Fimm létust í óveðri í Bandaríkjunum

Að minnsta kosti fimm létust í óveðri í Bandaríkjunum í gær. Ófært er á stóru svæði í norðausturhluta landsins og þúsundir heimila eru án rafmagns. Stormurinn náði frá Karólínufylki til New England og lét einni finna fyrir sér í Miðríkjunum. Mikið hefur snjóað en víða mælist 60 sentimetra þykkt snjólag.

Yfirvofandi hryðjuverkaárás

Hryðjuverkaárás, lík þeirri sem gerð var í Mumbai fyrir skömmu, vofir yfir London. Þetta er mat Scotland Yard lögreglunnar sem hefur beðið verslunareigendur í borginni að búast við hinu versta.

Þök hafa fokið af húsum á Austfjörðum

Stormur er nú á Austfjörðum og við suðausturströndina og hafa bæði Veðurstofan og Vegagerðin sent út viðvörun. Þök hafa fokið af húsum, bæði á Seyðisfirði og Fáskrúðsfirði.

Sex stútar teknir í borginni

Sex voru teknir fyrir ölvunarakstur á höfuðborgarsvæðinu í nótt. Töluverður fjöldi fólks var í miðbæ Reykjavíkur yfir nóttina og var lögreglan kölluð til vegna minniháttar pústra og hávaða í heimahúsum. Ekkert alvarlegt tilvik kom þó inn á borð lögreglu.

Þrír fluttir á sjúkrahús eftir árekstur

Þrír voru fluttir á sjúkrahús eftir árekstur skammt frá Akureyri á áttunda tímanum í gærkvöldi. Lögregla segir að betur hafi farið en á horfðist og reyndist fólkið ekki alvarlega slasað.

Fjarðarheiði ófær

Víða um suðaustur- og austurströndina er ekkert ferðaveður og eru vegfarendur beðnir um að leita sér upplýsingar um færð og veður áður en lagt er á stað. Sérstaklega er varað við óveðri á Fjarðarheiði sem er ófær, að fram kemur í tilkynningu frá Vegagerðinni.

Nýtur stuðnings 60 þingmanna

Demókratar í öldungadeild Bandaríkjaþings fullyrða að þeir hafi tryggt stuðnings 60 þingmanna af 100 við frumvarp Barack Obama, forseta Bandaríkjanna, um nýja heilbrigðislöggjöf. Repúblikanar segja breytinguna of dýra og eru staðráðnir í að koma í veg fyrir að frumvarpið verði að lögum. Atkvæði verða greidd um málið eftir helgi.

Einn með allar réttar

Einn var með allar tölurnar réttar í Lottóinu í kvöld og fær rúmlega fimm milljónir í vinning. Tveir skiptu bónusvinningnum á mili sín og fær hvor rúmar 105 þúsund krónur í sinn hlut.

Þjónusta dregst saman í sveitunum með fólksfækkun

Fólksfækkun í dreifbýlinu stuðlar að samdrætti í verslun og þjónustu, sem svo aftur gerir þeim sem eftir sitja enn erfiðara að búa áfram. Þetta segja ung hjón sem létu drauminn rætast um að gerast bændur.

Tilfærslan kemur niður á þjónustunni

Guðlaugur Þór Þórðarson, fyrrverandi heilbrigðisráðherra, segir rangfærslur í yfirlýsingu félags- og tryggingamálaráðuneytisins sem sendi í dag. Hann segir engan vafa um að áform stjórnvalda um að flytja þjónustu á hjúkrunarheimilum frá heilbrigðisráðuneyti til félags- og tryggingamálaráðuneytis til komi niður á heilbrigðisþjónustu.

Nokkur hundruð á Austurvelli

Nokkur hundruð manns komu saman til kröfufundar á Austurvelli í dag. Það voru Hagsmunasamtök heimilanna og samtökin Nýtt Ísland sem blésu til fundarins.

Ekkert bitastætt

Björn Zoëga, forstjóri Landspítalans, segir að annarri umræðu fjárlaga á Alþingi hafi ekki verið neitt bitastætt fyrir spítalann. Þrátt fyrir það bindi hann enn vonir við að tekið verði tillit til þess mikla gengiskostnaðar sem spítalinn hafi orðið fyrir umfram forsendur fjárlaga þannig að hann verði ekki látinn bera allan þann halla á þessu ári.

