Einn gistir fangageymslur á Sauðárkróki

Einn gistir fangageymslur á Sauðárkróki eftir að hafa verið fjarlægður af heimili sínu vegna ölvunar og óspekta.

Lögreglan lýsir eftir 14 ára gamalli stúlku

Lögreglan á höfuðborgarsvæðinu, að beiðni barnaverndarnefndar Kópavogs, lýsir eftir Karen Lind Sigurpálsdóttur, fædd árið 1995. Karen Lind var vistuð norður í landi en mun hafa strokið þaðan í gær. Ekkert er vitað hvar hún er niðurkomin. Hún er meðalhá, með ljóst sítt hár. Ef einhver getur veitt upplýsingar um ferðir Karenar, eða hvar hana er að finna, vinsamlegast hafið samband í síma 444 1000.

Eftirlitsmenn SÞ mega skoða auðgunarstöð á Úrani

Eftirlitsmönnum Sameinuðu þjóðanna er velkomið að skoða nýja auðgunarstöð á úrani sem Íranar hafa komið sér upp. Þetta segir Mahmoud Ahmadinejad forseti landsins. Íranar voru harðlega gagnrýndir í gær af leiðtogum Bandaríkjanna, Bretlands og Frakklands eftir að upplýst var að þeir hefðu leynilega komið sér upp nýrri auðgunarstöð á úrani.

Um 100 manns stóðu vaktina vegna brunans í Höfða

Um 100 manna lið á vegum Slökkviliðs Reykjavíkur stóð vaktina í gær þegar eldur kviknaði í Höfða við Borgartún.

Fundaði með utanríkisráðherrum Breta og Hollendinga

Össur Skarphéðinsson utanríkisráðherra, David Miliband, utanríkisráðherra Bretlands, og Maxime Verhagen, utanríkisráðherra Hollands, áttu í gær formlegan fund í höfuðstöðvum Sameinuðu þjóðanna í New York.

Var eitt sinn híbýli róna

„Þetta er nú sennilega það hús í Reykjavík sem er frægast allra húsa,“ segir Guðjón Friðriksson sagnfræðingur sem fylgdist með slökkvistarfinu.

Yfirgáfu bílinn eftir að hann festist

Tveir menn sem leitað var að við Hvalfell inni af Botnsdal í Hvalfirði í fyrrinótt fundust heilir á húfi eftir nokkurra klukkustunda leit áttíu björgunarsveitarmanna í slagviðri í fyrrinótt.

Ég myrti móður mína hlaut Gyllta lundann á RIFF: Djúpt samband mæðgina

menning Kanadíska kvikmyndin Ég myrti móður mína (J"ai Tué Ma Mère), frumraun leikstjórans Xaviers Dolan, hlaut Gyllta lundann á Alþjóðlegu kvikmyndahátíðinni í Reykjavík (RIFF) sem lauk í gær.

Sala lambakjöts dregst saman

Sala lambakjöts hefur dregist mikið saman á síðastliðnu ári og er efnahagsástandinu kennt um. Salan er þúsund tonnum minni en á sama tíma í fyrra. Á fyrstu átta mánuðum ársins seldust 3.155 tonn en sömu mánuði í fyrra seldust 4.164 tonn.

Ráðið aftur ef verkefnum fjölgar

vinnumarkaður Þrjátíu starfsmönnum Jarðborana hf. var sagt upp störfum í gær. Uppsagnirnar eru sagðar liður í nauðsynlegum samdráttaraðgerðum. Verkefnum Jarðborana hf. hafi fækkað verulega og tafir á boðuðum stórframkvæmdum hafi neikvæð áhrif á stöðu fyrirtækisins.

Ráðherra hvatti til brota á samkeppnislögum

„Ég gat ekki betur heyrt en Jón Bjarnason væri að hvetja til brota á samkeppnis­lögum,“ segir Jóhannes Gunnarsson, formaður Neytendasamtakanna.

Óstöðugleiki Akkilesarhællinn

Efnahagsmál Ísland dettur niður um sex sæti í árlegri könnun Alþjóðaefnahagsráðsins, World Economic Forum (WEF), á samkeppnishæfni landa. Ísland er í 26. sæti af 133 ríkjum, en var í 20. sæti á síðasta ári. Óstöðugleiki í efnahagslífinu er helsti veikleiki Íslands.

