Hjörleifur sýnir ljósmyndir sínar

Náttúra Íslands hefur verið myndefni Hjörleifs Guttormssonar náttúrufræðings í fjölda ára. Sýning í tilefni 70 ára afmælis hans var opnuð í Öskju, náttúrufræðahúsi Háskóla Íslands í dag en allar myndirnar á sýningunni er teknar af Hjörleifi sjálfum.

Landsbankinn selur hlut sinn í Carnegie fjárfestingarbankanum

Landsbankinn ætlar að selja allan eignarhlut sinn í sænska fjárfestingarbankanum Carnegie. Landsbankinn á nú tæplega tuttugu prósent í bankanum og er stærsti hluthafinn í Carnegie. Markaðsvirði hlutarins miðað við lokagengi dagsins er tuttugu og þrír milljarðar króna.

Sundabraut í göng fyrsti kostur

Fyrsti valkostur við lagningu Sundabrautar er að leggja hana í göng segir Dagur B. Eggertsson, borgarstjóraefni Samfylkingarinnar. Hann segir að nú snúi upp á Sturlu Böðvarsson samgönguráðherra að tryggja fjármögnun framkvæmdarinnar.

Ung kona flutt á slysadeild

Árekstur varð á Stórhöfða nú á sjötta tímanum. Að minnsta kosti einn var fluttur á slysadeild Landspítala-háskólasjúkrahús en ekki er vitað með meiðsl hans að svo stöddu.

Fjármálaráðherra Svartfjallalands kynnir sér íslenskt efnahagslíf

Igor Luksic, fjármálaráðherra Svartfjallalands, kom í dag í stutta heimsókn til Íslands. Tilgangur heimsóknarinnar var að kynna sér íslenska efnahagslífið og þær breytingar sem það hefur gengið í gegnum á síðustu árum.

Gætu byrjað á tvöföldun á Kjalarnesi

Samgönguráðherra telur koma til greina að byrja framkvæmdir vegna lagningar Sundabrautar á Kjalarnesi. Þannig megi losa Sundabrautina úr gíslingu borgarstjórnar Reykjavíkur.

Ráðamenn í Indlandi og Pakistan hefja viðræður

Ráðamenn í Indlandi og Pakistan hafa ákveðið að hefja viðræður um hvernig megi tryggja að ekki komi til kjarnorkustríðs milli landanna fyrir slysni eða misskilning. Beggja vegna landamæranna ríkir almenn bjartsýni vegna viðræðnanna og telja ráðamenn þær vera skref í rétta átt í samskiptum Indlands og Pakistans.

Þrjú þúsund manns hafa flúið heimili sín í norðausturhluta Sri Lanka

Um þrjú þúsund manns hafa flúið heimili sín í norðausturhluta Sri Lanka eftir að stjórnarherinn hóf loftárásir gegn Tamíltígrunum, í kjölfar sjálfsmorðssprengjuatlögu að einum helsta hershöfðingja Sri Lanka í gær. Tamíltígrar hafa ekki lýst sjálfsmorðssprengjunni á hendur sér.

Málum fjölgar mjög hjá Samkeppniseftirlitinu

Málum sem Samkeppniseftirlitið fær til meðferðar hefur fjölgað mikið undanfarnar vikur. Elsta málið sem er nú á borðum eftirlitsins er tæplega fimm ára gamalt. Þetta kom fram í máli viðskiptaráðherra í fyrirspurnartíma á Alþingi í dag.

Lögð fram drög um hjónaband samkynhneigðra

Á prestastefnu 2006 í dag voru lögð fram drög að ályktun kenningarnefndar Þjóðkirkjunnar um að staðfesta samvist samkynhneigðra. Drögin verða til umræðu á prestastefnunni.

