Áhöfn Sólbaks svarar fyrir sig

Áhöfnin á Sólbaki sakar verkalýðsforingja sína um að draga sig niður í svaðið með harðri gagnrýni á samning hennar við útgerðarfélagið Brim. Áhöfnin telur sig og útgerðina hagnast á stofnun einkahlutafélags um rekstur togarans, en Sjómannasambandið álítur samninginn grafa undan verkalýðshreyfingunni. Í sama streng tekur miðstjórn Alþýðusambands Íslands í dag. Hún segir óþolandi að forsvarsmaður Brims beiti ofríki til að fá sjómenn að semja sig frá kjarasamningum og átelur jafnframt Landssamband útvegsmanna fyrir að blessa gjörninginn.