Skemmdir á Ólafsfirði

Tuttugu íbúðarhús og lítil virkjun skemmdust í flóðunum á Ólafsfirði í gær. Endanlegt tjón liggur þó ekki ljóst fyrir. Það hefur að mestu stytt upp á Ólafsfirði nú, eftir úrhelli í gær, en þó rigndi fram yfir hádegi. Vegir hafa víða skemmst vegna flóða. Bæjarstarfsmenn hafa haft nóg að gera við að bjarga verðmætum í gær og í dag. Tuttugu íbúðarhús eru talsvert skemmd og einkavirkjun í Burstabrekkudal varð einnig fyrir skemmdum þegar stífla gaf sig. Aurskriður féllu í Klifinu á Ólafsfjarðarvegi í gær en hann var opinn fyrir umferð í morgun. Vegna vinnu við ræsi var gerð hjáleið ofan við skemmdirnar. Vegurinn vestan við Lágheiði hefur verið ófær og hafa menn þurft að aka flugbrautina og áfram vestari veginn til að komast leiðar sinnar uppá Lágheiði