35 létust í sprengjuárás í Pakistan

Minnst 35 týndu lífi og fjölmargir særðust í tveimur sjálfsvígssprengjuárásum í Ravalpindí nærri höfuðborginni Íslamabad í Pakistan í morgun. Höfuðstöðvar pakistanska hersins eru í Ravalpindí. Önnur árásin var gerð á rútu sem var að flytja sérsveitarmenn og hin á varðstöð hersins.

Forsetalaust í Líbanon

Líbanar eru nú án forseta en kjörtímabili Emils Lahouds, bandamanns Sýrlendinga, lauk skömmu fyrir miðnætti í gærkvöldi. Hann yfirgaf því forsetahöllina í nótt. Stríðandi fylkingum á þingi tókst ekki að velja arftaka hans í gær og því var kjöri frestað um viku.

Útlit fyrir forsætisráðherraskipti í Ástralíu

Útlit er fyrir að forsætisráðherraskipti verði í Ástralíu í dag. Talning atkvæða í þingkosningum þar í landi er langt komin og benda fyrstu tölur til þess að dagar Johns Howards í embætti séu taldir. Hann og Frjálslyndi flokkur hans hafa verið við völd í ellefu ár.

Sjálfstæðismenn unnu skemmdarverk á REI

Skemmdarverk Sjálfstæðisflokksins á vörumerkinu REI má líklega meta á milljarðatugi, segir Össur Skarphéðinsson iðnaðarráðherra á bloggi sínu dag. Hann er harðorður í garð Sjálfstæðismanna og segir harðvítugustu innanflokksátök seinni ára í Sjálfstæðisflokknum hafa nánast ónýtt vörumerki REI og stórskaðað viðskiptavild Orkuveitunnar.

Sex afgönsk skólabörn féllu í sjálfsvígsárás

Sex skólabörn týndu lífi og níu særðust, þar af þrír ítalskir starfsmenn mannúðarsamtaka, í sjálfsvígssprengjuárás í úthverfi Kabúl, höfuðborgar Afganistans, í morgun. Börnin voru að ganga út úr skólabyggingu nærri brú sem Ítölsku hjálparstarfsmennirnir aðstoðuðu við byggingu á. Árásarmaðurinn sprengdi sig í loft upp rétt við brúnna.

Réðust grímuklæddir og vopnaðir inn í verslun

Fimm til sex piltar sem réðust vopnaðir inn í verslun Dominons í Spönginni í Grafarvogi á ellefta tímanum í gærkvöldi eru enn ófundnir. Lögreglan hafði mikinn viðbúnað í hverfinu eftir að tilkynning barst um ránstilraun piltanna og stöðvuðu alla bíla á leið út úr Grafarvoginum.

Varað við hálku

Vegagerðin varar við hálku um allt land, Þá er snjóþekja víða en stórhríð í Mývatnssveit og skafrenningur víða á Austurlandi.

Starfsemi hafin á Tæknivöllum

Starfsemi er hafin á stærstum hluta iðnaðarsvæðis á svonefndum Tæknivöllum á Miðnesheiði. Að sögn Ríkharðs Ibsen, framkvæmdastjóra Lykil ráðgjafar, hafa 22 skemmur verið leigðar út og eftir standa þrjár skemmur. Meðal fyrirtækja á Tæknivöllum eru, ÍAV þjónusta ehf., Hringrás, Vélsmiðjan Völlur og Bílaleigan Geysir.

Vopnuð ránstilraun í Spönginni

Lögreglan lokaði Fjallkonuvegi á ellefta tímanum í kvöld vegna vopnaðrar ránstilraunar á pizzastaðnum Dominos í Spönginni.

Íbúðaverð mun áfram hækka á næstu árum

Íbúðaverð mun halda áfram að hækka á næstu árum þótt hægja muni verulega á hækkunarhraðanum. Framboð á fasteignamarkaði virðist hafa náð hámarki og mun heldur minnka á næstu árum, en háir vextir, erfiðara aðgengi að lánsfé og kólnandi vinnumarkaður munu draga úr eftirspurn á markaði næstu mánuði og ár.

