Nærri fimm þúsund fleiri fluttu til landsins en frá því

Ríflega 4700 fleiri fluttu til landsins en frá því á fyrstu sex mánuðum ársins samkvæmt nýjum tölum Hagstofunnar. Nema aðfluttir umfram brottflutta á þessum tíma um einu og hálfu prósenti af íbúafjölda landsins.

Fótboltabullur eru vaxandi vandamál í Danmörku

Fótboltabullur og harður kjarni stuðningsmanna stærstu fótboltaliðanna í Danmörku valda lögregluyfirvöldum þar í landi vaxandi áhyggjum. Ofbeldisverk meðal þessara hópa fara vaxandi og ofbeldið verður sífellt grófara.

Botninn er dottinn úr síldar- og makrílveiðunum

Botninn er dottinn úr síldar- og makrílveiðunum og eru veiðiskipin nær öll á landleið.

Leitað að þjófi sem rændi N1 í Kópavogi

Þjófur laumaðist í peningakassann í verslun N- eins við Stóra Hjalla í Kópavogi á tólfta tímanum í gærkvöldi og komst á brott með tugi þúsunda króna.

Mikill skortur á konum í sveitum Serbíu

Mikill skortur á konum í sveitum Serbíu hefur leitt til þess að stjórnvöld þar í landi áforma nú að flytja 250 þúsund konur, og vonandi brúðir, til landsins til að bregðast við ástandinu.

Misstu af tækifæri til að handtaka al-Zawahri

Öryggissveitir í Pakistan misstu af tækifæri til að hafa hendur í hári Ayman al-Zawahri næstæðsta leiðtoga al-kaída samtakanna.

Leiðtogar Evrópusambandsins fresta viðræðum við Rússa

Leiðtogar Evrópusambandsins hafa ákveðið að fresta viðræðum um nýjan samstarfssaming við yfirvöld í Moskvu í kjölfar aðgerða Rússa í Georgíu.

Kína smíðar hraðskreiðustu farþegalest í heimi

Stjórnvöld í Kína eru nú að undirbúa smíði á hraðskreiðustu farþegalest í heimi.

Neyðarástand í Bangkok

Neyðarástandi hefur verið lýst í Bangkok höfuðborg Taílands eftir mikil átök þar í nótt milli stuðingsmanna stjórnvalda og stuðningsmanna Thaksin Shinawatra fyrrum forsætisráðherra landsins.

Fjórar verðandi mæður fluttar með sjúkrabílum í nótt

Fjórum nýjum þjóðfélagsþegnum lá svo á í heiminn á höfuðborgarsvæðinu í nótt að hringt var á sjúkrabíla til að flytja mæðurnar á fæðingardeildina.

Gustav olli mun minna tjóni en búist hafði verið við

Fellibylurinn Gustav fór framhjá New Orleans borg í gærkvöldi og olli mun minni skaða í Louisiana ríki en vænst var. Mjög hefur dregið úr styrk Gustavs og er hann nú skilgreindur sem hitabeltisstormur.

Lögreglan rannsakar andlát við Skúlagötuna

Lögreglan á höfuðborgarsvæðinu rannsakar nú hvort áverkar á höfði manns, sem fannst látinn í íbúð sinni við Skúlagötu í Reykjavík um kvöldmatarleitið í gær, kunni að vera af manna völdum.

Einn hefur látist í mótmælum í Bangkok

Einn hefur farist og fjöldi manna hefur slasast í átökum á milli stuðningsmanna Samaks Sundervej, forsætisráðherra í Tælandi, og stjórnarandstæðinga. Þeir síðarnefndu hafa mótmælt í stjórnarráðsbyggingunni í Bangkok undanfarna daga.

Efnahags- og atvinnumál verða áberandi á haustþingi

Siv Friðleifsdóttir, þingflokksformaður Framsóknarflokksins, segir að alvarleg staða í atvinnumálum þjóðarinnar og bágborið efnahagsástand verði megin umræðuefnið á þingfundum sem fram fara næstu tvær vikurnar.

Hanna Birna: Tíminn vinnur með okkur

„Þetta er allt á réttri leið og augljóst að tíminn vinnur með okkur. Ég átti alltaf von á því að það tæki tíma að vinna fylgið aftur," segir Hanna Birna Kristjánsdóttir um nýja skoðanakönnun á fylgi við meirihluta Sjálfstæðisflokks og framsóknarmanna í borgarstjórn.

Einhugur á félagsfundi ljósmæðra

Ljósmæður sjá fram á að þurfa að beita þeim neyðarrétti sem verkfallsaðgerðir eru en vilji ljósmæðra er eftir sem áður að semja sem fyrst. Þetta segir í ályktun sem samþykkt var við dynjandi lófatak á félagsfundi Ljósmæðrafélagsins nú undir kvöld.

