Árni M: Ég hafði enga hugmynd

„Ég hafði enga hugmynd. Ég heyrði þetta bara fyrst í fréttunum áðan," sagði fyrrum fjármálaráðherra Sjálfstæðisflokksins, Árni M. Mathíesen, spurður hvort hann hefði heyrt af risaháum styrk FL Group til Sjálfstæðisflokksins í lok desember árið 2006, aðeins þremur dögum áður en lögin tóku gildi um hámarksstyrk fyrirtækja til stjórnmálaflokka.

Sigurður Líndal: Siðferðislega ámælisvert að hagnýta sér lög

„Það er siðferðislega ámælisvert að hagnýta sér lög sem maður sjálfur átti þátt í að samþykkja, þó þau hafi ekki formlega tekið gildi," segir Sigurður Líndal, lagaprófessor við frétt Stöðvar 2 þar sem sagt var frá því að FL Group styrkti Sjálfstæðisflokkinn um 30 milljónir þann 29. desember 2006, aðeins þremur dögum áður en lög um hámarksstyrki til stjórnmálaflokka tóku gildi.

Strætó klessti á almannatengil - Myndir

„Hann keyrði eins og brjálæðingur alla leið frá Lækjargötu,“ sagði farþegi í leið númer 3 sem keyrði aftaná bíl almannatengilsins Ómars R. Valdimarssonar á áttunda tímanum í kvöld. Strætóbílsstjórinn brást hinn versti við vitnisburði stúlknanna og reyndi að reka þær út úr bílnum áður en lögreglan kom á svæðið.

FL Group styrkti Sjálfstæðisflokk um þrjátíu milljónir

FL Group styrkti Sjálfstæðisflokkinn um þrjátíu milljónir króna aðeins nokkrum dögum áður en lögum var breytt um hámarksframlög til stjórnmálaflokka. Skattrannsóknarstjóri hefur reikning um þennan styrk meðal annars til rannsóknar.

Stoðir: Upplýsingar ekki frá okkur komnar

„Þessar upplýsingar eru ekki frá okkur komnar. Ég hef enga vitneskju um þetta mál og get því hvorki staðfest það né neitað,“ segir Júlíus Þorfinnsson, talsmaður Stoða, um 30 milljóna króna styrk sem FL Group greiddi til Sjálfstæðisflokksins undir lok ársins 2006.

Vilja afnema verðtryggingu um næstu áramót

Guðjón Arnar Kristjánsson segir að Frjálslyndi flokkurinn hafi varað við verðtryggingu lána fyrir kosningarnar 2007.

Ökufantur: „Ég treysti bara ekki lögreglunni"

„Ég var á þunglyndislyfjum en ég má aka hvaða bifreið sem er á þeim," segir tuttugu og fimm ára gamall maður sem var handtekinn í gær eftir mikla eftirför lögreglu sem spannaði allt frá Bústaðavegi langt inn í Grafavog. Maðurinn var handtekinn í kjölfarið og hefur nú verið kærður fyrir margvísisleg umferðalagabrot auk þess að stofna almenningi í hættu. Sjálfur segist hann hafa ekið á brott eftir að lögreglan skipaði honum að fara yfir í lögreglubifreið, án þess að tiltaka hvers vegna.

Þurfum aukna tekjuöflun og aðhald í ríkisrekstri

Steingrímur Sigfússon fjármálaráðherra sagði að starfsöm og samhent ríkisstjórn sem tók við 1. febrúar hefði komið miklu í verk eftir að nýfrjálshyggja Sjálfstæðisflokksins hafði beðið skipbrot eftir átján ár.

Aldrei mikilvægara en nú að kveða á um þjóðareign náttúruauðlinda

Jóhanna Sigurðardóttir sagði við eldhúsdagsskrárumræður að ríkisstjórnin hefði ekki tekið við góðu búi en tekist hefði að snúa vörn í sókn

Lögreglan lýsir eftir sextán ára pilti

Pilturinn strauk frá heimili sínu síðastliðinn sunnudag og hefur ekki sést síðan. Í tilkynningu frá lögreglu segir að pilturinn sé 16 ára gamall, 190sm á hæð, grannvaxinn og ljósskolhærður.

Einungis tveir mæla með samþykkt stjórnskipunarfrumvarpsins

Bjarni Benediktsson segir það dapurlegt að síðustu daga á Alþingi hafi ríkisstjórnin reynt að knýja fram breytingar á stjórnarskránni án þess að samstaða væri um þaði á Alþingi í fyrsta skipti í 50 ár.

