Hóta að kæra bensínstöðvar

Bensínverð á Akureyri reyndist lægst hjá Orkunni í verðkönnun sem neytendasamtökin gerðu 16. september. Þar kostaði lítrinn af 95 oktana bensíni 105,50 krónur. Í könnuninni reyndist lítrinn dýrastur á stöðvum Esso og Skeljungs 107,10 krónur. Um var að ræða sjálfsafgreiðsluverð. Þá könnuðu Neytendasamtökin verðmerkingar á bensínstöðvum. Niðurstaðan var sú, að Esso og Olís væru með villandi merkingar á stöðvum sínum. Fara samtökin þess á leit við félögin að þær verði fjarlægðar hið fyrsta, ella muni þau kæra þau olíufélög til Samkeppnisstofnunar sem fari ekki að settum reglum.