Pilturinn fundinn

Pilturinn sem lögreglan á höfuðborgarsvæðinu lýsti eftir í gær er fundinn. Hannfór að heiman síðastliðinn mánudag og hafði ekki sést til hans síðan þá.

Nóg að gera í verslunum

Nú þegar fimm dagar eru til jóla er mikið að gera hjá verslunarfólki. Fjöldi fólks er á ferð í kuldanum um Laugaveginn og líkt og í fyrra eru útlendingar áberandi. Þá eru margir sem kjósa að versla jólagjafirnar í verslunarmiðstöðunum Smáralind og Kringlunni.

Framkvæmdastjóri Framsóknarflokksins hættir

Sigfús Ingi Sigfússon, sem gegnt hefur starfi framkvæmdastjóra Framsóknarflokksins undanfarin þrjú ár, hefur sagt starfi sínu lausu. Sigfús, sem er borinn og barnfæddur Skagfirðingur, mun í upphafi næsta árs halda á heimaslóðir og taka við starfi verkefnastjóra í atvinnumálum hjá Sveitarfélaginu Skagafirði, að fram kemur á vef flokksins.

Valdþreyttur Sjálfstæðisflokkur

Bjarni Benediktsson, formaður Sjálfstæðisflokksins, segir að valdþreytu hafi verið farið að gæta í flokknum fyrir bankahrunið. „Mér fannst vera komin viss valdaþreyta í Sjálfstæðisflokkinn. Það er tilfinning sem var farin að grafa um sig þó nokkuð löngu fyrir hrun,“ segir Bjarni í viðtali í Sunnudagsblaði Morgunblaðsins.

Egill Helgason mæti á fund allsherjarnefndar

Þingflokkur Hreyfingarinnar vilja að ákveðnir einstaklingar verði kallaðir á fund allsherjarnefndar til að ræða frumvarp um þingmannanefnd sem ætlað er að fjalla skýrslu rannsóknarnefndar Alþingis um bankahrunið. Í þeim hópi eru meðal annars sjónvarpsmaðurinn Egill Helgason, Þorvaldur Gylfason prófessor í hagfræði og Róbert Spanó settur umboðsmaður Alþingis.

Ný ríkisstjórn kynnt í Afganistan

Afgönskum þingmönnum var í dag kynntur ráðherralisti Hamid Karzai, forseta Afganistan, yfir nýja ríkisstjórn. Forsetinn var ekki viðstaddur þegar þingmenn fengu listann í sínar hendur.

Marta stefnir á 3. sætið

Marta Guðjónsdóttir, formaður Varðar fulltrúaráðs sjálfstæðisfélaganna í Reykjavík og varaborgarfulltrúi, hefur ákveðið að gefa kost á sér í þriðja sætið í prófkjöri Sjálfstæðisflokksins í Reykjavík fyrir komandi borgarstjórnarkosningar. Marta vill bregðast við vaxandi atvinnuleysi með því að Reykjavíkurborg skapi góð skilyrði fyrir aukinni atvinnuuppbyggingu í borginni, að fram kemur í tilkynningu.

„Það hefur greinilega verið hlustað á okkur"

Samtök ferðaþjónustunnar fagna því að horfið verði frá því að setja 14% virðisaukaskatt á mat seldan á veitingahúsum og sykraðar vörur.

Lagt til að 15 fái ríkisborgararétt

Allsherjarnefnd Alþingis hefur lagt til að 15 einstaklingar frá 13 löndum verði veittur íslenskur ríkisborgararéttur á yfirstandi þingi. Elsti einstaklingurinn er fæddur 1951 og sá yngsti 1993.

Of miklar væntingar gerðar til ráðstefnunnar

Svandís Svavarsdóttir, umhverfisráðherra, segir að of miklar væntingar hafi verið gerðar í aðdraganda loftslagsráðstefnunnar Kaupmannahöfn. Hún segir niðurstöðuna vonbrigði en um leið ákveðið leiðarljós.

Ekkert barn yngra en 6 ára í Öræfum

Það er ákveðin viðvörunarmerki fyrir Öræfasveit að þar skuli ekki vera neitt barn yngra en sex ára, segir skólastjóri grunnskóla sveitarinnar.

