Ríkissaksóknari áfrýjar dómi í kókaínmáli

Ríkissaksóknari hefur ákveðið að áfrýja sýknudómi yfir tveimur mönnum sem ákærðir voru fyrir innflutning á fjórum kílóum af kókaíni í lok síðasta árs. Mennirnir voru sýknaðir í Héraðsdómi Reykjavíkur þann 12. júlí síðastliðinn.

Hundur skaut eigandann í bakið

Hundurinn King George er afskaplega ljúfur og vingjarnlegur og tekur vel á móti gestum sem koma til húsbónda hans í Memphis í Tennessee. King George er sjötíu kílóa risi af tegundinni Great Dane. Það gekk því mikið á hjá honum þegar dyrabjöllunni var hringt um daginn og eigandinn fór til dyra. King George þeyttist í gegnum íbúðina til þess að taka líka á móti gestunum.

Verkfalli þýskra lestarstjóra frestað

Verkfalli þýskra lestarstjóra sem átti að hefjast á morgun hefur verið frestað um óákveðinn tíma. Þýskur dómstóll úrskurðaði í morgun að verkfallið væri ólöglegt.

Tourette-einkenni hurfu eftir náttúrulækningar

Þegar sonur Heiðu Bjarkar Sturludóttur greindist með Tourette heilkenni, leist henni illa á þá hugmynd að setja son sinn á lyf. Hún taldi að strákurinn myndi fitna í kjölfarið og finna fyrir þunglyndiseinkennum. Heiða setti sig því í samband við homopata og ákvað að beita aðferðum náttúrulækninga við að fást við vandann.

Vill banna Kóraninn í Hollandi

Hollenski þingmaðurinn Geert Wilders vill láta banna Kóraninn í Hollandi. Hann kallar Kóraninn fasistarit og líkir honum við bók Hitlers, Mein Kampf. Í grein í hollensku dagblaði í dag segir Wilders; Bönnum þessa ömurlegu bók eins og Mein Kampf er bönnuð. Sendum múslimum þau skilaboð að Kóraninn verður ekki notaður til að æsa til ofbeldis í þessu landi."

Enn ein nauðgunin á Sunny Beach í Búlgaríu

Ekkert lát virðist vera á nauðgunum og ofbeldi á Sunny Beach í Búlgaríu. Um síðustu helgi var 17 ára norskri stúlku nauðgað eftir að henni var byrluð ólyfjan. Ströndin er fyrir löngu orðin alræmd á Norðurlöndum og gengur meðal annars undir viðurnefninu Nauðgunarströndin.

Felur eistun fyrir lögreglunni

Lögreglan í Minnesota í Bandaríkjunum leitar nú logandi ljósi að eistunum af Russell Daniel Angusi. Þau eru horfin og Russell Daniel Angus neitar að upplýsa hvar þau eru niðurkomin. Málið hófst með því að Russell leitaði til lækna til þess að láta fjarlægja eistun. Hann hélt því fram að þau yllu sér miklum kvölum. Russell er 62 ára gamall.

Óttast um hunda í bílum yfir sumartímann

Dýraverndunarsamtök í Danmörku vara hundaeigendur við því að skilja hunda sína eftir í bílnum nú yfir sumartímann þar sem þeir geti drepist úr hita.

Björgunaðgerðum í Utah frestað

Björgunarsveitarmönnum í Utah fylki í Bandaríkjunum hefur enn ekki tekist að bjarga sex námaverkamönnum sem urðu innlyksa þegar námurnar féllu saman á mánudaginn. Fresta þurfti björgunaraðgerðum í morgun vegna jarðskjálfta á svæðinu.

Rússar hvattir til að láta af ásökunum

Bandarísk yfirvöld hafa hvatt Rússa til þess að láta af ásökunum sínum í garð Georgíumanna í kjölfar þess að flugskeyti var skotið á smábæ í Georgíu síðastliðinn mánudag. Georgíumenn hafa fullyrt að flugskeytinu hafi verið skotið úr rússneskri herþotu en Rússar hafa sakað Georgíumenn um að hafa sjálfir skotið flugskeytinu í því augnamiði að valda spennu á milli ríkjanna.

Kveikt í á Klambratúni

Kveikt var í afklippum af trjám á Klambratúni nú fyrr í kvöld. Að sögn vakstjóra hjá Slökkviliði höfuðborgarsvæðisins var um að ræða haug af trjágreinum sem borgarstarfsmenn höfðu safnað saman af svæðinu.