Eimskip og Kiwanis gefa öllum 7 ára börnum reiðhjólahjálma

Á næstu vikum mun Kiwanishreyfingin gefa öllum börnum í 1. bekk í grunnskólum landsins reiðhjólahjálma. Um er að ræða sérstakt átak í samvinnu Kiwanishreyfingarinnar og Eimskips en auki nýtur verkefnið aðstoðar Lýðheilsustöðvar. Alls verður 4.500 reiðhjólahjálmum dreift í ár og er heildarverðmæti verkefnisins um 23 milljónir kr.

Tveir sjálfsmorðssprengjumenn sprengdu sig í loft upp

Tveir sjálfsmorðssprengjumenn sprengdu sig í loft upp á norðausturhorni Sínaískaga nú í morgun. Sprengjurnar urðu sem betur fer engum nema þeim sjálfum að bana en þeir stóðu við alþjóðlega friðargæslustöð um sextán kílómetra frá ísraelsku landamærunum.

RÚV-frumvarpið ekki afgreitt úr nefnd

Frumvarp til laga um Ríkisútvarpið var ekki afgreitt úr menntamálanefnd Alþingis á fundi nefndarinnar í dag. Sigurður Kári Kristjánsson, formaður nefndarinnar, sagði fyrir fundinn að athuga ætti hvort unnt væri að lægja öldurnar á milli stjórnar og stjórnarandstöðu í afstöðunni til frumvarpsins.

Byrji Sundabraut norðanfrá

Sturla Böðvarsson samgönguráðherra vill láta athuga hvort rétt sé að hefja lagningu Sundabrautar að norðanverðu, byrja á Kjalarnesi en ekki í Reykjavík.

Hvalfjarðargöngum lokað í nótt

Hvalfjarðargöngum verður lokað kl. 1 í nótt og gert er ráð fyrir að þau verði lokuð í þrjár til fjórar klukkustundir. Ástæða lokunar er að RARIK er að skiptir um spenna í dreifikerfi sínu í nótt og tekur af rafmagn á meðan bæði norðan og sunnan Hvalfjarðar.

Framsókn sækir fram í Fjarðabyggð

Framsóknarmenn sækja í sig veðrið í Fjarðabyggð samkvæmt könnun sem Félagsvísindastofnun gerði fyrir NFS. Þetta er fyrsta jákvæða könnunin fyrir Framsókn úr borgarafundaröð NFS.

Formaður ÖBÍ vill skýr svör frá stjórnmálaflokkunum

Enginn hefur komið vel út úr stríði stjórnvalda og öryrkja, og því nauðsynlegt að beita öðrum aðferðum í framtíðinni, að sögn formanns Öryrkjabandalagins. Hann vill skýr svör frá stjórnmálaflokkunum fyrir sveitarstjórnarkosningarnar í vor hvernig þeir hyggist taka þátt í mótun betra velferðarkerfis.

Glitnir spáir 1,5% hækkun vísitölu neysluverðs

Útlit er fyrir 1,5% hækkun vísitölu neysluverðs á milli apríl og maí. Gengislækkun krónunnar skilar sér hratt í almennt verðlag um þessar mundir og flest leggst á eitt við hækkun verðlags, en þetta kemur fram á vef Glitnis.

Erlendir blaðamenn hér á landi vegna tónlistarhátíðarinnar Vorblót

Blaðamenn frá tímaritunum Mojo og Songlines og Breska ríkisútvarpinu BBC eru meðal þeirra erlendu fjölmiðla sem koma hingað til lands vegna tónlistarhátíðarinnar Vorblót, eða Rite of Spring eins og hátíðin er titluð erlendis.

Vefur Seltjarnarnesbæjar aðgengilegasti sveitarfélagavefurinn

Vefur Seltjarnarnesbæjar, www.seltjarnarnes.is, fékk á dögunum vottun vefráðgjafarfyrirtækisins Sjá og Öryrkjabandalags Íslands um að standast kröfur um aðgengi fyrir fatlaða.

