Dæmdir fyrir líkamsárás

Þrír ungir karlmenn voru í dag fundnir sekir um líkamsárás. Þeir ruddust í heimildarleysi inn í eldhús Bautans á Akureyri í ágúst í fyrra þar sem tveir þeirra börðu einn starfsmann veitingastaðarins og annar þeirra tók starfsmanninn hálstaki.

Tíminn illa nýttur

Tíminn sem gafst til að aðlaga íslenskan vinnumarkað þeim breytingum sem fylgdu stækkun Evrópusambandsins til austurs var illa nýttur, segir stjórn Samiðnar.

Vísaði kröfu Símans frá dómi

Héraðsdómur Reykjavíkur hafnaði í dag kröfu Símans um staðfestingu lögbanns á því að Helgi Steinar Hermannsson ynni fyrir 365 miðla, sem reka meðal annars NFS. Lögbannið lagði Sýslumaðurinn í Reykjavík á Helga Steinar eftir að hann réði sig til starfa hjá 365 en hann vann áður hjá Skjá einum.

Aukin dreifing á íslenskum sjónvarpsrásum

365 prent- og ljósvakamiðlar og Síminn hafa náð samkomulagi um gagnkvæma dreifingu sjónvarpsefnis. Þar er kveðið á um að báðir aðilar dreifi íslenskum sjónvarpsrásum Digitals Íslands og Skjásins.

Meirihluti vill séra Skúla Sigurð

Meirihluti valnefndar í Keflavíkurprestakalli mælir með því að séra Skúli Sigurður Ólafsson verði næsti prestur í prestakallinu. Ekki náðist þó full samstaða um að mæla með séra Skúla Sigurði og því hefur málinu verið vísað til biskups Íslands.

Bílslys á Reykjanesbrautinni.

Maður var fluttur alvarlega slasaður á slysadeild Landspítalans á fimmta tímanum í dag eftir að jeppabifreið hans valt á Reykjanesbrautinni, rétt vestan við Grindavíkurafleggjarann. Orsök slyssins eru enn ókunn en ökumaðurinn var einn í bílnum og komu ekki aðrir bílar við sögu. Málið er í rannsókn.

Afhenti trúnaðarbréf sitt

Sturla Sigurjónsson sendiherra afhenti Dr. Abdul Kamal, forseta Indlands, trúnaðarbréf sitt í vikunni. Sturla er fyrsti íslenski sendiherrann sem hefur aðsetur á Indlandi.

Kjósa um sameiningu

Íbúar Þórshafnarhrepps og Skeggjastaðahrepps greiða á morgun atkvæði um sameiningu sveitarfélaganna. Verði sameiningin samþykkt verða sveitarfélögin sameinuð fyrir sveitarstjórnarkosningar undir lok næsta mánaðar. Þá verða sveitarfélög landsins orðin 79 talsins.

Fyrstu Frumkvöðlaverðlaun Icelandair veitt

Íslenskir fjallaleiðsögumenn hlutu í dag Frumkvöðlaverðlaun Icelandair fyrir hugmynd sína Gönguferðir á ís sem á að auðvelda ferðalöngum að komast í beina snertingu við ís.

Um 50 fórust í sprengjuárás

Um fimmtíu manns létu lífið í sprengjuáras á mosku sjía-múslima í Bagdad í morgun, rétt áður en föstudagsbænum lauk. Að minnsta kosti 45 manns til viðbótar særðust.

Kanna smit í fjórtán fuglum

Grunur leikur á að fjórtán ný fuglaflensutilfelli hafi komið upp í Skotlandi, en hinn banvæni stofn fuglaflensu greindist í fyrsta sinn í Bretlandi í gær. Öruggt þykir að fuglaflensa berist til Íslands á næstunni.

Markaðsráðandi fyrirtæki brjóti upp starfsemi sína

Skoða þarf hvort brjóta eigi upp markaðsráðandi fyrirtæki. Þetta segir forstjóri Samkeppniseftirlitsins en það hélt ráðstefnu í morgun á Hótel Nordica þar sem yfirskriftin var „Fákeppni í smærri hagkerfum".

Háskólinn í Reykjavík fer í Morgunblaðshúsið

Háskólinn í Reykjavík flytur hluta starfsemi sinnar í Morgunblaðshúsið í Kringlunni næsta sumar. Skólinn hefur leigt húsnæðið af Klasa, eiganda hússins, og notar það þar til nýtt hús Háskólans í Reykjavík í Vatnsmýri verður tekið í notkun árið 2009.