Fjölskylda frá Monakó slapp ómeidd úr bílveltu

Mildi þykir að ekki fór verr þegar jeppabifreið frá bílaleigu valt á Landsvegi síðdegis í dag. Fimm manna fjölskylda frá Mónakó var um borð í bílnum, hjón með þrjá unglinga og sluppu þau öll með minniháttar skrámur. Jeppinn er hins vegar mikið skemmdur og jafnvel talinn ónýtur.

Erill hjá Landsbjörgu um helgina

Björgunarsveitir Slysavarnafélagsins Landsbjargar voru kallaðar út í átta verkefni um verslunarmannahelgina og voru mörg hundruð liðsmanna sveitanna að störfum. Í fjögur skipti var um að ræða leit að einstaklingum og í þrjú skipti þurftu björgunarsveitamenn að koma slösuðum til hjálpar.

32 barna faðir látinn laus

Tom Green, 59 ára gamall maður frá Utah fylki í Bandaríkjunum, var látinn laus úr fangelsi í dag eftir að hafa afplánað sex ára dóm fyrir að hafa mök við 13 ára stúlku. Í dag er stúlkan eiginkona mannsins, og sú eina sem hann er lögregla kvæntur.

Forvarnir virka

Svo virðist sem öflugt forvarnastarf karlahóps femínistafélagsins sé að skila sér um verslunarmannahelgar því engar nauðganir voru tilkynntar til neyðarmóttöku þetta árið.

Stolin Picasso málverk komin í leitirnar

Lögreglan í París hefur fundið tvö málverk og teikningu eftir Pablo Picasso sem stolið var á heimili barnabarns listamannsins í febrúar síðastliðinn. Samanlagt verðmæti verkanna er talið nema 50 milljónum evra, eða tæpum hálfum milljarði íslenskra króna.

Kínverskir Netfíklar sendir í sumarbúðir

Kínversk stjórnvöld hafa í hyggju að starfrækja sumarbúðir þar sem markmiðið er að venja 40 ungmenni af Netfíkn sinni. Um er að ræða tilraunaverkefni en samkvæmt opinberum tölum frá yfirvöldum í Kína þjást um 2,6 milljónir ungmenna í landinu af Netfíkn.

Iðnaðarráðherra vill breyta lögum um FIT-kostnað

Björgvin G. Sigurðsson, viðskiptaráðherra, segir nauðsynlegt að endurskoða lög fjármálastofnana um innheimtu svokallaðs FIT-kosnaðar rækilega. Bankar innheimta FIT-kostnað þegar fólk fer yfir á reikningum. Björgvin telur núverandi lög byggð á veikum grunni og því sé nauðsynlegt að breyta þeim.

Ekki hafa allir sem vilja fengið bílastæðaskífur

Eigendur vistvænna bíla hafa margir hverjir lent í vandræðum með að fá bílastæðaskífur sem veita þeim rétt til að leggja ókeypis í Reykjavík. Aðeins voru útbúnar tvö hundruð skífur en alls eru fjórtán hundruð vistvænir bílar á götum landsins.

Feðgar báru sjálfir út póst úr týndri pósttösku

Feðgar í Reykjavík báru sjálfir út póst í hverfinu sínu, eftir að hafa beðið í tvo daga eftir því að Íslandspóstur næði í pósttösku sem lá á glámbekk í götunni. Íslandspóstur segir að bréfberum sé heimilt að skilja pósttöskur eftir á svokölluðum „öruggum svæðum“, en atvikið sýni að endurskoða þurfi þær reglur.

Maður ósáttur við að Neyðarlínan brást ekki við símtali hans

Maður sem hringdi á Neyðarlínuna þegar ókunnugur maður gekk inní svefnherbergi hans um miðja nótt, gagnrýnir að Neyðarlínan hafi ekki komið honum til hjálpar. Maðurinn hringdi tvisvar í Neyðarlínuna, en þagði til að fæla ekki hinn óboðna gest. Samkvæmt verklagsreglum Neyðarlínunnar greina neyðarverðir slík símtöl, til að meta hvort raunveruleg þörf sé á aðstoð.

Nafn mannsins sem lést

Maðurinn sem lét lífið í umferðarslysi á Laugarvatnsvegi í gær hét Eiríkur Óli Gylfason. Hann var búsettur í Skriðuseli 4 í Reykjavík. Eiríkur Óli var fæddur árið 1981 og lætur eftir sig unnustu og barn.

Umhverfisráðherra vill skerpa á eftirlitshlutverki sveitarstjórna varðandi smávirkjanir

Umhverfisráðherra segir að skerpa þurfi á eftirlitshlutverki sveitarstjórna og möguleika þeirra á að grípa inn þegar framkvæmdaaðilar smærri virkjana fylgi ekki framkvæmdaáætlunum. Skipaður hefur verið starfshópur til að endurskoða hvernig leyfisveitingum og eftirliti er háttað vegna slíkra framkvæmda.