Bílvelta á Skógarstrandavegi

Smábíll velti á Skógarstrandavegi, í umdæmi lögreglunnar í Borgarnesi, um klukkan hálffjögur í dag. Einn var fluttur með sjúkrabíl af vettvangi en ekki er ljóst hversu mikil meiðsl hans voru.

Samfylkingin mælist stærri en Sjálfstæðisflokkurinn

Samfylkingin nýtur meira fylgis en Sjálfstæðisflokkurinn á landsvísu. Þetta kemur fram í nýjum þjóðarpúlsi Gallup sem Ríkisútvarpið sagði frá.

Dóttir Palin á von á barni

Sautján ára gömul dóttir Söru Palin, sem nýlega var valin varaforsetaefni Johns McCain, á von á barni. Sara upplýsti almenning um þetta í dag.

Sviku fé út af kortum Skagfirðinga

Lögreglan á Sauðárkróki rannsakar ásamt lögreglunni á Akureyri hvernig glæpamönnum tókst að svíkja um tvær milljónir króna út af kreditkortum. Svo virðist sem að þeir hafi komist yfir kreditkortanúmerin í Skagafirði og notað þau svo til að kaupa vörur í Bandaríkjunum.

Helmingur ökumanna ók of hratt í skólahverfi

Þrjátíu og þrír ökumenn óku of hratt í Breiðumýri á Álftanesi á föstudag. Fylgst var með ökutækjum sem var ekið Breiðumýri í suðurátt, á móts við Álftanesskóla í eina klukkustund eftir hádegi.

Mikill áhugi í Afríku á samstarfi við Ísland í orkumálum

Mikill áhugi er í Afríku á samstarfi við Ísland í orkumálum og kom sá áhugi skýrt fram ráðstefnu um þróun vistvænnar orku í álfunni sem haldin var í dag í höfuðstöðvum Afríkusambandsins í Addis Ababa.

Indverskur gúru vill messa við setningu Alþingis

Indverskur trúarleiðtogi, Rajan Zed að nafni, hefur óskað eftir því að hann fái að fara með bænir úr fornum trúarritum hindúa fyrir setningu Alþingis þann 1. október næstkomandi. Frá þessu er greint á vefmiðlinum merinews.com. Þar er sagt frá því að Zed hafi borist svar við fyrirspurn sinni frá Þorsteini Magnússyni, aðstoðarskrifstofustjóra Alþingis, þar sem beiðninni er hafnað.

Verkfall ljósmæðra að veruleika á miðvikudag

Verkfall ljósmæðra verður að veruleika eftir að fundur þeirra með samninganefnd ríkisins í dag reyndist árangurslaus. Fundurinn hófst klukkan tvö og lauk um klukkustund síðar og hefur næsti fundur verið boðaður á fimmtudag. „Við erum því miður í þeim aðstæðum að skipuleggja verkfallsaðgerðir," segir Guðlaug Einarsdóttir, formaður Ljósmæðrafélags Íslands.

Gústaf genginn á land

Fellibylurinn Gústaf gekk á land nærri bænum Cocodrie í Louisiana fyrir stundu og er enn annars stigs fellibylur. Ekki er búist við að styrkur hans aukist en mikill viðbúnaður er vegna komu hans.

Meiðyrðamál Ástu í Dalsmynni tekið fyrir

Í Héraðsdómi Reykjaness í morgun var tekið fyrir meiðyrðamál Ástu Sigurðardóttur, sem oft er kennd við hundaræktunina að Dalsmynni, gegn Hrafnhildi Jónu Þórisdóttur.

Opinber fyrirtæki bjóða umsækjendum um forstjórastöður nafnleynd

Landsvirkjun og Orkuveita Reykjavíkur heita þeim trúnaði sem sækja um forstjórastöður fyrirtækjanna. Upplýsingalög kveða skýrt á um að skylt er að veita upplýsingar um nöfn, heimilisföng og starfsheiti umsækjenda þegar umsóknarfrestur er liðinn.

Landsbjörg heimsækir eldri borgara í Garðabæ

Slysavarnafélagið Landsbjörg og Garðabær skrifa á morgun undir samning um öryggisheimsóknir til allra eldri borgara, 75 ára og eldri, í bæjarfélaginu á næstunni.

Tjón Alcan vegna samráðs metið á um 250 milljónir

Tjón Alcan vegna samráðs stóru olíufélaganna þriggja var um 251 milljón króna á verðlagi áranna 1993-2001 samkvæmt nýrri matsgerð sem lögð var fram í málinu í dag. Fyrirtaka var í Héraðsdómi Reykjavíkur í morgun en beðið hefur verið eftir greinargerð matsmanns sem dómari skipaði að beiðni Alcan.

Norður-Víkingur leifar af kalda stríðinu

Samtök hernaðarandstæðinga lýsa vonbrigðum sínum með að íslensk stjórnvöld skuli eina ferðina enn ákveða að gera landið að æfingasvæði erlends herliðs.