Heilbrigðisráðherra ræddi við fulltrúa starfsmanna

Heilbrigðisráðherra kom í heimsókn á Hrafnistu í Reykjavík með stuttum fyrirvara í morgun til að ræða við fulltrúa ófaglærðara starfsmanna. Eins og greint hefur verið frá í fjölmiðlum eru starfsmenn tíu hjúkrunar- og dvalarheimila á höfuðborgarsvæðinu og í Hveragerði í setuverkfalli til þess að mótmæla launakjörum sínum, en verkfallið hófst á miðnætti á fimmtudag.

Vilja kaupa Keflavíkurflugvöll

Þýsk og bresk félög, sem reka marga flugvelli víða um heim, og Flugstöð Leifs Eiríkssonar hf., hafa nú þegar sýnt áhuga á að kaupa Keflavíkurflugvöll þegar hann verður einkavæddur, eins og utanríkisráðherra boðar.

Mikilvægt að grípa í taumana til að ná verðbólgunni niður

Það verður að berja niður verðbólguna ef ekki á að fara illa segir framkvæmdastjóri Samtaka atvinnulífsins. Hann óttast að fólk sætti sig við fjögurra til fimm prósenta verðbólgu og að hún verði enn meiri í framhaldinu.

Spá enn 20 prósenta verðhækkun

Greiningardeild Glitnis spáir því að verðmæti hlutabréfa í fyrirtækjum í Úrvalsvísitölu Kauphallarinnar hækki um tuttugu prósent áður en árið er úti.

Tilvísanakerfi getur verið hættulegt

Stjórnir SÍBS og Hjartaheilla mótmæla því að sjúklingar þurfi að fá tilvísun frá heimilislækni til að fá endurgreiðslur vegna heimsóknar til hjartasérfræðings. Stjórnarmenn óttast að þetta geti stefnt öryggi hjartasjúklinga í hættu.

Dró úr hagvexti undir lok ársins

Heldur dró úr hagvexti á síðasta ársfjórðungi síðasta árs samkvæmt nýbirtum tölum frá Hagstofunni. Samkvæmt þeim var hagvöxtur 3,6 prósent síðustu þrjá mánuði ársins, en 4,6 prósent næsta ársfjórðung á undan og 8,8 prósent á öðrum fjórðungi ársins.

Vitni lýstu lífsreynslu sinni

Réttarhöld yfir al-Qaeda liðanum Zacaris Moussaoui héldu áfram í gær. En þá fóru fram vitnaleiðslur en Moussaoui er sá eini sem ákærður er fyrir hryðjuverkaársásirnar í Bandaríkjunum 11. september 2001.

Sjóræningjatogari við veiðar á Reykjaneshrygg

Svonefndur sjóræningjatogari, sem áhöfn flugvélar Landhelgisgæslunnar sá, rétt utan tvö hundruð mílnanna á Reykjaneshrygg fyrir viku, var þar enn þegar Gæslan flaug yfir svæðið í gær. Þar voru nú 16 erlendir togarar að karfaveiðum, eða fjórfalt fleiri en fyrir viku. Sjóræningjatogarinn er einn úr hópi erlendra togara, sem stundað hafa veiðar á þessu svæði, án veiðiheimilda.

Arfleiddi dýraverndunarsamtök um 58 milljónir króna

Dýraverndunarsamtök á Vestu-Sjálandi í Danmörku hafa fengið tæpar 58 milljónir íslenskra króna í arf frá gamalli konu sem lést á síðasta ári. Aase Asbo Preman bjó alein en maður hennar Erik Perman, sem var listamaður, lést fyrir mörgum árum.

Varað við ófærð víða á þjóðvegum

Vegagerðin varar við ófærð og stórhríð yfir Þverárfjall, á Siglufjarðarvegi, á milli Ólafsfjarðar og Akureyrar, til Grenivíkur og yfir Víkurskarðið. Hálka og skafrenningur er yfir Holtavörðuheiði. Mokstur er hafin á Norðaustur og Austurlandi.

Búlgari dæmdur í gæsluvarðhald

Héraðsdómur Austurlands dæmdi í gær 28 ára Búlgara í 30 daga fangelsi fyrir að framvísa fösluðu vegabréfi við komuna til Seyðisfjarðar með Norrænu á þriðjudaginn. Hann og samferðamaður hans höfðu verið úrskurðaðir í gæsluvarðhald, en samferðamanninum hefur verið sleppt. Mennirnir eru jafnframt grunaðir um innflutning á fíkniefnum, en ekki liggur fyrir hvernig rannsóknin á því stendur.