Blóð á veggjum hótelherbergisins

Portúgalskir miðlar greina frá því í dag að blóð hafi fundist á veggjum hótelherbergis þaðan sem breska stúlkan Madeleine McCann hvarf fyrir rúmum þremur mánuðum. Foreldrar stúlkunnar segjast fullvissir um að stúlkan hafi verið numin þaðan lifandi á brott.

Hústökumönnum hent út

Ísraelskir lögreglumenn þurftu að beita landa sína hörðu þegar þeir hentu þeim út úr húsi á Vesturbakkanum í dag. Hústökumenn höfðu hreiðrað þar um sig þrátt fyrir úrskurð hæstaréttar Ísraels um að það mættu þeir ekki. Glæpur segja hústökumenn.

Hálslón að verða fullt

Mun hraðar hefur runnið í Hálslón en áætlað var og vantar nú aðeins rúma 10 metra upp á að það verði fullt. Raforkuframleiðsla á að hefjast þar í október og hyggjast forsvarsmenn Kárahnjúkavirkjunar stýra streyminu síðustu metrana meðan gengið er frá yfirfalli Kárahnjúkastíflu.

Ferðamönnum fjölgar í Drekagili

Ferðamannastraumur um hálendi Íslands hefur aukist mikið að undanförnu. Herðubreiðarlindir sem áður voru einn vinsælasti áningastaðurinn á Sprengisandsleið hafa nú þurft að lúta í lægra haldi fyrir öðrum áningastað, Drekagili.

Samkeppni virkari en áður hjá olíufélögunum

Virkari samkeppni á olíumarkaðnum hérlendis varð til þess að afkoma olíufyrirtækjanna er lakari nú en fyrri ár. Slegist er um hvern viðskiptavin að sögn Alberts Þórs Magnússonar, framkvæmdrastjóra Atlantsolíu.

Ekki ákveðið hvort bólusett verður

Gin- og klaufaveiki hefur greinst á öðru nautgripabúi í Suður-Englandi og óttast að veikin hafi einnig greinst á því þriðja. Ekki hefur verið ákveðið hvort skepnur á Englandi verði nú bólusettar við veikinni í stórum stíl.

Kapphlaup við tímann

Björgunarmenn í Utah í Bandaríkjunum eru nú í kapphlaupi við tímann að bjarga 6 námaverkamönnum sem festust í kolanámu sem féll saman snemma í gær. Náman er rúmlega 450 metra niðri í jörðinni. Björgunarmenn hafa enn ekki náð sambandi við námaverkamennina og því ekki vitað með vissu að þeir séu enn á lífi.

Fréttir Stöðvar 2 í lokaðri dagskrá vegna bilunnar

Sökum tækniörðugleika eru fréttir Stöðvar 2 nú sendar út í lokaðri dagskrá. Verið er að vinna í því að laga bilunina og eru áhorfendur beðnir velvirðingar á óþægindunum.

Rafmagnslaust á stórum hluta landsins í dag

Rafmangslaust varð á stórum hluta Íslands í dag þegar mistök starfsmanns og mikið álag á landsnetinu urðu til þess að byggðarlínu Landsnets sló út. Ólíklegt þykir að Landsnet sé skaðabótaskylt vegna tjóns sem viðskiptavinir þess hafi orðið fyrir í rafmagnsleysinu sem varði í allt að eina og hálfa klukkustund.

37 umferðaróhöpp og 15 afstungur

37 umferðaróhöpp voru tilkynnt til lögreglunnar á höfuðborgarsvæðinu um verslunarmannahelgina. Tvö óhappana má rekja til ölvunaraksturs en athygli vekur að í 15 tilfellum af þessum 37 reyndu ökumenn að stinga af eftir óhappið og segir lögregla það óvenju hátt hlutfall.

Tvöhundruð bílastæðaskífur komnar í umferð

Fyrsta sendingin af bílastæðaskífum sem ökumenn á visthæfum bifreiðum í Reykjavík geta notað til að leggja frítt. „Tvö hundruð skífur voru gerðar og þeim dreift á bílaumboðin, “ segir Pálmi F. Randversson hjá Umhverfissviði borgarinnar. Um 800 visthæfar bifreiðar eru á götum borgarinnar, enn sem komið er.

Heitavatnslaust í Staðarhverfinu

Heitavatnslögn er liggur í Staðahverfið í Grafarvogi fór í sundur um kl. 15:30 í dag - þriðjudag. Unnið er að viðgerð og vonast er til að heitt vatn verði komið á um kl. 21 í kvöld.

