Segir umhverfisráðherra í mótsögn við sjálfa sig

Þórunn Sveinbjarnardóttir umhverfisráðherra vill að Ísland fái undanþágu frá mengunarkvótum vegna flugstarfsemi en berst á sama tíma gegn því að Ísland fái slíka undanþágu vegna stóriðju.

Níddist á þremur stúlkum

41 árs gamall Reykvíkingur, Anthony Lee Bellere, var í Héraðsdómi Reykjavíkur í dag dæmdur í fjögurra ára fangelsi fyrir alvarleg kynferðisbrot gegn þremur stúlkum á aldrinum 12 til 16 ára. Brotin áttu sér stað á heimili Anthony á árunum 2005 til 2006.

Jólasöfnun skilar 31 milljón fyrir þurfandi í Afríku

Jólasöfnun Hjálparstarfs kirkjunnar 2007 hefur þegar skilað rúmri 31 milljón króna, þar af komu tæpar tíu milljónir í gegnum gjafabréf þar sem meðal annars var hægt að gefa fólki í fátækum ríkjum Afríku búfénað.

Undirbúa raðtilnefningu víkingaminja á skrá UNESCO

Hafinn er undirbúningur að raðtilnefningu menningarminja frá tímum víkinga á heimsminjakrá UNESCO.

Vilja svör um íbúðir fyrir aldraða og stúdenta

Nýr minnihluti í borginni hyggst á borgarstjórnarfundi í dag kalla eftir svörum hjá meirihlutanum vegna tillagna um íbúðir fyrir aldraða og stúdenta sem fyrri meirihluti hafði gengið frá.

Glitnisræningi var einnig á ferðinni í Select-ráni á fimmtudag

Einn mannanna sem handtekinn var í gær í tengslum við rán í útibúi Glitnis í Lækjargötu hefur viðurkennt að hafa verið þar að verki.

Tveggja ára barni hent af þriðju hæð brennandi húss

Tveggja ára barn lifði það af þegar foreldrar þess hentu því niður af þriðju hæð fjölbýlishúss í Ludwigshafen í Þýskalandi þar sem eldur kom upp í gær.

Sakaður um að flytja fé af reikningum fjárvana flugfélags

Rúnar Árnason forstjóri flugfélagsins City Star Airlines í Arberdeen er sagður hafa skipað starfsfólki sínu að flytja fé af reikningum félagsins til Íslands skömmu áður en það lagði upp laupana.

Ók 40 sinnum í gegnum Hvalfjarðargöngin án þess að borga

Lögreglustjórinn á Akranesi hefur ákært mann fyrir að aka alls 40 sinnum í gegnum Hvalfjarðargöng án þess að greiða gangagjald.

Rússar segja kosningaeftirlit ÖSE mega koma 20. febrúar

Rússar buðust í dag til þess að draga úr takmörkunum sem settar höfðu verið á starf kosningaeftirlitsmanna á vegum Öryggis- og samvinnustofnunar Evrópu vegna forsetakosninga sem verða 2. mars.

Sjötíu bílar nýskráðir á dag að meðaltali í janúar

Tölur Hagstofunnar leiða í ljós að nýskráðir bílar í nýliðnum janúar voru tæplega 2100 og fjölgaði um nærri sextíu prósent frá sama mánuði í fyrra.

Farþegum um Leifsstöð fjölgar áfram á nýju ári

Farþegum sem koma til landsins um Keflavíkurflugvöll heldur áfram að fjölga á nýju ári samkvæmt Hagvísum Hagstofunnar.

Gistinóttum fjölgaði um 11 prósent í fyrra

Gistinóttum á hótelum í fyrra fjölgaði um ellefu prósent frá árinu 2006, eða úr tæplega 1,2 milljónum í rúmlega 1,3 milljónir gistinátta. Þetta kemur fram í tölum Hagstofu Íslands.

Grateful Dead styður Barak Obama

Hin þjóðsagnakennda hljómsveit Grateful Dead kom saman í gærkvöldi á tónleikum til stuðnings Barak Obama.

Stalin lýst sem blöndu af Tony Soprano og Osama Bin Laden

Út er komin framúrskarandi ævisaga um æskuár Jofsef Stalin fyrrum einræðisherra Sovétríkjanna sálugu.

Lækning við kvefi á næsta leiti

Breskir vísindamenn eru nú vongóðir um að fundist geti lækning við kvefi. Þeim tókst nýlega að smita erfðabreytta mús með kvefi þannig að auðveldara verður í framtíðinni að prófa ný kvefmeðul.

Gafst upp á bráðabirgðastjórn á Ítalíu

Franco Marini forseti ítalska þingsins hefur gefist upp við að mynda bráðabirgðastjórn í landinu en honum var falið það verkefni eftir að Romano Prodi sagði af sér sem forsætisráðherra.