Ölvaður á ferð og nýkominn með bílpróf

Lögreglan á Akureyri stöðvaði ökumann við reglubundið eftirlit í nótt og reyndist hann vera ölvaður, sem er vart í frá sögu færandi, nema hvað hann er aðeins 17 ára og nýlega kominn með bílprófið. Hann missir það og getur þurft að bíða lengi eftir að fá það aftur, í ljósi aðstæðna.

Nokkrir festust í bíl sínum vegna veðurs

Þónokkrir ökumenn lentu í erfiðleikum við Eyjafjörð í gærkvöldi þegar þar gerði mikinn skafrenning svo vart sá út úr augum. Lögreglan á Akureyri og björgunarsveit aðstoðuðu nokkra ökumenn, sem komust hvorki lönd né strönd og bóndi söðlaði dráttarvél sína og hélt til aðstoðar við nokkra bíla á Ólafsfjarðarvegi.

Mikil flóð í norðurhluta Ástralíu

Hundruðir manna hafa þurft að flýja heimili sín í bænum Katrínu í Norðurfylki Ástralíu vegna mikilla monsúnrigninga sem hafa geysað þar síðustu daga. Víða hafa hús farið á kaf vegna flóðsins og talið er að tjónið nemi milljónum króna.

FL Group og Vífilfell undirbúa kaup á Refresco

FL Group og Vífilfell, sem meðal annars framleiðir Kók, eru að undirbúa kaup á hollenska drykkjarvöruframleiðandanum Refresco fyrir 44 milljarða króna, að því er Viðskiptablaðið greinir frá. KB banki mun að líkindum koma að kaupunum og verða hluthafi til að byrja með, að minnstakosti. FL Group á fyrir all stórann hlut í danska drykkjarvöruframleiðandanum Royal Unibrew.

Engan sakaði í óveðrinu á Austfjörðum

Stórhríð og hvassviðri geysuðu á Austfjörðum langt fram á kvöld með mikilli ófærð og urðu vegagerðarmenn að hætta við mokstur, því snjó skóf jafn harðann í ruðningana. Björgunarsveitarmenn þurftu hvað eftir annað að aðstoða fólk í föstum bílum, einkum í Oddsskarði, en engan sakaði. Veður hefur lægt í nótt og liggur nú fyrir vegagerðarmönnum að ryðja Oddskarð, Fagradal og fjarðarheiði, auk þess að hreinsa aðra vegi þar sem þæfingur er.

Skotar reyna að sporna við útbreiðslu fuglaflensunnar

Ýmsar hömlur hafa verið setttar á flutning alifugla í austurhluta Skotlands eftir að banvænn stofn fuglaflensu greindist þar í svani. Skotar reyna nú allt hvað þeir geta til þess að koma í veg fyrir að fuglaflensan breiðist út.

Engar heildarreglur um lágmarksaðbúnað aldraðra

Engar heildarreglur gilda um lágmarksaðbúnað aldraðra á dvalar- og hjúkrunarheimilum. Félag eldri borgara segir þetta ótækt.

Sektað í stæðum fatlaðra

Bráðlega verður farið að sekta ökumenn sem leggja í stæði fyrir fatlaða án þess að eiga þangað erindi ef frumvarp þessa efnis nær fram að ganga. Valdimar Leó Friðriksson, þingmaður Samfylkingar, vill að sektirnar verði tiltölulega háar til þess að ökumenn sem einu sinni brenni sig á þeim geri þau mistök ekki aftur.

Kjarasamningar í uppnámi seinna á árinu

Kjarasamningar verða í uppnámi þegar líður á árið að mati Alþýðusambands Íslands ef spá hagdeildar ASÍ gengur eftir. Spáin gerir ráð fyrir að hagvöxtur verði 4,3 prósent á þessu ári og 3,1 prósent á því næsta sem er rúmu prósentustigi minna en árið 2005 en þá var hagvöxtur 5,5 prósent. Verðbólguspáin er þó dökk en hagdeild ASÍ gerir ráð fyrir 4,8 prósenta verðbólgu í ár og 4,2 prósenta verðbólgu á næsta ári.

