Gefa út lit­lausa við­vörun

Tilkynningin birtist í haus undir efnisflipum á vef Veðurstofunnar. Athygli vekur að kort yfir viðvaranir er autt, það er að þetta er ekki litakóðuð viðvörun heldur litlaus. 

Í hugleiðingum veðurfræðings segir að hæðin yfir Grænlandi haldi velli eins og undanfarna daga og lægðir suður í hafi haldi fremur mildri austan- og norðaustanátt að landinu. Í dag hafi úrkoman verið bundin við austanvert landið og hiti komst hæst í ellefu stig í Skaftafelli.

Á morgun má búast við allhvössum vindi norðvestantil og hvassviðri syðst á landinu, en hægari annars staðar. Lengst af þurrt á Vesturlandi, annars dálítil rigning eða slydda öðru hverju.