Risastór tarantúla í Reykjanesbæ

Við húsleit í Reykjanesbæ i kvöld fundu lögreglumenn um 3 grömm af meintu hassi og eina tarantúlu af stærstu gerð.

Páfinn hefur áhyggjur af fækkun nunna og munka

Samkvæmt upplýsingum frá Vatikaninu hefur kaþólskum nunnum og munkum fækkað mikið á milli áranna 2005 og 2006 eða um 10% og fór fjöldi þeirra í lok tímabilsins niður fyrir eina milljón manns.

Skortur á heimilislæknum hrjáir Dani

Yfir 100.000 Danir hafa nú ekki aðgang að heimilislækni í heimabæ eða borg sinni. Nær 70 læknastofur í landinu standa nú auðar sökum skorts á heimilslæknum.

Minna verði upplýst úr sakamáladómum

Persónuvernd telur að gæta eiga betur að einkalífsvernd þeirra sem nefndir eru í dómum í sakamálum. Þetta kemur fram í umsögn Persónuverndar um nýtt frumvarp um meðferð sakamála sem Björn Bjarnason dómsmálaráðherra hefur lagt fram.

Skútumaður fyrir kviðdóm í Færeyjum

Tólf manna kviðdómur mun kveða upp sektar- eða sýknudóm yfir íslenskum karlmanni í stærsta fíkniefnamáli sem upp hefur komið í Færeyjum. Þetta segir Linda Margarete Hasselberg, saksóknari í málinu. Þetta mál er angi af Pólstjörnumálinu svokallaða, þegar um 40 kíló af fíkniefnum fundust í skútu í Fáskrúðsfjarðarhöfn.

Vöruskiptahalli nærri tíu milljarðar í janúar

Vöruskiptajöfnuður við útlönd var neikvæður um nærri 10 milljarða króna samkvæmt bráðabirgðatölum sem Hagstofa Íslands birtir í dag.

Clinton og Obama hnífjöfn en McCain með þægilegt forskot

Spennan magnast með hverri klukkustundinni en nú er rúmur sólarhringur þangað til hægt verður að segja til með nokkurri vissu hvaða tveir frambjóðendur munu berjast í forsetakosningunum í Bandaríkjunum sem fram fara í nóvember. Á morgun verður kosið í rúmlega tuttugu ríkjum í forvali þar sem fulltrúar demókrata og republikana takast á um hver þeirra hlýtur tilnefningu. Þó getur svo farið að línur verði ekki að fullu ljósar eftir úrslit morgundagsins.

Flestar stærstu fasteignasölurnar hyggja á samstarf

Flestar stærstu fasteignasölur landsins eiga nú í viðræðum um að hefja samstarf á svokölluðum klasagrundvelli. Samkvæmt heimildum Vísis er um að ræða um tuttugu fasteignasölur og er hugmyndin að bæta þjónustuna fyrir fólk í fasteignaviðskiptum. Óskar Rúnar Harðarson, löggiltur fasteignasali hjá fasteignasölunni Miklaborg, staðfestir í samtali við Vísi að viðræður standi nú yfir um aukið samstarf. Hann vildi ekki staðfesta hve margar sölur séu í viðræðunum en sagði að um væri að ræða flestar af stærstu fasteignasölum landsins.

Mikill skafrenningur á Hellisheiði

Á Hellisheiði er nú mikill skafrenningur og blint. Eins er mjög slæmt veður á Holtavörðuheiði og orðið þungfært, að því er segir í tilkynningu frá Vegagerðinni. „Að gefnu tilefni er fólki bent á að vegir eru víðast hvar ekki mokaðir seint á kvöldin eða á nóttunni,“ segir einnig.

Þúsundir flýja höfuðborg Tsjad

Mörg þúsund íbúar hafa flúið höfuðborg Tsjad í dag eftir hörð átök síðustu daga. Stjórnarher landsins tókst í morgun að leysa umsátur uppreisnarmanna í kringum forsetahöllina í höfuðborginni og segist hafa rekið þá á flótta. Uppreisnarmenn segjast hins vegar hafa dregið sig til baka í úthverfi borgarinnar til að skipuleggja frekari áhlaup. Enn er barist í úthverfunum og segja vitni fjölmörg lík liggja á götum úti.

Gefa þarf útigangshrossum í kuldatíðinni

Héraðsdýralæknum hefur borist fjöldinn allur af ábendingum um hross sem híma fóðurlaus í griðingum þar sem enga beit er að hafa.