Bifreið eyðilagðist í eldi

Eldur kviknaði í jeppabifreið sem var undir Eyjafjöllum, á leið vestur Suðurlandsveg, um hádegisbil í dag. Að sögn lögreglunnar á Hvolsvelli stöðvaði ökumaðurinn bifreiðina þegar hann sá rjúka upp með gírstönginni. Hann kallaði á slökkvilið úr Rangárvallarsýslunni sem kom og slökkti eldinn. Bifreiðin er talin mikið skemmd, ef ekki ónýt.

Byssumaður myrti fyrrverandi eiginkonu og þrjú börn sín

Fertugur byssumaður myrti fyrrverandi eiginkonu sína og þrjú börn þeirra í almenningsgarði í Maryland í Bandaríkjunum í gær. Lögregluþjónar fundu líkin í gærkvöld við eftirlit í garðinum. Börnin voru á leið til föður síns þegar hann framdi voðaverkið og ætluðu að dvelja hjá honum um stund. Hjónin skildu árið 2005 eftir stormasamt hjónaband og mikið heimilisofbeldi.

Þrjú voru flutt á slysadeild eftir bílveltu á Laugarvatnsvegi

Þrjú voru flutt á slysadeild eftir að bifreið valt á Laugarvatnsvegi við bæinn Efra Apavatni rétt fyrir klukkan sjö í kvöld. Bíllinn fór út af veginum og fór tvær veltur. Hálka og slabb er á veginum að sögn lögreglunnar á Selfossi. Fólkið er ekki talið alvarlega slasað að sögn lögreglu en bíllinn er hins vegar ónýtur.

Líbönum mistekst að kjósa forseta

Líbönskum þingmönnum mistókst í dag að kalla saman fund til að kjósa nýjan forseta. Kjörtímabili Emile Lahoud núverandi forseta lýkur á miðnætti í kvöld. Þingmenn stjórnarflokkanna höfðu vonað að hægt yrði að kjósa, en stjórnarandstaðan sem er höll undir Sýrland varð til þess að ekki náðist tilskilinn meyrihluti til að kjósa.

Alvarlegt bílslys í Hrútafirði

Tveir karlmenn slösuðust, annar alvarlega, þegar bíll valt í Hrútafirði norðan við Borðeyri rétt fyrir klukkan fimm í dag. Þyrla Landhelgisgæslunnar var kölluð til og flutti þá slösuðu til Reykjavíkur Að sögn lögreglunnar á Blönduósi er mikil hálka á veginum þar sem slysið varð.

Rafstuð fyrir hraðakstur

Það er heitt undir löggæsluyfirvöldum í Utah í Bandaríkjunum eftir að lögreglumaður þar varð uppvís af því að nota rafstuðbyssu á ökumann sem tekinn var fyrir of hraðan akstur. Myndband af atvikinu - sem varð í september síðastliðnum - var birt á netsíðunni YouTube í vikunni og hefur valdið fjaðrafoki.

Eldur af mannavöldum

Við rannsókn lögreglunnar í Vestmannaeyjum á bruna í húsnæðinu, þar sem veitingastaðurinn Kaffi Kró er, sem tilkynntur var til lögreglu um miðjan dag í gær kom í ljós að nokkur ungmenni undir 15 ára aldri höfðu verið inni í húsinu að fikta með eld.

Varað við bjartsýni

Ísraelar og Palestínumenn hafa ekki náð samkomulagi um dagskrá friðarráðstefnu í Maryland í Bandaríkjunum í næstu viku. Ríki Arababandalagsins boðuðu flest komu sína í dag og allt er nú reynt til að tryggja að Sýrlendingar mæti.

Sagður þurfa kraftaverk

John Howard - næst þaulsetnasti forsætisráðherra Ástralíu - berst nú fyrir pólitísku lífi sínu daginn fyrir þingkosningar í landinu. Því er spáð að Verkamannaflokkur Kevins Rudds fari með sigur af hólmi.

Davíð kallaði framsóknarmenn veimiltítur

Ný útgáfa að fjölmiðlafrumvarpi ríkisstjórnar Davíðs Oddssonar dagaði uppi eftir leynifund Guðna Ágústssonar þáverandi varaformanns Framsóknarflokksins með forseta Íslands, þar sem fram kom að forsetinn myndi óhikað og afdráttarlaust hafna frumvarpinu. Þetta kemur fram í nýrri ævisögu Guðna.

