyrirtækisins munu ekki ganga um Ermarsundsgöngin í dag og ekki þangað til veður skánar í Evrópu en þar eru nú frosthörkur og fannfergi en hitamunur ofan- og neðanjarðar veldur rafmagnstruflunum í lestunum.

Einn ölvaður og annar velti stolnum bíl

Árekstur varð í Ármúla í Reykjavík í gærkvöldi þegar ölvaður ökumaður ók á öfugum vegarhelmingi á móti umferð. Ökumaður, sem á móti kom, sveigði yfir á öfugan vegarhelming til að forðast árekstur, en þá sveigði sá ölvaði yfir á réttan vegarhelming sín megin og skall þá á honum.

Íbúar í Garðabæ yfirbuguðu innbrotsþjóf

Íbúar í húsi við Strandveg í Garðabæ urðu í gærkvöldi varir við mannaferðir í íbúð sinni og þegar til kom reyndist þar vera innbrotsþjófur á ferð með skjávarpa í fórum sínum.

Tuttugu ár frá falli einræðis í Rúmeníu

Íbúar í Rúmeníu virðast flestir ætla að láta framhjá sér fara minningarathafnir um fall Nicolaes Ceausescu einræðisherra, sem steypt var af stóli fyrir tuttugu árum.

Amfetamín er enn framleitt hér á landi

Lögreglan hefur upplýsingar um að amfetamín sé framleitt hér á landi. Karl Steinar Valsson, yfirmaður fíkniefnadeildar lögreglunnar á höfuðborgarsvæðinu, staðfestir þetta.

Minnisblað Ingibjargar Sólrúnar

Fréttablaðið birtir hér Forsendur Brussel-viðmiða, minnisblað fyrrverandi utanríkisráðherra, Ingibjargar Sólrúnar Gísladóttur. Minnisblaðið fjallar um Icesave-deiluna og var ritað utanríkismálanefnd 18. desember 2009.

Ljósahaf vonar og samstöðu

Slys Kveikt var á friðarkertum á Kaplakrikavelli í Hafnarfirði í gærkvöldi til stuðnings Hrafnkatli Kristjánssyni, íþróttafréttamanni Sjónvarpsins og fyrrverandi leikmanns FH.

Blysför til friðar haldin á Laugaveginum

Íslenskir friðarsinnar efna til blysfarar niður Laugaveginn á Þorláksmessu eins og undanfarna þrjá áratugi.

Tólf fangar sendir heim

Tólf fangar voru fluttir frá Guantánamo-fangelsinu til síns heima um helgina. Sex karlmenn frá Jemen, fjórir Afganar og tveir Sómalar voru fluttir frá fangelsinu.

Aukning í öðru en svínakjöti

Sala á kindakjöti jókst um nítján prósent og sala á kjúklingum um fimmtán prósent í nóvember síðastliðnum saman­borið við sama mánuð í fyrra. Nautakjötssala jókst um rúmlega tólf prósent, en sala á svínakjöti dróst saman um átján prósent. Þetta kemur fram í samantekt Landsambands kúabænda.Framleiðsla á kindakjöti dróst á sama tíma saman um tólf prósent og framleiðsla svínakjöts um sautján prósent. Framleiðsla á kjúklingum jókst um 25 prósent, og framleiðsla á nautakjöti jókst um fjórtán prósent. - bj

Akranes stendur af sér hrunið

Fjárhagsáætlun Akranes­kaupstaðar fyrir næsta ár er jákvæð og var í vikunni samþykkt af bæjarstjórn. Áætlað eiginfjárhlutfall er 45 prósent. Ráðist verður í verklegar framkvæmdir fyrir 120 milljónir. Áætlaðar langtímaskuldir eru um 2,5 milljarðar króna, en áætlað eigið fé 4,2 milljarðar.

Fjöldi manns flýr heimili sín

Miklar öskusprengingar urðu á mánudaginn í eldfjallinu Mayon, sem er virkasta eldfjall Filippseyja. Öskusprengingunum fylgdu jarðskjálftar; á sunnudaginn mældust 453 skjálftar og í kjölfarið hækkuðu yfirvöld hættustigið upp í fjögur af fimm.

Nota blýlínu úr seinna stríðinu

Allt símsamband í Kjósarhreppi fer um gamlan blýstreng sem lagður var á stríðsárunum. Þetta kemur fram á heimasíðu hreppsins.