Á 143 kílómetra hraða á Suðurlandsvegi undir áhrifum fíkniefna

Héraðsdómur Suðurlands hefur dæmt karlmann til að greiða 400 þúsund krónur í sekt og svipt hann ökuleyfi í 14 mánuði fyrir umferðarlaga- og vopnalagabrot

Dregið hefur úr transfitusýrum í matvælum hér á landi

Dregið hefur úr transfitusýrum í matvælum hér á landi á síðustu árum en fyrrverandi heilbrigðisráðherra varaði fólk við skaðsemi þeirra á Alþingi í síðustu viku.

Nóg komið af þjarki og málfundaræfingum

Formaður Starfsgreinasambandsins segir nóg komið af þjarki og löngum málfundaræfingum í Karphúsinu og vill ná nýjum kjarasamningum undir lok vikunnar.

Eldur á Hverfisgötu 34

Eldur kom upp í húsi á Hverfisgötu 34. Allt tiltækt slökkvilið kom á staðinn og voru reykkafarar sendir inn í húsið.

Mega ekki upplýsa um dvalarstað barnaníðings

Ágúst Magnússon, dæmdur barnaníðingur, losnaði af Litla-Hrauni á föstudaginn. Ágúst fékk svokallað reynslulausn en þarf að uppfylla ákveðin skilyrði. Samkvæmt heimildum Vísis eru það félagsþjónustan í Reykjavík í samráði við fangelsismálastofnun sem eiga að útvega Ágústi húsnæði en hvorug þessara stofnana mega tjá sig um mál Ágústar.

Ráð eða ráðandi í stað ráðherra

Steinunn Valdís Óskarsdóttir, þingmaður Samfylkingarinnar, mælti í dag fyrir þingsályktunartillögu sinnum að ríkisstjórninni yrði falið að undirbúa breytingar á stjórnarskrá og lögum til þess að taka upp nýtt starfsheiti ráðherra sem bæði kyn gætu borið.

Fangelsuð eftir fund með SUS-urum

Fulltrúi Íslands á samráðsfundi ÖSE á fimmtudaginn síðasta gerði athugasemdir við handtökur á hópi ungmenni í Hvíta-Rússlandi fyrir skömmu.

Alvöru nágrannaerjur

Fyrir sextán árum setti ungverskur prófessor upp einfalda loftnetsstöng á raðhúsi sínu í Bergen í Noregi. Hann vildi geta talað við fjölskyldu sína í heimalandinu um stuttbylgju-talstöð.

Góðtemplarar gefa FSA 50 milljónir

Góðtemplarareglan á Akureyri afhenti Sjúkrahúsinu á Akureyri í dag 50 milljónir króna að gjöf.

Varað við miklum vindhviðum á Kjalarnesi

Vegagerðin varar við hvassviðri og miklum vindhviðum á Kjalarnesi og vonskuveðri víða Austurlandi.

Vilja reglur eða frumvarp um skipan í opinber embætti

Fimm þingmenn stjórnarandstöðunnar hafa lagt fram þingsályktunartillögu um að forsætisráðherra verið falið að skipa nefnd sem á að móta reglur og jafnvel semja frumvarp um verkferla og meðferð faglegs hæfnismats við skipan í opinber embætti.

15 ára drengur hálshöggvinn í Saudi Arabíu

Fjölskylda fimmtán ára drengs í Saudi-Arabíu sem var hálshöggvinn fyrir morð vill fá bætur frá ríkinu á þeim forsendum að aftaka hans brjóti í bága við lög.

100 þúsund börn í fangelsi í Bandaríkjunum

Yfir 100 þúsund börn sitja í fagelsum í Bandaríkjunum, mörg fyrir litlar sakir. Bandaríska dagblaðið Chicago Tribune hefur skrifað greinaflokk um ástandið sem blaðið segir að sé skelfileg.

Öxin fannst á herbergi hjá Hjálpræðishernum

Öxin sem notuð var við rán í útibúi Glitnis í morgun fannst á herbergi í gistiheimili Hjálpræðishersins þar sem einn mannanna sem grunaður er um aðild að málinu var handtekinn.

Forsætisráðherra sakaður um ESB-andúð

Forsætisráðherra var sakaður um andúð í garð Evrópusambandsins og alls sem Evrópu tengdist í óundirbúnum fyrirspurnum á Alþingi í dag. Ráðherra sagði hins vegar að þvert á móti hefði hann samúð með hvoru tveggja.

Gjald á auka handfarangur í flugi

Bandaríska flugfélagið United Airlines ætlar að krefja farþega um aukagjald ef þeir hafa með sér meira en eina tösku í handfarangur.

Norræni kvikmyndasjóðurinn stækkar

Fjármögnunarmöguleikar norrænna kvikmyndafyrirtækja aukast nú til muna þegar tvær einkareknar sjónvarpsstöðvar ganga til liðs við Norræna kvikmynda- og sjónvarpssjóðinn.