Ný Seðlabankalög ef vextirnir lækka ekki

efnahagsmál Stjórnvöld verða að taka ráðin af Seðlabankanum og setja ný lög um bankann ef stýrivextir verða ekki lækkaðir verulega á næstu vikum. Þessa skoðun setti Vilhjálmur Egilsson, framkvæmdastjóri Samtaka atvinnulífsins, fram á aðalfundi Samtaka fiskvinnslustöðva. Ögmundur Jónas­son heilbrigðisráðherra setti fram sömu skoðun í júní.

Herjólfur heim eftir slippinn

samgöngur Vestmannaeyjaferjan Herjólfur er á heimleið eftir slipptöku á Akureyri. Hún fer fyrstu ferð sína á milli lands og Eyja nú í morgunsárið. Ferjan Baldur, sem leysti Herjólf af, snýr til baka og hefur á ný siglingar yfir Breiðafjörð.

Áfram þokast í viðræðum um Icesave

efnahagsmál Vonir stóðu til að hægt yrði að ljúka Icesave-málinu í þessari viku, en þær vonir eru nú brostnar. Viðræður hafa staðið yfir milli fulltrúa ríkjanna þriggja og hefur málið þokast áfram.

Enn rætt við kröfuhafana

viðskipti Magnús Jónsson, forstjóri Atorku Group, lét af störfum í gær í tengslum við fjárhagslega endur­skipulagningu félagsins. Atorka fékk greiðslustöðvun til þriggja mánaða í júní og sótti í gær eftir framlengingu til októberloka.

Stóra samsteypan gæti lifað

Angela Merkel Þýskalandskanslari á sér þá ósk heitasta að losna úr stjórnarsamstarfi við Sósíaldemókrata og mynda samsteypustjórn með Frjálsum demókrötum. Hvort henni verður að ósk sinni ræðst á morgun, þegar Þjóðverjar kjósa sér nýtt þing.

Allir fái að fjárfesta í orkunni

stjórnmál Skúli Helgason, formaður iðnaðarnefndar Alþingis, vill breyta lögum um fjárfestingu útlendinga í orkugeiranum en samkvæmt þeim mega aðeins aðilar innan EES eiga í íslenskum orkufyrirtækjum.

Boða nýtt regluverk

„Hið gamla kerfi alþjóðlegrar efnahagssamvinnu heyrir sögunni til. Nýja kerfið, frá og með deginum í dag, er komið af stað,“ sagði Gordon Brown, forsætisráðherra Bretlands, á leiðtogafundi tuttugu mestu iðnríkja heims í Pittsburgh í Bandaríkjunum.

Barnaníðinga verður að gelda

Neðri deild pólska þingsins samþykkti í gær frumvarp sem gerir yfirvöldum skylt að gelda barnaníðinga með lyfjagjöf. Frumvarpið fer nú til efri deildar þingsins, en þarf einnig samþykki forsetans. Talið er víst að það verði að lögum.

Frjálslyndir ekki af baki dottnir

Frjálslyndi flokkurinn ætlar að bjóða fram í næstu sveitastjórnarkosningum samkvæmt tilkynningu á heimasíðu þeirra. Þar kemur fram að flokkurinn hyggst bjóða sig fram í Grindavík, Kópavogi, Ísafirði, Skagafirði og Reykjavík.

Rafmagnslaust í Breiðholti

Fyrir stundu varð háspennubilun í Breiðholti sem olli því að rafmagnslaust er í Hóla- og Fellahverfi. Rafmagnið fór af upp úr klukkan átta í kvöld.

Mun ekki brjóta trúnað og birta í Morgunblaðinu

Davíð Oddsson, nýr ritstjóri Morgunblaðsins, sagði í viðtali við Sölva Tryggvason á Skjá Einum nú í kvöld að hann myndi ekki rjúfa trúnað við rannsóknarnefnd Alþingis vegna bankahrunsins.

Bíóferðir kostuðu rúma milljón

Ferð Katrínar Jakobsdóttur menntamálaráðherra og aðstoðarmanns hennar, á kvikmyndahátið í Kanada nú í september, kostaði ríkið eina komma tvær milljónir króna. Tæp hálf milljón fór í að greiða tvemenningunum dagpeninga.