Óttast að borgarastyrjöld brjótist út

Óttast er að borgarastyrjöld brjótist aftur út í Líbanon. Andstæðum fylkingum á þingi tókst ekki að velja forseta í dag og landið því forsetalaust frá miðnætti. Her landsins er í viðbragðsstöðu.

IKEA innkallar eitraðar dýnur

IKEA í Þýskalandi hefur innkallað tvær eitraðar dýnutegundir í fjórum löndum. Sams konar dýnur eru seldar hér á landi en þær munu ekki vera eitraðar.

Einkaþotur háværari en farþegavélar

Einkaþota gefur frá sér meiri hávaða en farþegaflugvél þegar horft er til lendingar. Kvörtunum vegna hávaða frá Reykjavíkurflugvelli fer fjölgandi.

Sádi-Arabar taka þátt í friðarráðstefnu

Sádi-Arabar segjast munu taka þátt í friðarráðstefnu Miðausturlanda sem fram fer í Annapolis í Bandaríkjunum í næstu viku. Saud al-Faisal prins og utanríkisráðherra Sádi-Arabíu sagði að hann myndi fara á ráðstefnuna í Maryland, en að það yrðu engar „leiksýningar“ með ísraelskum embættismönnum.

Lögregla truflaði sýningu hryllingsmyndar

Lögregla fékk tilkynningu í dag frá manni sem hélt að nágrannar sínir væru í neyð staddir inni í íbúð sinni. Lögreglan brást skjótt við en þegar barið var á dyr hjá fólkinu sem óttast var um, kom kona á þrítugsaldri til dyra og furðaði sig mjög á þessari heimsókn lögreglunnar.

Háskóli Íslands hyggst stórefla matvælarannsóknir

Háskóli Íslands stefnir að því að fjölga verulega nemendum í grunn- og framhaldsnámi í matvælafræðum, matvælaverkfræði, líftækni og matvælaöryggi, samkvæmt samstarfssamningi sem HÍ og Matís hafa undirritað.

Starfsmenntaverðlaunin 2007 afhent

Icelandair, Miðstöð símenntunar á Suðurnesjum og Þórunn H. Sveinbjörnsdóttir hlutu Starfsmenntaverðlaunin 2007 sem afhent voru í húsi BSRB á fimmta tímanum í dag.

Helgi í Góu dæmdur til að greiða 200 þúsund í sekt

Helgi Vilhjálmsson athafnamaður, oft kenndur við Góu, var í Héraðsdómi Reykjaness í dag dæmdur til að greiða 200 þúsund krónur í sekt til ríkissjóðs fyrir að hafa ráðið til sín í vinnu þrjár konur sem ekki höfðu tilskilinn atvinnu og dvalarleyfi.

Ekki stjórnarfundur hjá OR fyrr en í næstu viku

Bryndís Hlöðversdóttir, stjórnarformaður Orkuveitu Reykjavíkur, segir að ekki verði boðað til stjórnarfundar í Orkuveitunni fyrr en í næstu viku til þess að ræða málefni REI.

Þrír sakfelldir fyrir að leggja á ráðin um hryðjuverk

Þrír menn voru í Eystri landsrétti í dag sakfelldir fyrir að leggja á ráðin um hryðjuverk í svokölluðu Vollsmose-máli í Danmörku.

Tveir úr Fáskrúðsfjarðarmáli hafa áður siglt skútu til Íslands

Vísir hefur fyrir því öruggar heimildir að Guðbjarni Traustason, sem sigldi seglskútu fullri af fíkniefnum til Fáskrúðsfjarðar um miðjan september, hafi siglt seglskútu hingað til lands haustið 2005.

Skjárinn segir upp 13 manns

Skjárinn, sem rekur meðal annars SkjáEinn, hyggst segja upp 13 fastráðnum starfsmönnum sem starfað hafa við framleiðslu á innlendu efni og hyggst í staðinn semja við framleiðslufyrirtæki um innlenda framleiðslu fyrirtækisins.