Dópsali handtekinn

Lögreglan á höfuðborgarsvæðinu fann fíkniefni við húsleit í fjölbýlishúsi í Hlíðunum í Reykjavík eftir hádegi í dag. Um var að ræða um 50 gr. af marijúana en talið er að það hafi verið ætlað til sölu. Húsráðandi, piltur um tvítugt, hefur áður komið við sögu hjá lögreglu.

40 kannabisplöntur í heimahúsi

Lögreglan á höfuðborgarsvæðinu stöðvaði kannabisræktun í íbúð í miðborginni eftir hádegi í dag.

Hefur áhyggjur af stöðu námsmanna

Birkir J. Jónsson segir það grafalvarlegt mál að 50 – 100 manns hafi misst vinnuna á hverjum degi undanfarna mánuði og að 18 þúsund manns séu

Olía gæti fundist undir Íslandi

Olíu gæti verið að finna undir norðausturhluta Íslands, að mati jarðfræðings hjá Olíustofnun Noregs. Hann segir að bora verði djúpt undir þykk hraunlög til að finna það áhugaverðasta.

Sýknaður í Hæstarétti: „Réttlætið sigraði að lokum“

Anton Kristinn Þórarinsson var í dag sýknaður í Hæstarétti af fíkniefnainnflutningi en hann hafði áður verið sakfelldur ásamt Jóni Halldóri Arnarssyni fyrir innflutning á samtals 701,54 grömmum af kókaíni í Héraðsdómi. Efnin voru flutt í tvennu lagi til Íslands frá Hollandi um Danmörku, ætluðu til söludreifingar hér á landi. Jón Halldór játaði aðild sína að innflutningnum með þeim athugasemdum að hann hefði ekki lagt á ráðin um innflutninginn með Antoni.

Sjálfstæðismenn leggja til sáttaleið

„Sterk krafa er um það í samfélaginu að þingmenn snúi bökum saman og móti lausnir og úrræði fyrir heimili og fyrirtæki í vanda. Okkar mat er að þetta verkefni sé það mikilvægasta sem liggi fyrir þinginu um þessar mundir,“ segir í opnu bréfi til Guðbjarts Hannessonar sem allir þingmenn Sjálfstæðisflokksins skrifa undir.

Starfshópur um aukinn hlut kvenna í sveitarstjórnum fundaði

Starfshópur sem samgönguráðherra skipaði nýverið sem leggja á fram tillögur um aðgerðir stjórnvalda til að jafna betur stöðu kynjanna í sveitarstjórnum kom næstu sveitarstjórnarkosningar kom saman til fyrsta fundar í dag.

Hermenn fögnuðu Obama í óvæntri heimsókn til Íraks

Barack Obama, Bandaríkjaforseti, kom í dag í óvænta heimsókn til Bagdads, höfuðborgar Íraks. Bandarískir hermenn fögnuðu forseta sínum innilega við komu hans til landsins. Þetta var fyrsta heimsókn Obama til Íraks eftir að hann var kjörinn forseti.

Þingmenn allra flokka einhuga um skýrslu bresku þingnefndarinnar

Kristrún Heimisdóttir, varaþingmaður Samfylkingarinnar og fyrrum aðstoðarmaður utanríkisráðherra, sagði að skýrsla fjármálanefndar breska þingsins væri lýsing á beinni árás bresku ríkisstjórnarinnar á grunnstoðir íslensks samfélags. „Þetta er móralskur sigur,“ sagði varaþingmaðurinn.

Umræður um stjórnarskrá skammt á veg komnar

Jóhanna Sigurðardóttir, forsætisráðherra sakaði sjálfstæðismenn um málþóf á vikulegum blaðamannafundi ríkisstjórnarinnar í Þjóðmenningarhúsinu fyrr í dag. Sagði hún að umræða um stjórnskipunarlög hafa tekið 34 klukkustundur og sjálfstæðismenn hefðu talað í 75% af þeim tíma. Sagði hún ræður sjálfstæðismanna einnkennast af endurtekningum og greinilegt væri að þeir beittu málþófi.

Niðurskurði á framlögum til mannaflsfrekra framkvæmda mótmælt

Dagur B. Eggertsson, oddviti Samfylkingarinnar í borgarstjórn, segir að það hafi vakið athygli að Hanna Birna Kristjánsdóttir, borgarstjóri, hafi varið 265 milljón króna niðurskurð á framlögum til mannaflsfrekra viðhaldsframkvæmda. Rætt var um atvinnumál og stöðu þeirra í Reykjavík á fundi borgarstjórnar í dag.

Heilbrigðisstofnunin í Eyjum segir upp starfsfólki

Starfsfólk Heilbrigðisstofnunarinnar í Vestmannaeyjum fékk afhent uppsagnarbréf í síðustu viku en uppsögnin er liður í niðurskurði sem stofnunin glímir við um þessar mundir. Öllum var boðinn nýr samningur með 5% skertu starfshlutfalli. Þetta kemur fram í frétt Eyjafrétta.