Hælisleitandi fékk hlýjar móttökur

Nour Al Azzawi, 19 ára íraski hælisleitandinn sem sendur var til Grikklands í haust kom til landsins í gærkvöld. Hann fékk hlýjar móttökur frá vinum sínum á Leifsstöð og var feginn að vera kominn til Íslands.

Tvö þúsund manns festust í Ermasundsgöngunum

Meira en 2000 manns þurftu að dúsa í Ermasundsgöngunum í allt að 15 klukkustundir í nótt vegna bilunar í fimm lestum sem rakin er til veðurs.

Mikil vonbrigði

Ban Ki-moon, framkvæmdastjóri Sameinuðu þjóðanna, segir niðurstöðu loftslagsráðstefnunnar í Kaupmannahöfn mikil vonbrigði. Hann væntir þess að hægt verði að ná bindandi samkomulagi á næsta ári.

Veðurstofan varar sjómenn við hafís

Veðurstofan varar skipstjórnarmenn við hafís út af Vestfjörðum en í tilkynningu hennar kemur fram að þykk ísspöng sé nú um 50 sjómílur norðvestur af Barða og reki hana í suðurátt.

Birkir Jón: Óboðleg vinnubrögð

Frumvarp ríkisstjórnarinnar um umhverfis- og auðlindaskatt var afgreitt sem lög frá Alþingi í dag. Varaformaður Framsóknarflokksins sagði vinnubrögð ríkisstjórnarinnar óboðleg. Aftur á móti sagði formaður efnahags- og skattanefndar að um mikilvægt framfaramál væri að ræða.

Hrósaði ríkisstjórninni

„Frú forseti. Ég vil bara hrósa hæstvirtri ríkisstjórn fyrir að reisa álver," sagði Pétur Blöndal, þingmaður Sjálfstæðisflokks, þegar hann gerði grein fyrir atkvæði sínu þegar atkvæðagreiðsla fór fram á Alþingi í dag um heimild til samninga um álver í Helguvík. Frumvarpið var samþykkt sem lög með 39 atkvæðum gegn einu. Sjö þingmenn greiddu ekki atkvæði.

Kröfufundur á Austuvelli

Hagsmunasamtök heimilanna og Nýja Ísland blása til kröfufundar á Austurvelli í dag. Þar verður tregðu stjórnvalda og aðgerðarleysi varðandi lánakjör heimilanna mótmælt.

Fíladelfía safnaði sex milljónum fyrir Samhjálp

Sex milljónir króna söfnuðust á árlegum jólatónleikum Fíladelfíu „Fyrir þá sem minna mega sín,” sem voru haldnir dagana 7., 8. og 9. desember.

Ráðuneyti undrast fréttaflutning

Félags- og tryggingamálaráðuneytið lýsir undrun á fjölmiðlaumfjöllun um andstöðu við áform stjórnvalda um að flytja þjónustu á hjúkrunarheimilum frá heilbrigðisráðuneyti til félags- og tryggingamálaráðuneytis. Umrædd breyting hafi átt sér stað fyrir tveimur árum með lagabreytingu sem gerð hafi verið eftir víðtækt samráð við hagsmunaaðila.

Hætta að birta auglýsingar með Tiger Woods

Forsvarsmenn svissneska úraframleiðandans Tag Heuer hafa tilkynnt að þeir muni hætta birtingu auglýsinga sem notast við ímynd golfarans Tiger Woods.

Skjálftar suðvestur af Reykjanesi

Jarðskjálftahrina hófst við Geirfugladrang suðvestur af Reykjanesi um áttaleytið í morgun. Sex skjálftar yfir tvö stig mældust þar á níunda tímanum í morgun, þar af þrír skjálftar yfir þrjú stig, sá öflugasti 3,2 stig. Veðurstofan segir ekki ástæðu til að kippa sér upp við þetta.

Þingfundur í dag

Frumvarp ríkisstjórnarinnar um umhverfis- og auðlindaskatt verður væntanlega afgreitt sem lög frá Alþingi í dag. Frumvarpið gerir meðal annars ráð fyrir því að sérstakt kolefnisgjald verði lagt á bensín og olíu og skattur lagður á sölu á rafmagni og heitu vatni. Skatturinn á að skila ríkissjóði um 5 milljörðum á ári. Alls eru átta önnur mál á dagskrá Alþingis í dag en þingfundi lauk klukkan rúmlega níu í gærkvöldi.

