Sinubruna má líkja við hamfarir

Sinubruna eins og varð á Mýrum má líkja við hamfarir að mati sérfræðings. Lífríki undir sinunni skaðast einnig en allt að hundrað þúsund smádýr hafa við á hverjum fermetra lands.

Óvenjulegir farþegar með Norrænu

Það voru heldur óvenjulegir farþegar sem komu með Norrænu til Færeyja í dag eða 3200 hænur sem sendar voru með skipinu frá Danmörku. Hænurnar sem eru fimmtán vikna gamlar munu búa á Velbastað eggjabúinu en gert er ráð fyrir að þær fari að verpa um páska. Eftir ellefu mánuði verða hænurnar svo sjósettar á ný með Norrænu en þá verða þær senda til slátrunar í Danmörku.

Viðbótarstækkun Norðuráls á Grundartanga verður flýtt

Ákveðið hefur verið að flýta viðbótarstækkun Norðuráls á Grundartanga en verkefnið mun auka framleiðslugetu álversins úr 220.000 tonnum á ári í 260.000 tonn.

Óttast ekki andstöðu við frumvarpið

Valgerður Sverrisdóttir iðnaðarráðherra segist bjartsýn á að frumvarp hennar um stofnun Nýsköpunarmiðstöðvar verði að lögum núna í vor. Þetta segir hún þrátt fyrir að allir fulltrúar Sjálfstæðisflokksins í iðnaðarnefnd Alþingis geri athugasemdir við frumvarpið.

Maður féll af hestbaki austan við Selfoss

Maður féll af hestbaki austan við Selfoss í dag. Hann var fluttur á slysadeild Landspítala- háskólasjúkrahúss til rannsókna en ekki er vitað með líðan hans. Þá valt bíll í Flóanum um áttaleitið í morgun en ökumaður sem var einn í bílnum var fluttur á Heilbrigðisstofnun Suðurlands til aðhlynningar.

Ástand baðvatns lakara í fyrra en árin tvö á undan

Ástand baðvatns í sundlaugum og heitum pottum á landinu var slakara í fyrra en árin tvö á undan. Þetta kemur fram í ársskýrslu Umhverfisstofnunar.

Harður árekstur á Laugarvatnsvegi

Árekstur varð milli sendiferðarbíls og vörubíls á Laugarvatnsvegi rétt fyrir klukkan tvö í dag. Tildrög slyssins eru óljós en vörubíllinn valt út fyrir vef og beita þurfti klippum til að ná ökumanninum út.

Eldur í íbúðarhúsi að Hallgilsstöðum í Fnjóskadal

Allt tiltækt slökkvilið á Akureyri og í Þingeyjarsveit er nú á bænum Hallgilsstöðum í Fnjóskadal þar sem íbúðarhús stendur í ljósum logum. Að sögn lögreglunnar á Húsavík er húsið alelda og litlar líkur taldar á að hægt verði að bjarga munum úr því. Enginn var inni í húsinu þegar eldurinn kom upp og ekki er vitað hver eldsupptökin voru.

Íslenska Reyka vodkað söluhæsta vodkategundin í Fríhöfninni

Íslenska Reyka vodkað var söluhæsta vodkategundin í Fríhöfninni í Flugstöð Leifs Eiríkssonar í febrúarmánuði. Aldrei hefur nokkur vodkategund selst eins vel í Fríhöfninni og á svona stuttum tíma.

Keyrt á stúlku við Dunhaga

Keyrt var á stúlku í Dunhaga við Hagaskóla á níunda tímanum í morgun. Stúlkan, sem er fædd árið 1991, fór sjálf til skólahjúkrunarfræðings en hún var með áverka á höfði og hné. Stúlkan var síðan flutt á slysadeild til skoðunnar en ekki er vitað um líðan hennar.

Bandaríkjamenn hefja niðurrif í vikunni

Fjölmennt lið Bandaríkjamanna, sem er sérþjálfað í niðurrifi herstöðva, kemur hingað til lands í vikunni til að rífa niður stjórnstöðvar hersins og fleira. Samkvæmt heimildum fréttastofunnar er um að ræða allt að 200 manna lið, sem meðal annars mun rífa niður tvær af þremur stjórnstöðvum hersins á Keflavíkurflugvelli.

Bjartsýn á að frumvarpið verði að lögum

Valgerður Sverrisdóttir iðnaðarráðherra segist bjartsýn á að frumvarp hennar um Nýsköpunarmiðstöð verði að lögum í vor. Þetta sagði hún í fyrirspurnatíma á Alþingi í dag. Valgerður svaraði þá fyrirspurn Jóhanns Ársælssonar, þingmanns Samfylkingar, sem taldi að hún hefði stefnt í voða samkomulagi sem hafi verið að myndast um byggðastefnu.