Nýir skrifstofustjórar í samgönguráðuneytinu

Kristján Möller, samgönguráðherra, hefur skipað tvo nýja skrifstofustjóra í samgönguráðuneytinu til næstu fimm ára. Karl Alvarsson, lögfræðingur, verður skrifstofustjóri samgönguskrifstofu og Sigurbergur Björnsson, verkfræðingur, verður skrifstofustjóri samskiptaskrifstofu.

Endurtekningar sjálfstæðismanna - frumvarpið rætt í 34 klukkustundir

Jóhanna Sigurðardóttir, forsætisráðherra, segir að umræða um frumvarp forystumanna allra flokka nema Sjálfstæðisflokksins til stjórnskipunarlaga hafa tekið 44 klukkustundir. Þar af hafi sjálfstæðismenn talað í 75% af þeim tíma. Þetta kom fram í máli Jóhönnu á fundi með blaðamönnum í dag.

Helga bendir á ólíka sýn Tryggva Þórs

Helga Vala Helgadóttir, laganemi og Samfylkingarkona, gerir yfirlýsingar Tryggva Þórs Herbertssonar, frambjóðanda Sjálfstæðisflokksins og fyrrverandi efnahagsráðagjafa forsætisráðherra, að umfjöllunarefni á bloggsíðu sinni í dag.

Brown fær bréf frá ríkisstjórninni

Ríkisstjórn Íslands sendi Gordon Brown forsætisráðherra Bretlands bréf í morgun í tengslum við niðurstöðu fjármálanefndarinnar á breska þinginu. Nefndin koms meðal annars að þeirri niðurstöðu að beiting hryðjuverkalaganna gegn Íslendingum á sínum tíma hafi verið mjög gagnrýniverð aðgerð.

Eignir sökudólganna upp í skuldir á undan eignum almennings

Hagfræðingarnir Gunnar Tómasson og Ólafur Ísleifsson mættu í Bítið í morgun og ræddu Alþjóða gjaldeyrissjóðinn og stöðu ríkisins og heimilanna. Þeir félagar eru báðir fyrrverandi starfsmenn AGS og voru þeir nokkuð sammála um það að þeir, Michael Hudson og John Perkins, sem verið hafa hér á landi undanfarna daga og gagnrýnt AGS harðlega, hafi tekið of djúpt í árinni. Ólafur sagðist alls ekki getað tekið undir þær fullyrðingar að AGS væri að vinna gegn hagsmunum Íslendinga.

Þingmaður vill fresta kosningunum

Grétar Mar Jónsson, þingmaður Frjálslynda flokksins, vill fresta þingkosningunum sem fram fara 25. apríl um mánuð. Þetta kom fram í umræðum á Alþingi í dag. Hann sagði sérkennilegt ástand í þinginu og benti á að þingmenn hafi ekki haft tækifæri til að fara út í kjördæmin og kynna sig.

Fagfélagið gefur Krabbameinsfélaginu milljón

Í gær afhenti Fagfélagið Ragnheiði Alfreðsdóttur, forstöðumanni Ráðgjafarþjónustu Krabbameinsfélagsins, eina milljón króna til styrktar átakinu Karlmenn og krabbamein. Fagfélagið er stéttarfélag sem varð til í desember þegar Trésmiðafélag Reykjavíkur og Félag byggingamanna Eyjafirði runnu saman.

Óttast vansköpuð börn vegna lyfjagjafar

Tíu stúlkur sem fengu mikið af róandi lyfjum í athvarfi bresku kirkjunnar á sjöunda og áttunda áratugnum hafa fætt vansköpuð börn. Óttast er að eins fari um hundruð annarra stúlkna.

Sagði Kjartan gáfaðan og uppskar gagnrýni

Mörður Árnason, varaþingmaður Samfylkingarinnar, sagði Kjartan Ólafsson, þingmann Sjálfstæðisflokksins, meðal rökföstustu og gáfuðustu snillinga á þingi í umræðum um störf Alþingis í dag. Siv Friðleifsdóttir, þingflokksformaður Framsóknarflokksins, og Illugi Gunnarsson, þingmaður Sjálfstæðisflokksins, gagnrýndu Mörð fyrir orðin.

Bannað verður að veðsetja náttúruauðlindir

Bannað verður að veðsetja náttúruauðlindir, samkvæmt auðlindaákvæði í frumvarpi um stjórnarskrá. Lögfræðingur segir að þetta hafi þó ekki áhrif á veðsetningu fiskveiðikvóta. Hann sé þegar í einkaeign.