Brúðkaup blásið af vegna skalla

Indverskur maður var laminn af tilvonandi eiginkonu sinni og tengdafjölskyldu eftir að þau komust að því að hann hafði fallið skalla með hárkollu. Prabir Das frá Assam á Indlandi sagði lögreglu að kærastan hefði rifið hárkolluna af honum eftir kvöldverð og ráðist á hann fyrir að fela kollinn.

Kópavogsbær opnar eigin vatnsveitu

Kópavogsbær er orðinn sjálfur sér nægur um vatn eftir að vatnsveita bæjarins var opnuð í dag.

Tvísköttunarsamningur gerður við Indverja

Árni Mathiesen fjármálaráðherra undirritaði í dag ásamt starfsbróður sínum á Indlandi samning milli landanna til þess að koma í veg fyrir tvísköttun.

Stal nýjum gallabuxum en skildi gamlar eftir

Lögreglan á höfuborgarsvæðinu hafði afskipti af tveimur bíræfnum 14 ára stúlkum sem rænt höfðu gallabuxum og snyrtivörum í Smáralind.

Guðmundur í Byrginu kærir þjófnað

Guðmundur Jónsson, kenndur við líknarfélagið Byrgið, kærði í byrjun nóvember þjófnað á munum sem hann segir tilheyra Byrginu. Kæran kom í kjölfarið á því að karlmaður fór upp á Efri-Brú, þar sem Byrgið var rekið áður en því var lokað vegna gruns um fjármálamisferli, og fékk afhenta muni og varning sem þar var geymdur í læstri geymslu.

Asíuríki reyna að ná samkomulagi í loftlagsmálum

Leiðtogar Asíuríkja reyna að stilla saman strengi sína fyrir ráðstefnu um loftslagsmál sem hefst á Balí í Indónesíu í næsta mánuði. Sérlegur sendifulltrúi Sameinuðu þjóðanna í loftslagsmálum segir mikilvægt að ríki álfunnar taki þátt í umræðunum á Balí af fulltri alvöru svo árangur náist.

Það er dýrt að fyll´ann

25 ára gamall karlmaður var dæmdur í Héraðsdómi í tveggja mánaða fangelsi fyrir að dæla bensíni á bíl sinn og aka á brott án þess að borga.

Tíu látnir í sprengjuárásum á Indlandi

Að minnsta kosti tíu týndu lífi og fjölmargir særðust þegar þrjár sprengjur sprungu nær samtímis í dómshúsum í þremur borgum í norðurhluta Indlands í morgun.

Sala á Íbúðalánasjóði hemur verðbólguvæntingar

Sala á Íbúðalánasjóði væri mikilvægt skref til að hemja verðbólguvæntingar og skapa skilyrði fyrir lækkun stýrivaxta, segja forstjóri Askar Capital og stjórnarformaður Milestone.

Ungur innbrotsþjófur dæmdur

Þrír karlmenn, á aldrinum 17 til 23 ára voru í dag dæmdir fyrir nokkur innbrot sem þeir frömdu fyrr á þessu ári. Mennirnir rændu meðal annars flatskjám, fartölvum og stafrænum myndavél. Einn mannana var aðeins 16 ára gamall þegar brotin voru framin,

Mikilvægt að leiða mál REI til lykta sem fyrst

„Þetta er niðurstaðan og ég held að það felist í orðanna hljóðan að í samkomulagi geti báðir aðilar unað við sitt,“ segir Bjarni Ármannsson, stjórnarformaður Reykjavik Energy Invest, um það samkomulag sem Orkuveita Reykjavíkur hefur gert við hann og Jón Diðrik Jónsson.

Sköðuðust ekki í eiturefnaleka í Írafossi

Öll sex manna áhöfn flutningaskipsins Írafoss var flutt til skoðunar á eiturefnadeild Landsspítalans í gærkvöldi, eftir að eitruð efni bárust inn í vistarverur skipverja. Engin skaðaðist varanlega.

Bjarni stjórnarformaður REI til áramóta

Orkuveita Reykjavíkur annars vegar og eignarhaldsfélög Bjarna Ármannssonar og Jóns Diðriks Jónssonar hins vegar hafa komist að samkomulagi um að Orkuveitan kaupi aftur það hlutafé í Reykjavik Energy Invest sem þau lögðu inn í félagið í september síðastliðnum.