MA sigraði í Gettu betur í kvöld

Menntaskólinn á Akureyri sigraði spurningakeppnina Gettu betur nú í kvöld með 34 stigum á móti 22 stigum Verslunarskóla Íslands. MA hefur ekki sigrað keppnina síðan 1992.

Dagur B. Eggertsson leiðir lista Samfylkingarinnar

Framboðslisti Samfylkingarinnar og óháðra vegna borgarstjórnarkosninga í Reykjavík var samþykktur á fundi fulltrúaráðs flokksins í kvöld.

Menningarverðlaun DV voru afhent í dag

Menningarverðlaun DV voru afhent á Hótel Borg í dag. Í flokki fræða fengu Hjörleifur Guttormsson og Sigurður Blöndal verðlaun fyrir ritið Hallormsstaður í Skógum.

Stórhríð á austfjörðum og ófærð

Enn er stórhríð á austfjörðum og ófærð. Búið er að aflýsa mokstri á Fjarðarheiði, Fagradal og Oddsskarði. Jeppafært er á milli Eskifjarðar og Reyðarfjarðar en þæfingur frá Reyðarfirði suður með fjörðum. Stórhríð er milli Vopnafjarðar og Þórshafnar. Fært er frá Egilsstöðum norður yfir fjöll en þar er þó slæmt ferðaveður, hvasst og skyggni lítið.

Reykjavíkurborg stefndi stóru olíufélögunum í morgun

Reykjavíkurborg stefndi stóru olíufélögunum í morgun og vill fá 160 milljónir króna í skaðabætur auk dráttarvaxta, fyrir ólögmætt verðsamráð.

Viðbúnaðarstig tvö vegna fuglaflensu tekið gildi hér á landi

Viðbúnaðarstig tvö vegna fuglaflensu hefur tekið gildi hér á landi eftir að banvænn stofn flensunnar greindist í svani í Skotlandi. Miklar líkur eru á að flensan berist hingað til lands með farfuglunum í vor.

Ekki ástæða til að rannsaka fangaflug

Utanríkisráðherra segir ástæðulaust að ætla að landhelgi Íslands hafi verið notuð til að fremja mannréttindabrot. Þetta segir hann þrátt fyrir að Amnesty International telji að Keflavíkurflugvöllur hafi verið notaður í tengslum við leynilegt fangaflug CIA.

Vill selja Keflavíkurflugvöll

Utanríkisráðherra vill stefna að því að selja rekstur Keflavíkurflugvallar. Þetta kom fram þegar ráðherra kynnti skýrslu um utanríkismál á Alþingi í dag. Formaður Samfylkingarinnar sagði í sömu umræðum að það yrði hennar verkefni að útfæra stefnuna í utanríkis- og alþjóðamálum - í næstu ríkisstjórn.

Heyrnarlausir geta nú sent 112 SMS

Heyrnarlausum, heyrnarskertum og öðrum sem eiga erfitt með að tala býðst nú að senda neyðarboð til Neyðarlínunnar, 112 með SMS-skilaboðum. Þjónustan var þróuð í samvinnu við Öryrkjabandalag Íslands og hafa neyðarverðir fengið nauðsynlega þjálfun til þess að bregðast við neyðarbeiðnum sem berast með þessum hætti.

Dæmdur fyrir kynferðisbrot gegn 3 stúlkum

Hæstiréttur mildaði dóm Héraðsdóms sem hafði dæmt karlmann í tveggja ára fangelsi fyrir að hafa tælt þrjár ungar stúlkur til samræðis við sig og annarra kynferðismaka.

Stefna að því að einkafyrirtæki reki Keflavíkurflugvöll

Utanríkisráðherra telur rétt að stefna að því að einkafyrirtæki annist rekstur Keflavíkurflugvallar og félagið verði síðan einkavætt í framhaldinu. Hann telur ekki þörf á rannsókn hér á landi vegna uppljóstrana í skýrslu Amnesty International um fangaflug Bandaríkjamanna.

Reykjavíkurborg krefst 160 milljóna í skaðabætur

Reykjavíkurborg stefndi olíufélögunum í morgun og vill fá 160 milljónir króna í skaðabætur auk dráttarvaxta, fyrir ólögmætt verðsamráð. Neytendasamtökin hafa þegar stefnt olíufélögunum og Alcan í Straumsvík, Ríkissjóður og Vestmannaeyjabær eru að kanna hvort þau höfði einnig skaðabótamál