Óvíst hver á að reka tónlistarhúsið

Áætlað er að tónlistar og ráðstefnuhúsið verði opnað eftir tvö ár. Það á hins vegar ekki að ráðast fyrr en eftir fimm ár hver á að reka eða eiga húsið. Viðbúið er að stór og djúpur grunnur við hlið tónlistarhússins verði opinn næstu árin.

Tala látinna komin í 207

Enn eru að finnast lík í húsarústum á Ítalíu og eru þau nú orðin yfir 200 talsins. Það er einnig búið að bjarga tugum manna og leit heldur áfram. Snarpur eftirskjálfti reið yfir í dag.

Reyna aftur að breyta dagskrá þingsins

Sigurður Kári Kristjánsson þingmaður Sjálfstæðisflokksins flutti á þingi í dag tillögu um að gerð yrði sú breyting á dagskrá þingsins að frumvarp um greiðsluaðlögun fasteignaveðkrafna yrði sett fyrst á dagskrá í dag.

Ræða skýrslu fjármálanefndar breska þingsins

Umræða utan dagskrár fer fram á Alþingi í dag um skýrslu fjármálanefndar breska þingsins um áhrif aðgerða bresku stjórnarinnar á fall íslensku bankanna.

Geir í framhaldsmeðferð í Amsterdam

Geir H. Haarde, fyrrverandi forsætisráðherra, gekkst í dag undir framhaldsmeðferð á vélinda vegna þess meins sem hann greindist með á liðnum vetri. Á heimasíðu Sjálfstæðisflokksins segir að meðferðin hafi farið fram á háskólasjúkrahúsinu í Amsterdam og að hún hafi gengið að óskum. Þá segir að gert sé ráð fyrir því að Geir þurfi að fara í sambærilega meðferð eftir þrjá mánuði.

Tveir látnir eftir skotárás í Þýskalandi

Tveir eru látnir hið minnsta eftir skotárás í dómshúsi í Þýskalandi í morgun. Talið er að byssumaðurinn sem virðist hafa skotið á fólk af handahófi hafi í kjölfarið svipt sig lífi. Ekkert er vitað að svo stöddu um ástæður árásarinnar en aðeins er um mánuður liðinn síðan sautján ára gamall drengur myrti 15 í bænum Winnenden.

Ökuníðingurinn yfirheyrður í dag

Ökuníðingur og farþegi fólksbifreiðar sem lögreglan á höfuðborgarsvæðinu stöðvaði í gærkvöldi á Vesturlandsvegi eftir rúmlega tólf mínútna eftirför verða yfirheyrðir síðar í dag. Fjórir lögreglumenn slösuðust minniháttar á meðan á eftirförinni stóð og í lok hennar.

Öflugur eftirskjálfti á Ítalíu

Öflugur eftirskjálfti reið yfir fyrir stundu á ítalíu á sama svæði og varð illa úti í öflugum jarðskjálfta í fyrrinótt þar sem 180 manns létust. Eftirskjálftans varð vart í höfuðborginni Róm sem er í um 100 kílómetra fjarlægð frá upptökum skjálftans.

Staða efnahagsmála verri en talið var

Horfur í efnahagsmálum þjóðarinnar voru verri á vaxtaákvörðunardegi Seðlabankans 19. mars en við stýrivaxtaákvörðun 29. janúar.

Nýtt klámhneyksli í breska innanríkisráðuneytinu

Sjaldan er ein báran stök segir hið fornkveðna og það virðist rætast sem aldrei fyrr hjá Jacqui Smith innanríkisráðherra þessa dagana. Eftir að upp komst um greiðslur þeirra hjónanna fyrir klámmyndir fyrir aðeins nokkrum dögum hefur nýtt mál nú litið dagsins ljós sem snertir sjálfa heimasíðu innanríkisráðuneytisins.

Fjögurra leitað eftir skotbardaga í Kaupmannahöfn

Fjórir menn eru eftirlýstir af lögreglunni í Kaupmannahöfn eftir að til skotbardaga kom við Hans Knudsens-torgið laust fyrir miðnætti í gærkvöldi. Vitni segja að sex til átta skotum hafi verið hleypt af og nokkrir menn hafi sést forða sér af staðnum á hlaupum. Lögregla fann tóm skothylki á vettvangi en segir ekki ljóst hvort nokkur hafi orðið fyrir skoti.

Styðja aukin umsvif í Afganistan með skilyrðum

Bandarískur almenningur styður almennt aukin hernaðarumsvif Bandaríkjanna í Afganistan, svo lengi sem megintilgangur þeirra umsvifa sé að berjast gegn hryðjuverkum.