Biskup vísar í ábyrgð valnefndar

Biskup vísaði í ábyrgð valnefndar við val á sóknarpresti í Keflavík í ávarpi sínu á prestastefnu í gær. Ósátt sóknarbörn Keflavíkursóknar gerðu aðsúg að biskupi og prestum þar sem þeir gengu í fullum skrúða inn í Keflavíkurkirkju þar sem prestastefna fór fram.

Lögreglumenn ósáttir eftir dóm í gær

Lögreglumenn telja ótækt að misindismenn hljóti mun vægari dóma fyrir að ráðast á lögreglumenn en á sýslumenn, eins og nýtt dæmi bendir til.Það var þegar Héraðsdómur Reykjavíkur dæmdi mann í gær í fjögurra mánaða skilorðsbundið fangelsi fyrir að hafa stofnað lífi og heilsu lögreglumanns við skyldustörf í hættu, sem lögreglumenn telja mun vægari dóm en maður hlaut nýverið fyrir að hafa stjakað við sýslumanni Árnessýslu, þótt dómurinn hafi tekið til jafn margra mánaða, neda hafi brotið gegn lögreglumanninum verið mun alvarlegra

Economist stendur fyrir hringborðsumræðum um íslensk efnahagsmál

Breska fjármálatímaritið the Economist stendur fyrir hringborðsumræðum um íslensk efnahagsmál í Reykjavík í næsta mánuði. Innlendir og erlendir athafna- og stjórnmálamenn munu taka þátt í umræðunum. Rætt verður hvort umræðan um íslensk efnahagsmál endurspegli alvöru óveður eða storm í vatnsglasi.

Borgarstjórn Reykjavíkur felldi tillögu Ólafs F. Magnússonar

Borgarstjórn Reykjavíkur felldi tillögu Ólafs F. Magnússonar, borgarfulltrúa F-lista á fundi sínum í dag , um að horfið yrði frá brottflutningi Reykjavíkurflugvallar úr Vatnsmýrinni með 14 atkvæðum allra borgarfulltrúa Sjálfstæðisflokks og R-lista, gegn atvæði Ólafs.

Dettifossveg vestan Jökulsár á Fjöllum eru mistök

Stjórn Landverndar telur að verið sé að gera grundvallar mistök með áætlunum um Dettifossveg vestan Jökulsár á Fjöllum og telur að vænlegra sé að byggja upp heilsársveg austan árinnar.

Rússar skjóta upp gervihnetti fyrir Ísraelsmenn

Rússar skutu í gær upp gervihnetti fyrir Ísraelsmenn, sem ætlað er að njósna um kjarnorkutilraunir Íraka. Ísraelsmenn hafa árum saman litið á Írak sem einn sinna helstu óvina. Samkvæmt rússneskum yfirvöldum komst gervihnötturinn á sporbaug en ekki er enn víst hvort hann virki sem skyldi eftir skotið.

Öldurnar lægðar í afstöðunni til RÚV-frumvarpsins?

Frumvarp til laga um Ríkisútvarpið verður til umfjöllunar á fundi menntamálanefndar Alþingis í dag sem hefst klukkan hálf ellefu. Að sögn Sigurðar Kára Kristjánssonar, formanns nefndarinnar, verður athugað hvort unnt sé að lægja öldurnar á milli stjórnar og stjórnarandstöðu í afstöðunni til frumvarpsins.

Línuhönnun fær Kuðunginn

Það eru hreinar línur hjá ráðgjafa- og verkfræðistofunni Línuhönnun, en fyrirtækið hlaut í gær viðurkenningu umhverfisráðuneytisins fyrir að hafa umhverfissjónarmið að leiðarljósi í verkefnum sínum. Verðlaunin, sem kölluð eru „Kuðungurinn", voru afhent í tengslum við hátíðar- og fræðslufund um endurnýtingar- og úrvinnslumál sem fram fór á Grand Hótel í tilefni Dags umhverfisins.