Borgarstjórn ber út menningaverðmæti

Hanna Birna Kristjánsdóttir, borgarstjóri og Óskar Bergsson, borgarfulltrúi Framsóknarflokksins, bera út málverk og sófasett úr Höfða.

Búið að ráða niðurlögum eldsins - myndir

Búið er að ná tökum á eldinum í Höfða. Mikill eldur blossaði upp í þessu sögufræga húsi rétt fyrir sex í kvöld.

Slökkviliðsmenn rífa þakið af Höfða

Slökkviliðsmenn reyna í þessum töluðu orðum að slökkva eldinn bæði inn í Höfða og úti samkvæmt fréttaritara. Þá er verið að rífa hluta af þakinu af til þess að komast að eldinu svo það sé auðveldara að slökkva hann.

Eldur í Höfða

Eldur kviknaði í Höfða fyrir stundu. Nokkrir slökkviliðsbílar eru mættir á vettvang ásamt lögreglu og sjúkrabílum. Ekki er vitað hversu mikill eldur er í húsinu en slökkvistarf er hafið.

Sendiráð Íslands í Washington flytur í nýtt húsnæði

Sendiráð Íslands í Washington flytur um mánaðarmótin í nýtt húsnæði. Fjárlög gera ráð yfir 100 milljón krónum í kostnaði vegna starfsemi sendiráðsins í ár.

Banaslys í Jökulsárhlíð

Banaslys varð um klukkan ellefu í morgun á Hlíðarvegi í Jökulsárhlíð skammt norðan við bæinn Sleðbrjót á Austurlandi. Í tilkynningu frá lögreglu varð slysið með þeim hætti að jeppabifreið á norðurleið valt á veginum.

Borgarfulltrúar vilja flestir sitja áfram

Meirihluti borgarfulltrúa ætlar að sækjast eftir endurkjöri í borgarstjórnarkosningunum næsta vor en Vilhjálmur Þ. Vilhjálmsson gefur ekkert upp um framtíðaráform sín. Dagur B. Eggertsson og Gísli Marteinn Baldursson svöruðu ekki ítrekuðum tölvupóstum né símtölum fréttastofu.

Skarst á puttum og fékk skaðabætur

Konu sem starfaði sem sendill hjá fyrirtækinu Íshlutum voru í dag dæmdar skaðabætur vegna vinnslyss sem hún lenti í árið 2007. Bæturnar eru upp á rúmar 1.100.000 krónur en hún fær einnig 4,5% ársvexti frá slysinu sem varð í október árið 2007. Konan hefur leitað til bæði bæklunarlæknis og tauglæknis en er enn með einkenni.

Íranir undir miklum þrýstingi á G20 fundinum

Íranir hafa komið sér upp aðstöðu til auðgunar úrans í leynilegri tilraunastöð. Barack Obama sagði í ræðu sinni á G20 fundinum sem hófst í Pittsburgh í Bandaríkunum í dag að skýlaus krafa væri uppi um að eftirlitsmenn á vegum Sameinuðu þjóðanna fái að rannsaka stöðina.

Bíður með málsókn gegn Rúv og Daily Mail

Ólafur F. Magnússon, borgarfulltrúi, er ekki búinn að höfða mál gegn Ríkisútvarpinu líkt og hann lýsti yfir fyrir tæpum mánuði. Það muni hann gera um leið og tími gefst til. Hann segir fréttastofu RÚV vera með öllu óþarfa.

Segist víst hafa verið áskrifandi Morgunblaðsins

„Ef þetta er blaðamennskan sem á nú að fara að stunda á Morgunblaðinu þá hef ég nokkar áhyggjur," segir Sveinn Andri Sveinsson stjörnulögfræðingur um þær fullyrðingar Óskars Magnússonar útgefanda Morgunblaðsins í Kastljósi í gærkvöldi. Þar hélt Óskar því fram að Sveinn Andri væri ekki áskrifandi að blaðinu en Sveinn Andri sagði mogganum upp þegar Davíð Oddsson var ráðinn ritstjóri.

