Engin slys á fólki

Fjögurra sæta flugvél af gerðinni Cherokee nauðlenti á túni við bæinn Víði við Þingvallaveg í Mosfellsdal um klukkan 20:20 í kvöld. Þrír farþegar voru í flugvélinni en engan sakaði.

Vélin sem er eins hreyfils og ber einkennisstafina TF-BOY var að koma frá Vestmannaeyjum á leið til Reykjavíkur. Gangtruflanir í vélinni urðu til þess að flugmaðurinn sá þann kost bestan að lenda vélinni en í lendingunni brotnaði nefhjól vélarinnar.  Samkvæmt upplýsingum frá Slökkviliði höfuðborgarsvæðisins voru allir farþegar flugvélarinnar fluttir á slysadeild til skoðunar en þeir voru lítið sem ekkert slasaðir.