Laun ófaglærðs starfsfólks á dvalar- og hjúkrunarheimilum hækkuð

Samtök fyrirtækja í heilbrigðisþjónustu ákváðu að hækka laun ófaglærðs starfsfólks á dvalar- og hjúkrunarheimilum eftir að það slitnaði upp úr viðræðum þeirra í gær. Talsmaður starfsmannanna segir þessa einhliða ákvörðun ekki eðlilega starfshætti og segir að hækkunin hefði strax átt að taka gildi.

Viðræður um framtíð varna Íslands verður fram haldið í dag og á morgun

Viðræður um framtíð varna Íslands verður fram haldið í dag og á morgun. Ekki er búist við að neinar niðurstöður liggi fyrir eftir fundinn í dag en vonast er til að á morgun hafi framtíðarhorfurnar eitthvað skýrst. Verktakar vinna nú hörðum höndum að því að pakka niður búslóðum varnarliðsmanna og flytur fyrsti hópur þeirra út í næsta mánuði.

180 dauðsföll hér á landi árlega vegna mistaka á Landspítala-háskólasjúkrahúsi

Gera má ráð fyrir að um 180 dauðsföll eigi sér stað hér á landi árlega vegna mistaka á Landspítala-háskólasjúkrahúsi, samkvæmt niðurstöðum úr erlendum rannsóknum. Ágúst Ólafur Ágústsson, þingmaður Samfylkingarinnar, lagði fram þingsályktunartillögu á Alþingi í gær, þar sem lagt er til að gerð verði úttekt á öryggi og mistökum í heilbrigðiskerfinu.

Tuttugu ár frá kjarnorkuslysinu í Chernobyl í Úkraínu

Í dag er þess minnst að tuttugu ár eru frá kjarnorkuslysinu í Chernobyl í Úkraínu. Minningargöngur fóru fram víða um Úkraínu í gærkvöld og var klukkum hringt klukkan tuttugu og þrjár mínútur yfir eitt að staðartíma, sem er nákvæm tímasetning slyssins.

Ragnheiður Hergeirsdóttir ekki bæjarstjóraefni í Árborg

Ragnheiður Hergeirsdóttir oddviti Samfylkingarinnar í Árborg, ætlar ekki að verða við áskorunum um að bjóða sig fram sem bæjarstjóraefni í Árborg.

Varar Bush Bandaríkjaforseta við frekari árásum

Leiðtogi al Qaída í Írak, Abu Musab al-Zarqawi, kom óvænt fram á myndbandsupptöku í gær þar sem hann gagnrýndi nýju írösku stjórnina og varaði Bush, forseta Bandaríkjanna, við frekari árásum. Hann skoraði á Bush að segja þjóð sinni frá uppreisn og liðhlaupum í herafla Bandaríkjamanna í Írak, sem haldið væri leyndu.

Íslandspóstur byggir tíu ný pósthús

Íslandspóstur ætlar á næstu þremur árunum að byggja tíu ný pósthús á stöðum utan höfuðborgarsvæðsins. Forstjóri fyrirtækisins segir að þvert á spár hafi ekki dregið úr notkun hins hefðbundna bréfs.Staðirnir þar sem reisa á pósthúsin eru Akranes, Borgarnes, Stykkishólmur, Sauðárkrókur, Húsavík, Reyðarfjörður, Höfn, Hvolsvöllur, Selfoss og Vestmannaeyjar.

Hæg vestlæg átt á landinu öllu í dag

Það verður fremur hæg vestlæg átt á landinu öllu í dag, eitthvað sést til sólar víðast hvar á landinu og um að gera að fara að njóta sólskinsins núna því helgin verður líkast til vætusöm. Í dag verður hitinn á bilinu þrjú til níu stig en það stefnir allt í tveggja stafa hitatölur um helgina.

