Aðal­steinn gefur kost á sér í oddvitasæti og fer í leyfi

Í fréttatilkynningu þess efnis frá Aðalsteini segir að hann hafi víðtæka reynslu úr stjórnsýslu, alþjóðamálum og akademíu. Hann hafi meðal annars gegnt embætti ríkissáttasemjara, verið lektor og leitt MBA-námið í Háskólanum í Reykjavík auk þess að starfa sem skrifstofustjóri hjá EFTA í Genf og Brussel.

Hann hafi jafnframt tekið þátt í fjölmörgum umbótaverkefnum í gegnum tíðina, til dæmis sem stjórnarformaður Fjármálaeftirlitisins eftir efnhagshrunið og í faglegri stjórn sem tók þátt í að snúa rekstri Orkuveitu Reykjavíkur til betri vegar.

„Það er sterkt ákall um breytingar í Reykjavík með áherslu á grunnþjónustu. Við þurfum að til í rekstri og setja meiri áherslu á grunn- og leikskóla sem og skipulags- og húsnæðismál. Við getum gert svo mikið betur,“ segir hann.

Leiðtogaprófkjör Viðreisnar fer fram 31. janúar næstkomandi og er opið öllum íbúum Reykjavíkur, sem hafa verið skráðir í flokkinn tvo daga fyrir prófkjörið.