Skrifborð á nýjum stað fyrir áramót

„Við verðum næstu daga að flytja kassana og strax 28. desember verður fólk að koma sér fyrir,“ segir Kristín Hulda Sverrisdóttir, flutningastjóri hjá Háskólanum í Reykjavík.

Tryggingagjald látið kosta atvinnuleysið

Tryggingagjöld, sem eiga að skila ríkissjóði um sextíu milljörðum í tekjur á næsta ári, gefa af sér rúma fjörutíu milljarða í ríkissjóð á þessu ári.

Fimmtán létust úr kulda

Víða í Evrópu hefur hitastig fallið niður fyrir frostmark og í Póllandi létust fimmtán manns úr kulda um helgina. Mikil snjókoma hefur valdið töfum á flugi í París og Amsterdam og var flugvellinum í Manchester og Brussel lokað vegna veðurs. Að auki urðu miklar tafir á lestaferðum víða um Evrópu vegna ísingar á lestarteinum.

Rafknúin og græn framtíð á Vopnafirði

Fjárfestingar HB Granda hf. í uppsjávarvinnslu félagsins á Vopnafirði haf numið tæplega fjórum milljörðum króna frá þeim tíma sem liðinn er frá sameiningu fyrirtækisins við Tanga hf. fyrir fimm árum. Senn sér fyrir endann á uppbyggingunni. Á næsta ári verður lokið við byggingu nýrrar fiskmjölsverksmiðju auk þess sem ráðist verður í endurbætur á uppsjávarfrystihúsi.

Dauðarefsingum hefur fækkað vestra

Undanfarin ár hafa dómstólar í Bandaríkjunum dæmt æ færri fanga til dauða. Jafnframt hefur föngum á dauðadeildum bandarískra fangelsa fækkað.

Icesave mögulega úr nefnd í kvöld - breskir lögmenn skila áliti

Icesave frumvarp ríkisstjórnarinnar verður hugsanlega afgreitt út úr fjárlaganefnd á fundi hennar í kvöld. Málið hefur þegar verið afgreitt út úr efnahags- og viðskiptanefnd. Samkomulag er um að frumvarpið komti til þriðju umræðu á Alþingi á mánudag í næstu viku og þá fari fram atkvæðagreiðsla um málið.

Konan ófundin

Unga konan sem framdi vopnað rán í söluturni á Bústaðavegi í Reykjavík skömmu eftir hádegi í dag er ófundin. Konan gekk þar inn og hótaði afgreiðslustúlku um tvítugt með blóðugri sprautunál og krafðist þess að fá alla peninga í kassanum.

Leikkonan Brittany Murphy látin

Bandaríska leikkonan Brittany Murphy er látin. Fullyrt er á vefsíðunni TMZ að hún hafi fengið hjartaáfall. Brittany var 32 ára.

Leiðin sem níðingurinn ók

Fjölda mannslífa var stofnað í hættu þegar ökuníðingur á stolnum jeppa reyndi að stinga sex lögreglubíla af. Hann ók á ofsahraða á móti umferð á Reykjanesbraut í Garðabæ en eftirförin endaði með bílveltu í Kópavogi. Hægt er að sjá leiðina sem maðurinn ók í myndbandinu sem fylgir þessari frétt.

Steingrímur: Björgólfur Thor þótti fínn pappír

„Ég tel að verkefnið sé gott og það yrði synd ef það strandaði á þessum þætti en ég er samt ekki að gera lítið úr þeim hluta,“ segir Steingrímur J. Sigfússon, fjármálaráðherra, aðspurður um aðkomu félags í eigu Björgólfs Thors Björgólfssonar að uppbyggingu gagnavers á Suðurnesjum.

Óttast ekki atgervisflótta

Hætta er á að ungt fólk í lækna- og hjúkrunarnámi erlendis snúi síður heim að námi loknu vegna kreppunnar. Þetta segir Álfheiður Ingadóttir, heilbrigðisráðherra. Hún óttast þó ekki atgervisflótta.

Sýna Hrafnkatli stuðning

FH-ingar koma saman í Kaplakrika klukkan átta í kvöld til að sýna Hrafnkatli Kristjánssyni, íþróttafréttamanni á RÚV stuðning. Hann lenti í alvarlegu umferðarslysi á Hafnarfjarðarvegi á föstudag. Tveir létust í slysinu. Hrafnkatli er haldið sofandi í öndunarvél.