Fimmti maðurinn í varðhald vegna amfetamínssmygls

Fjórir karlmenn hafa að kröfu lögreglunnar á höfuðborgarsvæðinu verið úrskurðaðir í áframhaldandi gæsluvarðhald grunaðir um innflutning á rúmlega fjórum kílóum af amfetamíni. Fimmti maðurinn var úrskurðaður í gæsluvarðhald vegna málsins í gær.

Sjóræningjar láta enn til skarar skríða

Sómalskir sjóræningjar ruddustu um borð í skip sem var á leið til höfuðborgarinnar Mogadishu og skutu skipstjórann til bana. Skipstjórinn, sem var frá Alsír hafði neitað að verða við skipunum ræningjanna um að breyta um stefnu á skipinu að sögn sómalskra yfirvalda.

Enginn handtekinn í tengslum við brunann í Laugarásvideo

Lögreglan á höfuðborgarsvæðinu rannsakar enn þegar kveikt var í Laugarásvideo í lok ágúst, að sögn Friðriks Smára Björgvinssonar yfirlögregluþjóns. Enginn hefur verið handtekinn vegna málsins en karlmaður var yfirheyrður í byrjun mánaðarins. Hann hafði réttarstöðu grunaðs manns en var að lokum sleppt.

Mjaðmaaðgerðir kostnaðarsamar fyrir breska skattgreiðendur

Einn af hverjum fimm Bretum, sem gengst undir mjaðmaaðgerð á breskum einkasjúkrahúsum og stofum, þarf á nýrri aðgerð eða viðgerð að halda, innan við þremur árum eftir aðgerð. Margar hinna síðari aðgerða eru framkvæmdar á opinberum sjúkrahúsum með miklum kostnaði fyrir breska skattgreiðendur.

Bundið slitlag komið á milli Ísafjarðar og Reykjavíkur

Bundið slitlag er nú komið á leiðina milli Ísafjarðar og Reykjavíkur en í gær var lokið við að klæða síðasta kaflann á veginum um Arnkötludal. Þótt ekki sé enn búið að opna veginn formlega eru ökumenn þegar byrjaðir að aka þar um.

Gott að gagnrýnisraddir séu til staðar

Davíð Oddsson og Haraldur Johannessen nýir ritstjórar Morgunblaðsins mættu til starfa í morgun og heilsuðu upp á starfsfólk blaðsins. Davíð sagði gott að gagnrýnisraddir vegna ráðningar hans sem ritstjóra væru til.

Alþingi segir upp Morgunblaðinu

Forsætisnefnd Alþingis ákvað á fundi sínum í fyrradag að hætta að greiða fyrir áskrift að Morgunblaðinu fyrir þingmenn. Ásta Ragnheiður Jóhannesdóttir formaður nefndarinnar segir að þetta sé liður í hagræðingaraðgerðum þingsins og hafi ekkert með ráðningu Davíðs Oddssonar sem ritstjóra blaðsins að ræða. Áfram verður þó hægt að glugga í Moggann sem liggur niður í þingi.

Ekki búið að ákveða laun stjórnarmanna Bankasýslunnar

Ekki er búið að ákveða hver laun stjórnarmanna Bankasýslu ríkisins verða. Elías Jón Guðjónsson, upplýsingafulltrúi fjármálaráðuneytisins, segir að laun stjórnamanna komi ekki til með að bætast við útgjöld ríkisins vegna stofnunarinnar sem áætlanir geri ráð fyrir að verði 70-80 milljónir króna á ári.

Þingmaður hættir á Moggablogginu út af Davíð

„Blað sem eitt sinn hafði smá trúverðugleika hefur glatað þeim trúverðugleika með þessari ráðningu og uppsögnum sem fylgdu í kjölfarið,“ segir Birgitta Jónsdóttir, þingmaður Hreyfingarinnar, sem er hætt að blogga hjá Morgunblaðinu vegna ráðningar Davíðs Oddssonar í stöðu ritstjóra. Hún þiggur ekki boð Eyjunnar um að færa sig þangað.

Tæplega 2000 manns létust árið 2008

1.987 einstaklingar, 1.005 konur og 982 karlar, létust á árinu 2008. Þetta kemur fram í tölum Hagstofunnar yfir dánarmein. Gögnin byggja á dánarvottorðum allra þeirra sem létust árið 2008 og áttu lögheimili hér á landi.