Tveir ökumenn mældust á 155 og 150 km hraða

Tveir ökumenn mældust á 155 og 150 km hraða á Suðurlandsvegi í vikunni en þar er 90 km hámarkshraði. Þá voru fimm aðrir ökumenn einnig stöðvaðir fyrir of hraðan akstur á sömu slóðum. Þá valt jeppi á Sólheimaheiði. Ökumaður hans hlaut höfuðmeiðsl og var fluttur með sjúkrabifreið til Reykjavíkur. Bíll hans er ónýtur eftir veltuna.

Herflugvél með sautján manns um borð brotlenti

Flugvél með sautján manns um borð brotlenti nærri herflugvelli í Dover í Bandaríkjunum fyrr í dag. Ekki hefur enn verið staðfest hvort og þá hversu margir létu lífið.

Icelandair Cargo tekur fjórðu fraktvélina í notkun

Icelandair Cargo, dótturfélag Icelandair Group, fékk fjórðu Boeing 757-200 fraktvél félagsins til landsins um helgina. Flugvélin er leigð til sex ára en henni var breytt úr farþegarflugvél í Bandaríkjunum.

Börn þvinguð til herþjónustu í Nepal

Mannréttindasamtökin Human Rights Watch eða Mannréttindavaktin sakar uppreisnarmenn maóista, sem berjast fyrir sósíalísku ríki í Nepal, um að ræna börnum og þvinga þau til herþjónustu.

Forsætisráðherra í opinbera heimsókn til Færeyja

Halldór Ásgrímsson forsætisráðherra heldur til Færeyja næstkomandi miðvikudag í opinbera heimsókn í boði þarlendra yfirvalda. Forsætisráðherra fer fyrir fjölmennri viðskiptanefnd til Færeyja og er mikill áhugi er sagður vera fyrir ferðinni hjá forsvarsmönnum íslensks atvinnulífs.

Mikið um umferðarlagabrot

Frá hádegi á föstudaginn til mánudagsmorguns hafði lögreglan í umdæmi Álftaness, Garðabæ og Hafnarfirði afskipti af 48 ökumönnum vegna brota á umferðarlögum. Þar af voru 29 ökumenn kærðir fyrir hraðakstur og fimm ökumenn voru stöðvaðir vegna gruns um ölvun við akstur. Þá voru fimm umferðaróhöpp tilkynnt um heldina en þau voru öll slysalaus.

Kærum vegna ölvunar á almannafæri fjölgar á Selfossi

Kærum vegna ölvunnar á almannafæri hefur fjölgað upp á síðkastið hjá Lögreglunni á Selfossi. Þá hefur kærum þar sem menn ólhlýðnast fyrirmælum lögreglu einnig fjölgað en eitt slíkt mál kom upp á Selfossi aðfaranótt sunnudags þar sem maður hafði í frammi ósæmilega hegðun og sló til lögreglumanns.

Stefnir í setuverkfall í vikunni

Ekkert hefur þokast í kjarabaráttu ófaglærðs starfsfólks á dvalarheimilum aldraðra. Það stefnir því allt í tveggja sólarhringa setuverkfall síðar í vikunni.

Bæjarstjórn Borgarbyggðar þakkar góða framgöngu í slökkvistarfi

Bæjarstjórn Borgarbyggðar þakkar öllum þeim sem komu að slökkvistarfi á Mýrum fyrir ósérhlífni og ómetanlega framgöngu. Í fréttatilkynningu frá Bæjarstjórn Borgarbyggðar segir að með öflugri framgöngu og góðu samstarfi slökkviliða, lögreglu, ýmissa aðila sem buðu fram aðstoð sína og ekki síst íbúa í héraðinu tókst að ráða niðurlögum eldsins.

Fjórtán létu lífið í hvirfilbyljum

Að minnsta kosti fjórtán hafa látist í hvirfilbyljum í Bandaríkjunum í gær og í dag. Óttast er að fleiri kunni að finnast látnir.

Hundruðir yfirgefa heimili sín

Hundruð manna hafa þurft að yfirgefa heimili sín eftir að stífla gaf sig í bænum Duernkrut í Austurríki. En stíflan er í ánni March sem er við landamæri Austurríkis og Slóvakíu. Stíflan gaf sig í nótt eftir mikla vatnavexti. Vatn umlykur um helming bæjarins Duernkurt en fjöldi manna vinnur að björgunarstarfi.