Ók 160 kílómetra til að jafna um verkalýðsforingja

Það varð uppi fótur og fit á skrifstofu AFLs Starfsgreinafélags á Egilsstöðum þegar vertinn á Café Margaret á Breiðdalsvík réðst á framkvæmdastjóra félagsins, Sverri Mar Albertsson. Í frétt í 24 stundum á dögunum greint frá því að veitingamaðurinn borgi veitingastúlkum sínum lág laun auk þess sem þau séu ekki gefin upp til skatts. Í fréttinni var vitnað í Sverri og veitingamanninum Horst Muller gramdist það svo mjög að hann lagði á sig 160 kílómetra ökuferð til þess eins að ráðast á hann. Árásin verður kærð til sýslumanns.

Sjö sagt upp í stjórnsýslu heilsugæslunnar

Sjö starfsmönnum sem unnu við stjórnsýslu Heilsugæslu höfuðborgarsvæðisins var sagt upp um mánaðamótin og er hluti þeirra þegar hættur. Forstjóri heilsugæslunnar segir uppsagnirnar ekki koma niður á þjónustu heilsugæslunnar.

Jón Gerald aðstoðaði við gerð FL Group myndbanda

Jón Gerald Sullenberger segist ekki vera huldumaðurinn á bakvið FL Group myndböndin tvö sem birt hafa verið á vefsíðunni Eyjunni, það seinna nú á laugardaginn.

Veiðimenn á Austfjörðum með allt á hreinu

Menn á gæsa- og hreindýraveiðum í umdæmi lögreglunnar á Seyðisfirði um helgina virðast hafa farið að lögum og reglum í hvívetna ef marka má frétt lögreglunnar.

Samningafundur hjá ljósmæðrum og ríkinu að hefjast

Samningafundur milli ljósmæðra og ríkisins hefst hjá ríkissáttasemjara klukkan tvö.

Styrkur Gústafs ekki eins mikill og búist var við

Fellibylurinn Gústaf breyttist úr þriðja stigs fellibyl í annars stigs byl nú í morgun og ólíklegt er að hann styrkist áður en hann gengur á land við suðurströnd Bandaríkjanna. Frá þessu greindi fellibyljamiðstöð Bandaríkjanna nú eftir hádegið.

Forsetinn fundaði með Yunus í Bangladess

Ólafur Ragnar Grímsson, forseti Íslands, tók um helgina þátt í alþjóðlegu þingi um loftslagsbreytingar í Bangladess þar sem hann flutti lokaræðuna.

Forsætisráðherra Japans segir af sér

Yasuo Fukuda tilkynnti fyrir stundu um afsögn sína sem forsætisráðherra Japans. Stuðningur við ríkisstjórnina í skoðanakönnunum hefur dregist verulega saman frá því að Fukuda tók við af Shinzo Abe fyrir rétt tæpu ári.

Með hass á Hótel Hilton

27 ára Reykvíkingur játaði í dag í héraðsdómi Reykjavíkur að hafa ætlað selja rúm 200 grömm af hassi sem fundust við leit á manninum á Akureyri annars vegar og í Reykjavík hins vegar.

Írakar taka við stjórn Anbar-héraðs

Bandaríski herinn afhenti stjórn Anbar-héraðs í Írak til heimamanna í dag og lauk þannig stormasömum og ofbeldisfullum kafla í hernámi landsins.

Hermenn og stríðstól á Keflavíkurflugvelli

Varnaræfingin Norður-Víkingur verður sett eftir tæpa klukkustund. Fjöldi hermanna og stríðstóla tekur þátt í æfingunni.

Fundu þriðja líkið í brunarústum sveitaseturs

Lögregla í Bretlandi hefur fundið þriðja líkið í brunarústum sveitaseturs milljónamærings sem hvarf sporlaust fyrir viku ásamt eiginkonu sinni og dóttur.

Fangar fá frið frá forvitnum í Kópavogi

Vegfarendendur á Kópavogsbraut hafa tekið eftir því að girðingin umhverfis fangelsið sem staðsett er í götunni hefur verið klædd með striga. Guðmundur Gíslason, forstöðumaður fangelsana á höfuðborgarsvæðinu segir að fangarnir hafi farið fram á að þetta yrði gert til þess að koma í veg fyrir að forvitin augu gætu horft á þá þegar þeir eru í garðinum.

Lést í bílslysi í Mjóafirði

Maðurinn sem lést í bílslysi í Mjóafirði í Ísafjarðardjúpi síðastliðinn föstudag hét Boguslaw Jozef Papierkowski.

Byssusala góð í New Orleans í aðdraganda fellibyls

Stöðug og þétt umferð er nú á öllum götum út úr bandarísku stórborginni New Orleans, þar sem spáð er að fellibylurinn Gústaf taki land eftir nokkra klukkutíma.