Stöðvaður tvívegis sama daginn fyrir ölvunarakstur

Tólf ökumenn voru teknir fyrir aka undir áhrifum fíkniefna í umdæmi lögreglunnar á höfuðborgarsvæðinu um verslunarmannahelgina. Tveir voru stöðvaðir í Kópavogi en hinir tíu víðsvegar í Reykjavík. Annar ökumannanna sem var tekinn fyrir þessar sakir í Kópavogi var stöðvaður fyrir þetta brot tvisvar sinnum á innan við sólarhring.

Hvað eiga Tinni og John Wayne sameiginlegt

Kongóskur námsmaður í Belgíu hefur höfðað mál til þess að fá bókina Tinni í Kongó skilgreinda sem kynþáttafordóma. Hann vill láta fjarlægja hana úr bókabúðum. Hann vill einnig fá eina evru sem táknrænar skaðabætur frá fyrirtækinu sem á útgáfurétt að Tinna bókunum. Jafnréttisráð Bretlands hvatti fyrr á þessu ári bókabúðir til þess að fjarlægja fyrrnefnda Tinna bók úr hillum sínum. Sala á bókinni fór þá upp eins og raketta.

Sádar styðja landamæraskilgreiningu Ísraels

Sádi-Arabar virðast styðja þá afstöðu Ísraels og Bandaríkjanna að Ísraelar þurfi ekki að skila öllu landi sem hertekið var í sex daga stríðinu árið 1967. Saud-al Faisal utanríkisráðherra landsins talaði í dag um raunhæft sjálfstætt ríki Palestínumanna. Bæði Ísraelar og Bandaríkjamenn hafa notað orðin raunhæft ríki eða raunhæf landamæri hins nýja ríkis Palestínumanna.

Slökkt á sónar til verndar hvölum

Bandaríska sjóhernum hefur verið bannað að nota sónarbúnað sem er á mið-tíðni á heræfingum við strendur Kaliforníu fram til loka ársins 2009. Alríkisdómstóll dæmdi dýraverndunarsinnum í hag, sem héldu því fram að tækin hefðu slæm áhrif á sjávarspendýr á svæðinu.

Rafmagn allsstaðar komið á

Rafmagn er nú komið á allstaðar á landinu, bæði hjá almenningi og stóriðjufyrirtækjum, samkvæmt upplýsingum frá Landsneti. Álverin hafa fengið heimild fyrir fullri notkun rafmagns.

Kynferðisbrotadeild rannsakar mál 5 ára gamallar stúlku

Kynferðisbrotadeild lögreglunnar á höfuðborgarsvæðinu rannsakar nú mál fimm ára gamallar stúlku sem hefur sakað fullorðin karlmann um að hafa áreitt sig kynferðislega í Laugarneshverfinu þann 30. júní síðastliðinn. Skýrsla hefur verið tekin af barninu og meintum geranda og búist er við að málið verði sent ríkissaksóknara fyrir vikulok. Foreldrar í hverfinu hafa verið varaðir við manninum.

Móses fékk ekki að endurtaka leikinn

Samkvæmt Biblíunni leiddi Móses Gyðinga út úr Egyptalandi. Þegar þeir komu að Rauða hafinu lyfti hann staf sínum og skildi að hafið, þannig að Gyðingar gengu þar yfir þurrum fótum. En Guð lét vötnin falla yfir her Faraós sem á eftir kom og hafið gleypti hann.

Hálslón að fyllast

Ekki er búist að Hálslón verði fullt fyrr enn skömmu áður en raforkuframleiðsla á að hefjast í október. Aðeins vantar rúma tíu metra upp á að lónið verði fullt en forsvarsmenn Kárahnjúkavirkjunar hyggjast stýra streyminu síðustu metrana vegna frágangsvinnu sem eftir er á yfirfalli Kárahnjúkastíflu.

Stebba snitsel stungið í steininn

Stefán býr í Berlín. Hann er 160 kíló að þyngd og þarf því matinn sinn og vel af honum. Stefán heldur sérstaklega upp á vínarsnitsel og pantar það oft á veitingastöðum sem hann sækir. Með matnum drekkur hann býsnin öll af bjór. Þetta væri svosem ekki fréttnæmt nema vegna þess að Stefáni láist jafnan að borga fyrir matinn.

Mun færri fíkniefnamál á útihátíðum en í fyrra

Fíkniefnamál um nýliðna verslunarmannahelgi virðast hafa verið einungis fjórðungur af þeim fjölda mála sem komu upp í fyrra. Lögregla telur að þetta megi meðal annars þakka öflugu eftirliti fyrir og um helgina.