Samkomulag Íslands og ESB tryggir nauðsynlegan sveigjanleika

Samkomulag á milli Íslands og Evrópusambandsins mun tryggja nauðsynlegan sveigjanleika og traustar reglur fyrir atvinnulífið, að mati Svandísar Svavarsdóttur umhverfisráðherra.

Ökuníðingurinn ók á sex bíla

Maðurinn sem var handtekinn fyrr í dag eftir að lögregla veitti honum eftirför ók á fjórar bifreiðar áður en hann velti bifreiðinni sem hann ók. Maðurinn hefur ítrekað komið við sögu hjá lögreglu. Hann var í annarlegu ástandi. Tveir lögreglumenn leituðu til slysadeildar eftir eftirförina.

Flutningabíll ók allt að 100 niður

Allt að 100 létu lífið þegar ökumaður flutningabíls missti stjórn á bifreið sinni í Nígeríu í morgun. Fjölmargir slösuðust. Vegakerfinu í Nígeríu er haldið illa við og því eru umferðarslys afar tíð í landinu.

Margir vildu áritun Vigdísar

Röð myndaðist í Bókabúð Máls og menningar á Laugavegi þegar Vigdís Finnbogadóttir, fyrrverandi forseti, og Páll Valsson árituðu í dag ævisögu Vigdísar, Kona verður forseti, eftir þann síðarnefnda. Þau árituðu bókina í eina og hálfa klukkustund. Margir nýttu einnig tækifærið og spjölluðu við Vigdísi um það sem þeim lá á hjarta.

Chavez undirbýr herinn undir átök

Hugo Chavez, forseti Venesúela, hefur fyrirskipað að reist verði ný herstöð við landmæri Venesúela og Kólumbíu. Grunnt á því góða hefur verið á mill ríkjanna að undanförn og kólumbíski herinn í viðbragðsstöðu.

Rændi sjoppu með sprautunál

Rán var framið í söluturni við Bústaðaveg eftir hádegi í dag. Unga kona ógnaði starfsstúlku með sprautunál og komst undan með eitthvað að peningum, að sögn varðstjóra. Ekki er vitað hversu há upphæðin er. Að svo stöddu fengust ekki nánari upplýsingar um málið hjá lögreglu.

Mikil hætta stafaði af ökumanni á stolnum bíl

Ökumaður á stolnum bíl var handtekinn í grennd við verslunarmiðstöðuna Smáralind nú fyrir skömmu. Lögregla veitti manninum eftirför sem ók á móti umferð. Mikil hætta stafaði af manninum, að sögn lögreglu.

Víðtækustu skattabreytingar í 20 ár

Birgir Ármannsson, þingmaður Sjálfstæðisflokks, segir að trúlega hafi skattar á heimili og fyrirtæki aldrei verið hækkaðir jafn mikið í einni lotu líkt og kveðið er á um í skattafrumvörpum ríkisstjórnarinnar. Breytingarnar séu þær mestu í 20 ár.

Hannes kemur Ögmundi til varnar

Prófessor Hannes Hólmsteinn Gissurarson segir að Kastljóssmenn hafi sýnt ódrengskap þegar þeir skýrðu síðastliðið föstudagskvöld frá því af hverju Ögmundur Jónasson baðst undan viðtali daginn áður. Áður hafa Björn Bjarnason og Tryggvi Þór Herbertsson, flokksbræður Hannesar, tekið upp hanskann fyrir Ögmund og gagnrýnt fréttaflutning Kastljóss.

Bíll með hestakerru valt

Bíll með hestakerru valt á þjóðveginum milli Bláfjallaafleggjara og Litlu kaffistofunnar skömmu fyrir klukkan tólf í dag. Að sögn vaktstjóra hjá Slökkviliði höfuðborgarsvæðisins virðist slysið ekki hafa verið alvarlegt. Einn var fluttur á slysadeild til skoðunar.

Vara við frekari hækkunum á áfengi og tóbak

Meirihluti efnahags- og skattanefndar Alþingis varar við frekari gjaldhækkunum á áfengi og tóbaki. Gjöldin eiga að hækka um 10% um næstu áramót.

Ekki mikið tjón í Eyjum

Stormur er nú á Austfjörðum og við suðausturströndina og hafa bæði Veðurstofan og Vegagerðin sent út viðvörun. Þök hafa fokið af húsum, bæði á Seyðisfirði og Fáskrúðsfirði. Þá hefur verð bálhvasst í Vestmannaeyjum í morgun, skip losnað frá bryggju, og hraðbátur, fiskikör og annað fokið.