Teflt í Ráðhúsinu

Ríflega 320 skákmenn eru skráðir til leiks á Jólapakkamóti Hellis sem fram fer í Ráðhúsi Reykjavíkur í dag. Mótið hefst klukkan eitt og er aðgangur ókeypis.

Ekki bindandi samkomulag

Barack Obama, Bandaríkjaforseti, náði í gærkvöldi samningi við leiðtoga Kína, Indlands, Brasilíu og Suður-Afríku um tillögur og áherslur í loftslagsmálum. Samkvæmt því er stefnt að því að hitahækkun verði að jafnaði innan við 2 stig.

Haldið sofandi

Manninum sem lenti í umferðarslysi á Hafnarfjarðarvegi í gær er enn haldið sofandi á gjörgæsludeild Landspítalans í Fossvogi. Hann er með alvarlega höfuðáverka. Tveir létust þegar bílar skullu saman í slysinu.

Hálka og éljagangur

Vetrarfæri er nú á þjóðvegum norðaustanlands og á Austurlandi og hálka og éljagangur á flestum leiðum, samkvæmt upplýsingum Vegagerðarinnar. Þá er auk þess snjókoma á Öxnadalsheiði og skafrenningur í Ljósavatnsskarði, og á Mývatns- og Möðrudalsöræfum.

Ók á ljósastaur og skildi bílinn eftir

Nóttin virðist víðast hvar hafa verið róleg hjá lögreglumönnum. Lögregla þurfti að hafa lítil afskipti af fólki í miðbæ Reykjavíkur en sinnti nokkrum hávaðaútköllum víðsvegar um borgina.

Fyrri rannsókn FME bundin við haustið

Rannsókn Fjármálaeftirlitsins (FME) á meintum innherjasvikum Baldurs Guðlaugssonar, fyrrverandi ráðuneytisstjóra í fjármálaráðuneytinu, einskorðaðist í upphafi við atburði í september í fyrra. Við endurupptöku málsins síðasta sumar, í kjölfar ábendinga, beindist rannsóknin að atburðum sem gerst höfðu fyrir september.

Ekkert verið talað við okkur

„Ég sem kennari vil koma því skýrt á framfæri að forysta Kennarasambandsins hefur ekkert rætt það við hinn almenna félagsmann hvernig hann vill bregðast við fjárhagsstöðu sveitarfélaga. Afstaða forystunnar er alfarið á hennar ábyrgð og ég veit ekki til að hún sé bökkuð upp af félagsmönnum,“ segir Sigtryggur Arason, kennari á Akranesi.

Von lifir í vonbrigðunum

„Hlýnun loftslags af mannavöldum er staðreynd, engin bábilja.“ Þessi yfirlýsing sýnir öðrum fremur hve langt loftlagsmál hafa færst á undanförnum árum. Það að forseti Bandaríkjanna, Barack Obama, fullyrði á þennan veg og aðrir þjóðarleiðtogar taki í sama streng, sýnir okkur að búið er að viðurkenna vandamálið. Og það er alltaf fyrsta skrefið í átt að lausn. Sú lausn fæddist ekki hér í Kaupmannahöfn, þrátt fyrir að bjartsýnustu menn hefðu vonast eftir því. Kannski var það of mikil bjartsýni, margir tala þannig nú.

Meintur ritstuldur á Bifröst í rannsókn

Yfirstjórn Háskólans á Bifröst rannsakar nú meintan ritstuld lögfræðings sem útskrifaðist frá skólanum árið 2008. Maðurinn er grunaður um að hafa stolið lokaritgerð í lögfræði við háskólann.

Talin tilraun til manndráps

Gæsluvarðhald var í gær framlengt til 15. janúar í Héraðsdómi Reykjavíkur yfir manninum sem skaut með haglabyssu á útidyrahurð íbúðarhúss í Seljahverfi. Krafa lögreglustjórans á höfuðborgarsvæðinu um framlengingu byggir á almannahagsmunum. Samkvæmt upplýsingum Fréttablaðsins er litið á atvikið sem tilraun til manndráps.