Heill séra Sigfúsi

Heill séra Sigfúsi, hann lengi lifi, var meðal annars hrópað að prestum, við setningu prestastefnu í Keflavíkurirkju undir kvöld í gærkvöldi.Þar var hópur fólks að mótmæla ráðningu séra Skúla Ólafssonar í stöðu sóknarprests í Keflavík, þrátt fyrir fjölda áskorana sóknarbarna um að séra Sigfús Ingvarsson yrði ráðinn.

Vilja að hækkanir taki strax gildi

Samtök fyrirtækja í heilbrigðisþjónustu ákváðu að hækka laun ófaglærðs starfsfólks á dvalar- og hjúkrunarheimilum eftir að það slitnaði upp úr viðræðum þeirra í dag. Talsmaður starfsmannanna segir þessa einhliða ákvörðun ekki eðlilega starfshætti og segir að hækkunin hefði strax átt að taka gildi.

Línuhönnun hlaut umhverfisverðlaunin Kuðunginn

Það eru hreinar línur hjá ráðgjafa- og verkfræðistofunni Línuhönnun en fyrirtækið hlaut í dag viðurkenningu umhverfisráðuneytisins, „Kuðunginn", fyrir að hafa umhverfissjónarmið að leiðarljósi í verkefnum sínum.

Myndband af al-Zarqawi í fyrsta sinn

Myndband sem virðist sýna Abu Musab al-Zarqawi, leiðtogi al-kaída í Írak, var birt á vefsíðu íslamskra öfgamanna í dag. Al-Zarqawi er sagður hafa lagt á ráðinu um mannskæðar árásir og morð í Írak. Fyrir vikið hefur jafnvirði tæpra tveggja milljarðar króna verið settir honum til höfuðs.

Unglingsdrengur handtekinn fyrir morð í Belgíu

Belgíska lögreglan hefur handtekið 16 ára unglingsdreng sem grunaður er um að hafa átt aðild að morði á 17 ára strák í Brussel fyrr í þessum mánuði. Strákurinn neitaði að láta þjófa hafa MP3 spilarinn sinn og galt fyrir það með lífi sínu.

Mótmæli við upphaf prestastefnu

Hópur fólks var samankomin við Keflavíkur fyrr í kvöld til að mótmæla ráðningu séra Sigðurs Ólafssonar í embætti sóknarprests í Keflavíkurprestakalli í stað séra Sigfúsar Ingvarssonar, prests í Keflavík. Það voru því óblíðar móttökur sem biskup, prófastar og prestar fengu þegar þeir gengu til messu í Keflavíkurkrikju en setning prestastefnunar fór fram í kirkjunni.

Allt að 180 dauðsföll vegna mistaka

Samkvæmt niðurstöðum úr erlendum rannsóknum má gera ráð fyrir að um 180 dauðsföll eigi sér stað hér á landi árlega vegna mistaka á Landspítala-háskólasjúkrahúsi, sé miðað við höfðatölu. Ágúst Ólafur Ágústsson, þingmaður Samfylkingarinnar, lagði fram þingmál á Alþingi í dag þar sem hann lagði til að gerð verði úttekt á öryggi og mistökum í heilbrigðiskerfinu.

Heimsótti þá sem særðir eru

Hosni Mubarak, Egyptalandsforseti, heimsótti fjölmarga þeirra sem nú liggja sárir á sjúkrahúsi eftir hryðjuverkaárás á strandbæinn Dahab í gær. Tíu hafa verið handteknir vegna árásarinnar en tuttugu og fjórir féllu og sextíu særðust.

Sakaðir um að hafa átt þátt í ódæðunum í Súdan

Öryggisráð Sameinuðu þjóðanna samþykkti í daga að frysta erlenda bankareikninga og eigur fjögurra Súdana auk þess hafa þeir verið settir í farbann. Mennirnir eru sakaðir um að hafa átt þátt í ódæðum sem framin voru í Darfur-héraði í Súdan.