Hvetja Íraka til að mynda starfhæfa ríkisstjórn

Condolezza Rice, utanríkisráðherra Bandaríkjanna, og Jack Straw, utanríkisráðherra Bretlands, hvöttu Íraka til þess að mynda starfhæfa ríkisstjórn sem fyrst en þau eru nú stödd í Írak. Andstaða gegn Íraksstríðinu magnast í Bandaríkjunum.

Frumvarp Valgerðar varla afgreitt úr nefnd

Afar ólíklegt er að frumvarp iðnaðarráðherra um Nýsköpunarmiðstöð Íslands verði afgreitt úr iðnaðarnefnd Alþingis, segir þingmaður Sjálfstæðisflokks. Allir sjálfstæðismennirnir í nefndinni gera athugasemdir við frumvarpið.

Mál dómara gegn ríkinu þingfest í vikunni

Mál Guðjóns St. Marteinssonar héraðsdómara við Héraðsdóm Reykjavíkur gegn íslenska ríkinu verður þingfest síðar í vikunni. Guðjón ákvað að höfða mál þegar úrskurður Kjaradóms um laun stjórnmála- og embættismanna var numinn úr gildi með lögum.

Icelandic Group kaupir allt hlutafé í Saltur A/S

Icelandic Group hefur keypt allt hlutafé í Saltur A/S í Danmörku, sem á allt hlutafé í Jeka Fish A/S í Danmörku. Jeka Fish gekk nýlega frá kaupum á félaginu Atlantic Cod A/S. Kaupverðið er greitt með nýju hlutafé í Icelandic Group að nafnverði 135 milljónir króna.

Eldur á BUGL

Slökkvilið höfuðborgarsvæðisins var kallað út vegna elds á Barna- og unglingageðdeild Landspítalans við Dalbraut um klukkan hálf ellefu í morgun. Kveikt hafði verið í handþurrkum á baðherbergi í kjallara hússins. Fjórir reykkafarar fóru inn í húsið og gekk þeim greiðlega að slökkva eldinn.

Sven Dam skipaður forstjóri Media Scandinavia

Sven Dam var skipaður forstjóri og varastjórnarformaður 365 Media Scandinavia A/S í gær. Félagið er í eigu Dagsbrúnar hf. Dam mun bera ábyrgð á uppbyggingu fjölmiðlastarfsemi 365 Media Scandinavia A/S í Danmörku samhliða því að kanna ný viðskiptatækifæri á sviði fjölmiðlunar á Norðurlöndunum.

Þriðjungs hækkun milli ára

Verð íbúðarhúsnæðis á höfuðborgarsvæðinu hækkaði hækkaði tvöfalt meira á hvern fermetra milli áranna 2004 og 2005 en það gerði á Norðurlandi eystra þar sem hækkunin var minnst.

Forseta Litháen afhent trúnaðarbréf

Hannes Heimisson, sendiherra, afhenti þann 23. mars Valdas Adamkus, forseta Litháen, trúnaðarbréf sitt sem sendiherra Íslands gagnvart Litháen, með aðsetri í Helsinki.

Rúmlega árslaun í hærri vaxtagreiðslur

Vaxtahækkanir Íbúðalánasjóðs að undanförnu hafa í för með sér að lántakendur þurfa að greiða rúmlega einum árslaunum meira í vexti á lánstímanum en fyrir fáeinum mánuðum síðan, segir Kristinn H. Gunnarsson, þingmaður Framsóknarflokksins.

Íbúar í Reykjanesbæ greiða lægstu fasteignaskattana

Tekjur af fasteignasköttum á hvern íbúa eru lægstar í Reykjanesbæ samkvæmt útreikningum ASÍ. Greint er frá þessu á heimasíðu Reykjanesbæjar. Samanburður ASÍ nær til átta stærstu sveitafélaga landsins og borin voru saman árin 2003 til 2006.

Tuttugu manns fórust í sprengingu í Kína

Að minnsta kosti tuttugu létu lífið og níu er saknað eftir að sprenging varð í sprengiefnaverksmiðju í Kína. Tugir björgunarsveitarmanna reyna nú að ná til þeirra sem enn eru inni í rústum hússins. Verksmiðjan er í borginni Zhaoyuan í austurhluta Kína.

Nefnd sex ráðuneyta um Vatnsmýri

Forsætisráðherra hefur skipað nefnd til að samræma hugmyndir um framtíðarstaðsetningu háskóla- og rannsóknastofnana ríkisins á Vatnsmýrarsvæði. Meðal stofnana sem gætu fengið aðstöðu í Vatnsmýrinni eru Matvælarannsóknir og rannsóknahluti Nýsköpunarmiðstöðvar Íslands.

Banaslys við Kárahnjúka

Banaslys varð við Kárahnjúka á áttunda tímanum í gærkvöldi þegar grafa valt. Samkvæmt fyrstu upplýsingum var maðurinn íslenskur og starfsmaður Suðurverks. Slysið varð við Desjárstíflu en þetta er þriðja banaslysið við virkjunarframkvæmdirnar. Ekki liggur fyrir með hvaða hætti slysið varð.

Um 30.000 manns á sýningunni Matur 2006

Talið er að um 30.000 manns hafi lagt leið sína á sýninguna Matur 2006 í Fífunni um helgina. Fjölmörg fyritæki kynntu þar þjónustu sína auk þess sem þar voru haldnar hinar ýmsu keppnir.

Sprunga í framrúðu

Breiðþotu af gerðinni Boeing 767 frá flugfélaginu Max Jeat, á leið frá London til New York, var lent á Keflavíkurflugvelli í gærdag eftir að sprunga myndaðist í ytra byrði einnar framrúðu vélarinnar þegar hún var stödd skammt frá landinu. Flugmennirnir lækkuðu þegar flugið og lentu heilu og höldnu. Ekki var talið hættuástand um borð og var því ekki gripið til sérstakra ráðstafana á vellinum. Vél frá sama félagi sótti farþegana til Keflavíkur í gærkvöldi, en gert verður biluðu vélina hér.

Jóhannesar Páls páfa minnst

Tugir þúsunda manna söfnuðust saman við Vatíkanið í Róm í gærkvöldi til að minnast þess að ár er liðið frá því Jóhannes Páll páfi annar féll frá. Fólkið kveikti á kertum og bað fyrir páfa.

Sinueldar á Stokkseyri

Sinueldur gaus upp vestan við Stokkseyri um tvöleitið í nótt og var slökkviliðið á Selfossi þegar hvatt á vettavng. Ráðist var gegn eldinum af mikilli einurð til þess að hann næði ekki útbreiðslu, enda hafa sunnlendingar verið kvíðnir síðustu dagana um að eins gæti farið á Suðurlandi og í Borgarflirði. Slökkvistarfið gekk vel og bíða sunnlendingar nú átekta eftir að úrkoma fari að falla síðdegis í dag

Stangveiði fer vel af stað

Stangveiðin fór vel af stað austur í Skaftafellssýslum um helgina þótt ísrek væri víða í ám og lækjum og að veiðimenn þyrftu sumstaðar að brjóta ís til að kom færum sínum í vatn. Tungulækur tók mjög vel við sér og gaf vel á annað hundrað fiska um helgina.

Erfitt gæti reynst að mynda ríkisstjórn í Taílandi

Erfitt gæti reynst að mynda starfhæfa ríkisstjórn í Taílandi en þingkosningar fóru fram í landinu í gær. Stjórnarandstaðan í landinu og fylgismenn hennar skiluðu auðu í kosningunum til að leggja áherslu á óánægju sína.

Grunur leikur á íkveikju

Eldur var kveiktur í rusli við hlið iðnaðar- og verslunarhúss við Fossaleyni uppúr klukkan eitt í nótt en slökkvilið náði að slökkva hann áður en hann næði að læsa sig í húsið. Nokkrum minútum síðar var tilkynnt um eld í stigagangi fjölbýlishúss þar skammt frá og gekk greiðlega að slökkva hann. Grunur leikur á að þar hafi eldfimur vökvi verið notaður til að glæða eldinn.

Eins hreyfils véll rann út af flugbrautinni

Lítilli eins hreyfils flugvél hlekktist á í lendingu á Reykjavíkurflugvelli um klukkan tíu í gærkvöldi með þeim afleilðingujm að húnn rann út af flugbrautinni og lenti þar á rafmagnskassa. Flugmanninn sakaði ekki en bæða flugvélin og rafmagnskassin eru skemmd. Ekki liggur fyrir hvers vegna flugmaðurinn missti sjtórn á vélinni.

Engin slys á fólki

Fjögurra sæta flugvél af gerðinni Cherokee nauðlenti á túni við bæinn Víði við Þingvallaveg í Mosfellsdal um klukkan 20:20 í kvöld. Þrír farþegar voru í flugvélinni en engan sakaði.